ماحدش عارف الخير فين - تأمل أبونا داود لمعي

تداريب روحية لإقتناء السلام أبونا داود لمعي

ممكن أعيش في سلام - تأمل أبونا داود لمعي

بتستر عليّ حتى وانا وحش
حبيب الرب يسكن لديه آمناً يستره طول النهار وبين منكبيه يسكن .. كلنا نأخذ لقب حبيب ربنا وكلنا نأخذ هذا اللقب في العهد الجديد لا أعود اسميكم عبيد بل أحباء.. كان البابا كيرلس يقول للناس يا حبيب أبوك.. حبيب ربنا ده لقب جميل يلقب بيه كل مسيحي انت حبيب ربنا.. يسكن لديه آمنا دايما ساكن في أمان.. بين منكبيه يسكن دايماً متعلق في رقبته.. زي طفل صغير على كتفه.. في آية بتقول بالنهار يوصي الرب رحمته يعني ربنا موصي الرحمة عليا طول النهار.. يعني الواحد يبقى ماشي ملخبط انما ربنا متوصي بيه ملاحقة بالرحمة والستر.. 
كلمة الستر احنا مش بنركز فيها مع اننا كل يوم نقولها في صلاة الشكر لأنه سترنا.. 
الستر من المصائب ممكن تيجي مصايب في لحظة مالهاش ميعاد لكن كتير عدت أيام على خير حسيت ان ربنا ساتر عليك؟ الأيام اللي بتعدي على خير مش عادي ده ستر من ربنا.. الستر من الحوادث عدى اليوم على خير عليك.. 
المزمور يقول يسقط على يسارك ألوف وعلى يمينك ربوات بل بعينيك تتأمل دي ناقصانا احنا مش بناخد بالنا ليه ان احنا مستورين ليه بتقول اشكرك لأنك سترتنا مش من قلبك
من جميع الشدائد نجيتني ممكن واحد يقول ربنا ما بيمنعش ان تحصل حاجة وحشة أو حتى الموت ربنا ممكن يسمح بحاجة توجعك لكن مش ممكن حاجة تضيع أبديتك أو تضيع خلاصك لا يمكن يسمح بكده ربنا..
الستر من الخطايا ربنا بيستر عليك عشان ما تغلطش ربنا لو رفع ايده ممكن نعمل خطايا أضعاف اللي بنعملها ساعات نحس ان احنا اتحسنا لكن الحقيقة ان ربنا حاطط ايده عشان ما نغلطش لو رفع ايده هتلخبط وتغلط ربنا يمكن رفع إيده عن داود ليلة بسبب كبرياء ليلة عمل فيها كل الخطايا اللي معملهاش طول حياته زنى وعش ومؤامرات وكذب وقتل.. الواحد لما يعدي اليوم على خير بأقل خطايا يقول اشكرك لأنك سترتني من خطيتي آنا عارف انك لو سيبتني كنت غضبت وأدنت واخدت قرارات غلط .. في حد يعدي شبابه مستور من الشهوات طيب بتشكر ان ربنا ستر عليك من شهوة ردية مالية الدنيا ولا لما تسمع عن الناس اللي بتغلط بتدين انت لولا ستر ربنا كنت عملت اكتر من كده.. 
الستر في ان يوم ما تغلط يستر عليك في ان الناس ما تاخدش بالها ساعات يطلع كلام وحش وتصرفات غلط وافكار شريرة لكن ربنا يستر عليك في ان الناس ما تاخدش بالها.. فتبان قدام الناس انك انسان كويس ما بتغلطش لسانك عفيف اعمالك تقية واللي جواك مستور طول النهار ربنا عمال يحلق علينا ويستر يخبي احسن حد ياخد باله تقول كلمة زيادة يلمها عشان ما تعملش مشكلة تسرح في افكار غلط يلمه احسن حد ياخد باله بيلم ورا ولاده زي تعبير اللي قاله المسيح عن الستر كام مرة اردت ان اجمع اولادك كما تجمع الدجاجة فراخها تحت جناحيها الكتاكيت تستخبي تحت الجناح..
يقول المزمور لأنه اخفاني في خيمته في يوم شدتي سترني في ستر مظلته.. سترني لأني كان ممكن اغلط لكن أنا ما غلطش.. مجرد اصرخ إليك الاقيك تستر عليّ
ويقول المزمور احفظني يارب لأني عليك توكلت قلت للرب انت ربي لا تحتاج إلى صلاحي.. تعبير جميل في صلاة باكر مش معناه اني هبطل امشي صح لكن عايز يقول يارب ما تستناش اني ابقى كويس انت مش محتاج اني اكون كويس عمري ما هكون كويس فاستر حتى لو انا وحش انا متكل عليك يارب مش عشان أنا كويس لأنك انت كويس امسك في وعد ربنا حبيب الرب يسكن لديه آمناً..

