الحب كلام أما العشق أسرار الحب كلمة تتقال بين زوز .. تتشاف فالعينين .. تتوشوش فالوذنين.. وتتحس في بوستين .. ومحلاه الحب كي يبدا مباح .
أما العشق حكاية أخرى حكاية تحكيها بينك وبن روحك كل يوم تسال روحك علاش هي ولا علاش هو تي كفاه جا ما ستانيتوش كفاه نحس فيه وما ريتوش كفاه دخل حياتي وما خترتوش هذاك علاش الحب كلام أما العشق أسرار
الحب كلام مزيان كلام حلو كلام كما حبي عينيا وروحي كلمة زادة كما توحشتك وكما نموت عليك أما العشق كلام أخر وهدرة أخرى كلام كما ''تي صلي عل نبي طفلة كيف أختي ''.. كما زادة ''وه هذاك لمازال الطفل محسوب كي خويا يا غلبة'' ولا "ليك وحشة يا بنت الناس "ولا "طل عاد خلي نشوفوك يا طفل"
وكما قلت الحب كلام أما العشق أسرار هذاك علاه الحب ما يجي كان جهار بهار يبدا ببرومو ويوفا فالدار أما العشق ما ينجم يكون كان أسرار خاطر حد ما يعرف سر الغيرة وحرقتها سر الغزرة وكلمتها سر البوسة وبنتها سر المسة وخرّافتها وسر الضحكة و حكايتها مش ساهل بش تغزر في عينين حد وتقولوا راني نعشقك ولا تشم ريحتو و تحكيلو راني نتنفسك ولا تشدو من يدو وتوشوشلو محنّك تي ساعات ترزن عليك حتّى كلمة مبنّك 
الحب كلمة أما العشق سكات والسكات أكثر حاجة تنجم تعبر بها فالدنيا هاذي هذاك عليه تسكت كي تبوس تسكت كي تعنّق تسكت كي تحلم وتسكت كي تخمم وزادة تسكت كي تموت أي نعم العشق موت تموت لداخل تموت الف مرة وما يشوفك حد تموت الف مرة لا يسمع بيك حد تموت الف مرة ولا يشلق بيك حد.. تموت بينك وبن روحك هذاك علاه الحب كلام أما العشق سكات والسكات هو برشة كلام ما تقالش وبرشة كلام مش بش يتقال السكات زادة تبسيمة في الوجه و ساعات غصة فالقلب أما مخيبو السكات كي يبدا دمعة عالخد
و الحب كلام لغة و سياسة أما العشق غرام و سناسة .. سناسة كلبة .. سناسة كلبة بيّا وبيك ومخيبني كي ستانست بيك ستانست بضحكتك صوتك وتذبيلت عينيك بريحتك شعرك ولمسة اديك بهبلتك وريقك والدموع على خديك 
ونعمبوه الحب كي يبدا كلام أما العشق سناسة وانا ستانست بيك أما ما نحبكش .. ستانست نعرف شبيك وما نسئلكش ستانست نغير عليك وما نقلكش ستانست نشتهاك وما نبوسكش .. نشم ريحترك وما نشوفكش .. و ما اصعبها كي نقربلك وما نمسكش .. و كي نشدك نتمنّى ما نسيبكش..اما محلاني كي نسمعك وما نقلقش .. نغزرلك وما نتعبش نعاتبك و ما نوجعكش زادة ستانست نحلم بيك وما نرقدش .. نتونس بيك وما نشبعش .. نمشي وراك وما نخلطش
ستانست نتمعشق فيك أما كما قلت ما نحبكش

