اجعلني قصيدة ، تنهيدة  ..تخلص وتروّح 

خلينا ندور على بيتنا ونلاقيه دافي

كانت حبيبتى مخلصة
كانت اذا غاب القمر تسهر عيونها الناعسة
كانت اذا طال السهر تصبح نجومى فى المسا
كانت بتصبح لو اقول تلميذة جوا المدرسة

بس الزمان هوا اللى خان
ابدا مالوش ذنب الزمان

كانت حبيبتى على الطريق
بتسيبنى لو عايز انام وتجينى لو احتاج صديق
تسمعنى لو هاقول كلام وتشد ويايا الغريق
كانت فى ليه الصيف نسيم وفى ليلة الامطار حريق

كانت حبيبتى حنينه
كانت بتوهبنى الامان فى اللحظة 100 مليون سنة
كانت بتسقينى الحنان وتقلى اشرب يا انا
كانت اذا قلبى اشتكى من الشوق تكون السوسنة

كانت حبيبته  مخلصة   محمد نوح

أنا هويت و انتهيت - الشيخ إمام

غناء: يحيى غنّام وفرقته

كلمات: أحمد حداد


***

سلّملي ع الجرنان موظف شايله تحت الباط
سلّملي ع الدلع اللي بيكهرب، وع الحركات
ياما ألف شاعر للعيون والغمّازات غنّى
سلّملي ع الواد اللي عقله من غرامهم شاط

:)

يحيى غنام - في الغُربة

أنا عارفك يا أنا خايف

بودي أزرع شجرة
شجرة حنان وضل
ترخي عليكي يا سمرة
وتلم شمل الكل
***
الكون أصره بحاله
واجيبه ليكي يا غالية
دانتي جماله ودلاله
يا نخلة بكرية عالية

محمد منير و احمد زكي .. عنيكي تحت القمر 1976

لما نبقى لوحدنا...مين قَدِنا
كل الطيور بتيجي ترتاح جنبنا
وسط الزحام بنتوه كتير عن بعضنا
لكن الخلا قادر يجمّع حبنا

لما بنبقى لوحدنا تحت القمر
والدنيا ليل والقلب بيحب السهر
وأما الطيور بتنادي من فوق الشجر
كل الحاجات الحلوة تبقى ملكنا

لما بنبقى لوحدنا باقول كلام
عمري ما قلته في القصايد والمنام
أصلك يا روح قلبي النسايم والغرام
وانتي الملاك اللي بيسعد أرضنا

لما بنبقى لوحدنا وفي إيدي عود
وإنتي نايمة في المطر وسط الورود
ياللي إنتي أجمل بنت عايشة في الوجود
ومن المطر...وحده الوتر يعزفلنا

لما بنبقى لوحدنا باقول باحبك
نامي في قلبي ونيميني جوه قلبك
تعالي مرة زوريني في جزيرتي بقى
نفسي القمر ييجي ويسكن عندنا


