Takfeeny Ni’matak 
تكفيني نعمتك
رؤية وكلمات وألحان © د/ هاني ر. صموئيل
Lyrics & Music © Hany R. Samuel
أَداء: مَاجِد عَادِل
توزيع وميكساج: مَجدي فَهمي


كلمات ترنيمة #تَكفِيني_نِعمَتكْ  🌺

(القرار)
تَكْفِينِي نِعمتَكْ
لأنَّ قُوَّتكْ
بِتكمِّلني فَ ضَعْفِي
وتقَوِّينِي
وَأَفْرَح وَانَا رَاضِي
وبنِعمتَك مِتراضي
يَا مغطِّي كُلّ المَاضِي
ومكفِّينِي

١- حَسَبْ قَصدَكْ دَعيتني
وَبرُوحَكْ اتبَنِّتني
اِخْتَرْتِنِي وِفَدِيتْنِي
 يَا لِغِنى حِكْمِتَكْ

٢- أفْتِخِر فِي ضَعفَاتِي
وِفْ شِدِّة أَزَمَاتِي
فِي جَمِيعِ تَحَرُّكَاتِي
مِحتاج لمِسحِتَكْ

٣- غِنَاكْ مَالِي اِحتِيَاجِي
حُبَّكْ سِرّْ اِبْتِهَاجي
اِرسلني وكُنْ سِرَاجِي
أعمِلْ فِي كَرمِتَكْ

٤- نِيرَكْ هَيِّنْ خَفِيفْ
رَايَهْ لِكُلِّ ضَعِيفْ
وَجْهَكْ حِلْوْ وِلَطِيفْ
اِشْبِعنِي بطَلعِتَكْ

٥- عِندَكْ كُنُوزْ الحِكْمَهْ
وَمَصدَرْ كُلِّ نِعمَهْ
أَدَمْتِ لِيَّا الرَّحمَهْ
شُكْرًا لعطيِّتَكْ
#هاني_رمزي_صموئيل
#HanyRSamuel

Takfeeny Ni’matak

Takfeeny Ni’matak تكفيني نعمتك

Min Dhee' Mur We Assi 
من ضيق مر وقاسي
كلمات وألحان © هاني ر. صموئيل
Lyrics & Music © Hany R. Samuel
أداء المرنِّمة : فاديه بزّي
توزيع وميكساج: جورج رمزي
ألبوم راجعين ليك يا رب (فاديا ١٠)

كلمات التّرنيمة

ق) من ضـــيـــق مُـــرّ وقــاســي)
طـلَّـــعـــنـــي وتـــوَّج راســي
إلــى رحــب لا حــصــر فــيــه
أخرجـنـي وصـار لـي خلاصي
1
بيتـي عـلـى الـصَّـخـر مؤسس
قـلــبــي الــشِّــريــر إتــقــدَّس
و(يـــهـــوه) هُـــوَّ يـُــخـــلِّـص
صـخـــر الـــدهــور أســاســي
2
زيّ الــعـــبـــد الـــعـــبــرانــي
جايــلــك تــثــقــبــلــي أذانــي
هاعــيــش لــلــي اشـتـرانـي
وحــمــل عنِّي قــصــاصــي
3
ده لـحــفــلِـةْ عُـرسُـه دعـانـي
وبـثــوب الــعُــرس كــســانـي
أشـبــعــنـي يا نـاس وروانــي
وضمـن ف الـسَّـمـا مـيـراثـي
4
يالــلــي الــعــالــم شــاغــلـكُـم
ومــضـــيــَّـع كــل أوقــاتــكُــم
ده بــاطـــل كُــل تـــعـــبـــكُــم
قــبــلـيكُم كُـنــت بـأقـاسـي

Lyrics & Music © Hany R. Samuel
#هاني_ر_صموئيل
#HanyRSamuel

Rajeen

Min Dhee' Mur We Assi

Min Dhee' Mur من ضيق مُر

Ala Hess Hubbak

على حِس حُبَّك
رؤية وكلمات وألحان : هاني ر. صموئيل
Lyrics & Music © Hany R. Samuel 
أداء: فايز عدلي 
ميكساج وتوزيع: أميل فوزي
ــــــــــــــــــــ
كلمات الترنيمة
على_حس_حبك_الأبدي#

١- على حِس حُبَّك الأبَدي
والرَّحمهْ اللِّي دامِت ليَّا
عليك اِتـِّكالي وسندي
وضمان السَّما والأبديهْ
بـــِـفـداك ودِماك
ومن نهر النـِّعمهْ بتسقيني
دَه مـَــعاك ووَراك
إخترْت طريقـَك قوِّيني

٢- على حس النـِّعمهْ اللِّي اِتفاضْلِت
وجَرسها رنّ ف وداني
خطِّيت الخَطوهْ اللِّي اِبــتدأت
بتوبة قلبي وإيماني
وانا راجع وانا سامع
شوقـَك عَمَّال يِناديني
رُحت أجري بِعُمري
جوَّا سِترَك خبِّيني

٣- على حِس دمَّك الغالي
اللِّي غـَفـَر لي كُلّ خطيَّهْ
باصلِّي ليك وبيِحلالي
أهتف وأفرَح بحُرّيَّهْ
دَه انا دُقتـَك وعرفتـَك
ويا بخت قلبي وسنيني
أهو غنـَّى وإتهنـَّى 
والفـَضل ليك يا شاريني

٤- على حِس الوَعد المـَكتوب
ومـاضيَّ بيِشهَد لأمانتـَك
بصليبَك خوفي مَشطوب
ما انا كُلّ حياتي سلِّمتـَك
بيك غالِب وبـَحارِب
ومَلاكَك حوْلي ينجِّيني
مش خايِف وانا واقِف
شايِف خلاصَك دَه بعيني
Ala Hess Hubbak
Lyrics & Music © Hany R. Samuel #هاني_ر_صموئيل
#HanyRSamuel #على_حِس_حبَّك-
#رؤية_مَسْحَة_إبداع

Ala Hess Hubbak

Ala Hess Hubbak  على حس حبك

Methlama Kunta Tu'allem 
ترنيمة: مثلما كنت تعلم
(نُسخة ثانية منقّحة)
من ألبوم: جدير بالثقة
رؤية وكلمات وموسيقى وإنتاج وإخراج © هاني ر. صموئيل
أداء: نخبة من المرنّمين
Trustworthy | Jadeer Belthiqa © Hany R. Samuel

Jadeer Belthiqa | جدير بالثقة

Methlama Kunta Tu'allem

Habbitny Weshelt Saleebaak
حبيتني وشيلت صليبك
رؤية وكلمات وألحان © هاني ر. صموئيل
#HanyRSamuel
Lyrics & Music © Hany R. Samuel
أداء المرنِّمة : فاديه بزّي
توزيع وميكساج: جورج رمزي
ألبوم راجعين ليك يا رب (فاديا ١٠)

