شوية الاغاني دول بيبهجوني...يا رب يبهجوكو انتو كمان :)

بهجة :)

كلمات الشاعر المصري محمد خير
ألحان الموسيقي الفلسطيني تامر أبوغزالة

 حتى لو أخرتي تاني يا ليالي في الأماني عمري ما هابطل جناني ومش مهم
 يعني لو حط الحمام هافتح الشباك وانام وان عييت مليون زكام مش مهم  
 يعني لو مطرتي هالعب في المطر ولحد ما اتعب وامّا اقع واتهد واغلب مش مهم
 والقمر ده شكله عادي مش هابص عليه الليلادي يعني ليلة زيادة ضلمة مش مهم 
 أعلى ما في خيلي غنايا وللا رأيك مش معايا وان ماكانشي رأيك انت مش مهم

Mesh Mohem - Donia Massoud - دنيا مسعود - مش مهم

Drums: Mahmoud Barakat
Bass Guitar: Omar Sherif 

www.facebook.com/cherinesproject

Alwan Al Taif , Studio Version

ناي البرغوثي - عن إنسان

حــــواديــــت

Zap Tharwat ft. Cairokee - بحلم

حاجة كدة زي الشعر ..
أداء صوتي لـ : محمد فاروق ..
ومونتاجه وتظبيطه أيضا

وكتبها حاتم عرفة
تقدر تقراها على صفحته على الفيس بوك من هنا :
http://www.facebook.com/note.php?note_id=251117048232826

للأعمال الأخرى لـ محمد فاروق ممكن تتابعها من هنا
https://soundcloud.com/mfmaegy-1


فاكرة لما كنتي حلوة أوي

بيانولا- سيد مكاوي

 خوف   ...هدى عمار    
الاغنية من فيلم ..قص  ولزق  

خوف  ..هدى عمار

في ناس بتلعب كورة في الشارع
وناس بتمشي تغني 
تاخد صورة في الشارع
في ناس بتشتم بعض 
تضرب بعض
تقتل بعض
في الشارع
فيه ناس تنام ع الأرض في الشارع
وناس تبيع العرض في الشارع
وفي الشارع أخطاء كتير صبحت صحيحة 
لكن صحيح هنكون فضيحة
لو يوم نسينا وبوسنا بعض في الشارع


افتتاحيَّة فيلم "الحريف" للمخرج محمد خان ،
بقصيدة أمينة جاهين ،
وصوت أحمد زكي





I don't own the copyrights of the song or the music

في الشارع - أحمد زكي

على سلامة حالة كده

قصيدة: عمرو شاهين
أداء صوتى: زينب فرحات
مونتاج وإخراج: رغدة أيمن
-----تفاصيل بسيطة

 

قولهم 

إن الغياب .. نُص المسافة للقا 

و أن اللقا

خط البداية للغياب 

قولهم 

طعم العتاب

يشبه التلج اللي ب يدوب ع اللسان 

بارد أوى وقت الدخول للفم 

و يدفّى ريقك لما داب 

فاكر مرورك من هنا 

صوت الجونله 

وهى ب تطبطب على سجاده الصلاة المفروشة زينه 

لسه ب يرن في عامود السرير

ريحه الدفا 

وطعم خوفك

سكر القهوة الزيادة وريحه الدخان 

كلهم

اقنعونى إن الفراق … 

محطة تانيه في العلاقة المستمرة 

مش ضروري إن البكا 

ينزل من عينك دموع 

مش ضروري إن الفراق 

يخطف م الشفة ابتسامه 

و لا هوش ضروري 

إن كل حضن أنا ها اخطفه 

ها أدفع قصاده

حسنه

في يوم القيامة 

ف اصرخي لما تجيلك الضحكة بجنونها 

الصرخة ضحكه قديمه مكبوتة 

أنا اللي عايش لحظه الحب وشجونها 

وأنا اللي بعمل م اللحظة دى ..حدوته 

الملايكه 

ضمة كفوفك للجاكت 

طعم الهوا بعد المرور بين خصلتك

كلها تفاصيل بسيطة 

بتخلق القصة .. وتديها الحياة 

الشمس أنتي 

والليل في ستره للمشاعر يبقى أنا 

ضدين ب يجروا عكس بعض 

لحظه لقاهم .. مشهدين ملهومش وصف 

مشهد شروق

" ..اقسم لذاتك بالوفاء

اقسم بكل تفاصيل الحياة .. على البقاء "

مشهد غروب 

" أوعدك أنى ها رجع من جديد

أوعدك .. مش ها أسيبك تحضني الأشواق كتير "

...

قولهم 

إن الزهور ..

قادرة حقيقي ع الغنا رغم الخريف 

وان الخريف ..رمز الشجن .. 

