يالله بقافٍ يطلع الرزق منه
مثل مايطلع بالسماء النور لانباج

يالله برزق مالحد فيه منه
ينسي المحتاج وش كان محتاج

و يالله له بمحتاجٍ ليا سد عنّه
يذكر مواقفنا بدعوه وهو حاج

الليل موحش والعرب مستكنه
واللي يبي له درب ماعين سراج

لله فرض و للنبيين سنه
وللطيب درب وللرجاجيل منهاج

كنت أحسب إن الناس للناس جنّه
وأثر القلوب لبعضها صالي الصاج

و وجهي اللي ما لقى من يحنه
من منة العالم ومن بعض الاحراج

يا صاحبي لك صاحب خاب ظنه
أثر المثاليات تمثيل و إخراج 

اللي بنا الأبراج وده وكنه
يصير معلم في البلد مثل الأبراج 

لو كان يلبس تاج لا يحسب انه
محمد السادس ولو يلبس التاج

حنا نعرف الطيّب ونعرف إنه
هراج آبن تسعه وتسعين هراج

وحنا نعاف اللي يجي فيه منه
لو كان عد للعرب مثل هداج

#فهد_الصيعري

يالله برزق مالحد فيه منه ينسي المحتاج وش كان محتاج - فهد الصيعري

غيابٍ بلا سِبّه هجادِ بلا تنبيه
وجفا أغلى العَرَب نارٍ على الكَبد وَهَّاجه

نضَجْ قلبي مْن البِعْد وش حاجتك تكويه
جفاك الجَمر والصَبْر في بُعْدك الصاجه

طِبِعْ حبّك بْقلبي والايِّام ما تمحيه
هذا هَجْرِك يْحاوِل يموجِه وَلا ماجه

يموت الأمل لكن ظنون الغلا تحييه
وعروق الوفا في الروح والقلب وَجَّاجه

خبَرْتوا حَدٍ يبكي على واحدٍ يِبْكيه
وخبَرْتوا حَدٍ مسجون ما يبغي افراجه

أحِبّه ولا ابْغَضْته على شَيٍ يْسَوَيه
ولا زالت رْقاب الرجا فيه منعاجه

عسى منزلٍ ضَمّه حقوق الوَسِمْ تسقيه
وْتِضْحَكْ له الدنيا وهو يضْحَكْ حْجاجه

فقَدْ خاطري شَيٍ من الضيقه مْسَلّيه
وغدَتْ روحي مْن الناس والليل هَجَّاجه

أروح لْمكانٍ خابِره.. خابِره تاتيه
أسوق القدَمْ صوبه وهي ما لها حاجه

خبَرْتوا حَدٍ يبكي على واحدٍ يِبْكيه - محمد بن فطيس

ياصاحبي مال المشاريه داعي 
‏قدام تفرض شرهتك شم يمناك
‏
مشاعري ماهيب نقل جماعي
‏أجمع بها حكيك وأسوي سواياك
‏
العام قلت أنك طويل الذراعي
‏واليوم أبسحب كلمتي وأتحداك 
‏
دافعت عنك ولا نفعني دفاعي
‏وسويت لك قيمة وكبرت مركاك

