يا مصر احنا ولادك ولا انت بيعانا - زاب ثروت

زي الحمام طايرين - احمد شطا - راديو ميدان

الكلمات:

علموني في ابتدائي
يعني ايه كلمة "وطن"
يعني حب فيه ألاقي
يعني برضه يوم سكاتي 
اصحى الاقي حلمي عايش
مش ورقة وحبر بايش 
وفي يوم وليلة بيتدفن

قلت آه وآلف اه 
على حلمي اللي تاه 
ووطني اللي انكسر
آه لو فاكرينها حياه 
ومش بندفع التمن
آه على اللي كان 
واه على اللي خان 
آه على اللي راح
واخص على اللي هان..

يا دم سايل بين ضلوع 
فين القصاص؟ 
يا طير واقف على الفروع
اوعى الرصاص..

يا حزن عشش في الوطن
حالف ما يمشي!
كل حلم فيه اتدفن 
والظالم..متحاسبشي

يا جرح بينزف على العلم
مزادش غير الاحمر
بيدور عللي يداوي ألم
عمال يزيد اكتر واكتر

يا ترى فكرة انا مين؟ 
انا كلمة اتمسحت من كتبك 
علشان متعادة 
انا كنت زمان بقعد علقهوة 
واطلبها زيادة

انا كلمة اتحدفت من الجملة
علشان من الاول مش فارقة
انا عيل دايخ على لقمة
في بلد اصلاً مش فايقة

انا شباك مش طايق يفتح
في عز الشمس ماهي قايدة
انا نفس الكلمة اللي أتحدفت
علشان فعلاً ملهاش فايدة..

ده انا اللي الرعب 
ملا ضلوع جسمي
واتكتب بالدم!!
على الحيطان اسمي

انا اللي اتقتل
وانا اللي..اتسحل
انا اللي نبض قلبي 
رسملكوا الأمل.
. 
انا اللي اتقال عليا شهيد 
واتحطتلي كام صورة 
مفيش يومين واتغيرت
والذكرى بقت مهجورة..

بس اللي مطمني 
انك موجودة 
واللي معذبني
انك مهدودة
لسَاني أمل
كلي أمل 
ترجعي من جديد
قلبك جامد 
بس طيب
من حديد
بس ابيض

خلي بالكوا من بلدنا 
واوعوا فيكوا حد يمشي
خلي بالكوا من ولادنا 
ده الامل عايش مماتشي


حبر بايش - زينه قطرى

Revolution Records - يا ثورة قومى

كايروكى - آخــــر اغنيــة

مسارح .. وسيما .. وسيرك وأفيش
وصورة المنيّل .. وكاب الشاويش
وكلب الحراسة .. وكرسى الرياسة
وحبة سياسة .. وطربة حشيش
....................................................
تذاكر يا هانم .. تذاكر يا بيه
هاتدخل بعيل .. تحاسب عليه
جميع اللى ماتوا .. عيالى الصغار
جميع اللى عاشوا .. ملوك القمار

مسارح و سيما - Gazaga Band

قوليلي إزاي
 أبات عطشان 
و نهر النيل 
على رقبتك  مزين صدرك الدافي
رفعت الجوع على كتافي 
و قولت حعيش 
عشان ملعونة 
لقمة عيش  تمنها الذل 
كرهت النوم ف حضن الطل 
و رد الحاجة بالحرمان 
حلفت إني  معدتش يوم أقول "آسف" 
عشان خايف.. أنام بردان
 صاحبت الخطوة عالأحزان
 و قولت الصبر يكفيني
 فلو مش حابة تسقيني 
أنا قابل أموت عطشان.

و لزومها إيه البهدلة و النُومة عالأسفلت! 
ترضيلي ليه البُكا و أنا عمري يوم ما بَخَلت!
 صَلّيت ف حُبِك عَمَل  و بَدَرْت ليلك أمل
 و البدر لما اكتمل خبيتي عني النور!
 فشربت ليلك بور و سكرت م الأوجاع 
و رضيتي إني اتباع  سلعة ف إيد تُجار 
 سوق العَبِيد أحرار
 و إنتي اللي مافهمتيش
 يوسف ماهوش كداب 
ولا كل باشا عزيز 
و قلبي ماهوش إبليس  علشان أعيش ملعون! 
يا دولة الكركون 
و الضحك عالأحزان
 الصبر كان فدان ولا باقي غير قيراطين!
 أول قيراط للبُكا و الصمت يوم ما سألت 
و التاني للبهدلة و النُومة عالأسفلت

الدنيا ريشة في 
الهوا بس الهوا كتمة 
و عيونا شايفة السما 
لكن السما عتمة
 و قمرنا كان نايم
 و النجم كان مشغول 
بيلم ف غنايم من 
حلمنا المسحول

قوليلى ازاى

عمرو دياب - خلينى جنبك

Rami Gamal - Ew3dini- رامى جمال - اوعدينى

رامى جمال - عرفتوا ليه

رامى جمال - حبيبى تعالى

وائل جسار - ويا بعض

محمد رئيس - احضنينى

سعد المجرد - لمين نشكى حالى

Mohamed Mohsen - Habayeb Zaman محمد محسن - حبايب زمان

Mohamed Mohsen - Hodnek Hayah محمد محسن - حضنك حياه

                              

ليه الحياه - شادى شامل

احــمــد زعــيــم - يــــا قــمــر يـــــا غـــايب

Hesham Hafez 5

Popular tracks