الخال

أحمد فؤاد نجم - زيارة لضريح عبد الناصر

غيطان الحلم .. عبدالرحمن الأبنودي

صلاح جاهين .. عبدالرحمن الأبنودي

شاعر العامية المصري الملقب بـ"الفاجومي" أحمد فؤاد نجم
ولد نجم في 23 مايو 1929، بكفر أبو نجم مدينة أبو حماد محافظة الشرقية، وقد عانى كثيرًا في حياته رغم انتمائه إلى إحدى العائلات المعروفة في مصر، إلا أن وفاة والده كانت لها أثر سلبي على حياته وإخوته، في ظل سيطرة العم على الميراث وسوء معاملته لهم، فانتقل نجم للعيش بمنزل خاله بالزقازيق؛ ليلتحق بملجأ أيتام عام 1939، ويتخرج منه وعمره 17 عامًا.

عمل نجم في العديد من المهن، ما بين عامل في السكك الحديدية، وموزع بريد، حتى عُين عام 1959 ككاتب في قسم النقل الميكانيكي التابع للحكومة في العباسية، وهناك اكتشف فساد إداري ومالي وعندما اعترض زُج به في السجن لمدة ثلاث سنوات، غيرت مجرى حياة الفاجومي، خاصةً بعدما اشترك وهو في السجن مسابقة الكتاب الأول التي ينظمها المجلس الأعلى لرعاية الآداب والفنون، وفاز بالجائزة، وبعدها صدر الديوان الأول له من شعر العامية المصرية "صور من الحياة والسجن"، وكتبت له المقدمة سهير القلماوي؛ ليشتهر وهو في السجن.

ارتبط نجم في فترة من حياته بالشيخ الضرير إمام عيسى، ليكونا معًا فريق ظل مُناهضًا للنظام، ومطاردًا منه، خاصة فترة حكم الرئيس الراحل محمد أنور السادات، ومن أعمال نجم (يعيش أهل بلدي، البتاع، الخواجة الأمريكاني، استغماية، حسبة برما، هما مين وإحنا مين،...)، ليغيب الموت نجم، الذي كانت أشعاره محل جدل كبير، منذ حصوله على جائزة المجلس الأعلى وحتى وفاته، إذ اعتبره البعض شاعر الفقراء والمهمشين، ولقبوه بشاعر الثورة، وقال عنه الشاعر الفرنسي لويس أراغون: "إن فيه قوة تسقط الأسوار"، وأسماه الدكتور علي الراعي "الشاعر البندقية" في حين لقبه أنور السادات بـ"الشاعر البذيء".

وتسابق فنانو ومثقفو وسياسيو مصر لنعي "نجم" الذي لعب أدوارًا محورية في الشأن العام، وعلى كافة الأصعدة سواء السياسية أو الفنية والثقافية كذلك، فقال الكاتب الصحفي البرلماني السابق مصطفى بكري: "غنى المصريون كلماته.. رحل رفيق عمره الشيخ إمام منذ سنوات، والآن يلحق به شاعرنا الكبير، والعزاء لأسرته وللمصريين".

وكتبت أيضًا الإعلامية ليليان داوود على صفحتها بموقع التواصل الاجتماعي "تويتر": "وداعًا أحمد فؤاد نجم، مع كل لقاء من ملعب الصفا، إلى مهرجانات بيت الدين، إلى اللقاءات الأخيرة في القاهرة، كنا ولا زلنا نتسابق لحفظ أشعارك"، كما نعى مدير دار ميريت للنشر محمد هاشم، الشاعر الكبير، والذي كان من أصدقائه المقربين.

أما الكاتب والسيناريست بلال فضل، فنعى "نجم" قائلًا: "الله يرحمك يا عم أحمد، في الجنة ونعيمها بإذن الله"، ونشر على صفحته بتويتر فيديو يضم الشاعر أحمد فؤاد نجم ورفيق ومشواره الفني الشيخ إمام عيسى في إحدى سهراتهما الفنية.
وكتب الإعلامي معتز مطر قائلًا: "أحمد فؤاد نجم ينتقل إلى رحاب الله، إنا لله وإنا إليه راجعون، ولا نقول إلا ما يُرضي ربنا، وإنا لفراقه لمحزونون".

كم نعاه أيضًا مؤسس التيار الشعبي حمدين صباحي، مؤكدا أن العمال والفلاحين والطلاب يودعون اليوم صوتهم العفي النقي الجسور، قائلاً: "عمال وفلاحين وطلبه، يودعون اليوم صوتهم العفي النقي الجسور.. وداعا شاعر الشعب أحمد فؤاد نجم".. فيما كتب الشارع عبد الراحمن يوسف عبر صفحته على تويتر:"رحم الله قيثارة مصر الاستاذ أحمد فؤاد نجم.. عزائي لأسرته ولمحبيه ولمصر كلها".