قادر يضيف على جَنَتَكَ .. لون احتضار 

و باختصار

ورق الشجر .. اصفر خريفي 

والسنابل .. اصفر حياه 

و عينيكي أنتي 

شماعات الحلم .. في دولاب الوجود 

قادرة تحافظ ع الفرح

ترتر ب يلمع

على بطن فستان الزفاف

و أنا قلبي يرويه الجفاف .. 

والبعد.. يَّمْ

يسقى تفاحة اللقا 

علشان نسيب الأرض عذرا

للكواكب والنجوم

تفاصيل بسيطة

Lyrics : Mohamed Ibrahim 
Composed By : Marwan Anwer & Ameer Youssef 

Ameer Youssef  :: انسان سابق بدون موسيقى

المغني - ريم بنا

http://salam-yousry.blogspot.com/2012/10/blog-post_8291.html

شجر الحكاية

موسيقى تصويرية لفيلم أسماء تاليف:هانى عادل

- موسيقي فيلم أسماء

 Breaking the Boundaries & Abdulrahman Mohammed 

Abdulrahman Mohammed - Ya Mn Hwah  عبدالرحمن محمد - يا من هواه

في يوم رحت أقابل منتج عشان يكتشفني. أول حاجة قلهالي هي "إنتي تخينة!" قلتله "و ماله حضرتك مش هتسمع صوتي؟" بصلي بقرف و قالي "لا مفيش داعي.. روحي يا ماما خسيلك بتاع 20 كيلو كده و بعدها نبقى نسمع!" طبعا أنا خدت بعضي و مشيت و أنا في خيبة أمل فظيعة و إنه إزاي في ناس بتفكر كده! لكن بعد ما عيط شوية و فكيت عن نفسي، جبت ورقه و قلم و كتبت الأغنية دي و في ثانية اللحن طلع في دماغي و هوبا كلمت صديقي الفنان شريف الوسيمي عشان يوزعها و أنتجنا الأغنية الرائعة أم دم خفيف دي بمساعدة أساتذة في المزيكا زي معتز ندى و عمرو طنطاوي و وائل النجار و عز شهوان و هاني بدير و أحمد سليمان.

كلنا فينا عيوب. بس كام واحد فينا بص للعيوب دي على إنها دافع لتطوير النفس؟ طب بلاش, كام واحد فينا بدل ما يحط إيده على خده و يتحسر, مسك العيوب دي واحده واحده و اتريق على نفسه؟ طب مين فينا عارف عيوبه و متقبلها لإن هي اللي بتميزه عن غيره؟ في كذا طريقه غير السلبيه ممكن نعالج بيها عيوبنا و نتقبلها.

متخلوش حاجة توقفكوا و حبوا نفسكم زي ما انتم و لو في حاجة نفسكم تعدلوها ده يبقى بكامل إرادتكم و بقرار منكم مش من حد تاني :)

حاولوا دايما تحولوا أي شيء سلبي لحاجة إيجابية!

أقدم لكم نفسي، أنا ساره الجوهري. مغنيه و ملحنه و شاعره و دماغي ناشفه و بحب الأكل جدا و مش مكسوفه من عيوبي لإنها جزء من شخصيتي اللي أنا فخوره بيها!

Here's a link to the song + lyrics on youtube: http://www.youtube.com/watch?v=D0_0UjpLMZM

Ballouna

Musical Arrangement: Sherif El Wesseimy
Sound Engineering, mix & master: Moataz Nada
Guitar: Amr Tantawy
Accordion: Wael El Naggar
Violin: Ahmed Soliman "Fido"
Bass: Ezz Shahwan
Percussion: Hany Bedair
Written and composed by me, Sarah El Gohary

Ballouna | بلونة

شعر: أحمد حدّاد
لحن وتوزيع: شريف الوسيمى

ولا شىء يعكّر مزاج سيادتى
عايشة الحياة وباحب وقتى

باضحك فى وش الدنيا
والغاز أشمه كولونيا
دى النار تبرد فى يونيه
ولهيبها ف يناير يأتى

ممنون يا هانم والنبى ممنون
وحتى لو كان امتنانى جنون
بتضحكينى وتوريهالى جناين
ما كأنهاش يا ست هانم... سجون

الدنيا حروب وحرايق
ومزاج الناس مش رايق
شفتى بتقولك نكتة
لكن قلبى.. متضايق

البسى بلوزات ع الموضة
واضحكى لمراية الأوضة
دا الجرنان لونه أبيض
لكن أخباره... سودا

واللى فى قلب الميدان
شايفين السما ألوان
ضرب النار ما قتلهمش
وانا مكملة عشان

باضحك فى وش الدنيا
والغاز أشمه كولونيا
دى النار تبرد فى يونيه
ولهيبها ف يناير يأتى...

مزاج سيادتى- فيروز كراوية

Salam Abu Amneh - أحن إلى خبز أمي

 أحداث كربلاء - ديوان المانيفستو

بهجة :)

Heba Darweesh