Hannes Flor/Die Hannes, Produktion: Die Hannes

TEIL EINS DER FÜNFZEHNTEILIGEN FORTSETZUNGSGESCHICHTE: DER AUGENBLICK DES VERLIEBENS: DAS HERZ UND DIE ZEIT STEHEN STILL... 

Hannes Flor: A Kongress in Frankfurt in mein Brotberuf als Designer (von da Musik kaun i leida ned lebn). Der Kongress hot drei Tog dauert. Beim Reingehn in die Halle seh i a Frau, i woar glei elektrisiert. Daun woar Sie weg und i hob sie die drei Tog nimma gsehn! In kaner Pause, bei kann Vurtrog, nirgends. I hob des ois Fata Morgana obghaundelt. Am Ende noch de drei Tog steh i am Ausgang und schau wegn an Taxi zum Flughofn. Und do steht sie plötzlich neben mir!!! Mir is nix bessas eigfoin ois zu ihr zu sogn: "Hallo, kennen wir uns nicht? Du bist doch die Claudia". Sie hot glei gschnoit, dass mei Gschichtl a Fake is und sie sogt: "Nein, wir kennen uns nicht und ich heiße Kerstin. Aber wir könnten auf einen Kaffee gehen". Des hot mi umghaut! I hob nur a hoibe Stund Poista zu mein Fliega ghobt. De hoibe Stunde woar lustig, sie a Berlinerin und am Schluß gib i ihr mei Koartn und sog: "Wenn du mal nach Wien kommst ruf mich an, ich zeig dir Wien wie es wenige kennen!" I Vollkoffer frog Sie oba ned noch ihra Numma! Da Blitz schlogt ein, i was ned wia ma gschicht. Offenbar voll verliebt und I hob zum Flughofn miassen und i hob ka Telefonnummer von ihr und nur den Vornamen und dass sie aus Berlin ist...
Damit hot des ärgste Joahr meines Lebens - in jeda Hinsicht - begonnen... 😃❤️😵‍💫😱

01 DER BLITZ SCHLOGT EIN

Hannes Flor/Die Hannes, Produktion: Die Hannes

TEIL VIER DER FÜNFZEHNTEILIGEN FORTSETZUNGSGESCHICHTE: VOR DEM ZWEITEN DATE IST DIE SEHNSUCHT GROSS UND DIE ANGST DIE VERLIEBTHEIT ZU VERLIEREN GROSS. 

Hannes Flor: I hob docht, i drah durch. I hob jo nimma schlofen kennan, i hob zwar mit da Kerstin gschriebn, oba des woar hoit ned gnua, i muass noch Berlin zu ihr, derf oba ned wieda zu schnöll sein, woart oiso auf a Einlodung vo ihr... 

04 BÜLD VON DIR

Produktion: Die Hannes 

TEIL NEUN DER FÜNFZEHNTEILIGEN FORTSETZUNGSGESCHICHTE: NACH DER VERLIEBTHEIT KOMMT DER ALLTAGSFRUST UND UNTERSCHIEDLICHE BEDÜRFNISSE WERDEN DEUTLICH... 

Hannes Flor: Leida hot si die Kerstin aus Sölbstschutz zurückziagn miassn. Sie wollt am letzten Drucks - mit 39 - no a Kind, i oba ned. Zehn Joahr jünga domois - wer waas... Augfaungan hots mit lächaliche Wickl zwischen uns und daun woar ollas, wos i für si gmocht hob, schlecht oda ned guat gnua. Sie hot imma mehr die Prinzessin aussehängan lossn, der mas ned recht mochn kaun. Die Liadl, die i für sie gschriebn hob (vor allem "NUR DU") san lächalich, kitschig und musikalisch nix.
I glaub jetzt, dass es da Kerstin zvül woar und sie so bessa auf Distanz hot gehn kennan... Und i muass mi jo zutiefst obglehnt fühln, waun sie meine Liada, die quasi meine Kinda san, ned mog. Oba des hob i domois wggsteckt wie nix. I bin im Gegenteil imma vatrauta mit ihr wurn. I hob ma zum Beispül vo ihr zeign lossn, wos i tuan muass, dass es beim Sex für sie no geila is. Des hot sie mir nochher a vurgwurfn, dass i si ois Sexlehrerin missbrauch. Do san ma ned aussekumman, bis i mehrmois den Huat drauf ghaut hob, Daun woar für a poar Tog Sendepause. Entweda i bin noch Wien zruck gfoahrn oda sie noch Berlin, je nochdem, wo wir grod woarn... I hob ihr a kane Liada mehr mitbrocht. I glaub des hots ma im Streit a vurgwurfn. Die Liada ob jetzt hot sie nie ghert, a ned jetzt auf Saundclaud, wie i aus die Trackdatn aussalesn kaun... 

Apropos: Herts eich "NUR DU" aun und entscheidets, ob des wirklich so a Schas is...

Mir gfoits imma no. Die Musik is obsichtlich afoch ghoidn, weu des im Text a ois afoche Oitogssituationen san. 