* كلمات الترنيمة (أرجو الالتزام بهذه النسخة المنقّحة عند الترنيم في الكنيسة
وغير مصرّح بإعادة إنتاجها في مصنّفات فنية من دون إذن مسبق منّي))
 🌺
1- حبِّتني وشليت صليبك
إعلان عن نعمهْ غنيهْ
واتاريني بضفَّر إكليلك
وانتَ بتجمّل فيَّا
أنا مين أتحب ... واتشال في القلب
وأفراح سماوية تناديني
وبموت الصَّلبْ ... أشوف الحب
فايض منَّك يرويني

2- فوق عرش قلبي وأمانيه
لقيتك كل أمالي
جالس متربع عليه
ومدبَّر كل أحوالي
مَعُدتش أشوف ... موت ولا خوف
ولا أوهام بتخدعني
وف أيِّ ظروف... طيِّب وعطوف
ولمَّا بصلِّي بترفعني

3- باعترف إنِّي بحبَّك
ولا غير حُبَّك يرضيني
ولما بقلبي بسجدلك
تيجي برأيك تهديني
من مجد لمجد... بخطِّي بوعد
من قوة لقوة تعدِّيني
وأسال وترُد … وتصون الود
واِيدك ماسكهْ بيميني

4- صخرة قلبي ونصيبي
حِصن حياتي وخلاصي
اِنتَ رجايا وحبيبي
وروحك عربون لميراثي
يالي الإحسان … تفدي الإنسان
وجُرحَك ينزف تتألِّم
تدِّي الغفران … وأنا بالإيمان
أقبل عملك وأسلِّم
- Lyrics & Composition © Hany R. Samuel  
#هاني_ر_صموئيل
#HanyRSamuel

Habbitny Weshelt Saleebak

Habbitny Weshelt Saleebak حبيتني وشيلت صليبك

Itazebt Ashani Kteer
اتعذبت عشاني كتير
رؤية وكلمات وألحان © هاني ر. صموئيل
#HanyRSamuel
Lyrics & Music © Hany R. Samuel
أداء المرنِّمة : فاديه بزّي
توزيع وميكساج: جورج رمزي
ألبوم راجعين ليك يا رب (فاديا ١٠)

كلمات الترنيمة:
١ - اِتـعــذِّبــت عــشــانــي كــتـيـر
وحـمــلــت ف قـلـبـك أوجـاع
حــبّـــتــــنــــي أَيـــا قـــديـــر
مــع إنّــــي خـــايـــن بــيَّـاع

(قرار)
أيــوه مـــحبِّة قــلــبَـك ليَّـا
رسمـت لـيـك تـمـشـي طـريـق
كُـلــــه آلام وجـــراح وأذيَّـــة
تِحـمــل عـاري واِنـت بــريء

٢- اِتـعــذِّبــت عــشــانــي كــتـيـر
ورفَــعـــت صــلــيــب الــعــار
وحــنـــانــك خــلَّانــي أســيــر
إحـســانــك يــا إِلــهــي الــبـار

٣- اِتـعــذِّبــت عــشــانــي كــتـيـر
وشــربـــت كـــاس الـــهــوان
وكــتـــبــت بــدمَّــك تــبــريــر
لحــيــاتــي واِديــتــنــي أمــان

٤ - اِتـعــذِّبــت عــشــانــي كــتـيـر
وعـــبــــرت فـــي وادي الآلام
أصـل ف قـلـبـك حُـبّ كـبـيـر
خلَّاك تــمــنــح قــلــبـي سـلام
#هاني_ر_صموئيل
#HanyRSamuel

Itazebt Ashani Kteer

Itazebt Ashani Kteer اتعذبت عشاني كتير

Ady Alby 
آدي قلبي
كلمات وألحان © هاني رمزي صموئيل
Lyrics & Music © Hany R. Samuel
أداء المرنِّم: نجيب لبيب 
ألبوم أدي قلبي رقم 34
____
كلمات الترنيمة

أدي قلبي الـلي اِتعَوِّد يِنسى 
      راجِع لــــِــلأحــــــضـــــان
راجِع أنا م الخوف والقَسوة       
 قلبي لــيــك عَــطــشـان

القرار
اِقبَـلـني اِرحـَمني
 اِرفعنـي  إلــيـك
توِّبـنـي عـــلِّمني
 اِسنِدني بـإيديك

حُـبـَّـك لـيَّ حُبّ حَــقــيــقــي
 قلبــَك بيه مــَـلـــيـــان        
ياما سامِحتِني وأنا في طَريقي
مَهما بـاكـُون غَــلــطــان

عُمري قضيتـُه كتير ف مَواجِع 
 تـِـحــــكـــيـهــا الـــدّموع       
لكــِن عُـدت لـِنـَفسي وراجـِع
مِحتاجـــلــَـك يــايــَسـوع

وأنا في بـعـادي تـاه الـمَرسى       
 وقلبي مــــا اِرتواش
وإيه في الـعالَم مُـمكِن يِسوى
لـَحـــظـة مـَعـاك تــِتـعـاش
Lyrics & Music © Hany R. Samuel
أغاني غربتي®

أدي قلبي #34

Ady Alby

Ady Alby آدي قلبي

Takfeeny Ni’matak تكفيني نعمتك
كلمات وألحان © هاني رمزي صموئيل
#HanyRSamuel
Lyrics & Music © Hany R. Samuel
أداء المرنِّم: بيتر جمال
 قناة سات ٧

يتعظَّم اسمك

في عيد ميلادي 🎂 On My Birthday
قصيدة شعريَّة كلاسيكيَّة باللُّغة العربيَّة الفُصحى
رؤية وتأليف وموسيقى وإلقاء وتسجيل وميكساج: هاني ر. صموئيل
#HanyRSamuel
#في_عيدِ_ميلادي 
On My Birthday 🎂 A Classic Poem In Standard Arabic © Hany R. Samuel
Happy Birthday to you - كل سنة وأنت طيِّب وعيد ميلاد سعيد

Fe Eid Milaady

في عيد ميلادي 🎂 On My Birthday

يا مطافي يا بطيئة (نسخة صوتيَّة)
 كلمات وتصميم : د. هاني ر. صموئيل 
- إلقاء: ميرنا عادل

يا مطافي يا بطيئة

FEE BE'ADI

FEE BE'ADI في بعادي

على حِس حُبَّك - Ala Hes Hubbak
كلمات وألحان : د/ هاني ر. صموئيل
Lyrics & Music © Hany R. Samuel 
أداء المرنِّم: بيتر جمال - الكرمة -
ــــــــــــــــــــ
كلمات الترنيمة
على_حس_حبك_الأبدي#