مدام كل اللي فعلناه ضاعي
مافيه شيٍ نطلبه غير فرقاك

بعد كشفتك ياردّي المساعي
مالك علينا واجبٍ غير ماجاك

صديت عنك وحان وقت الوداعي
والدرس درسك والخطايا خطاياك

اليوم خليتك مطبٍ صناعي
أمر وأنت معترض وأتعداك

وحنا وطينا على رؤوس الافاعي
وشلون ناقف عند مثلك وشرواك

اليوم خليتك مطبٍ صناعي أمر وأنت معترض وأتعداك - رشيد الزلامي

حالي اللي كل يومٍ يبين النقص فيه
أن قعد حالي كذا مات حيلي وأنتهيت

مخبلك ياللي تقول آبن شايق ماعليه
تحسبه مرتاح بلاك والله مادريت 

الوليف اللي هواني وقلبي مهتويه 
لا تذكرته وأنا أضحك تنهدت وبكيت 

مالكٍ عقلي وربطي وحلي في يديه
أن عصاني طعت وأن طاعني غيره عصيت

كل مامريت صديت ماحبيت أجيه
أحسب إني كل ما أبطيت من خلي سليت

ما أهتنت عيني بشوفه وقلبي مانسيه
مثل قولة لا سلمت الحرام ولا سريت

حالي اللي كل يوم يبين النقص فيه - عبدالله بن شايق

خاطري لا غابت الشمس والليل وأقترب

يا طالب الجنة قبل طلبته صل
واللي يطيع بشاية الله بظله

بأمره نشى غيمً وبأمره مطر هل
وبأمره أمر خلقه على درب مله 

وأعقل ذلولك ثم بالله توكل
وسوالفك لابد فيها أدله 

ولا ضاقت الدنيا ثم زلو الكل 
أزبن على اللي لا زبنته يحله 

نفسي عزيزه ماتربت على الذل 
ولو ماملكت إلا إبريق ودله

وأدري فقير وحالي في حاله القل
والفقر مهو عيب وحنا هلٍ له 

وراح زمان اللي له السيف ينسل 
كلًّا بفعله وما بشفه حصل له 

وجانا زمان هلة العين يامل
يامل عين هلت الدمع كله 

اللاش لامنه مشى خطاه في زل
وعايش بقصر والخدم وسط فله

قصيد والمقصود في قصدنا دل
وماقل دل وزبدته في محله

ياطالب الجنة قبل طلبته صلَّ - محمد دوخي الشمري

ليتني ماجيت ظميان ولا يوم جيت ماطلبت من الهواء شِرب وظلال وذرى - العذب

ياوجودي وجد من خاب ظنه فصدقاه
وحملنّه سود الأيام مالا يستطيع

وجد عودٍ مايبي أحدٍ يقصر فالصلاه
وكبروا عياله وصدوا عن الطاعه جميع

من هواجيسٍ تكدر علي صفو الحياه
ضيقت صدري وأنا قبلها صدري وسيع

أحمل أحلام المشاهير وأفكار الدهاه
لين سوت بينها حلف في راسٍ شجيع

إن بدعت الشعر لازم تناقله الرواه
وإن هبطت السوق مالد عيني فالرجيع

وإن حصل عند العرب فالمواقيف أشتباه
ترجح أثقال الموازين فاليوم الشنيع

لكن في حكم آل مقرن مطوعت العصاه
بالعدل والصيرمي خلو العاصي يطيع

(الله يحفظ) خادم البيت ويعز الولاه
جعل رايتهم رفيعه ومنزلهم رفيع

كلٍ مظهوره يفلي تحت فيت عصاه
وسورهم برادت الله على الدوله منيع

فيا هني اللي ليا من بغى شين لقاه
ماتنطحته صدوف الدهر مع كل ريع

وأنا عمري ضاع من دون تحديد إتجاه
كل ماجيت أسلك الدرب قلت أخاف أضيع 

إلا منهج طاعة الله وتوحيد الآله
أسلكه خوف ورجاء منك يالحي السميع

وأدري إن الفوز فاليوم الأخر لتقاه
مايفرق فالبشر ذا شريف وذا وضيع

إن قعدت أخاف من الفقر وأحب الغناه
ضعت بين أهل السيوله وأنا قدري رفيع

وإن قعدت قضيت العمر كله على هذا السواه
مات جوع بعير ابو زيد ما جاه الربيع

وأنا في ماسببتلي لفت الأنتباه
وجيت مستعجل وثبت فالخط السريع

حدني أملك بين جمع العرب وجهٍ وجاه
كني أملك مال قارون أشري به وبيع

ياوجودي وجد من خاب ظنه فصدقاه - مدشوش الأكلبي

يا راعي الرمش الظليل وراعي الطرف  الكحيل
تحيةٍ مني تعانق نظرتك وأهدابها تدري وش 

أجمل من عيونك أجمل الصبر الجميل 
ياما وياما ذقت من سود العيون حرابها

جديلك اللي تنقله لو لم أرى ذاك الجديل
صفة شلشل محجلٍ شاشة تحت ركابها

متناسق طولك على عرضك مع الخصر النحيل 
والمشية اللي تسلب أصحاب اللباب البابها 

جميل صح أنك جميل بكل ما تعني جميل
في عيني اللي جملك ربي ونلت إعجابها 

تنكر ميولك للهوى هذا كلامٍ مستحيل
العب على ناس تميل مع الهبوب أرقابها

تقول ماعندك دليل أقول بل عندي دليل
أكبر دليل أن أهل مكة يعرفون أشعابها 

أغنم زمانك لا تعيش مع الخيال بلا حصيل
أن كان في راسك علومً ماحسبت حسابها

أنت تعرف من تحترم وأنا أعرف من له يميل
قلبٍ ليا صدت قلوب الناس ما يشقى بها

يا راعي الرمش الظليل وراعي الطرف الكحيل - دسمان مناحي السبيعي

في غبة أفكارة - أما ضاع ولا نجى

حَ

Popular tracks