09 ZWENIG ODA ZVÜL

Hannes Flor/Hannes Flor, Produktion: Die Hannes

TEIL ACHT DER FÜNFZEHNTEILIGEN FORTSETZUNGSGESCHICHTE: IN DER VERLIEBTHEITSPHASE IST ALLES WAS DER PARTNER TUT BESONDERS...  

Hannes Flor: Do gibt’s ned vül zum sogen, des beschreibt si sölba. Verliebt hoit.

Da Kerstin hots oba goar ned gfoin: Schnulzig und die Musik vül zu afoch.
Mir gfoits heit imma no. Des san ehrliche Gefühle. Genauso woars zumindest aus meina Sicht. Schnulzen san valogn und spekulieren mit da Sehnsucht des Publikums. Liebe Streamer, entscheidets sölba... 

08 NUR DU

Hannes Fass/Hannes Fass, Produktion: DIE HANNES 

Selten aber doch: Die perfekte Beziehung, leider meist nur auf begrenzte Zeit. Psüchologn rotn: Woarm hoitn! 😉

Hannes Flor: Die Numma is natürlich von unsan Bassisten dem Magista Hannes Fass. Der hot mit seina Frau da Gabi vor zwa Joahr den großen Jackpot zogn. Seither is a entspannt und sei Bass groovt endlich. Oba die Gabi is wirklich voi klass. Sie was wos wüll und wos ned. Sie loßt dem Hannes a ned ois durchgehn, oba scho so maunches wia ma a im Liadl hert. Er bei ihr oba a. Do is a entspannt, waun sie ihre Ziaga mocht. Da Hannes is seither für unsare Liebesliada zuaständig. "I lieb di" is a vo eam. Hoit a bissl saunfta, des taugt da Gabi a. Da Hannes denkt sogar scho an Kinda. Stöllts eich vur: Da Hannes Fass und Kinda! Bis vor kuarza Zeit woar a sölba wie a Kind (dazua lests des Hintagrundgschichtl von "I vamiss di so" vo unsara ersten Plottn "KRASSE BEZIEHUNGSWAISEN"). Man kennt direkt neidisch wern. Bei mir rennt seit da Gschicht mit da Kerstin (de ganze Plottn "FREMDBEZIEHUNG" handelt unsa Gschicht ob) nix mehr rund mit de Fraun. Unsa Gitarrist da Hannes Kratochwil is seit seina Gschicht mit da Irene traumatisiert und no ned wieda beziehungsfähig und unsa Zeigla da Hannes Binder wohnt übahaupt no bei seina Mama, wos soi ma do no sogn...
Jedenfoils die Gabi, die klasse Frau hot sogar a Schwesta, oba die is bissl (auf)gspritzt und von doher scho ka Option.
Dem Hannes Fass die Gabi ausspaunan geht a ned wegen da Band und die Gabi steigt auf sowos sowieso ned ein. Die steht hoit a auf Akademika, a waun da Hannes Fass ois Philosoph ned des große Knedl hambringt. So a Schas!

De zwa Typn auf dem Cover für die Numma passen a, weus wurscht is, ob a Beziehung hetero is oda ned wauns passt... 

LIEBE1: PERFEKT

Hannes Kratochwil/DIE HANNES, Produktion: Die Hannes

Hannes Flor: Maunchmoi belästigt an wos und ma wird's ned los. Des kaun a Pickl sein oda a a Kickl. Die Numma woar längst übafällig. Beim HAIDER hom ma no ned gespült. Den STRACHE des Würstl hom ma vaschlofen und woarn so mit unsare (hauptsächlich) Frauengschichtl beschäftigt...
Die Kurznumma "WIE EIN FURZ" is scho in Produktion 😆

Bitte in oller Kloarheit: Der Kickl is zwar a Witzfigur, oba gfährlich. Wir DIE HANNES vastehn ned, warum ned mehr Musika dagegen ausingan und auspüln! Der wüll unsare Demokratie kaputt mochn - zerst die unabhängign Medien wie ORF - leida nur zum Teul unabhängig - , den Standard, den Falter, etc. Daun kummt die unabhängige Justiz drau. Genau wie in Ungarn oda Russland. Die FPÖ wird vamutlich vo de Russen gschmiert! Leida san de meisten Leit zu dumm des zu kapiern. Des Problem löst si leida a ned waun ma den Kickl ausdruckt oda wegputzt. Daun kummt da nächste Führerdepp oda Nepp. Es hülft nur die FPÖ in Östarreich und die Afd  in Deitschlaund ois demokratiegefährdend zu verbietn! Wer die Verfassung obschoffn oda substanziell vaändern wüll, befindet sich nicht mehr im Verfassungsbogn und wird vabotn. So afoch is des!! Oiso Europas Parlamente, tuats des endlich, sunst gibt's eich nimma laung! 
Waun ihr, werte Hörer/Streamer, Fakten brauchts, lests die großoartign Kolumnen von da Nina Horaczek im Falter, so laung des no meglich is.
Wir fühln uns wie in die 30er Joahr: Da Wahnsinn kummt und nix kaun eam aufhoitn... 😱