 ١- عَلَى حِسّ حُبَّكْ الأَبَدِي
والرَّحمهْ اِللِّي دامِتْ ليَّا
عَليكْ اِتِّكَالي وسنَدِي
وَضَمَانْ السَّما والأَبَديَّهْ
بِفِدَاكْ ودِماكْ
ومِنْ نَهْرِ النِّعمَهْ بتسْقِينِي
دَه معَاكْ وِوَرَاكْ
اِخْتَرتْ طَرِيقَكْ قَوِّينِي

٢- عَلَى حِسّ النّعْمَهْ اِللي إتْفاضْلِتْ
وَجَرَسهَا رَنْ فِ ودَانِي
خَطّيت الخَطوَهْ اِللي اِبْتَدَإتْ
بِتوبِةْ قَلْبِي وِإيمَانِي
وَاَنَا رَاجِع وَاَنَا سَامِع
شوقَكْ عَمَّالْ يِنَادِيني
رُحتْ أَجرِي بِعُمْرِي
جُوَّا سِتْرَكْ خبِّيني

٣- عَلَى حِسّ دمَّكْ الغَالِي
اِللي غَفَر لِي كُلِّ خَطيَّهْ
بِاصَلِّي لِيكْ وبيِحلالي
أَهْتِفْ وَأَفْرَحْ بِحُرِّيَّهْ
 دَه اَنَا دُقْتَكْ وِعرِفْتَكْ
ويَا بَخْت قَلْبِي وسنينِي
 أَهُو غَنَّى وَاِتْهَنَّى
وَالفَضْل لِيكْ يَا شَارِينِي

٤-  عَلَى حِسّ الوَعْدِ المَكْتُوبْ
ومَاضِيَّ بيِشْهَدْ لأَمَانْتَكْ
بِصَليبَكْ خوفِي مَشْطُوبْ
مَا اَنَا كُلّ حَيَاتِي سَلِّمْتَكْ
بِيكْ غَالِبْ وبَحارِبْ
وِمَلَاكَكْ حَوْلِي ينَجِّينِي
مِشْ خَايِفْ وَاَنَا وَاقِفْ
شَايِفْ خَلَاصَكْ دَهْ بعِينِي
- كلمات وألحان: هاني رمزي صموئيل
Lyrics & Music © Hany R. Samuel
Ala Hes Hubbak
#على_حِس_حبَّك #هاني_ر_صموئيل

Ala Hess Hubbak - على حس حبَّك

بتحدى بحبك ❤️

#بتحدَّى_بحُبَّك
- كلمات وموسيقى: هاني رمزي صموئيل ©
Lyrics & Music © Hany R. Samuel

+ كلمات الترنيمة +

‬ ‬١- أَنا ‬جَايلَك‭ ‬مِنْ‭ ‬قَلبِ‭ ‬الخُوفْ‭
بَاحتِمِي‭ ‬ف‭ ‬حـِضنـَكْ‭ ‬يَا‭ ‬يَسُوع
وبَسلِّمْ‭ ‬لِيكْ‭ ‬الظُّروفْ
اللِّي‭ ‬بكِّتنِي‭ ‬الدُّموع
(ق)
‬مَا‭ ‬اِنْتَ‭ ‬مَعاكْ‭ ‬عِلَاجِي‭
وعَارِفْ‭ ‬إحتِيَاجِي‭
لِلأَمَانْ‭ ‬والحَنانْ
ولشَخصَكْ‭ ‬أَنا‭ ‬رَاجِي‭
‮٢- ‬‭ ‬أَنَا‭ ‬جَايلَكْ‭ ‬بَتحَدَّى‭ ‬بـحُبَّكْ
كُلّ‭ ‬مَحَبَّهْ‭ ‬فِ‭ ‬قَلبْ‭ ‬حَبيب
يَا‭ ‬آسرنِي‭ ‬بِمَرَاحِمْ‭ ‬قَلبَكْ
ودَليـلي‭ ‬الدَّمْ‭ ‬السَّكيب
‮٣‬‭ ‬- أَنَا‭ ‬جَايلَكْ‭ ‬مِنْ‭ ‬خَلفْ‭ ‬أَسوَارِي‭
ومخطِّي‭ ‬فُوق‭ ‬كُلّ‭ ‬سدُود
فُوق‭ ‬جَرح‭ ‬المَاضِي‭ ‬وِمَرارِي
وبغنِّي‭ ‬لاِسْمَكْ‭ ‬عَ‭ ‬العُود
‮٤- ‬‭ ‬أَنَا‭ ‬جَايلَكْ‭ ‬مُشتاقْ‭ ‬تِملَانِي‭
مِنْ‭ ‬رُوحَكْ‭ ‬وتفيضْ‭ ‬فيَّا
تِنهِضنِي‭ ‬وارجَع‭ ‬مِنْ‭ ‬تَانِي
ثابتْ‭ ‬فيك‭ ‬أنا‭ ‬يا‭ ‬فاديَّا. #HanyRSamuel
Author, Composer & Creative Director: #HanyRSamuel

BAT’HADDA BEHOBBAK

BAT’HADDA BEHOBBAK (موسيقى) بتحدَّى بحُبَّك

| خُد عِبرة
أشعار كتابيَّة مستوحاة من قصص حقيقيَّة
تأليف وإلقاء وترنيم:
هاني ر. صموئيل
KHUD E'BRA | Lyrics, Music & Performance © 2010 Hany R. Samuel
#هاني_ر_صموئيل
#HanyRSamuel
#خذ_عبرة
 فَهذِهِ الأُمُورُ جَمِيعُهَا أَصَابَتْهُمْ مِثَالًا، وَكُتِبَتْ لإِنْذَارِنَا نَحْنُ الَّذِينَ انْتَهَتْ إِلَيْنَا أَوَاخِرُ الدُّهُورِ. (١كو ١٠: ١١).

KHUD E'BRA

Khud Ebra | خُد عبرة

Ba' Leeha Ma'na - بقى ليها معنى
(أيوه بتهتم وترعاني)
كلمات وألحان ومقدمة شعريَّة الشَّاعر اللاهوتي: هاني ر. صموئيل

ترنيم: نادية منير - سات ٧

BA' LEEHA MA'NA

Ba' Leeha Ma'na - بقى ليها معنى

أيها الفذُ الشجاع - 
قصيدة باللُّغة العربيَّة الفصحى في ذكرى الإصلاح الإنجيليّ المجيد
تأليف وإِلقاء: هاني ر. صموئيل

أيُّها الفذُّ الشجاعُ
بَطلُ الإصلاحِ أنتا
كَمْ زَهَا َلكَ اليَراعُ
بالَّذي أَفادَ جِئتَا ...