سناسة

طحين

انا !! ما نحبش نحكي عليّا انا .. انا نحب نحكي عليك .. علا مستقبلك حاضرك و ماضيك .. علا مشيتك ضحكتك و عينيك .. علا فمك شعرك و يديك .. علا شفايفك سدرك و ساقيك .. علا ضوافرك ريحتك و بلاصة سنّيك .. علا لمستك و بوستك مع كلمة نحبك في وذنيك .. علا غزرتك و حسّك و كل حاجة فيك
...اليوم بش نحكي عليك مش عليّا .. كيفاش بتنا من غير فرشيّا .. كي نعرّيك و نغطيك بايديّا .. و بدات اللعبة كي جات عينيك في عينيّا .. ومن غادي بدات الثنيّا
من غادي بدات تترسم ثنيتي و ثنيتك رحلتي و رحلتك حكايتي و حكايتك
... و تقاسمت ضحكتي مع ضحكتك و دمعتي مع دمعتك و سرّي مع سرّك ..
.. و تقابلت كلمتي مع كلمتك و جا فمي في فمك ..
و بديت نعوم .. 
نعوم في غزرتك نعوم في سماك .. نعوم في الروح والقلب لي هواك ..
نعوم عومة البايع لي في حضنك ضايع.. نعوم عومة الهايم اللي في حبك عايم..
..نعوم عومة المسكين الي لا ملة لا دين ..
دين والديك و والديا غمزة فالصباح و بوسة فالعشية
عومة وما كيفها عومة.. كي تنحي حوايجك و تحلى بحذاك النومة 
انتي القلب اتي الروح ..نفرح كي نشم ريحتي من بدنك تفوح
انا وياك فوق الفرش نتغطو .. و نهزلك راسك فوق صدري نحطو 
يدي تتلهوث عليك ..و نحس الرعشة كي تجيك 
تجيك قبل ماتجيني ..تفرح اتي كي تلمع عيني
عيني اليسار قبل عيني اليمين.. الجبين عارق و حمراء الخدين
الليل طويل اما موش كان الليل طويل .. الليل طويل اما الوقت الي عديناه جميل..
الليل طويل بيا وبيك.. الليل طويل كي تحلت ساقيك 
الليل طويل كي تهبط و نطلعلك ..الليل طويل كي تصيح و نفرغلك
الليل طويل موش كان بينا الزوز.. اليل طويل و الكمية لوز
الليل طويل اما لنهار طلع .. الليل طويل و طفاو الشمع 
الليل وفا اما حكايتنا ما وفاتش ..

الليل وفا اما غدوة نعاودو الماتش

الليل

اجا نحكيلكم حكاية ونشبعكم تفلسيف 
نحكيلكم عالبيضة إلي حبت وصيف والكحلوشة الي عرسولها بولد عمها بالسيف في بلاد الحب فيها بالكيف و المجتمع ناقص تثقيف وبعد يقول شبيه الكحلوش طلع عنيف
أي كحلوش ونمن إلي انا مانيش مالأقلية في بلاد ما فيهاش عنصرية أما زادة ما فيهاش مقدم أسمر فالقناة الوطنية ونتعدى فالأخبار كي نجي الاول فالألعاب الاولمبية واحد من الابطال إلي شرفتلكم بلادكم بسقيا
نسكت ولا نزيد نحكيلكم عليا
انا إلي هزيت بطولة الملاكمة العالمية وعديد الميداليات الذهبية  هذا الكل خاطر جنسيتي تونسية وأصلي من إفريقيّة تسمعو فيا يا أبناء الإمبراطورية العثمانية والمستعمرة الفرنسية محلاكم يا أكثرية عاطين عالزروقية في مجتمع مغروم بالبيوضية أما يحكي ياسر عالإنسانية والحقوق والحرية وهو أكبر احلاموا فتاة من أوربا الشرقية 
بش نحكيلكم شوية على تاريخنا الأمازيغي وأصولنا البربرية بش نحكيلكم على واحد من الملوك إلي حكم أحد البلدان الافريقية وكون أكبر ثروة في تاريخ البشرية اسمو منسي موسى ويحج لشبه الجزيرة العربية غادي وين عاش بلال أول مؤذن فالدولة الإسلامية وعنترة قائد الجيوش الحربية المعروف بقوتو الجسمانية وقصائد الحب العذرية
كان وجعكم التاريخ اجا نحكيلكم عالحاضر شوية بش نحكيلكم عالولاياث المتحدة الامريكية غادي وين بدات أول ثورة عرقية وتوا رئيسها يفتخر باصولو الافريقية
ملخر صحيح كحلوش أما رد بالك تحاول تعديها عليا مالا قتلي اصلنا عبيد في عهد الجاهلية و و انتي زعمة الحر قاري تربية مدنية في شبه الجمهورية التونسية 
مالا سلملي عالعقلية 
وكما يقول المثل ضربة بسيف ولا وصيف في عز الصيف

