Biguin ang Imperyalismo (Demo)

January 4, 2024

kung kailan taimtim
ang bugkos ng paragis
sa yabag mong pasan
ang sansinukob, ang siya
mong sige sa pagbaybay
sa dilim at lilim ng buwan

umaasang, kinabukasan,
'di ka mapapangalanan ng
bawat kulisap na nakabulungan
ng mga sikretong tawagan,
plano, at kaalaman

kagabi, sinuri mo ang kalangitan.
bawat pangalan, bawat ruta ng
mga tusong halimaw, at bawat
kalamnang nagkukumahog na
'di datnan ng punglong kaisa
ng katarungan. kabisa mo ang
lahat ng ito kahit lagutan ng
palatandaan

kapwa tayo nangangatal sa
amihan at naligaw ang pulso,
sa pagdanak ay 'di luha at mas
tiyak ang dugo

at marahang winika ng umagang
nagpapanibago ang panimulain
ng bukod-tanging epiko, 
“matagalang digmang-bayan,
tiyak, hindi mabibigo!”

Panimulain

Tipunan

Sulong

Hernan Kawangis

Popular tracks