ثَورةٌ كَانتْ مَجيدَهْ
اُنظروا مَجدَ الثِّمارِ
للكَنيسةِ مُفيدهْ
هَانئُ قَلبي وَدَارِي

... إلى نهاية أبيات القصيدة... لطفًا استمع لها مشاركًا وساجدًا لله شكرًا على نعمة الإيمان الكتابيّ المستقيم
#هاني_ر_صموئيل
- د. هاني ر. صموئيل
#HanyRSamuel
٣١ أكتوبر ٢٠٢٣

أَيُّها الفَذُّ الشُّجاعُ

أَيُّها الفَذُّ الشُّجاعُ | في ذكرى الإصلاح الإنجيلي المجيد

أتى المسيح — قصيدة باللغة العربيَّة الفصحى
 — تأليف وإلقاء د. هاني ر. صموئيل
Christ Has Come (Ata AlMaseeh) © Hany R. Samuel
Merry Christmas to you all.
#HanyRSamuel
#هاني_ر_صموئيل
#قصيدة_أتى_المسيح
#HanyRSamuel

Ata AlMaseeh

أتى المسيح

ياللي قصدتوا 
رؤية وكلمات وألحان © هاني ر. صموئيل
#HanyRSamuel
أداء المرنّم الموهوب: بيتر جمال 
على شاشة قناة الكرمة


كلمات الترنيمة :
١- ياللي قصدتوا الشّر معايا
 دا إلهي حوِّلُه للخير
ْدافع عنِّي وكان لي حِمايه
من كُل سهام الشرير

(ق) خِطّة عُمري أعدَّها ليَّا
ويا محلاها حياه في رضاه
بمشيئتُه الصالحه المَرْضيه
والوعد إن الأخره رَجاء

 ٢- واِنْ كان مَّرهْ سَمح لِي بضيقهْ
سبق وقالي ف كلمتُه أشكر
طِيبة قَلبُه بجد حَقيقه
وسط تجاربي بيفتح مَعبر

٣- إحنا بنشمت أيوه ونقسى
وبقبلات غاشَّه بنبيع
لكن هُوَّ لا يمكن ينسى
ولا من يَدُّه حَدّ يضيع

٤- فاكر لمَّا في ألمي وحيرتي
قعدت أسال: الله فين؟
جِه واتمجّد جِوَّه حكايتي
عوَّضني عن كُل أنين
#HanyRSamuel
#هاني_ر_صموئيل
#ياللي_قصدتوا_الشّر_معايا

Yally Asadto

Yally Asadto - ياللي قصدتوا

اتعذبت عشاني كتير
رؤية وكلمات وألحان © هاني ر. صموئيل
#HanyRSamuel
Lyrics & Music © Hany R. Samuel
أداء المرنِّمة : لورا البازي
قناة الكرمة

كلمات الترنيمة:
١ - أتعذبت عشاني كتير
وحملت ف قـلـبـك أوجـاع
حبّيتني أَيـــا قدير
مــع إنّي خاين بيَّاع

(قرار)
أيوه محبَّة قلبكْ ليَّا
رسمت ليك تمشي طريق
كُلُّه آلام وجراح وأذيَّهْ
تِحمِل عاري وإنتَ بريء

٢- أتعذبت عشاني كتير
ورفَــعـــت صليب العار
وحنانك حلّاني أسير
إحسانك يا إلهي البار

٣- أتعذبت عشاني كتير
وشربت كاس الهوان
وكتبت بدمَّك تبرير
لحياتي وإديتني أمان

٤ - أتعذبت عشاني كتير
وعَبرتْ في وادي الآلام
أصـل ف قلبك حُب كبير
خلَّاك تمنح قلبي سلام
#هاني_ر_صموئيل
اتعذّبت_عشاني_كتير#
#HanyRSamuel

جميع الحقوق محفوظة للمؤلف والملحن وغير مصرّح بتسجيل الترنيمة في أي مصنّفات فنيَّة أو رفعها على أي منصّات من دون تصريح منه

ItaZibt Ashani Kteer

حبيتني وشيلت صليبك
Habbitny Weshelt Saleebaak
رؤية وكلمات وألحان © هاني ر. صموئيل
#HanyRSamuel
أداء المرنِّمة :لورا البازي
على شاشة قناة الكرمة

* الكلمات 🌺
1- حبِّتني وشليت صليبك
إعلان عن نعمهْ غنيهْ
واتاريني بضفَّر إكليلك
وانتَ بتجمّل فيَّا
أنا مين أتحب ... واتشال في القلب
وأفراح سماوية تناديني
وبموت الصَّلبْ ... أشوف الحب
فايض منَّك يرويني

2- فوق عرش قلبي وأمانيه
لقيتك كل أمالي
جالس متربع عليه
ومدبَّر كل أحوالي
مَعُدتش أشوف ... موت ولا خوف
ولا أوهام بتخدعني
وف أيِّ ظروف... طيِّب وعطوف
ولمَّا بصلِّي بترفعني

3- باعترف إنِّي بحبَّك
ولا غير حُبَّك يرضيني
ولما بقلبي بسجدلك
تيجي برأيك تهديني
من مجد لمجد... بخطِّي بوعد
من قوة لقوة تعدِّيني
وأسال وترُد … وتصون الود
واِيدك ماسكهْ بيميني

4- صخرة قلبي ونصيبي
حِصن حياتي وخلاصي
اِنتَ رجايا وحبيبي
وروحك عربون لميراثي
يالي الإحسان … تفدي الإنسان
وجُرحَك ينزف تتألِّم
تدِّي الغفران … وأنا بالإيمان
أقبل عملك وأسلِّم
© Hany R. Samuel
#هاني_ر_صموئيل
#HanyRSamuel
#حبيتني_وشيلت_صليبك

Habbitny Weshelt Saleebaak

أَنبَا ولكِن ...!
[قَصيدة دِفَاعيَّة فِي نَقد الذميَّة] *
رؤية وتأليف وإلقاء © هاني ر. صموئيل

(يمكنكم الاستماع للقصيدة من على قناتي في الساوند كلاود)
https://soundcloud.com/hanyrsamuel/anba-welaken

أَنْبا ولَكِن جَانَا يصوّتْ
دَاخل عَزا بـ يعيَّط فِيهْ
وأصلًا مبيعرفش المَيِّتْ
ولا يوُمْ شَافُه بنِن عينيهْ

مَالنا وَمَال مَركَز تَكوينْ؟
يَا رَئيس مَركز قبطي ثَقافِي
كنتْ إهدا وبطَّلْ تَلوينْ
ربّنا قالَّك: "ارعَ خِرافي"

 دَايمًا للذّميَّهْ بـ تُنشُر
وتكرّس عَلَشَانهَا حَواسَكْ
وف مَال غيرك إنتَ بتحشُر
نَفسَك وتصدَّعلَكْ رَاسَكْ

ذِمِّي ونَاكر وَحي إيمانَكْ
بِسمْ الآب والابنْ مَقُلتِشْ
ولَا فيهْ رُوح أبدًا في بَيَانَكْ
ويا ريتَك أَصلًا مَا كتبتِشْ

قَررتْ إنَّكْ تَسحَب خَلْفَكْ
اِسمْ كِنيستَك جوَّهْ مَعارِكْ
تُحشُر أسمَاءْ تاني بصفّكْ
كَانْ أَفضَلْ جدًّا ما تشارِكْ

