كنت انا قلم رصاص رامي نفسو عالبراية

joooo

الــــكــــلــــمــــات

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

___________________________________________

El-7ob Fe 3onok Zogaga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

الحب فى عنق زجاجة

الــكــلــمــات

قلتهالك قبل كده اللى بيننا ده اسمه زنا
عمرى ما اقتنعت إن قوضتك عش حبنا
بدنـدن الحقيقة المرة سدى ودنك واهربى
عمر ما فقد شخص يهز شعرة فى منطوى

تملى أقول الحق عشان لقيت سعادتى
فى إنى بسقيكوا القبح والبركة فى سحر معلقتى
كرة حبى ليكى تذكرة رجوعى ليا
وحبى ليكى كان حنين لحاجة ماتت فيا

كداب ... حبيتها بس كرهت كونك مش قوى
لولا إنك ادمنت نفسها كان زمانك بودرجى
وأهى بعدت أبعد من أبعد حباية بى فى السطر
لطخ بشارة رابعة صورة السيسى رئيس لمصر

لو مش قد الكلام ده أسمع اللى غنى
غنوة تسلم الأيادى لكونها أجلت إدماننا
بضيف حقيقة لكدبهم سخريةً من واقعهم
مش همضى كطرف تانى وعـ الطرف الأول توقيعهم

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

لو موتتى مش هدفنك هفضل طول عمرى اكتبك
بتحدى طبيعة ما بعد الموت ... مش هتتحللى
سيبيهم يتهمونى بالجنون مبيؤلمنيش كلامهم
هو المجنون مبيفهموش ناس قدر يفهمهم ؟

فى نارهم مش هتحرق أبص لأصنامهم تتفلق
لو محلش الطوفان ده مش معناه إن محدش غرق
الذئب مكلش مذهبى شموا الورق تعرفوا
بإيمان يعقوب استنوا مش محتاجكوا تتصرفوا

لو عين اللى بيسمعنا مش هتلمح أى معنى
كانت عين المار - عمق البير- عن شوف يوسف منعها
كان لازم قارى ودارس يبقوا غلاف منتج موهبة
قصص مش شبة بعض لنفس الجرح ... فاهم كده ؟

بدقق أكتر .. وأفكر .. فعايش أبطئ
هى عارفة ليه أبسط سطورى معقد
سيبوا المدينة تتحرق وأنا لوحدى اللى فيها
مش هقدر أمشى منها مدى كلمة للأميرة

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

___________________________________________

Nafs El-7aga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Nafs El 7aga - نفس الحاجة

الوداع و البتاع

الـــكـــلـــمــــات

طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله

لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرص

آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ ./?

رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها

خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه

مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم

لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها

طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟

سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح

___________________________________________

Emsho

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Emsho - إمشوا

جوايا ضلمة و نور .. جوايا الخير و الشر
فى ضهرى جناح مكسور و جناح بيطلع صهد
جوايا حلم برىء .. لو يتحقق اموت مبسوط
و جمبو يئس مريض بيقولى هتاخدو معاك و تموت
_
جوايا عين مليانا راب و عين مليانا تراب
قلبى نص ابيض حمام و نص اسود غراب
لو فيكم واحد شبهى يخلق من الشبة اربعين
مخبى الوش المكسور و براب بالوش السليم
_
جوايا بنى ادم هادى و بنى ادم متعفرت
جوايا بنى ادم عارف و بنى ادم متلخبط
جوايا شجاعتى بتكتب و قلة ثقتى بتشطب
اوقات بيكون بمزاجها اوقات من غير ما تقصد
_
جو عقلى فص بيحلم و فص واقعى
اوقات بكون مجنون اوقات بكون منطقى
عالمزاج اتقى و عالمزاج افترى
لو بيعت فى طلعت فجر عالضهريا اشترى

اوقات بحب فى البنت مجرد شخصية
اوقات بتبقى مجرد وسيلة ترفية جنسية
اصل قالولى لية تشترى لما انت ممكن تأجر
احنا فى زمن تبداء بدرى يدوب توصل متأخر
_
جسمى عالارض و عقلى فى الفضاء
دراع يقدم ورد و دراع ماسك كرباك
اصل حياتى عبار عن بار على بار
يمينى مية و طين ..شمالى مولع نار
_
فاحب اضيفلك كف ريش و كف حديد
وحش مستخبى جوة جسم طفل برىء
فيا مكر الثعلب .. و ليا ناب الديب
هو دة ملخص خياتى و عقلى متاهة العفريت
_
ادينى عرفتك بيا احب اتعرف بيك
انا الشخص الى امك حذرتك تاخدو شقيق
فيا كل حاجة مش فيك و فيك
تقدر تقول حيوان تقدر تقول عفريت

3afreet - Gowaya   عفريت - جوايا

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

Eljoker -  - dawsha-Tofa7et 7awa

ابيوسف حد بيراب احسن مني (Audio)