يستره طول النهار - تأمل أبونا داود لمعي

من أنت أيها الجبل العظيم أمام زربابل.. لما يبقى في حياتنا جبال مشكلة معقدة حالة مستعصية زمان ضيق شديد أو تجارب أول شعور يشعر به الإنسان الخوف والحيرة أعمل إيه.. اليأس.. الغضب.. ليه يارب كده.. الشك هو ربنا ضابط الكل طيب سمح بالتجربة ليه طيب ما صلينا ما استجابش ليه.. زربابل كان بيصلي وربنا بيكلمه هذه كلمة الرب إلى زربابل لا بالقدرة ولا بالقوة لكن بروحي رب الجنود.. الجبل صار سهلاً لأنه عايز بالمبدأ ده لا بالفلوس ولا بشر ولا محامي ولا واسطة ولا سفر لما تتكل على ربنا بس وتشطب على كل القوة البشرية هيخرج حجر الزاوية يشتغل ربنا.. هل ممكن الواحد يوقف المساعي البشرية ويزود الصلاة المشكلة ان احنا بنمشي في الطريقين ربنا مايحبش انك تتكل على حاجة غيره لما تكفر بالقدرة والقوة البشرية ربنا يشتغل طول ما انت متكل على الوسايط والعلاقات والخبرات والعلم وأي شئ بشري ربنا ما يتدخلش وقف الحسابات والتفكير وعلى فهمك لا تعتمد وقوله مفيش غيرك وانت الحل ومفيش حد معاك لما ربنا يكون الحل الوحيد ولن أطلقك ولن أتركك حتى تباركني ربنا يحل.. مشاكلنا مبتتحلش عشان احنا مش قادرين نتكل على ربنا نطلع من الصلاة نفكر ونرجع نتكل على نفسنا وعلى الناس وكأن ربنا مش عارف يعمل شغله.. هل ينفع نوقف الكلام الكتير ونتكل على نعمة ربنا.. زي العدرا مش بتاعت كلام لكن ممتلئة نعمة طو ما بنحكي كتير بنعطل نعمة ربنا.. كلم ربنا بدل ما تكلم الناس وتكلم نفسك.. 
الحل لما تلاقي الأمور أكبر منك سواء مشكلة أو شخص بيتحداك أكبر منك أو حلم كبير أكبر منك روح لربنا الأكبر من كل شي.. ادخل مخدعك واغلق بابك انت هتقابل ربنا نفسه اللي فوق الكل ويصير الجبل سهلا وتقول لهذا الجبل إنتقل فينتقل..
جهاد الصلاة اسهل ولا جهاد حل المشاكل.. ساعة صلاة ممكن توفر عليك سنة من التعب والقلق والحسابات والوقت الضايع.. الصلاة بتحل كل شئ ببساطة.. بدل ما تضيع وقتك في صراعات وخناقات وحسابات لو صليت بدل الكلام ده كان كل شئ يتحل زربابل كان بيعرف يصلي.. جبال كبيرة ممكن تتنقل لو ركزنا في الصلاة.. سمعان الخراز صاحب الإيمان البسيط عايش بالشعار ده الراجل ده وقف قدام الجبل اتنقل..
ما يميز زربابل إنه عايز اللي ربنا عايزه لا عاوز كرامة ولا مجد ولا فلوس مش هدفه واضح وإيمانه قوي وصلاته حسب مشيئة الله.. كان متواضع زي عزرا ونحميا.. كان غني بكلمة الرب كان بيسمع صوت ربنا واضح.. الإنجيل عندنا ونقدر ننقل جبال.. الراجل ده كان شبعان بالروح القدس.. غير المستطاع عند الناس مستطاع عند الله..

