!إلى من يستحضرون ريح الماضي كلما غدت شمس الحاضر حارقة
If you like this track, please support me, repost it, like it or share it. ♥️

Nostalgia - نوستالجيا

موسيقي فيلم العراب على العود

The Godfather Oud

مساءك خير او
مساءك شر
على حسب 
ما لجأ اليه من مستقر
انا جي أحكيلك حبة
عشان مالقتش مفر
وإن كنت هاتمشي يا صاحبي
هاقسمني لنص ونص
وهاقول للنص التاني
إني يا صديق وحداني
والبؤس مكبل فيا
توبه مطلسم وحدة
محبوس جواه وحديا
منحوت في ملامح وشي
مظبوط البؤس عليا 

والحزن طارح نخلته جواي 
وأنا قلبي اصلًا منطوي وبكاي 
والكون دة اصلًا مأسوي ونساي 
بينسالك بإنك يوم 
كنت ترس في بهجته 
ويرمي عليك هموم 
في هموم 
وكأنه همك نشوته
.......
تفتكر يا رفيق 
هل هذا الكون هايضيق؟ 
¬
نضحك في الحاضر حبة! 
ونرتاح أيامنا الجاية!
ولا إحنا يا صاحبي غلابة 
مغمورة حياتنا كآبة 
ولا إحنا يا صاحبي كآبة 
والكون متعته يكائبنا 
او ممكن برضو يا صاحبي
عفاريت الكون ركبتنا 
ويجوز الكون زعلان 
أصبح فاضي من الناس 
أصبح من الفضى ملان
مافهوش نص ونص 
يجوز الكون يائس 
عشان مالهوش غيرنا 
يجوز الكون بائس 
ساير علة سيرنا 
يجوز كمان حزنان 
قتل شعور الفرح
زودلنا الأحزان 
... 
تفتكر يا صديقي 
إيه شكل النهاية؟
هل هانكون للكون كفاية؟
ولا هايزود عذابنا 
هل هايمزجنا في حكايته 
ولا هايزيد اجتنابنا 
هل هانكون للكون كفاية؟
أتمنى يا صاحبي نكون كفاية

آسف لو طولت 
وإن كان وراك مشوار وعطِلت 
اعذرني!
كنت هاجن ان مُش حكيت 
آسفي شديد يا صديق لو من شكواي مليت 
ايه دة هو انت مشيت؟!

شيزوفرينيا ~ schizophrenia

في ليلة غير كل الليالي
 هتعيش فاكرها مهما قلت نسيت
 هتخبط الايد الغريبة بچنتلة ع الباب 
وهيدخل الضيف الودود ...
 شایل ما بينكوا الكلفة و العيب والحدود .. 
يقعد معاك ع الأكل ..
 زي اللي طول عمرهم أحباب 
وحبة حبة هيبقى عنده مکان 
في كل اوضة وعنده ريحة وشكل
 هتسيب ايديه علامات .. 
فوق الستائر والحيطان والعفش
 مرة في علامة مكان دماغه على المخدة
 مرة تانية في ريحة جوا الفرش 
حتى مكتبتك حبيبتك
 اللي انت دخت تلم فيها سنين
 هتبقى شبهه
 وذوقها من ذوقه
 حتى الصور .. 
كل حيط في البيت هيغير البراويز .. 
المتعلقين فوقه 
وهتراقبك عيون تانيين
 هتراقب عاداتك
 و قلبات موداتك
 وشكلك في المتاهة وانت هایم 
بين حيطان الدنيا وأحضانها 
كل ريحة هتختلف
 حتي صوت الدوشة جوه البيت 
في ليلة غير كل الليالي 
هتعيش فاكرها مهما قلت نسيت 
اللي شقلبلك حياتك .. 
وقاسمك الأيام .. 
وقاسمك الأحلام .. 
وقاسمك العالم بأفراحه وأحزانه 
هيمشي فجأة بدون کلام 
من غير ما حتى يقول سلام 
و كأن كله كان خيال
 لا عمره كان 
ولا الليالي عمرهم كانوا
 في الوقت ده .. 
لازم ترتب البيت من جديد 
وكل شيء يرجع مكانه
 تنضف الحيطة
 تغير الاقفال
 تكسر البراويز 
وتكسر وياها الاماني
 وتكنس كل حاجة
 وتمشي زي الحياة لقدام 
وتبدأ حياتك من هنا .. 
من جديد تاني

نشيد للحب - ماريا ميرسيدس كاررانسا

Sleeping in Church

polu

Music by : saad mamdouh
تأليف موسيقى : سعد ممدوح 
www.facebook.com/saad.mamdouh.3

Saad Mamdouh - Le Premier Train | سعد ممدوح - اول قطار

ابقى ع طول

(Voice Record - El Harrif)| في الشارع

(رقصة الكلب - فؤاد حداد (إلقاء عصام شوقي

بيني وبينك خطوتين..

Music producer, keyboardist and music geek 

“After silence, that which comes nearest to expressing the inexpressible is music.”
― Aldous Huxley, Music at Night and Other Essays

Nostalgia - نوستالجيا

Hazem Emad

Related tracks