فن ودعبسه

موسيقي مسلسل ذات

ياسر عبدالرحمن - التوأم

يارب انا مملكش غير حبّة زعل
نِفسى فـ يوم ما يطوّلو
القى فـ قلبى براح عشان
انسى الزعل وأتحمّله

يمكن بقالى كتير أوى 
مركعتهاش
فإكسرنى يمكن
أفتكر طعم الصلاه

عارف يارب بجد إيه المشكله؟
المُشكله ان الطريق
ادامى اهه
لكن بروح لطريق بعيد
واللهِ مش علشان عنيد
يمكن عشان داء الكسل

فإمشى كتير وارجع وحيد
وارفع اديا وأقول يارب
مفضلش منى غير ذنوب
نفسى أتوب 
متردنيش 
القاك فاتحلى باب جديد
علشان اعيش

تنسالى كل اللى اتعمل
وافضل معاك
 وارجع
وأتوه عن سكّتك
وأعيد جميع ما قد حصل
وامشى لواحدى فـ الطريق
فـ يصبنى ضيق
وآجى وانا ندمان اوى 
علشان تنسينى الزعل
.........
كلمات : محمد  ابراهيم
الحان و غناء : أمنية حسن
عود وغناء : اسلام الأبتي

لينك التحميل
http://www.2shared.com/audio/0_hdsg9J/YA_rab.html

حبــــة زعل

SoundTrack Hekayet Hayah موسيقى مسلسل حكاية حياة كاملة

موسيقى مسلسل ذات تامر كروان

Loon 3eny El 3'ame2 Gedan

احمد حلمي - قصيدة ازرق || من مسلسل الجماعة

Sounds from Sunday afternoon

Rage

Batlti Eli 
Zaman Band 

Powered By Ledia Arts
Production Manager Samer Saleh
zaman@ledia.ps
https://www.facebook.com/zaman.pal
Copyright © 2010-2011 by Ledia Arts

Batalti Eli Zaman Band بطلتي الي - فرقة زمن

أعمى على المكشوف
كلمات : ميدو زهير
غناء : مريم صالح 
لحن وتوزيع : بركة باند

أنا أعمى على المكشوف
أربع أبعاد الشوف
البعد الأول روحي
والبعد التاني طموحي
والبعد التالت جهلي
والبعد الرابع خوف

العرض بيسرق مني
والطول مش راضي يعيني
والعمق اتحول سطحي
والوقت بتاكله ظروف
أنا أعمى على المكشوف

ويميني ناسية تسمي
وشمالي بتشرب دمي
وجبرني الحزن وهمَي
عالمعنى المش معروف
أنا أعمى على المكشوف

أعمى على المكشوف - مريم صالح

Zay el ward music موسيقى مسلسل زي الورد - تامر كروان

نص: إسراء مقيدم
هندسة صوتية: شادي عبدالله
أداء:زينب فرحات
___________________________
وهتعمل ايه يابو قلب مصبوغ بالجَدَب
مع بنت تكوينها بيشبه للشتا؟
متلوّنة بريحة يناير
روحها عاشقة الكلفتة
واكمنها..مروّية فى القلب بتعب
كان فيها منه حجات كتير
يمكن دفاها..أو جفاها
أو شرودها عن دواها
أو هواها للسهر
وبرغم سقعة جوّها
تلقاها تقدر لو تعوز..تصبح غطا
البنت سكة للسفر
وانت المسافر فيها مهما كان قلبك عجوز
..لساك فتى
 كات جدتى بتحكى زمان
ان البنات..
تأويلها جوة الحلم دنيا
والحلم كان واجب نفاذه فـ خطوتين
"كام رقصة صولو من الوجع
على رتم أوتار الكمان"
وكأنه ديْن
وان الميزان..علشان يوازن كفتين
فـ البنت يلزمها تعيش كام ألف ضحكة
عشان يعادلوا حزنها
والحزن لو كان تُقل وزنه يسوى مَبْكى
بضحكة واحدة منّها.
يامفرّقين حبة دفا ع البردانين
قلب الشتا زى الرصيف
او زى شارع كان مداه ضلمة
ومخبّى وسط العتمة نور 
والبنت برضه قلبها شتوى
عكس الخريف
يسكنها حبة ضىّ رغم الليل
..كل البنات
تقرب لروح البرد فى البوح والسكات
زى الحكاوى الدبلانين
حدوتة كات متشتتّة
مكتوبة لكن ما اتحكتش
مش ميتّة..لكنها
تفاصيلها لسة ماتعاشتش
وعشان كدة
كل الصبايا فطبعهم..
بيكونوا أجمل فى الشتا
كل الصبايا فطبعهم
بيكونوا أجمل..
..
فى الشتا

بنت تقرب للشتا

غرباء ولغير الله لا نحنى الجباة
غرباء وارتضيناها شعارا للحياة
إن تسأل عنّا فإنّا لا نبال بالطغاة
نحن جند الله دوما دربنا درب الأباة

غرباء - زاب ثروت

في يوم رحت أقابل منتج عشان يكتشفني. أول حاجة قلهالي هي "إنتي تخينة!" قلتله "و ماله حضرتك مش هتسمع صوتي؟" بصلي بقرف و قالي "لا مفيش داعي.. روحي يا ماما خسيلك بتاع 20 كيلو كده و بعدها نبقى نسمع!" طبعا أنا خدت بعضي و مشيت و أنا في خيبة أمل فظيعة و إنه إزاي في ناس بتفكر كده! لكن بعد ما عيط شوية و فكيت عن نفسي، جبت ورقه و قلم و كتبت الأغنية دي و في ثانية اللحن طلع في دماغي و هوبا كلمت صديقي الفنان شريف الوسيمي عشان يوزعها و أنتجنا الأغنية الرائعة أم دم خفيف دي بمساعدة أساتذة في المزيكا زي معتز ندى و عمرو طنطاوي و وائل النجار و عز شهوان و هاني بدير و أحمد سليمان.