انت تقدر تنقل جبال تأمل أبونا داود لمعي

حصاد السنة - تأمل أبونا داود لمعي

قبل نهاية السنة أطلب لنفسك آية - أبونا داود لمعي

عيد عرس قانا الجليل تأمل مهما قال لكم فافعلوه أبونا داود لمعي
لو عايز تفرح في الأرض وتدخل السما إخضع للوصية
في القداس بنيجي بمشاكلنا نفسنا نفرح.. العذراء تبص علينا تلاقينا مهمومين فتميل عليه تقول له ليس لهم خمر بالمعني الروحي فرحهم وتقولنا عشان تفرحوا اللي يقوله إعملوه لو سمعنا كلام المسيح نلاقي نفسنا أسعد ناس في الدنيا اللي فرحوا في معجزة تحويل الماء إلى خمر الخدام لأنهم شافوا المعجزة.. ده اللي بيحصل في القداس بندخل عندنا خطايا ومشاكل ومتاعب ربنا بيغيرنا بيحصل تغيير ونطلع فرحانين.. لما الخدام سمعوا كلام القديسة العذراء مريم داقوا المعجزة... 
مفهوم الشفاعة.. القديسة العذراء بتصلي لأولادها من غير ما يطلبوا.. في قانا الجليل ماحدش قال للعدرا إعملي حاجة لكن بقلب الأم هي طلبت من ربنا لأجلهم.. كلنا نقدر نطلب ولنا دالة لكن دالة العدرا أحلى إحنا لنا قديسين مارجرجس ومارمرقس ومارمينا لكن دالة العدرا أعلى ربنا مش ممكن يكسفنا القديسين بيصلولنا من غير ما نطلب منهم.. 
الكنيسة مش مكان للأبرار الحب الغير مشروط من ربنا يسوع المسيح وأمنا العذراء مريم وكل القديسين بيقدموا الحب والشفاعة لكل حد حتى لو مش كويسين..
كيف نخضع للوصية.. إزاي نعيش زي أمنا العذراء خاضعة لربنا يسوع.. الطاعة مش سهلة لكن طاعة الله تدخل السما ربنا وصاياه بتتلخص في موضوعين كبار الصلاة والمحبة.. أول شئ يساعدك تخضع للوصية انك تقول لربنا ساعدني أنفذ الوصية وقويني اسمع كلامك بدوني لا تقدرون أن تفعلوا شئ كل ما تلاقي وصية في الإنجيل رجعها لربنا طلب هو يقول صلوا نقول ساعدني اصلي افرحوا نقول فرحنا يارب سامحوا ساعدني اسامح.. تاني حاجة تساعدنا على الطاعة الثقة الشديدة على قد ثقتك إن وصايا المسيح هي طريق الحياة الأبدية على قد ما هتقول حاضر يارب لكن الإيمان الضعيف والتشكك هو اللي بيخلينا مش قادرين نسمع الكلام.. تالت حاجة تساعدنا على الخضوع للوصية القدوة الحسنة كل القديسين مكانوش بيمشوا بدماغهم عندهم خضوع لربنا والوصية والكنسية وأب الإعتراف..
بركات الطاعة لو إنت اتعلمت تقول حاضر يارب زي العدرا مهما قال لكم فافعلوه يحصل لك اللي حصل للخدام هتشوف المعجزة.. الطاعة هتفتح عينك على أسرار الناس مش شايفاها هتشوف ربنا واضح هتشوف عمل ربنا هتشوف إيد ربنا هتشوف معجزات في وقت الناس مش شايفين معجزة لأنك إنت قولت حاضر.. هيبقى عندك إستنارة عينك تشوف حاجة غير العادي دي طريقها الطاعة وهتخلي في معجزات في حياتك المعجزة هي تغيير الناس.. كل واحد يفكر في كام وصية ويسمع كلام أم النور مهما قال لكم فافعلوه

