الكلمات :

علي كتف صاحبي باتكي 

وبابكي لو جوايا دمع يتبكي 

انا ما فرحت الا بكي 

ولا بكيت الا وكل الكون بكي 

وحياتي مشوار الرحيل 

منك لكي 

يا طيبه 

يا قاسيه القلب 

في سكتك حتي العذاب يتحب 

ماقولشي غير ليا وليكي رب 

لا تشتكي مني ولا اشتكي 

يكفاني ما بيا ويكفي ما بكي 

-------------- 

كلمات عبد الرحمن الابنودي 

الحان عمار الشريعي 

من مسلسل عبد الله النديم .

علي الحجار - على كتف صاحبى

مقدمة أغنية فكروني - محمد عبد الوهاب

أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

محمد عبد الوهاب - يا مسافر وحدك

نورالدين الباجي عاشق الروح  El Beji Noureddine

حلوين من يومنا

محمد عبد الوهاب - نجوى

محمد عبد الوهاب - ياوردة الحب

موشحات فؤاد عبد المجيد - غناء عفاف راضي

محمد عبد الوهاب - يا مسافر وحدك

Hatem Soliman

Related tracks