(أحمد حداد من ديوان "الورد اللي بيطلع" (المركز المصري العربي – 2000

لما نبقى لوحدنا - وجيه عزيز

جت جت .. ماجتش إن شا الله ما جت
مطرح ما ترسي هدقّ لها
أنا بعتلها الدعوة
جت جت .. ماجتش مليش دعوة
ما جتش هيّ الخسرانة
أنا كنت قصدي أريّحها
أبقى هوا لو حرّانة
في البرد أنا البالطو بتاعها
و في الدموع أنا منديلها
جت جت .. ماجتش إن شا الله ما جت
مطرح ما ترسي هدقّ لها
لو جت هغني و هلاغيها
مجتش دغري راح ألغيها
لو جت هجيب البلادوسة
عشان تنوّر ليالينا
عشرة الاف مليون بوسة
مبوسناهمش لبعضينا
ما جتش برضه يحقّ لها
جت جت .. ماجتش إن شا الله ما جت
مطرح ما ترسي هدقّ لها
أنا هنا ساكن أوضتي
بسمع طلب و الهلالية
لو جت جسّت على أورتي
و حققت جوا عينيّ
راح أخدها ويايا بشويش
ناكل بطاطا
و نخبز عيش
نقطف جوافة في أوائلها
جت جت .. ماجتش إن شا الله ما جت
مطرح ما ترسي هدقّ لها
هدقّ خيمتي قدامها
و هدقّ ع العود أنغامها
و أدقّ وشمها على صدري
و مش هدقّ على كلامها
و الدقّة هفرشها ف حجري
و سميطة و جنينة و نجري
و أقعد في حجرها و أحكيلها
جت جت .. ماجتش إن شا الله ما جت
مطرح ما ترسي هدقّ لها
و يوم ما جت .. جت ملقتنيش
لقت دموع الناس بتجيش
صوت همهمة و رادّين الشيش
لسّه النهاردة يا ولداه
فتحنا شبابيكنا و لقيناه
في الجو طاير من غير ريش
سافر و خد غنوته ويّاه
كان نفسه تيجي و هوّ يعيش
______________________
قصيدة : الدقة
شعر : أمين حداد
غناء وتلحين : حازم شاهين

جت جت مجتش حازم شاهين-اسكندريلا

من ألحان سيّد درويش 
كلمات : يونس القاضى 
عزف وغناء : حازم شاهين

Hazem Shahen - Eh Al-3ebara حازم شاهين  إيه العبارة

من كلمات العملاق بيرم التونسي و ألحان الشيخ زكريا أحمد

هو صحيح الهوا غلاب - الشيخ إمام

جددت حبك ليه


ام كلثوم
كلمات: احمد رامى
ألحان: رياض السنباطى
غنا: أم كلثوم
إنتاج: 1952
جددت حبك ليه ... بعد الفؤاد ما ارتاح

حرام عليك خليه ... غافل عن اللي راح

ده الهجر وانت قريب مني ... كان فيه أمل لوصالك يوم

لكن بعادك ده عني ... خلى الفؤاد منك محروم

يا هل ترى قلبك مشتاق ... يحس لوعة قلبي عليك

ويشعلل النار والأشواق ... اللي طفيتها انت بأديك

دانا لو نسيت اللي كان ... وهان على الهوان

اقدر أجيب العمر منين ... وارجع العهد الماضي

أيام ما كان أحنا الأثنين ...انت ظالمني وأنا راضي

صعبان علي اقول لك كان ... والحب زي ما كان وأكتر

وأفكرك بليالي زمان ... وأوصف في جنتها وأصور

انت النعيم والهنا ... وانت العذاب والضنى

والعمر أيه غير دول

أن فات على حبنا ... سنه وراها سنه

حبك شباب على طول

انت اللي فات بنعيمه وراح ... وفات لي طيفه في خيالي

أسهر معاه الليل سواح ... عايش على العهد الخالي

وأنت اللي فات بضناه وشقاه ... وساب لي ناره في ضلوعي

ان مر ع الخاطر ذكراه ... تنزل من الوجد دموعي

يا اللي قضيت العمر معاك ... أرضى بجفاك واتمنى رضاك

انت النعيم والهنا ... وانت العذاب والضنى

والعمر أيه غير دول

أن فات على حبنا ... سنه ورا سنه

حبك شباب على طول

يا اللي هواك في الفؤاد ... عايش في ظل الوداد

انت الخيال والروح ... وانت سمير الأمل

يجيني الزمان ويروح ... وانت حبيب الأجل

وأزاي أقول لك كنا زمان ... والماضي كان في الغيب بكره

واللي أحنا فيه دلوقت كمان ... ح يفوت علينا ولا ندري

ولما أكون وياك ... هايم في بحر هواك

ما اعرفش أيه فات من عمري ... أن كان رضا أو كان حرمان

وأفضل وبس انت في فكري ... يا اللي بحبك زي زمان

نعناعة في كوباية شاي - Eskenderella

Hayssam Khalifa

Recent comments

سلوان

Remeee

Mohamed Abdelkader

Tasneem Naf'i

Related tracks