white noise

Night Alone - Music

Sultan MUSIC  -  Fahir Atakoğlu

instrumental 2-memories

Don't Go

أغنيه " ممكن" لأسامه الهادي لمشروع إنسان الخيري ..
كلمات : محمد إبراهيم 
ألحان : أسامه الهادي
توزيع وهندسه صوتيه : مهاب سامي 

-
ممكن أكون انت 
أو هيا او هو
والفرح لو يتقسم هنلاقي فيه بركة
بص بعيون قلبك 
هتشوفني من جوه 
لو بينا فى مسافات دقق تلاقي حاجات جوانا مشتركه

انا ضحكي ليك بيزيد اول ما تضحكلي 
ضحكك فى وشي أكيد بيحلي من شكلي 
انا ناس كتير حواليك دور وهتلاقي
إرسملى انت السما وانا هرسم الباقي

كملنى بيك هحلم 
وابدأ حياة تانيه 
إفتح بيبان قلبي
تفتحلي باب مقفول

وأجرى واطول حلمى
واقدر على الدنيا 
ضهرك فى ضهرى نقوم مانشلش تانى هموم 
ونكون سوا على طول



Osama Elhady - Momken | أسامه الهادي - ممكن

أحداث بتدور وأنا وانتي وليـــل.. بيطول علطول علشان غايبة
بردان بينام ..ف كفوف الخوف ..متشعلق ف حبالها الدايبة
مكسور نصين بيحبوكي .. متساب ف دروجك للذكرى
من كتر ما بيعيش ف امبارح .. بقا رافض حتى يشوف بكرة
ضميني ان كنتي مفارقاني ..وخديني ف حضنك بدموعي
وان بلّت قلبك كام دمعة ..حنيلي ان كان نفسك فيّا
ما خلاص قصتنا بتتحول لحوار ف الفيلم وأغنيه 
و اهه خلص الفيلم اللي كتبته على عكس ما كنت انا بتمنى
منا كنت ف حبك مـ الأول .. ابليس متعشم ف الجنــــة
,,,,,,,,,,,,,,,,,,,,,,,,
كلمات : محمد ابراهيم
@mohammed-ibrahim-4

الحان : اسلام علي
@eslamalii

توزيع : أمجد معتز
@the_fooron54cina

غناء : أمنية حسن
@omnia-hassan-2

عود : اسلام الأبتي
كمان : مصطفى العطار
جيتار :أحمد راجح


عشم ابليس

Wish You Were Here - Avril Lavigne

02 My babe's crying again

أدين بـ دين الجدعنة وبـ دين رفاق الدرب ..
وبقوله احنا مش انا ف المعمعة والحرب ..

وبـ دين ما كنت مصدّقـه؛ ف المعركة الاولي ..
وبـ دين جثث ف المشرحة اساميها مجهوله ..

وادين من ساب اخواته ع الاسفلت مقتوله ..
واقول التوبة مقبولة الا في وقت الحرب !..
__ مصطفي ابراهيم 

* التسجيل من حلقة وسط البلد مع خالد تليمه 
** الموسيقي مّضافه / عود : نصير شمّه : موسيقي "روح"ـ

دين الجدعنه : مصطفي ابراهيم / شعر

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.

شعر : مصطفى إبراهيم : الصورة قصادك

يا كل حاجه كسبتها
أو سبتها
و ملحقتش اشبع منّها
اكمنّها
قالت “حنروح من بعض فين؟ "
يا ناس يا عبط يا عشمانين
ف فرصه تانيه للقا
بطلوا اوهام بقي
وكفايه أحلام واسمعوا
عيشوا بذمه و ودعوا
كل حاجة بتعملوها
وكل حد بتشوفوه
وكل كلمه بتقولوها
وكل لحن بتسمعوه
عيشوا المشاهد ,, كل مشهد
زي مايكون الأخير
واشبعوا ساعة الوداع
واحضنوا الحاجه بـضمير
دا اللي فاضل مش كتير
اللي فاضل مش كتير



instrumental 2-memories

Heba emad 2

Related tracks