نوستاليجا -احمد فؤاد نجم

 
كانت القرية اللي مات فيها الخواجة لامبو 
نايمة ع الجليد.. 
في الصباح 
اتحركت جوه المطابخ الصحون والخدامات 
وابتدا الدق ف محلات الحديد .. 
والمكاكية ف حظاير الدواجن .. 
لبست الاطفال في ايد الامهات في غير عناد .. 
النهار ده العيد يا كاسبر 
لما سمعت ندهة الديك من بعيد .. 
ضحكت البنت اللي واقفة تشد في حبال الجرس جوه الكنيسة.. 
طالع القسيس سعيد.. 
وبإيدو بينفض عبايتو م الجليد 
كل اسبانيا بتضحك 
عيد ... وعادي .. والجديد 
الخواجة لامبو .. مات 
كانت القرية الي دايسه عليها اسبانيا .. ضلام من غير عيون.. 
فلاحين فقرا .. بلا غيط .. او كانون .. 
اسبانيين بس في شهادة الميلاد .. 
يندغوا الاحزان مع كاس النبيت .. 
انما .. 
كان فيه كمان ناس اغنيا .. 
ليهم بيوت ..ليها سقوف طايلة السما.. 
ممتلية باللي اسبانيا فراغ منه .. 
لامبو .. كان شاعر مغني 
يمشى والجيتار عشيقه 
يلمسو .. 
يملا ليل اسبانيا بفصوص الاماني والاغاني البرتقاني ... 
عم لامبو قضى عمره في الحارات والخمارات .. 
كان يغني للعيال المقروضين .. 
كان يغني للارامل .. 
والغلابا ... 
والسكارى .. 
السكارى اللي يعودوا من جحيم الحر .. في المنجم 
السكارى اللي المحاجر حولتهم زيها 
أزمة وحجارة .. 
الجيتار يعشق زحام الاسطوات .. 
والاغاني بتتولد في الغلبانين والغلبانات .. 
عم لامبو 
قضي عمره في الحارات والخمارات .. 
كان يحب الشمس .. 
والناس .. 
والغيطان .. 
والجيتار .. 
وقطته .. 
أول الناس اللي تحفظ غنوته ..