فين النَّاقَهْ بتاعتكْ يَعنِي؟
مين قالَّك: تدخّل ف جِدال؟
قلت: "انا هادخل واظهر مُحني"
ما التطبيلْ ف بِلادنا حَلالْ

اِهتمْ بشعبَكْ وكنيستَكْ
مالناش دَعوَهْ بسنُّة غِيرنَا
واِسمع صُوت الحَقّ نيافتكْ
الإصلاَح الدّيني لِخيرنَا

أَنبَا ولكن ما بـ يعرفشِي
يُذكر آيهْ مِن الإنجيلْ!
دِي عقيدهْ وتسليمْ متخافِشي
وثَالوثْ أَقدَسْ وَحي أَصيلْ

إشهَد لَمَسيحَك بِلَا خُوفْ
ما إنتَ ف نظر السّنهْ دي كَافِ-ر
ولَّلا نيافتك نَاوي تطوفْ؟
ما توطّيش للطرف الآخر :( 

قَالوا: "عقيدتك" عَ الملا بَانتْ
وإنت بتلوي دراعها وتنكِر
حَق كَبير في إيماننا الثَّابتْ
خُفت تجَاهِر بيهْ تتكدَّر

هَلْ فيهْ مَرَّهْ الأَزهَر جَاملْ
أيُّهَا قُبطي في أَمر الدّين؟
إِحنا سكوتهم حلو وفاضلْ
والغلا فاحش مُش نَاقصينْ

هُوَّ بـ يعفِي الأزهر إنُّهْ
يدخل معركتُه الجَدليَّهْ
وإنت مدبَّس حنَّا ومانُّو
بل كُل الأُمَّهْ القبطيَّهْ

فين الحِكمَه يا رَجل الدينْ
حَد يجيب لكنيسته مَشاكل؟
دُول ناس مَعَ بَعض وقاعدينْ
مَجَابُوش سِيرة أَي هَياكِلْ

ولمّا يجيبوا سِيرهْ لدينَكْ
أنا عن نفسي هَارُد عَليهم
أو نِبعَت ونقُولَك: فينك؟
ورّي شطارتك يالَّا إدِّيهُمْ

أنا إيماني "إنجيلي" وبَس
والتّقليد دَه "كَلام النّاس"
سِوا كَان صَالح أو مُندَس
مش ها يُفوقْ وَحي الأَنفَاس

وأَي سَلام مُجتمعي ف قصدَك؟
وإنتَ اللي بتهجمْ وخَلاصْ
لا خروج ولا تكوين دُول ضِدَّكْ
ولمَّا يعكوا فيه حُراسْ ... !
- بقلم:  د. هاني ر. صموئيل ©
شاعر ولاهُوتي وباحث في القضايا الكنسيَّة
٢١ مايو ٢٠٢٤
#قصيدة_أنبا_ولكن
Anba Welaken - Poem © 2024 Hany R. Samuel

(أرجو عدم نسخ المنشور ولكن يمكنك عمل مُشاركة مباشرة من على صفحتي/قناتي ... شكرًا مقدَّمًا للمتفاعلين والداعمين للخدمة).

Anba Welaken

أَنبَا ولكن

قَصيدة دفاعية لاهوتيَّة
#HanyRSamuel

وقد قلت في مطلع أبياتها:

كَاهن سَاذج قَالْ واستهزَا
هَرطَق ضِد كَلام اللهْ
وكتار متله لهيدِي اللحَظَهْ
بَاعُوا الحَقّ وسابوا ضياهْ

َما بنعبدش كِتاب يا هَابيلْ
اَنتَ اللي بتعبُد أَصنَامْ
وتوطِّي قُدَّام تَماثِيلْ
قلبك لِسَّهْ مَا دَاقشي عَلَامْ

قالَّك: "بَدي إيَّاكْ تتحرَّر
من سلطان الكلمَهْ الحيَّهْ"
قَالْ: وإتكَّا عَليها وكرَّر
دَس سمومُهْ متل الحَيَّهْ ...

[إلى نهاية أبيات القصيدة وأرجو الاستماع إلى القصيدة كاملة قبل التعليق].

وقد وضعتُ جُزءًا من تصريحاته الخَبيثة في مقدمةِ القصيدة الَّتي سجّلتها بصوتي حتَّى تستمعون وتستمتعون بقراءةٍ شعريةٍ موزونة، لتستوعبوا حجم الكارثة الَّتي يروّج لها. مُصلِّيًا أَن تصل معانيها الدَّافئة والمدافعة عن حقِّ الإنجيل لقلوبكم ونفوسكم العاشقة لكلمة الله في الكتاب المقدَّس.

وأستهلُ كلمتي بهذه الآية الكتابيَّة الصريحة والَّتي تدوي في أسماع كُلِّ ناكر لوحيّ الكتاب ومعتنقًا لتعاليم شياطين الليبراليَّة في هذا الزمان.

"وَلكِنَّ الرُّوحَ يَقُولُ صَرِيحًا: إِنَّهُ فِي الأَزْمِنَةِ الأَخِيرَةِ يَرْتَدُّ قَوْمٌ عَنِ الإِيمَانِ، تَابِعِينَ أَرْوَاحًا مُضِلَّةً وَتَعَالِيمَ شَيَاطِينَ" ( ١تيمو ٤: ١). 

فللأسفِ الشديد هناك كنائس في الشرق والغرب تعلّم مثل هذا الكاهن 
والَّذي ظنَّ فِي نَفسه أنَّه قد أَتى بالذئب من ذيلهِ. وهو في الحقيقةِ يجهل أبسط حَقائق الإيمان المَسيحيّ بل وسارق أفكاره من مـلاحدة الغرب.
...
- د. هاني ر. صموئيل #HanyRSamuel
شَاعر لاهُوتي وبَاحث في القضايا الكنسيَّة.
#كَاهن_سَاذج_قَال_واستهزا
يُرجى عدم نسخ المنشور ولكن يسعدني عَمل مشاركة مباشرة من على صفحتي.

