عروسة ماريونيت

خدني في حضنك ضمني لعنيك 
زي م قولت انه الحلاوة مفيش 
من دون ضلوعك لما تحاوطني 
امسك ايديا وعدي بحر و ريف 
عاوزاك معايا في فرحي وفي حزني
وياريت تكونلي بجد خير ونيس 
وانا هبقا مايسة في حبها الدافي 
بتلم شمل العيلة على كفك 
ف تلاقي ضفرك بس كان كافي 
متغيبش تاني عشان غيابك صعب 
وانا لسه ببكي ان غيبت عني في يوم
متغيبش تاني عشان لقاك "الطب"
مليان حلول ل حاجات عمرها م تهون 

خليني اشوفك بس لو تقدر
علشان بدونك زاد الزمن وزنه
بيعدي تقل و قهرة على قلبي 
علشان دقيقته بشهر من حزنه
يرضيك يدغدغ قلبي في غيابك 
من دون م صمغ شفاك يلملمني
قرب عليا عشان تطمني ❤️

من غير مبالغة الحب دا فضيحة 
ولا فيه شفيع ولا حد ينقذنا 
يكفيك تشم من الحبيب ريحة 
فتحس انك شوفت جنتنا 
واتاريك في نار الشوق بتتلوع
ولا حد عارف كيف ياخد بايديك
ودا مش عشان الحل مش موجود
لكن عشان /غير الحبيب والله م بيرضيك 

وانا غصب عني وغصب عنهم دوبت فيك 
طب هعمل ايه 
وانا جوا عينك بشبه المماليك
انت الملك على كل شيء فيا 
انت الوسيلة لغاية وقضية 
وانا نفسي الاقي طريقة لهروبي
وانا كنت ههرب وابقا حر طليق 
طب تعرف انت بس ايه هي !
والله لو تعرفها واعرفها 
ل اسيبها برضه واعيش في قفص البيك 

عصفور وعاشق قلبك المهجور 
حابب قضيبه عشان يدوب منك 
عصفور ولو كان القفص قلبك
هيقص ريشه ويبقى فيه علطول 
معذور حقيقي اللي يعيش حبك
معذور بجد وقلبي مش مغرور
هيقولها عادي برقة انا بحبك
ف بلاش بقسوة تلف بقا وتدور
و ياريت ف اول بس م تشوفني 
تجري عليا تضمني علطول❤️

طمني _ ندى ناجي

بروفايلى الخاص .. هشام محمد
https://www.facebook.com/eng.zeriek

كلمات الشاعر المبدع .. محمد إبراهيم 
https://www.facebook.com/Zic0o

ده و احد شبهى انا متأكد ..
و الله بجد انا مش هوّا .. 
هو اللى بيضحك فـ الصوره
و انا اللى مكشر من جوا 
هو اللى بيحضن ويسلم 
على كل صحابه ويتكلم ..
اما انا فـ انا فعلا بتألم ..
و أتأقلم عـ اللى بيحصلى ..
انا عمرى ما برجع زى مانا ..
غير وقت أما أتوضى و أصلى !


واحد شبهى _ هشام محمد _ كلمات محمد إبراهيم

حبيبتي اطلبي أيها شيد

كلمات : محمد ابراهيم
ألحان : هشام شوقي 
توزيع : خالد حجي 
 
Adel's Facebook Page : https://www.facebook.com/adelsakr.officialpage 

الكلمات ... : 
انا عمرى ما كنت 
أتوقع خالص انى أعصيك ..
مش خوفا من نارك لكن .. 
كان حباً فيك .. 
وضعفت ساعات 
وعملت حاجات ..
خلتنى أتغير وأتحول .. 
وأبقى أسوأ وأسوأ مـ الأول ..
فأنا آسف جدا صدقنى .. 
انا بغرق فـ الدنيا إلحقنى .. 
يا تاخدنى لفوق .. 
ياتقولى إزاى .. 
أتعايش وسط البنى آدمين ..
_ إنى كُنت من الظالمين _

إني كُنتُ منَ الظالمين | 2015 | عادل صقر

مُهلـه لآخـر الشهـر ..!

الحكاية بأختصار .. اول قصيدة اسمعها ع نجوم اف ام من عمرو حسن ويمكن هيا اللي حببتني ف الشعر وخليتني اكتب و كان اول ديوان اجيبه شعر وبالصدفة .. يمكن هو اللي اختارني مش انا اللي اختارته كان سيلفي اللي فيه القصيدة دي .. اقرب ديوان لقلبي ويمكن كلام عمرو حسن اقرب كلام بيوصل قلبي .. ليه معرفش بس حساني لونه ف الشعر لو بقيت حاجة كويسة فيه ^^ اسمعوها ويارب تعجبكوا .. حاجة ع قدي كدة ^^ بس هيا كلامتها عسولة 

الحكاية بأختصار.. عمرو حسن

الجوهرة المصونه 
والدره المكنونه 
زوجتنا فاطنه أحمد عبد الغفار 
يوصل ويسلم ليها 
في منزلنا الكاين في جبلايه الفار 
أما بعد .. لذا كنت هاودت كسوفي ع التأخير
سامحيني يا فطنه في طول الغيبه عليكم 
وأنا خجلان .. خجلان .. وأقولك يا زوجتنا أنا خجلان منكم ..
من هنا للصبح ..
شهرين دلوقت .. 
من يوم ما عنيكي يا فاطنه .. بلت شباك القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي جوابي جي ... ))
نهنهتي .. وقلتي لي بعتاب:
(( النبي عارفاك كداب .. نساي
وعتنسى أول ما عتنزل في أسوان .. ))
حسيت واليد بتخطفها يد الجدعان
بالقلب ف جوفي ما عارف ان كان بردان .. دفيان
والبت عزيزه والواد عيد
قناديل في الجوف .. زي ما بتضوي .. بيقيد ..
.......... والقطر إتحرك ..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه داس على بصة نار ..
ولقطت الحس قريب .. قد ما كنتي بعيد :
(قلبي معاك يا حراجي هناك في أسوان ..)
...........................
ورميت نفسي وسط الجدعان .. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها بمشوار .
سامحيني يا فطنه على التأخير ..
ولو الورقه يا بت الخال تكفي 
لأعبي لك بحر النيل والله بكفيِ 
وختاماً ليس ختام ..
بابعت لك ِ 
ليكي ولناس الجبلايه ولبتي عزيزه والواد عيد
ألف سلام
زوجك ... لوسطى حراجي

الرسالة الأولى رسائل حراجي القط..للشاعر الكبير عبد الرحمن الأبنودي

هامش من تصبحي على خير _ عمرو حسن

"والأسم فراق"_آيه أحمد

الحياه كات كدبه فعلا _ رحمه ناصر

متنسوش تيجوا تشرفونى على بروفايلى 
^_^ ^_^ ^_^ ^_^
https://facebook.com/eng.zeriek


واحد شبهى _ هشام محمد _ كلمات محمد إبراهيم

hesham _ mohamed

Recent comments

Nody Zedane

OmnIa Mohamed

Mahemoud Khafagy

user120320150

Related tracks