كان يغني بألف صوت ... 
يا قمر .. يا رغيف بعيد ... 
النهارده الحد .. عيد .. 
الفقير ليه مش سعيد .. 
والغناي ليه مبسوطين؟ 
يا قمر يابو عمر لسه 
العباد ع الحانة كابسة.. 
عاوزه تنسي ..عاوزه تنسي ... 
والغناي لو يسكروا 
يبقى لجل يفكروا.. 
يسرقوا م المسروقين ؟؟... 
وجيتاره .. كان عجوز زيه تمام.. 
انما .. لُه في الكلام .. 
لامبو ما كان لوش سكن.. 
الحياة في قريته مالهاش تمن.. 
قلب اسبانيا برونز.. 
قلب اسبانيا صفيح.. 
قلب اسبانيا عطن.. 
برد اسبانيا مراكب اترمت فيها القلوع.. 
واقفة في شطوط الزمن.. 
كل أطفال البلد كانت تحبو 
كلهم كانوا في يوم كورس للامبو 
فوق جبينه... 
قريتو كانت بترمي ضل اسبانيا الغميق.. 
وشه كان وش البلد 
تبتسم .. يضحكلها... 
تزعل القرية ..اساه يصبغ خضار ورق الشجر 
وكان له قطة يعزها 
واما كان البرد مرة يغزها .. 
لامبو يضحك لما يرفعها ف ايديه .. ويهزها .. 
«ايه يا قطة ؟ 
يعني عيطنا أهه .. 
انزلي .. 
اجرى .. 
حلاوتك ..يلا بينا ع العمل .. 
الخواجه لامبو ماشي .. 
دخل الخماره .. حيوه السكارى .. 
تاره بالضحكه .. وبالفزيتا تاره .. 
غنى لامبو وبرد أسبانيا مزنهر مناخيرو
ياغلابا ... 
سيروا في الارض العريضة .... 
والسعوا النسمة بطواحين الهوا ... 
فيه في قلب الظلم حتة نجمة بيضا .. 
العمل مش حاجة ضايعة في الهوا.. 
برد اسبانيا استوى ... 
لامبو كان نشوان وكل ما فيه مغني.. 
وجيتارو بين ايديه.. 
والعباد.. منتورة زي الفحم لاسمر حواليه 
الشاويش دخل عليه.. 
(ايه يا اسبانيا يا بطن مافيهش عيش) 
هس.. بس... 
الضلام اللي في اسبانيا ظهر.. 
برم شنابات الشاويش 
الشاويش صرخ في لامبو 
لامبو خبى غنوتو اياها في عبو.. 
بس ما رضيش يجي جنبه 
والفانوس اللي في سقف الحانة متعلق رعَش 
الشاويش صرخ بقلبه 
قلبو شايل كل دوسيهات الحكومة 
لامبو ممنوع من اغاني الفقرا 
غنى غير ده.. 
الحكومة مش حمارة 
لامبو بص علي السكاري. 
البرودة اللي في إيديهم جمدت كاس النبيت 
لامبو دمَّع 
الحياة .. عايزة جسارة.. 
والخلايق عاوزة ابطالها يكون فيها جدارة.. 
عايزه ابطالها في عز البرد مشحونة حرارة 
الجيتارة.. واخده ع اللحن النضيف 
الجيتارة.. 
برضو بتنام ع الرصيف 
برضو بتموت زيي علشان الرغيف 
بس ليل اسبانيا في الزنزانة له شكلو المخيف.. 
والبلاط.. والسقعة.. والعود النحيف.. 
لا ما غنيش للفقير .. والسجن لا.. 
لا أغني.. 
لأ ما غنيش.. 
بس انا راجل شريف 
(ايه يا اسبانيا يا سجن في كأس نبيت...) 
آه.. وآه... 
لامبو من يومها وقولة آه .. غناه 
قريتو لمتها آه.. 
آه.. وآه.. والناس ترد الآهة آه.. 
الكفاح الحي اصبح آه.. 
و آه ع الكفاح لو يتقلب علي شكل آه.. 
والنهارد ده لامبو مات.. 
قتلو ليل اسبانيا في الليل ع الرصيف 
قلبه كان لابس خفيف 
قتلته الآه.. 
قتلتو في الحانة شنبات الشاويش.. 
قتلتو الناس اللي غرقانة بهمومها في النبيت.. 
قتلتو الدوسيهات في دواليب الحكومة.. 
قتلو الطفل اللي مش لاقي الفطار 
طلعت الناس النهار ده للكنيسة 
لقوه جنب الجدار.. 
قطتو جنب الجيتار.. 
قاعدة مش شايفة النهار.. 
في انتظار الليل... واسبانيا.. وشنابات الشاويش 
(لامبو مات..) 
لامبو؟؟ يا عيني.. وتبكي الطفلتين 
يمسحوا دموعهم بايد الامهات 
في المناديل الجديدة 
(آخرة الرحلة تموت يا لامبو على طرف الرصيف. 
وانت لو جالك فقير.. 
كنت تشوي قلبك الطيب تحطولو في رغيف؟؟!) 
قطته توطي 
عشان دمعتها ما تعملش ع الاسفلت صوت.. 
لامبو مات 
توصل الناس في الشوارع.. 
يا سلام .. ده أنا سايبو وهو راجع 
يدمعوا.. 
يرسموا فوق الصدور علامات صليب 
والجرس يتلوى في حبال الكنيسة 
كان حزين .. حزين .. حزين 
قتلو الحزن 
يفرشو فوقه الجرايد 
يركعوا الاطفال يرصه حوالين جسمه الورود 
والدموع .. غيمة على عيون الوجود 
«يا حبيبي يا عمو لامبو..» 
روحي يا ماما الكنيسة وسيبيني قاعدة جنبو 
يا حبيبي يا عم لامبو 
امها تبكي وتاخذها من ايديها 
مات شهيد 
مات شهيد الليل في اسبانيا السجينة 
مات .. وكان عاوز يعيش 
غيرشي بس الظلم برَّم لو شنابات الشاويش 
الوداع يا عمو لامبو 
"الوداع يا عمو لامبو " 
الوداع يا قطتو المرمية جنبi 
"الوداع يا قطتو المرمية جنبه " 
الوداع 
عربية الاغراب شالوه زي الهوا 
الوداع .. دق الجرس فوق الكنيسة 
غنت الناس غنوتو 
الضباب عمال يضيع 
لجل يدي فرصة للشمس اللي حتزور الربيع
عبد الرحمن الأبنودي


عبد الرحمن الأبنودي - الخواجة لامبو


يا نجمتى
شفتيش بلد زي البلد دي عمركيش .. ؟
الموت فى تربتها انشتل
والسجن قضبان فى طريقنا بتنفتل
واللى انقتل
ما بينبكيش .. ؟
شفتيش بلد زي البلد دي عمركيش .. ؟


قصيدة صيادين النجوم - عبدالرحمن الأبنودي

شَرع التسالي- بصوت فؤاد حداد

شعر احمد فؤاد نجم
غناء وتلحين : مصطفى سعيد

إضراب - مصطفى سعيد(كلمات أحمد فؤاد نجم)

عبدالرحمن الابنودي - لسه النظام ما سقطش

 وجّي يا بلد الحرايق و اصرخى بجنون
و احرقيها مدن و كروم و ناس و سجون
ملعون ابوها الحمامة ام غصن زتون
معمولة لاجل الضحايا يصدقوا الجلاد

يا ايد يا متكتفه
يا ظهر يا منجلد
يا طفل مين  ورثك الاحتمال و الجلد؟


ملعون ابوها الحمامة ام غصن زتون - عبدالرحمن الابنودي

عبدالرحمن الابنودى رساله الى الأخوان المسلمين

يمنى - عبدالرحمن الأبنودي

هنا شقلبان محطة اذاعة حلاوة زمان  / أحمد فؤاد نجم

عبدالرحمن الأبنودي-إكتم أنينك

- شربت إنتقاماً  سعيد صالح

A misanthropist. With a very selective taste for a few Homo sapiens.

كن مختلفا...ولو صرت وحيدا


عبدالرحمن الابنودي - لسه النظام ما سقطش

According to Hatem

Recent comments

Mo Farag

eng.moh.reda79

user80322718

Basel Mamdoh

Related tracks