بدّي إيّاك

بدّي إيَّاك

Mosh Hatlaa'i Alb Yehebback مش هتلاقي قلب يحبَّك
Lyrics & Music © Hany R. Samuel
أداء المرنمة:  إيفون خالد

كلمات الترنيمة:
 (القرار)
مش هتلاقي قلب يحبَّك
 زيّ قلبي تاني
ولا فيه غيري هيشبع قلبك
 إرجع لأحضاني

افرض كان العالم ملكك
وبتأمر وليك سلطان
إيه هيساوي خسارة نفسك؟
وضياع عمرك في الأحزان

 اهرب من أرض العبوديهْ 
وارجع للقلب اللي شاريك
دمِّي بيستر كل خطيهْ
وكلّ سمايا هتفرح بيك

 بعد ما قلبك داق المرّ
وإتعبِّد لاسياد تانيين
عشت سنينك مانتاش حُرّ
جُوَّه أنينك يا مسكين

تُوب دي سنين العُمر بخار
فرصة عمرك إوعى تـفوت
صدَّق فيه دينونه ونار
ومَا فيش رحمه بعد الموت

#هاني_ر_صموئيل
#HanyRSamuel

Mosh Hatlaa'i Alb Yehebback

Mosh Hatlaa'i Alb Yehebback مش هتلاقي قلب يحبَّك

 قصيدة تكلَّم - نداء عاجل لقداسة البابا وأساقفة ورعاة الكنيسة القبطيَّة

Takallam

قصيدة تكلَّم

Wishing every (Mum/Mom/Mama/Ma/ماما) in the world a very Happy Mother's Day. Share the song with your beloved mama :) 
On Mother's Day © Hany R Samuel
#On_Mothers_Day

On Mother's Day

يَا َبلد مَفهاش عَدالهْ!
قصيدة جريئة ردًا على تصريح الوزير العنصري.

احتدت فيَّ نفسي ليلة أمس من تصريحات رئيس الوزراء المتكررة للأسفِ كل عام بنفس الدهاء والغباء الاجتماعي والوطني. إذ لم يكلّف نفسه بمجاملة الأقباط (السكان الأصليين لمصر) من وصل تعدادهم حوالي ٣٠ مليون نسمة. فجاءت هذه القصيدة الجريئة والَّتي أضم صوتي فيها مع ملايين من الأقباط في مصر وحول العالم الَّذين تأذَّت مشاعرهم من إغفال وإهمال دولة رئيس الوزراء العنصري لأعظم أعيادهم. إلا وهو - عيد القيامة - والذي يسمى في دول أخرى بعيد الفصح والذي يخلطه الغوغاء من السواد الأعظم مع (يوم القيامة) ووصل الأمر لعدم قدرة مشاهيرهم لنطقِ اسم العيد بل وخلطه مع الكريسماس ورأس السنة.

فأين حقوق المواطنة المتساوية؟
وأنتم لا تعترفون بكلِّ أعيادنا! أو حتَّى تحفظون أسمائها حفظًا سليمًا، ينمُ عن ثقافة ومشاركة ومواطنة أصيلة وليس فقط منظرة أمام الشاشات من أجل لقطةٍ وتريند. كان الله في العون وحفظ الوطن من المتلاعبين بأمنه والمتقاعسين عن خدمته سواء كانوا وزراء أم رعاع.

ولم تنته بعد ...
- د/ هاني ر. صموئيل
#HanyRSamuel
#يا_بلد_مفهاش_عداله

وقتًا طيّبًا وأنت تستمع للقصيدة ويا حبّذا لو شاركتها مع أصدقائك لعل صوتنا يصل للمسؤولين ...
وقد قلتُ في أبياتها:

كُل عيد وليه أجازهْ
وعيدنا منسي م الحسابْ!
مَلايين مالهومشِ عازه
إلا وقت الانتخابْ ...

Ya Balad

يا بلد مفهاش عداله

برخيص باعوا
رسالتي إلى يهوذوات العصر ...
الموجودين في كل خدمة ومؤسَّسة، ليحفظنا الرَّب من غدر الأصدقاء وقسوة الأحباء. 
ضحَّى يهوذا بأغلى مكانه
إنُّه يكون تلميذ للرَّبْ
غَبي وهايفضل رَمز خيانه
سَلّم بإيدُه مَسيح الحُبْ ...  😢
إلى نهاية القصيدة 
كلمات وموسيقى © #هاني_ر_صموئيل
#HanyRSamuel

Birkhees Baeuu

برخيص باعوا

عيد قيامة مجيد | Hany R. Samuel

قُمْ وَفتِّشْ فِي قُبُورِ الأَنبِيَاءْ
لَنْ تَرَى إلَّا تُرَابًا وَعِظَامْ
غَيرَ قَبْرِ الحَيِّ مَنْ فِيهِ الرَّجَاءْ
فَارِغًا يَهْتِفُ: إِنَّ الرَّبَّ قَامْ ... إلى نهاية القصيدة ... 
حقًّا قام 
كلمات  وموسيقى وإلقاء: الشَّاعر اللاهوتي د/ هاني ر. صموئيل

عيد قيامة مجيد للأهل والأصدقاء والمتابعين في كل مكان

Haqqan Qam

عيد قيامة مجيد | Hany R. Samuel

يَا شَمتانْ ف الموت بالهَاهَا * 
قصيدة عاميَّة لنقد الأخلاق المريضة للنطع المصري والعَربي
من الّذين يضحكون في مصائب الآخرين ويشمتون عند موتهم. ولا سيّما ما حدث في جنازة البابا فرانسيس ومن قبله  شخصيات مسيحية كثيرة رينا شماتة الرعاع في جنازاتهم بتعليقاتهم السخيفة.
وهناك فرق بين مناقشة وتفنيد أفكار الأشخاص والاختلاف العقيدي معهم ولكن لا تتفاعل بأيقونة الهاها كما يفعل سفهاء القوم. 

للأستماع للقصيدة كاملة من على الساوند كلاود من هُنا:
https://soundcloud.com/hanyrsamuel/ya-shamtan-poem

والَّتي قُلتُ في مَطلعها:

يا شمتان ف الموت بالهَاهَا
حَركهْ بيعملها السفهاءْ
مِن شَعب مغيّب وف عاههْ
مَرضُهْ النّفسي مالوهشي دواءْ

يضحَك عَ الحَيّ وع الميّتْ
بالذَّات لَو م المسيحيينْ
وإرهابه في الغرب مصيّتْ
فين أخلاق البني آدمين؟

إلى نهاية أبيات القصيدة ... 
#يا_شمتان_ف_الموت_بالهاها
تأليف وموسيقى وإلقاء:
د/ هاني ر . صموئيل
#HanyRSamuel
أبريل ٢٠٢٥

