انا كيف بدي انساكي وفللل

سيبو يقلبي مع هواه🥺

مضربين بينج 
شيطان وملاك 
وف مخك دارت حكاوي هلاك
بتأمر عينك المنظار تخف ال zoom
وتُحصر فكرك الملكوت ف بسُتانه 
ترجّع طفل كان تايه بلا اوطان 
ف يرجع سجن اوطانه 
مليت الخروج م البيت 
ومليت القعاد وحدك 
برغم انك كرهت الليل 
لكن برضه النهار ساحبك 
خاصمت النوم بلا اسباب
صاحبت العربده غيه 
وماتت في عنيك حوا 
عشان مشوفتهاش هي
قال الشيطان ف دماغك المُلعب
الانتحار اسلم طريقه للوصول للحل
خابت ظنون كل العيون ف عنيك 
ودا مش ميزان.. كدا الميزان اختل
لو تفتكر 
كان الملاك قالك.، ان اللي كان حاصل 
حصل لناس قبلك
والفكره ف انتا هتعمل ايه
بس اللي مش عادي 
انك زهدت اللي كانوا معاك 
واللي مشي.. بقيت عليه 
متبررش.. 
عارفك هتقول مش بأيدي 
وان القلوب بتودي ف داهيه كالعاده 
وانك صاحبت المُر ف القهوه 
برغم القهوه مش ساده 
وفيه كلام من جوا مطلعشِ
وفيه سلام بالعين.. منفعشِ
وفيه بكرا استنيته بكل الامل اللي ف الدنيا 
والشمس طلعت.. ونورها مطلعشِ
و برغم انك حكيت ياما.. قدام مرايتك 
وان الحكايه اللي انتا غنيتها.. ماهيش حكايتك 
وان العمر اها عشته لكنه للاسف.. فايتك
لكن بتروح ساعات لحاجات ماهيش عايزاك 
دي مش فطره ولا يوتوبيا ولا انتا ملاك
ولا تستنى مره ف يوم يكون الليل اساه حنين 
ولا انهم يصدقوا الدمعتين اللي انتا مثلتهم 
عشان.. الصمت ف الواجهه بين 
ان كل اللي انتا قولته 
كل اللي انتا قولته.. كذب بيّن 
ومفيش دليل واحد علي انك المظلوم 
ولا فيه شهود علي دمع عينك دا 
كان الجدير بيك م البدايه تكون 
زي العويل ترسم دموعك ع الحيطان وع الورق
قلبي اتسرق ياخلق.. قلبي اتحرق 
يمكن ساعتها هيشوفوك دور الضحيه
ويكون ساعتها اكيد عياطك فَرق 
لكن كرامتك تمنعك.، من نشر جرحك ع الرصيف 
ينصفوا ف تبان ضعيف 
يجرحوا ف تبان لطيف..
تعيش مابينهم نسمة هوا 
تعيش ك ضيف 
وانتا اللي رافض كل حاجه تقللك
رافض للحظه تبان ضعيف 
ف بترجع لنفس الاوضه من تاني 
هتعاني وفيها ايه.. ما تعاني 
هتدوس علي الرجل اللي قدامهم
رفضت تقول دي وجعاني 
وتبوح لنفسك مش لحد 
مش هتستني الطبطبه ع الكتف 
ومش مستني شئ من حد 
وتبص لمرايتك بكل فخر تقول

" سيبهم يقولوا ما هيحلالهم 
اللي سهر غنا لليلهُ ف الضلمه
غير اللي النهار ف عز نوره.. غنالهم " 

المرايا

ومهما تغيب بعيش وياك و اشوفك و انسى فيك احزانى
ودمعة حب فى عينيا بتستناك يا احلى ملاك

فى عز سكوتنا نتكلم عيوننا بتحكى
وبتحلم وانا حسيت بأنفاسك تدفى ايديا و تسلم

ومن غير صوت تحبنى موت و احبك موت
واحساسنا يونسنا و ااقوى من الحياة و الموت

نخبى ليه

ذاك الغبي

نسخه منک

Hesham Sameh

Recent comments

aya

Leo

Leo

Related tracks