WIE A PICKL

Hannes Flor/DIE HANNES, Produktion: DIE HANNES

MAUNCHMOI IS DES GLÜCK UND DIE LIEBE INTENSIV, OBA LEIDA IS DES OFT A SCHNÖ WIEDA VURBEI  😪

Hannes Flor (Voc): Diese Numma hot unsan gaunzn Sommerproduktionsplan durchanaunda brocht: I hob die Burschn ausn Urlaub zaumentrommeln miassn. Der Hannes Binder (dr/perc) is direkt vom  Congaworkshop aungreist und hot die Congas a glei vawendn woin. Klingt eh gaunz ok. Der Hannes Kratochwil (git) is von da oidn Donau tiefgebräunt ins Studio und is aktuell a gaunz guat drauf. Der Hannes Fass (bass) hot sein Urlaub in Kärntn drei Tog unterbrochen. I bin sowieso in Wien und verdau grod die 3 intensiven Wochen und des aprupte Ende dieser Liebe. A zweite Nummer zu der 3 Wochenbeziehung ("Zerst geht des Vatraun") is a scho fertig und in da Playlist. Damit is die Gschicht für mi obgschlossn. 😎

Die drei Wochen im Juni woarn die intensivsten seit 15 Joahr für mi. I hob a wirklich leiwaunde Frau kennen gelernt. A schwierige Ausgangssituation: Sie Alleinerzieherin von mehreren Kindern mit dementsprechend wenig Zeit und Göld. I hob relativ vül Zeit, weil i beruflich sehr flexibel bin und so hob i mi voi in diese Liebe reingstürzt. Voi schee und intensiv für mi. Für sie woars offenboar zu stressig und sie hot's per SMS (!) beendet. Schöne neue Welt, wo ma sich ned amoi zum Obschied trifft! 😵‍💫


LIEBE3: 3 WOCHEN INTENSIV

WIR SIND UNSERES WISSENS DIE EINZIGE BIOPUR-ROCKBAND ÖSTERREICHS!!! 

Mag Hannes Fass (Bass/Voc): Was heißt das? Bei uns werden nicht im Nachhinein im Studio Fehler ausgebessert! Wir proben so lange, bis mas halbwegs drauf haben. Das hört man auch, weils natürlicher klingt! Der Hannes Flor (Voc), der oide Romantiker und Perfektionist meint, dass er hauptsächlich Fehler (auch seine eigenen) hört. Ich sag "wurscht, auf die Message kommts an und Glattgebügeltes hören die Leute genug. Für unsere Fans gibt es a lustiges Spiel: 
WER DIE MEISTEN FEHLER IN AN VON UNSARE LIADA ENTDECKT, KRIAGT VON UNS A KISTN BIER!!! 
Der Rekord steht bei 17 Fehler in an Liad, i sog oba ned in welchem! 
_______________________________________________

Mag Hannes Fass (Bass/Voc): Wir spielen alternativen Rock und Pop je nachdem, wonach uns ist: Die meisten Geschichten in unseren Songs sind wirklich so passiert! Die ganze zweite Platte "FREMDBEZIEHUNG" beschreibt eine Fernbeziehung unseres Leadsängers Hannes Flor, die ihn auch nach deren Ende - jahrelang und bis jetzt - beschäftigt. Er ist jetzt unser Spezialist für die Sehnsuchtslieder. 💔

Unser Erstling "KRASSE BEZIEHUNGSWAISEN" wurde praktisch in der Garage aufgenommen und nur im Studio abgemischt. Dafür hat jeder der Protagonisten in den Songs eine psychiatrische Diagnose. (Nachzulesen in den Songinfos).
 
Unser Zweitwerk "FREMDBEZIEHUNG" beschreibt eine Liebesgeschichte vom Anfang bis zum Ende. Hier haben wir unseren Sound gefunden! Auch arrangementmäßig spielt sich mehr ab. 

Auch unser eigener Wahnsinn wird in nächster Zeit nicht zu kurz kommen. Es wird wieder rockiger. Höre dazu auch "GRENZWERTIG". Die Hannes sind aus Wiener Nobelbezirken, Dieter Schilderberger emigrierte ins schöne Burgenland. 

DIE HANNES sind:

HANNES FLOR (live: Voc/Mundharmonika/Ukulele/zu Hause: Hopf Bass, Keyboards, A-und E-Gitarren, Akkordeon, Drumsprogramming) Meidling

Mag. HANNES FASS (Bass/Voc) Simmering

HANNES Kratochwil (Alle Gitarren/Akkordeon/Voc) Favoriten

HANNES Binder (Drums/Percussion/Voc) Favoriten, am Wochenende bucklige Welt

DIETER SCHILDERBERGER (unser zukünftiger Produzent und Studiogott, ein Kritiker und Fan der ersten Stunde) Arrangement Mastermind (eigentlich ein Jazzer und Bossanovafan) emigrierte von Wien Landstraße ins schöne Burgenland und er wird bald in Dipl. Ing. Hannes umgetauft! 😵‍💫

LIEBE3: 3 WOCHEN INTENSIV

Die Hannes

Related tracks