Ya Shamtan

يا شمتان في الموت بالهاها

جاهدتَ دومًا والجهادُ مُشرِّفٌ 😢
[قصيدة بالفصحى في رثاء صديقي الحبيب القس الإنجيلي المحافظ أشرف بشاي]
آهٍ كم أوجعني فراقك يا صديقي وأدمعت عيناي باكيًا لهذا الرحيل المفاجيء 💔
إذ على الصعيد الشخصي قد خسرت صديقًا نبيلًا مشجّعًا لي. 
وعلى المستوى العام فقد خَسرت الكنيسة قسيسًا إنجيليًا محافظًا غيورًا على العقيدة، وأراه عملة نادرة، ومن القساوسة القلائل في زمن يراه الأتقياء زمن كنيسة الليبراليين.
حقيقة سأفتقد كثيرًا كتاباتك وأرائك وشجاعتك الواضحة، فكم كنت تؤازرني بلطف قلبك وتشجعني بعدم التوقف عن الكتابات الدفاعية. 
فشكرًا من أجل كلِّ رسالة مشجّعة قد تركتها لي. 
ستكون يا أشرف دائمًا في ذاكرتي وبين أبيات أشعاري...
سأتذكّرك بالخير و سأرثيكَ بفصاحة الكلمة الَّتي أحببتها وكنتَ تسألني في بعض أمورها، وأيضًا كنت تنبهني وتسعدني بملاحظاتك الجميلة حول المنشورات الدفاعية واللاهوتيَّة.
تعزيَّات السماء لزوجتك الفاضلة ولابنتك العزيزة ولكل العائلة والكنيسة والأصدقاء ومحبّيك حول العالم. الرَّب قريب... 
#جاهدتَ_دومًا_والجهادُ_مُشرِّفٌ
تأليف وموسيقى وإلقاء: د/ #هاني_ر_صموئيل
#HanyRSamuel

Jahadta Dawman Waljehadu Mosharrifon

في رثاء صديقي القس أشرف بشاي

الحَقيقة الجَليَّة بين المُطْلّق والنَّسبيَّة ❤️
- قصيدة لاهوتيَّة دفاعيَّة - تأليف وإلقاء: د/ هاني ر. صموئيل
#HanyRSamuel
قصيدة لاهُوتيَّة ودفاعيَّة فَصيحة مُستلهمَة من حكمة الكلمة المقدَّسة. أُرسلها كرسالةٍ تحذيريَّة لكلِّ من باعَ الحقّ من أَجل شُهرة أو حُرِّيَّة زائفة تحت أَي مسمّيات وأيديولوجيات فكرية نسبيَّة فوضويَّة يروجها معتنقو [دين] الليبراليَّة المتطرّفة والسفسطائية العاشقة للنسبيَّة المتلوّنة والمتناقضة، الَّتي دمَّرت الكنيسة في الشرقِ والغرب. وذلك بتخلِّيها عن ثوابت الإيمان، طعنًا في كتاب الله تارَة وهروبًا من المبادئ الأخلاقيَّة والمعايير الكتابيَّة المسيحيَّة تارَة أُخرى؛ وذلك للتمرّغ في أحضان الحداثة البائسة الَّتي اِستباحت كُل شيء وعارضت مَركزية الله واستهزأت بالكلمةِ المعصومة ومبادئ الإصلاح الإنجيليّ.
أُذيعت لأول مَرَّة على قناة الكرمة في برنامَج (الحقيقة وبس)، شكرًا للأصدقاء والمتابعين على المرور العطر والتّواصل الطّيِّب. وطوبى لمن فهم ما بين السطور وساهم في نشرها على أوسع نطاق لعموم الفائدة. 🙏🌹
د. #هاني_ر_صموئيل ©
#الحقيقة_الجَليَّة_بين_المُطلّق_والنِّسْبيَّة

Alhaqiqato Aljalia Bayna Almotlaqi Walnisbia

الحقيقة الجليَّة بين المطلق والنِّسبية

رحيل مفاجئ للصديق المرنّم دانيال جوزيف :(

أرسل لي يومًا طلب صداقة، أضفته وبعدما ما استمعت لبعض ترانيمه كتبتُ له رسالة تشجيعيَّة لخدمته المباركة.
وكنتُ أفكر في التواصل معه لإنتاج ألبوم ترانيم ربّما بالأكورديون فقط أو بمصاحبة العود، باللّغة العربيَّة الفصحى خاصّة حيث لديّ منها الكثير والكثير... وأيضًا باقة أخرى من ترنيمات اللغة الدارجة.
فقد أعجبني ترنيمه السليم في نطق الحروف ومحبَّة الفصحى عمومًا الَّتي أهملها معظم من يترنمون في كنائس اليوم نظرًا لصعوبة ألفاظها ونحوها.

حقيقة تألمتُ لخبر انتقاله حين قرأته على صفحة خادم الرَّب المبارك  القس فخري فرج،
ليت الرَّب يعزيّنا جميعًا بالرَّجاء الحيّ المبارك في مسيحنا المقام. 
معزيًا بلمسات الرَّوح القدس الدافئة أسرة أخونا دانيال مع كل الكنيسة ومحبّيه في كل مكان... 


وهنا قلتُ راثيًا ببعض الأبيات التلقائية الممزوجة بمشاعر القلب:
وتجدون رابط القصيدة في تسجيل صوتي مع قراءة كتابيَّة من (١تس ٤: ١٣ - ١٨).

إتألّمت كتير لرحيلكْ
يّا مرنّم موهوبْ
أسعدتْ الكُل بترتيلكْ
ليسوعنا المحبوبْ

كنت بفكّر يوم نتواصلْ
بس ظروف بتعوقْ
وشاف الرب بفكره الكامل
تسبقنا إنت لفوقْ

ويّا الرَّب أفضل بكتير
نام يا صديق وإرتاح 
ياللي جاهدت بحب كبير
إنعم في الأفراح

يا رب إنت تعزّي كنيستهْ
تسند عيلتُه كمانْ
دَه معاك فوق تكمل ترنيمتُهْ
ويا محلاتُهْ مكانْ

وَحدكْ إنتَ يَا ربّ تساند
والتعزيه تدومْ
أيوه بروحك قلبنا صامد
وسط أحزان وهمومْ


وحقيقة أقولها:

حُزن الفرقه مهما وصفتُهْ
بكلامْ أو بإحساسْ
كان دارج أو نَحوي فَصاحتُهْ
صعبْ فراقْ النّاسْ :( 

مع خالص تعازيَّ والرَّب قريب!
- هاني ر. صموئيل

إتألِّمتْ كتير لرحيلك
تأليف وموسيقى وإلقاء: #هاني_ر_صموئيل

Italemt Kteer Lerahelak

إتألِّمتْ كتير لرحيلك

بُص العصفورهْ
[ قصيدة تشريحيَّة في وصف الأحوال الجويَّة قصدي الطائفيَّة]

يَا وزارهْ مِن غير تَعليمْ
ولا تَربيهْ ولا فِكر سَليمْ
والطَّرمخهْ أُخت التعتيمْ
مين يسترجِل ويقول: عيبْ!