Cycle (Freestyle)

Lyrics: Y-Crew and Badr
Produced by: Boflot Beats
Composing & Mastering: Nadeem El Shaari

Follow Y-Crew:
https://facebook.com/ycrewofficial
https://twitter.com/ycrewofficial
https://instagram.com/ycrewofficial
https://soundcloud.com/ycrewofficial

Y-Crew Ft. Badr Dahi - 3a2areb el sa3a | واي كرو مع بدر ضاحي - عقارب الساعة

نهايه الفلم يوسف الجوكر

يوسف جوكر - زول لـ زول    YouseF JoKer - ZoL L ZoL

على الشاعر • الأستاذ • فشخ علنى  Diss El Ostaz HqOv - GVRI5M Youtube

Join Afreet On Facebook:

Profile : https://www.facebook.com/Kareemelkhamissy

RC Family:
www.facebook.com/RCFAMRAP

زي ما انت حزين - جزء تاني | عفريت

كلمات الأغنيه ○ Lyrics
••••••••••••••••••••••••○
فل عليكوا واحلى مسا على اللى بيسمع التراك
100 فل وعشره على العشره وعلى فض الاشتباك  
ضربت 10 عشان 1 فين الواحد سلمك ؟!
بقـوا 10+1 فل  = 11 نـفـر إتـعـملـوا لـبـسـه 
360 درجه مش بتبلع ولا بتف 
ولا كربونه من أى سف ولا حتى رسمه شف
بعديها بمزاجى .. بدورها بمزاجى 
بخلى الارض تـلف حوالين نفسها يوماتى
لـو جـن انا هلـبسـك لو كنت فأخر الارض أنجزك 
تتلف رزله بس فله واخدنى بيك كمان واحبسك رزل
الفركه دلـعـه .. زودها سنه 
إياك تسمع Rapper مـتـبـغ أو سـفـنـجه 
يمتص إسلوب كل Rapper ويـنـفـدلك ميـكس
الذئب اساس الـDiss حلـقـه فـ ودنك إفتكرها
سطر كل بار فالطبق وإسنف السطور 
طلع دخان من بقك كح بنش لاين بيور
---------------------------------------
أوفر دوس فلوهات بالجمله دوخنا والمزيكا عليت 
قهوه غليت فارت بردت زى أسمائكم م وقعت
تركاتكم عامله زى الصلصه الحاره على اللارينج 
كلمات تقيله عجيـبـه .. مفتاح اطلانطس رمح
--------------------------------------
فالاخر كله فشنك .. كلكوا جوه السيرك  
أنياب الذئب بترفض تتروض ونقول كيلاكيت 
مبتـفـهمـوش الدرس .. بعـيده ومبلحقش
فهمنا !! 
أكيد؟؟؟؟؟؟؟؟؟ تقولوا هوه احنا مبنفهمش  
اولع فيكوا زى هتلر ولا احرقكوا xD 
ايش هذا .. والله نفس المعنى إتفو على أختو 
ك الخليجى يشتم اختو بدل ما يشتم امه لكنه 
ابدى يقلع كل اللى مضايقه كلوته ويكتبله إسمه 
على وشه .. عشان كل اللى يشوفه يقوله 
مش انت اللى قلعوه كلوته لما كنتوا فالخرابه .. بسسسس 
متكملش .. 
لأ خد منى الدور وكمل جسمك همد وبتتلود مخك فوت 
جواك دود عفنت وبتجود زود هوا 
اتنفس صح الدوا ازاى يتاخد واللسان اتلوى 
وبقى يتكلم كده م تعدل 
قبل اما الديابه تهجم .... بتكتم ؟؟ 
ولا تاخدلك باك وتنزل 
اصل المشهد بعد كده هيبقى خلاص +18 
شكلك مش فاهم حاجه تعالى ارصـلك دسين 
ولا خد HardCore خد Free بس فـى طابور 
خدلك كاس Flip-Flop ولا بتخرب 
عادى بالحب 
---------------------------------------
أوفر دوس فلوهات بالجمله دوخنا والمزيكا عليت 
قهوه غليت فارت بردت زى أسمائكم م وقعت
تركاتكم عامله زى الصلصه الحاره على اللارينج 
كلمات تقيله عجيـبـه .. مفتاح اطلانطس رمح
--------------------------------------
طلاما دخلت كارنا لازم تبقى قده 
أى قاعده تبقى مكمل فيها لو كلهم إتهدوا 
هدوا .. إياكوا تعدوا #الذئب_عاد وخد مساحته 
ثبت رجله وقام لوحده مش مستنى حد يساعده 
انا كنت واقعكوا ديما لما خيالكوا خانكوا ♥
مش بطلب من حد يكتب إسمى عشان مكتوب لوحده

Eljoker - - dawsha-Tofa7et 7awa

j0o74

Recent comments

Syd Metwaly

Syd Metwaly

Barakat Sedhom

Khaled Darwish

Related tracks