لو عايز تشوف معجزات إخضع للوصية - مهما قال لكم فافعلوه - أبونا داود لمعي

هي العدرا كانت بتحس بإيه.. يا ترى يا أمي فكرتي لما بطنك تكبر يوسف هيقول إيه.. هترجعي الجليل تقابلي أهل البلد تقولي إيه.. قلقانة لا يتهمك؟ إيه مشاعرك لما كنت بتخدمي أليصابات.. لما دخلتي المذود وسط البهايم حسيتي إيه لما ولدتي إبن الله في المزود.. يا ترى لما جيتي مصر حسيتي إيه.. إيه مشاعرك وانت معندكيش ولا مكان تستقري فيه.. في الناصرة كنت حاسة إيه وإبنك لقبه إبن النجار وانت عارفة إنه إبن الله إزاي ساكتة.. إيه مشاعر أمنا القديسة العذارء مريم لما لقيتي اليهود عايزين يقتلوا إبنك.. إيه مشاعرك وقت صليب ربنا يسوع المسيح.. إيه مشاعرك لما المسيح قالك قبل موته على الصليب يا إمرأة هوذا إبنك تقبلي إن حد يبقى بديل لإبنك؟ إيه شعورك لما المسيح قال عن الذين صلبوه إغفر لهم يا أبتاه لأنهم لا يعلمون من يفعلون.. وانت مطالبة تصلي عشانهم وتطلبي من ربنا يسامحهم.. خبر القيامة يعمل فيكي إيه المسيح قام.. برغم إنها مدركة إن ده هيحصل لكن فرحتها كبيرة جداَ.. إيه شعورك وانت فاضل لك كام يوم وتسيبي الدنيا وتشوفي إبنك.. كانت فاهمة بالروح القدس إن على قد ما عاشت أيام صعبة لكن مدركة إن منذ الآن جميع الأجيال تطوبني طيب إحساسك إيه.. منتهى التواضع والوداعة والبساطة ومش حاسة خالص بأي عظمة أو كرامة.. أمنا العذرا كإنسانة عاشة مشاعر زينا حرمان، إنكسار، حزن، فرح، تسبيح.. لكن كانت تحفظ كل هذه الأمور متفكرة بها في قلبها.

يا ترى يا أمي كنتِ بتحسي بإيه - تأمل عن القديسة العذراء مريم أبونا داود لمعي

أنظروا أية محبة أعطانا الله حتى ندعى أولاد الله - انت مش متخيل ربنا بيحبك قد إيه - مؤتمر قفوا وانظروا أبونا داود لمعي

بتحبني يارب وكأن مفيش في الدنيا غيري - تأمل أبونا داود لمعي

كلمة ربنا علاج الحزن - كيف نقرأ الإنجيل أبونا داود لمعي

إمتى ربنا يستجيب الصلاة.. في مفاتيح للصلاة تخليها مستجابة
الإيمان وذكر إسم يسوع
البر والبساطة - التواضع والتوبة
الشكر والشفاعة - اللجاجة واللتروجية

مفاتيح الصلاة المقبولة - تأمل استجابة الصلاة أبونا داود لمعي

تدريبات روحية للصوم الكبير 2019  أبونا داود لمعي
من مؤتمر ( الأحضان الإلهية ) بالخطاطبة 

✤ تداريب الصوم الكبير ✤
✤ التركيز و اختصار المسؤليات.
✤ زيادة وقت قراءة الكتاب المقدس و الكتب الروحية.
✤ الميطانيات نزودها شوية .
✤ اختصار جميع انواع الميديا ووسائل التواصل الاجتماعي .
✤ مضاعفة عمل الرحمة.
✤ الاعتراف.
✤ الاكثار من القداسات.
✤ الصوم الانقطاعي ( حسب القدرة و الحالة الصحية علي الأقل حتي الساعة ١٢ ظهرآ).
✤ التقليل من كميات الأكل.
✤ سماع عظات و كلمات روحية.
✤ الخلوة.
✤ حفظ المزامير و الألحان.
✤ الفنون الروحية ( التراتيل ).
✤ الخدمة ( لكن في هدوء و سكون و وداعة ).
✤ ضبط اللسان.
✤ صوم الفكر ( محاولة حصر الأفكار في الله ).
✤ الصلاة لأجل التعافي من اكثر خطية مسيطرة عليك او تعباك.
✤ تفادي الغضب.
✤ اختصار المكالمات و اللقاءات غير المفيدة و النافعة.
✤ تشجيع شخص بعيد علي التوبة.