نِعمل إيه، طَاب نِعمل إيه؟
نخلق أزمَهْ ونقول: هِيهْ
حَاجهْ تراضي سعادة البيهْ
والنَّاس تتلهي ف التّعقيبْ

لمَّا إعلام الدّولهْْ يبرَّر
ويجمّل قرارات بتعوَّر
تعرف إنْ البيه دَهْ مقرَّر
ومعمول للإعلانْ ترتيبْ

لِعبة شُوف بُص العَصفورهْ
واِخلق قصّه تكونْ مبتورهْ
حرّض على مدرسهْ مَشهورهْ
حَركهْ تلمّع ف الكتاتيبْ

قلِّلْ أي علوم فِ المنهج
وَتر الدِّين للنَّاس دَه بيبهج
وإلغي العقَل وياللا إتفرَّجْ
كمِّل مشوار التغييبْ

ويجي زعيمْ مَسؤول ويأكّدْ
عَلى كُتَّاب مِن جِوَّه المَسـ.جدْ
خَلْط سياسه بدين بيمهِّدْ
للطائفيَّهْ بشكل غَريبْ

وإطرح يالَّلا قانونْ الدّيَّهْ
وناقشُه ف مَجلس إنتَ وهيَّ
واقتلْ وإدفع بالنَّقديَّهْ
وشُوفْ م القاتلْ كَامْ هَاتجيبْ!

يَعني إتفاوض عَ المَقتولْ
وإنتَ وحظَّكْ لَو مَسؤولْ
لَو كَان قبطي مش هَاتنولْ
حُكم الشّرع ساعتها رَهيبْ

وطَنَّش للأقباط العِيد
لَو كَان حتَّى قيامَهْ مجَيد
مَا أنتَ كبير ومَعاكْ سنِّيد
فَاعمِلْ للحِمَلان تَرهيبْ

وتحتْ رعايتَكْ وإنتَ بتظلِمْ
عَ الأقباط سَنويًّا عَلّمْ
اِخطَفْ كَام كِده بنتْ وكلّمْ
المسؤول يدفع للدّيبْ

وهاتلك كَام قَسِّيس طبَّالْ
عَلى رُتبة أنَبا وجنرالْ
خلِّيهْ بُوق كِدهْ للأحوالْ
ومنافِقْ ليكْ فِ الآلاعيبْ

واللي بيطعنوا فِ المَسيحيَّهْ
سيبهُم بِلَا أَحكَام رَدعيَّهْ
دَه جهاد ليه أَحكام شرعيَّهْ
ارعاهْ كِدهْ مِن تَحتْ وسيبْ

يَا سَلام عَ الدَّولهْ المَدنيَّهْ
اللي مكمِّلهْ ف الطائفيَّهْ
يَا رب اِحمينا من الغَيَّهْ
كُن لوطننا مُعينْ وطبيب

ما الغلا ضاربْ كل النّاسْ
والغلبان فيها يَاما انداسْ
إدّي القاده ضمير وإحساسْ
واحمي بلدنا من التخريبْ 
احمي بلدنا من التخريبْ ... 

ولم تنتهِ بعد ... 
- د/ #هاني_ر_صموئيل
#HanyRSamuel
٢٩ أبريل ٢٠٢٥

Bos Alasfoora

قصيدة بُص العصفورهْ

قُولّلي ديانتك إِيه؟
[قصيدة عن حياة الاضطهاد الَّتي يعيشها مسيحو الشَّرق]


قال الشَّاعر:

أَي مُحاكْمَهْ عَايزَهْ أَدلَّهْ
وَلو مُش كَافْيَهْ تِبقى أوْهَامْ
أصلْ الحُكمْ دَه بَعد مداولهْ
والتّفرقَهْ ف النّاس إِجرامْ ... 

#قولِّلي_ديانتك_إيه
- كلمات وموسيقى وإلقاء: د/ #هاني_ر_صموئيل
#HanyRSamuel
٢ مايو ٢٠٢٥

 للمزيد استمع إلى باقة من الترانيم والقصائد الرُّوحيَّة والحقوقيَّة والإنسانيَّة على قناتي هذه:
https://soundcloud.com/hanyrsamuel

قولِّلي ديانتك إيه

Farid Zay Elnisr Ginahi 
فارد زي النسر جناحي
رؤية وكلمات وموسيقى وإنتاج وإخراج: هاني ر. صموئيل
© Hany R. Samuel
أداء المرنمة: نادية منير

وهُنا (نسخة نهائية منقّحة لكلمات الترنيمة) ويُرجى الالتزام بها عند التّرنيم في الاجتماعات

فَارِد زَيّ النِّسر جنَاحِي
(قرار)

فَارِد زَيّ النِّسر جِنَاحِي
طَايِر فُوق المُرتفعات
[غالِب بيك أنا كلّ جِراحِي]
أصل الوَعد مَاليني ثَبات

١- مش مَتروك ف ظُروفي لوَحدي
 أَو لِسِهامْ بتطير حَواليَّا
دايرهْ الحَرب وفيها تحدِّي
لكن إنتَ مظلِّلْ عَليَّا

٢- عَالي بحُبَّكْ فُوق ألامَاتِي
[مَهما يكون حَجْم الأتعــاب]
 أنا ضَامِنْ فيكْ اِنتصاراتي
وإنِّي في إيدَك مــش مِتساب

٣- يا يَسُوع اِنتَ إلَه جبَّار
وانا عايِش دايمًا في حِماك
مشْ هاحنيها أنا للأشرار
[إِتعلِّمتْ النُّصرهْ مَعاكْ]

٤- مش هاطرَح ثِقَتي ولا اتراجِع
هانتَظِرَك وانَا خاضِع ليك
مَهما بَصادِف فيها مَواجع
بَلقى شَبابي اتجَدِّد بيك
Hany R. Samuel © هاني ر. صموئيل
@HanyRSamuel

Farid Zay Elnisr Ginahi

Farid Zay Elnisr Ginahi  فارد زي النسر جناحي

Jadeer Belthiqa | جدير بالثِّقة
من ألبوم جدير بالثقة
رؤية وكلمات وألحان وإنتاج وإخراج © هاني ر. صموئيل
Trustworthy | Jadeer Belthiqa - © Hany R. Samuel

Jadeer Belthiqa جدير بالثقة

Jadeer Belthiqa

Jadeer Belthiqa - جدير بالثِّقة

Farid Zay Elnisr Ginahi ترنيمة: فارد زي النسر جناحي 
Jadeer Belthiqa من ألبوم: جدير بالثقة
رؤية وكلمات وموسيقى وإنتاج | هاني ر. صموئيل
Trustworthy | Jadeer Belthiqa © Hany R. Samuel

Jalla Ismuka | جلَّ اسمك
من ألبوم جدير بالثقة
رؤية وكلمات وموسيقى وإنتاج | هاني ر. صموئيل
أداء: نخبة من المرنّمين
Trustworthy | Jadeer Belthiqa © Hany R. Samuel

Jalla Ismuka

Ba’ Leeha Ma’na 
بقى ليها معنى
رؤية وكلمات وألحان © هاني ر. صموئيل
#HanyRSamuel
Lyrics & Music © Hany R. Samuel
أداء المرنِّم الموهوب: بيتر جمال
بمصاحبة فريق من العازفين على شاشة قناة الكرمة

Ba’ Leeha Ma’na

Ba’ Leeha Ma’na بقى ليها معنى

Poet, Songwriter and Theologian. #HanyRSamuel

Popular tracks by Hany R. Samuel