اه لو كل البنات عندهم 2% من اساسك

gamelaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa   gdn

وهتعمل ايه يابو قلب مصبوغ بالجَدَب
مع بنت تكوينها بيشبه للشتا؟
متلوّنة بريحة يناير
روحها عاشقة الكلفتة
واكمنها..مروّية فى القلب بتعب
كان فيها منه حجات كتير
يمكن دفاها..أو جفاها
أو شرودها عن دواها
أو هواها للسهر
وبرغم سقعة جوّها
تلقاها تقدر لو تعوز..تصبح غطا
البنت سكة للسفر
وانت المسافر فيها مهما كان قلبك عجوز
..لساك فتى
كات جدتى بتحكى زمان
ان البنات..
تأويلها جوة الحلم دنيا
والحلم كان واجب نفاذه فـ خطوتين
"كام رقصة صولو من الوجع
على رتم أوتار الكمان"
وكأنه ديْن
وان الميزان..علشان يوازن كفتين
فـ البنت يلزمها تعيش كام ألف ضحكة
عشان يعادلوا حزنها
والحزن لو كان تُقل وزنه يسوى مَبْكى
بضحكة واحدة منّها.
يامفرّقين حبة دفا ع البردانين
قلب الشتا زى الرصيف
او زى شارع كان مداه ضلمة
ومخبّى وسط العتمة نور
والبنت برضه قلبها شتوى
عكس الخريف
يسكنها حبة ضىّ رغم الليل
..كل البنات
تقرب لروح البرد فى البوح والسكات
زى الحكاوى الدبلانين
حدوتة كات متشتتّة
مكتوبة لكن ما اتحكتش
مش ميتّة..لكنها
تفاصيلها لسة ماتعاشتش
وعشان كدة
كل الصبايا فطبعهم..
بيكونوا أجمل فى الشتا
كل الصبايا فطبعهم
بيكونوا أجمل..
..
فى الشتا

.

წ…℅……ঔღঔ…ੲੜ ..ҢΞяøÕ ĽòVξЯř.. ੲੜ…ঔღঔ……℅…წ

ﬗ▁▂▃▅▆▇★☀二【«..Ǿ∫ДMą..»】二☀★▇▆▅▃▂▁ﬗ

www.facebook.com/osamalovlyboy

زينب فرحات - بنت تقرب للشتا

Financial Accountant in Financial Management of Resala Charity
And 📷 Photographer 📸
📱0100 48 54 000
Single 😎


Comments

user66939163

youstina zaher (ZAHER)

ahmed tito

Fatima Mohamed 8

Abdalnassef Galal

Mai Nasser 7

Nonazaki

mona eladawy

Mohamed Sobhy Esmaiil