تداريب الصوم الكبير 2019 - أبونا داود لمعي

علامة الصليب في الأول بنحط ايدنا فوق راسنا نعلن إن الآب فوق العقل لا يرى وبعدين نحط ايدنا في وسط البطن رمز للتجسد انه نزل من السما إلى الأرض اصبح إبن الإنسان وبعدين من الشمال إعلان إن الروح القدس دخل القلب وسكن فيه إلى اليمين ياخدنا إلى السما يجعلنا من أصحاب اليمين عن يمين الآب كل حين.. مجرد رشم الصليب كأنه قانون إيمان.. 
كل مرة ترشم الصليب تصع اصبعك مكان الميرون لما لمس راسك المسحة اللي بعدها اصبحت مسيحي بمعنى انك تعلن انك منتمي للمسيح الزيت هو العلامة اللي ميزتك كمسيحي.. برشم الصليب تستعيد عمل الروح القدس..
رشم الصليب طقس عمره لا يقل عن 1800 سنة يقال انه من جيل الرسل لكن اقدم أقوال الأباء عن الصليب من سنة 200 ميلادية..
الصليب ذكر كعلامة داخل الإنجيل.. سمعان الشيخ لما شاف القديسة العذراء مريم شايلة المسيح قال ان هذا قد وضع لسقوط وقيام كثيرين ولعلامة تقاوم.. سمعان الشيخ ذكر ان المسيح له علامة تقاوم.. تقاوم لأنها هي التي اسقطت الشيطان.. لذلك الآباء بيقولوا اكثروا من رشم الصليب..
العلامة ذكرها السيد المسيح بنفسه لما ذكر علامات مجيئه وقال تظهر علامة إبن الإنسان في السماء.. المزمور ذكر الصليب كنبوة قال الرب أعطى علامة لخائفيه.. ومنها تسبحة يوم الجمعة ربنا يسوع المسيح اعطى علامة لعبيده .. 
إحنا نتمسك بعلامة الصليب كرشم وعلامة وايقونه نمجد في الصليب لأنه الصليب هو اللي عمل كل حاجة..
حياتنا مرتبطة بالأسرار الروحية المعمودية الميرون التوبة والإعتراف الكهنوت التناول سر مسحة المرضى الزيجة .. كل اسرار الكنيسة سلاحها الصليب.. رشم الصليب أساسي في كل الأسرار.

معنى الصليب - تأمل عيد الصليب أبونا داود لمعي

مزامير صلاة باكر بصوت أبونا داود لمعي - صلوات الأجبية المقدسة
Agpya Prayers - Psalms of Morning prayer Father Daoud Lamei