كلنا فينا عيوب. بس كام واحد فينا بص للعيوب دي على إنها دافع لتطوير النفس؟ طب بلاش, كام واحد فينا بدل ما يحط إيده على خده و يتحسر, مسك العيوب دي واحده واحده و اتريق على نفسه؟ طب مين فينا عارف عيوبه و متقبلها لإن هي اللي بتميزه عن غيره؟ في كذا طريقه غير السلبيه ممكن نعالج بيها عيوبنا و نتقبلها.

متخلوش حاجة توقفكوا و حبوا نفسكم زي ما انتم و لو في حاجة نفسكم تعدلوها ده يبقى بكامل إرادتكم و بقرار منكم مش من حد تاني :)

حاولوا دايما تحولوا أي شيء سلبي لحاجة إيجابية!

أقدم لكم نفسي، أنا ساره الجوهري. مغنيه و ملحنه و شاعره و دماغي ناشفه و بحب الأكل جدا و مش مكسوفه من عيوبي لإنها جزء من شخصيتي اللي أنا فخوره بيها!

Here's a link to the song + lyrics on youtube: http://www.youtube.com/watch?v=D0_0UjpLMZM

Ballouna

Musical Arrangement: Sherif El Wesseimy
Sound Engineering, mix & master: Moataz Nada
Guitar: Amr Tantawy
Accordion: Wael El Naggar
Violin: Ahmed Soliman "Fido"
Bass: Ezz Shahwan
Percussion: Hany Bedair
Written and composed by me, Sarah El Gohary

Ballouna | بلونة

في الدور الأول أصحابي

وجيراني قاعدين في التاني

وأبويا وأمي في الرابع

وأنا ساكن في الدور العاشق

أنا ساكن في الماضي الغامق

أنا سافل بحب الدنيا

هربان من حكم بتأبيدة

في الدور الأول سألوني

عن اسمي وعن سر جنوني

عن شجرة تحت الشباك

عن جردل علي سور البير

ع الخطة الخمسية الجاية

عن بنت بتلمع في عينيا

عن وردة وشادية وفيروز

عن لحظة باتحول فيها

من ميكانيكي إلي أراجوز

عن قهوة سكر مضبوط

عن شلة رايحين الحفلة

وماحدش راجع مبسوط

عن جرحي اللي مابفتحوش

عن صاحب رمّة ومغشوش

نزلني ف ماطلعتوش

عن نمرة تليفون البيت

في الدور التاني سألوني

عن واحدة بتجيلي الشقة

عن أزمة حنية مفاجئة

ف شباك صالة المفتوح

عن ضحكة ما بتقولش كتير

وقميص اتعلق مجروح

وسلام متوتر مكسوف

وقالوا لي إحنا عارفينك

قلت لهم طب ما أنا معروف

في الدور الرابع ربّوني 

بالخمسة علي وشي ادوني

في الشقة لوحدي وسابوني

وقالوا لي ما تفتحش الباب

في الدور الرابع بعتوني

أتعلم وأرجع بشهادة

ما رجعتش بس اتعلمت

اتعلمت لأني آمنت

وبادفع تمن اللي اتعلمته

وغيابهم عني اتحملته

وغيابي عنهم بقي عادة

أمي قالت لي بطّل قهوة

وقهوة أبويا دايماً سادة

وأنا راجع للدور التاني

في الدور التاني يا جيراني

أنا بكرة ماشي ومش راجع

يا معادي ليلك بقي ساقع

بقي أسقع من الوحدة ونارها

أنا صاحي في ليلها ونهارها

فكرني حلوها بمرارها

وباصرخ بس ماحدش سامع

وأنا راجع للدور الأول

في الدور الأول أرشيفي

رجالة مقاسمها رغيفي

مقاسمها تنويحة خريفة

مقاسمها ورقة بعشرين

عدوية ووردة وجاهين

في الدور الأول أصحابي

وأقربهم ليا الخاينين

وأنا ساكن في الدور العاشق

أنا ساكن في الماضي الغامق

أنا سافل بيحب الدنيا

هربان من حكم بتأبيدة

وباواجه ربنا بإيماني

وباواجه نفسي بقصيدة.


عمر طاهر | عمارة3 و| Omar Taher | Emara 3W

i'm coming home - skylar grey

مزج لتراكم اصوات العفن حول مصر
الأصوات :-الافلام- ثرثرة فوق النيل , بنتين من مصر, الكيت كات, لعبة الست, هيستيريا
-الاغاني: | احبك حبين: فرقة ابن عربي, ام كلثوم, ريم بنا |, الف ليلة وليلة أم كلثوم
شعر: على طالباب : عن مضاجعة الواقع, أحمد حداد : أوبريت الثورة
موسيقى الخلفية Sukun (Ney)  Huseyin Ozkilic
اصوات "حقيقية" من ميدان التحرير وميادين مصر
شكر للمبدعين الأصليين للأعمال. وشكر خاص على طالباب

01.المزيج العميق_عفن

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


فن ودعبسه

Hesham El-Korwaty