عقلية

هل من هوية تجمعنا غير قمّةٍ عربية أو قارة افريقية أو حتى وحدةٍ مغاربية
أما زلتم عن الانتماء تبحثون وأنتم بالإختلاف مبتلون
أما زلتم قيم التسامح تدّعون و أنتم فالقرف غارقون 
ا تدرون كم أنا حزينٌ على بلادي .. ا تدرون كم أنا حزينٌ لما يحدث في بلادي 
في بلادي أناسٌ خلّدت بعد موتها
في بلادي أناسٌ لم تجد قوت يومها
في بلادي أناسٌ تُكره لغرابة أطوارها 
في بلادي أناسٌ تعنّف لطبيعة ميولاته
في بلادي أناسٌ تشتم لسواد لونها 
في بلادي أناسٌ اغتصب دينها 
في بلادي أناسٌ تنسى نشيد وطنها 
في بلادي أناسٌ أهملت لاعاقتها 
نعيش في بلاد وين المعاق يخبو فيه وكي يجيب ميدالية فالتلفزة ورّيه
نعيش في بلاد وين الكحلوش يحشموا بيه والملحد نحّيلو دين والديه
تفيه تفيه عل mentalité
لي خلّات التونسي أصلو نسا و والمقهور بالغصة بكى 
خلّات الرجال تتقاس بالنساء والمرا عملولها مجلة وفالها ال-délai
تي أرجع طل عالتاريخ ماو حكمونا العرب أما قالو نرجعو أصلنا أمازيغ
تي برى اسئل الجدود كيفاش عاشوا معانا النصارى واليهود
صحيح مختلفين أما لا فرقنا لا لون لا دين والكحلوش ما كانش ياخو زرقة العينين
خاطر يرجعوا أصلهم أتراك ولا اسبان والحرة ما تاخوش الحفيان والبلدي ما يعطش أما الزوالي يبات جيعان
أما شوف الADN تو تلقنا لكل من بني الانسان من بنزرت لبن قردان
فرقتنا جهات أما لمنا لون البلاد
لون العلم .. لون الدم إلي تخلط في ستة وخمسين وقتها خرّجنا المستعمرين وقتها مكانش فما إرهاب بإسم الدين
إرهاب بإسم الجهاد .. جهاد الفساد .. جهاد في سبيل الحوريات
أنا مسلم ونفتخر بديني أما نكره ليخدموا بيه
ديني الي علمني نحترم الغير قبل ما نحكم عليه
ديني إلي علمني نسامح الانسان مش نبدا نسب فيه
أنا شكون
أنا تونسي ذو إحتياجات لكلي اختلافات ويمكن ياسر راو عندي ميولات
أنا الخوانجي والعلماني .. اليساري واليميني .. المتفتح والمتزمت .. المسيب لحية والمدرّد .. لي يلبس القميص والمطيح السروال .. لي يكفر ربي ويصلي مرة فالفال
أنا المرا الحرة المقدية نلبس طويل ولا قصير ما يهمكش فيا وعمري ما نسكتلك كان تحول تتحرش بيا
أنا الخمسة والصليب نسكر نهار السبت ونصلي نهار العيد أنا الابيض وأنا الأسمر وعمري ما كنت عبيد
خاطر انا و نا ونايا و اني و انا منكم وانتم مني .. احنا منكم

احنا منكم

Happy birthday

ما نسيتكش

love !! i dont believe in love.. i believe more in ,madness, matchness, crazyness,  sadness, happiness, affection,  seduction passion, desire and sex .. sex !! such a sin how dare me to talk about something like this but come on lets be honest who dont want to have sex ooops i mean make love .. you know whats is love about .. its about deep kisses soft touches and licking balls .. of ice cream in the winter .. chocolate and vanilla such a beautiful delicious mixed race .. love can be cold and warm .. peace and war .. love can be ambitious ,nebulous ,fabelous ,dangerous , mysterious or even rediclious it can be confortability and stability ,destiny and good company  , support and attention or even worse it can be addiction .. yeah addiction .. it’s not drug addiction or alcohol addiction ... i am talking about person's addiction. when you are addicted to a person who can give u self satisfaction just by being by your side .. I’m not talking about sex here ( and this is rare for me ) .. I’m talking about something more superior more blessed..something sacred. I can't call it love because love is the easiest way to express something you feel but you can't define ... I start to use the word adoration to avoid saying love because love can be pain ..love hurts .. love can make you feel like a fool .. love can destroy a person's heart and soul .. love is not for sane people .. love is not for coward .. love is not for everyone .. because only strong people can handle the consequences ... but what makes people be attached to the idea of love is hope .. that precious moment of the first kiss.. that risk of gambling on having everything or losing everything .. that fear of not trying .. that joy of sharing .. and the feeling of importance.. and this is why neither my mind nor my heart can stop adoring you

Hassen Soltani

Popular tracks