صلاة باكر - أبونا داود لمعي - المزامير

إلهنا الطيب نشكرك على نعمتك اديتنا سنة جديدة من عمرنا لعلنا نركز ونتوب ونحوش كنز في السما زي آخر كل سنة حاسين بفشل مالناش طلب غير " اتركها هذه السنة أيضاً " نشكرك على سترك على صفاتك نشكرك انك إله طيب تشفق علينا وتنتظر رجوعنا زي الإبن الضال نترمي في حضنك.. نشكرك على كل يوم عدى كنت معانا ولم نكن معك كنت تعطينا بسخاء كنت بغرقنا حب واحنا بنحب الدنيا بدالك.. نشكرك انك محاوطنا بملائكتك نشكرك على النفس على وقفة الصلاة نشكرك انك بتسمعنا وبتكلمنا نعتذر عن كل كلمة بطالة شيلها من حسابنا كل نظرة رديئة كل غضب كل تذمر كل طمع ارحمنا من الغيرة المرة من الكبرياء من صغر النفس ارحمنا على ضعف ايماننا على الخوف والشك على الإنشغال عنك على خطايا الفعل والفكر والكلام والتصرف على قلة الأمانة على قلة الحكمة على كل عثرة بسببنا ارحمنا لئلا يشتكى علينا سامحنا لأن الإنجيل مش مهم في حياتنا سامحنا على قلة المحبة اكشف لنا مشيئتك ماذا تريد ان أفعل اجذبني وراءك فنجري.. إرادتنا ضغيفة شدنا يارب قوينا على نفسنا وعلى غربتنا وعلى خدمتك ادينا الإيمان اللي ينقل جبال، جبال الخوف والقلق والشك ننقل جبال الناس البعيدة عنك.. رجعنا نرفع ادينا ونصلي من قلبنا رجعنا ننادي اسمك ونركض إليك علمنا لا نكف عن شكرك وتسبيحك طول في عمرنا شوية لحد ما نكون مستعدين للوقوف أمامك.. اعطينا توبة حقيقية كفاية انشغال بالدنيا.. اذكر ولادك البعيدين البيوت المفككة اذكر الشباب اللي بيعانوا من المثلية ومن الشهوات الرديئة والأفكار الشريرة اذكر كل اجتماعاتنا اذكر المحتاجين والمتألمين والمجربين والمعذبين في الأمراض والمشاكل المظلومين المديونين المسجونين المسافرين الكارزين الساقطين التائبين الخدام الكهنة اعط فعلة لحصادك اذكر قداسة البابا تواضروس وأباءنا الأساقفة احفظ شعبك يارب احفظ بلادنا يارب خليها منارة رجع العالم لحضنك بارك اكليل السنة بصلاحك من أجل فقراء شعبك من أجل الأرملة اليتيم والغريب والضيف من أجلنا كلنا نحن الذين نرجوك ونطلب اسمك القدوس لأن أعين الكل تترجاك انت الذي تعطيهم طعامهم في حين حسن اصنع معنا حسب صلاحك يا معطياً طعاماً لكل ذي جسد ديم نعمتك وسلامك علينا اذكر الذين سألونا أن نذكرهم كل واحد باسمه والذين سبقونا نيح نفوسهم وجهزنا لنهاية العمر اسمعنا عندما نقول لك بشكر يا أبانا الذي في السماوات ليتقدس اسمك ليأت ملكوتك..

صلاة نهاية العام 2019 | 2020 أبونا داود لمعي

تدريب آخر أيام سنة 2019 من أبونا داود لمعي
من قداس يوم الأحد 29 ديسمبر لأبونا داود لمعي

تدريب روحي للسنة الجديدة
محاسبة النفس
آخر السنة
بداية السنة
بداية عام
حاسب نفسك
أشكر ربنا
اكتب تقصيراتك وخطاياك
قول ارحمني يارب باستفاضة
حدد عايز تعمل ايه في السنة الجديدة
تدريب نهاية العام
تدريب بداية العام


تدريب آخر أيام لسنة 2019 - عظة قداس الأحد 29 ديسمبر
٣ حاجات نلحق نعملهم في آخر ٣ أيام
كل واحد يقعد لوحده ساعة و يمسك ورقة و قلم و يكتب ٣ حاجات ...

01- أول حاجة .. أحسانات الله
و أولهم انك لسا عايش و اللي بتحبهم لسا عايشين و كل ما تكتب تقدم شكر لربنا على كل أحساناته ...

02- تاني حاجة .. خطاياك و تقصيراتك ..
تقصيراتك في الصلاة، فى الإنجيل، في تنفيذ الوصايا ... و كل ما تكتب قول أرحمني يا رب ..

03- ثالث حاجة ... نفسك تعمل إيه روحياً؟!
تزود انجيل - صلاة - عشور - خدمة - وقت زيادة لربنا ...

علشان ندخل السنه الجديدة ب 3 مشاعر مقدسة ...
شعور بالشكر - شعور بالخجل - شعور بالرجاء

تدريب آخر أيام سنة 2019 - تدريبات روحية - أبونا داود لمعي 29 ديسمبر

عظات روحية وتأملات بالموسيقى أبونا داود لمعي
Abona Daoud Lamei - Father daoud Lamei

أبونا داود لمعي

Popular tracks