no2a

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

Arabs Got Talent - -jennifer  - بعيد عنك - جينفر جراوت  

Arabs Got Talent - jennifer بعيد عنك - جينفر جراوت

On The Floor Jennifer Lopez Ft.Pit Bull RMX Dj B@h Carvalho

قهقهة للضحكات كاملة مع الكلمات  -  اعلان العيد من زين 2022 أحمد سعد (128  kbps) (s.shabakngy.com).mp

ذهب الليل وطلع الفجر والعصفور صو صو :D " محمد فوزي

اغنيه فلوله🍓،اهلاً اهلاً يا عيد اهلاً

أيــوة بقدر أبتسم للقهر لمآ يكش 
وأقف فى وش الدنيــآ بالفكرة 
وبزق الضحكة بعيون بكرة 
وضعفى قآدر يهزم الجبروت 
وإديآ حآلفين يرفعوا رآية حيآة قصآد الموت 
أنا مش صدى صوت ولا شئ مرفوض
ولا رسمة فى وسط حدود بآيشة 
أنا روح حرة وصآبرة وعايشة
مش سايبة مكانى لحد ما أموت

أنا مش صدي صوت .. بصوتي

نانسى عجرم - بلدياتى - حفلة

Pregnancy Music  Relaxing Piano Music For Labor & Music For Babies

01-مقدمة -أخطاء شائعة

انت اللي بين ايديك بدأت اعيش حبيت سنيني بيك علشان بحبك

خليت حياتي جنة من مافيش خليتني انام واقوم اقول بحبك

قدام الناس انا وانت بقينا لبعض الليلة خلاص

اصل انت يا قلبي في قلبي غير الناس


 
و يا واخد روحي وعيني الليلة انا جيت وبقول حبيت

وياك نسيت حبيبي عمري كام ونسيت حاجات كتير عشان بحبك

بقى شيء طبيعي بينا في الكلام بين كل كلمتين بقول بحبك

Hemaftw

حماقي حبيت سنيني بيك عشان بحبك

نداء شراره حبيتك بالتلاته

Triaqy

ترياقي- العلاج الجماعي

Sandy - Mohbata / ساندي - محبطة
From Album Ahssan Min Kiteer من ألبوم أحسن من كتير 
WWW.SANDYSTAR.NET
https://www.facebook.com/Sandystar.Net 

Sandy - Mohbata / ساندي - محبطة

التلاوة بصوت الشيخ محمد صديق المنشاوي رحمه الله إلا بعض آيات بصوت الشيخ محمود علي البنا رحمه الله نظرا لعدم وجود تسجيل كامل للسورة بصوت الشيخ المنشاوي رحمه الله

سورة الكهف - الشيخ محمد صديق المنشاوي - مجود

عندمآ تريد أن تستمع لما يشدوه قلبك ..
بعيــدًا عن كل العبث ........
فلتأتى هنا ..حيث كل الفن الهآدف 
#فنى_هآدف

أنا مش صدي صوت .. بصوتي

Hend Rashed

Recent comments

CiTizen Bebo

Ahmed Ibrahem

Rehab Hamid

Tǻsñęêm Ḿǻhêr

Related tracks