وبحتاجلك وتحتاجلى ♥

بالمختصر المفيد ...   Zeina Coutry ~ زينة القطري

الشتا المرادي يفرق
عن شتا باقي السنين
الشتا المرادي.. بارد
بيتنا اصبح ناقصُه واحد
بيتنا نِقصه اهم واحد ..
أنا عارف ان العمر نصيب
زي الأرزاق..
و انه قانون من قبل ما نيجي الكون محطوط
"الناس بتعيش , علشان هتموت"
و اللي بينزل تحت بينسى
و العايش هو اللي بيفضل دايما يشتاق..
و بيفضل داير ف دماغه شريط التفاصيل..
أنا فاكر ..
من ساعة ما ابويا اخدني
الصبح ف اول يوم "كي جي"
خلاني اسوق و انا فوق فوق حجره
كات ماشية العربية..و ماشي..العمر جميل
و لغاية ما عقارب ساعتي
أخدوني على خوانة و جريوا
و لاقتني ف وسط عزاه.. بليل...
,
فيه حاجات اكره افكر فيها
من كتر ما فعلا و جعاني
مثلا..
الدنيا ف وقت مكان فيها
و كان عادي بيقعد ف الصالة
او يقعد ع الكرسي مكاني
مافضلتش حاضنه ازاي لما..
كان لسة الحضن ف امكاني ؟
اللي بيمشي بياخد دايما
من قلب اللي عاشرهم حتة
مش ممكن تتعوض تاني
و أنا ابويا ف وقت ما كان ماشي
و بيلملم روحه و بيسافر
خد قلبي معاه جوة الشنطة
و ساب جرح ب عمق مالوش اخر
مش ممكن صاحب او بنت هتقدر تملاه..
,
أنا باين قدامهم بارد
باين أهدى و أعقل واحد
أنا كنت عليك دايما ساند
دلوقت انا لازم أشيل عنك
أنا جامد زيك و طالعلك
مش عايزك تقلق على ابنك
لكن بيني و بينك يعني..
مالحقتش لسة أشبع منك
ما أضحكش عليك
أنا بفضل بليل مستنيك..قدام الباب
الساعة اتناشر ليه و ماجتش
و طلبتك كذا مرة ماردتش
البيت منغيرك بقى ضلمة
و الجنة أكيد هتنور بيك
تعرف....
أنا بنسى ساعات
و بدل ما أدعليك ب الرحمة
بدعي يمد ف عمرك ليا.. و يخليك
ليه ف الجنة مفيش شبابيك ؟
كنت أشوفك حتى دقيقة و لو مش هنطق
عايز أفضل حاضن فيك..
و لغاية ضهرك ما يطق طق ,,
صحيح..
و ديت الساعة اللي ف اوضتك
تتصلح , طلعت مش بايظة
مع اني حاسسها بتمشي ابطأ !
أشهد انك كنت حنين..
و انك كنت و نعم الأب..
ده اللي مخلي فراقك صعب...
انا اسف لو برغي ,
أديني..
إرتحت و فضفضت شوية
و بالنسبة ل أمي و أخواتي
فانا زي ما كنت مربيني
بابنيلهم بيت جوة عنيا..
و لغاية ما عقارب ساعتي
تاكل ف العمر و أعديلك..
مع ألف سلامة...بدعيلك
نتقابل ع الناحية التانية..

كلمات و أداء : محمود خليفة
هندسة صوتية : مصطفى حسنين

إلى والدي -- محمود خليفة

يوسف عبدالله - اسيبك لمين

كلمات والقاء : كــتكــت 
https://www.facebook.com/KiTKiTosamaOfficial

خلفية موسيقية : مصطفي طلعت
https://www.facebook.com/mustafaguitar


الجو ..
فجأة يقلب برد 
ليالى ديسمبر كالعادة 
فـ تشرب حاجة مش ساقعة 
وفنجان قهوة يكون سادة 

وريحة الغنوة شغالة 
حليم بيهتف سواح 
فيروز بتنبه برجوع الشتوية 
فـ تفتح بابك بالمفتاح 
وتكمل سماع الاغنية

تلاقي .. 
تلاقى صورتها مرسومة  
تلاقي ..
تلاقى ذكري مقسومة 
فـ تركز تانى فـ الصورة 
تلاقى ملامحها مكسورة 

فـ تسال سوالك المعتاد 
هو أحنا ليه لسه بـُعاد 

هو أنا ليه لسه بحب  
ودايب فـ حاجات بالعمق البحت 
كتمثال بيتألم بفعل النحت

فأتخنق بسرعة وأنزل تحت 
تقابلنى فـ اول سلمة 
فألاقي الذكرى معلمة 
فـ أقول خلاص أنا هطلع فوق 
شوية اتخنق فأنزل تحت 
ومابين الفوق .. مابين التحت
انا اصلاً عمرى فـ يوم ما ارتحت

كتكت أسامة || ديـسـمـبـر

زجزاج - تضيق بنا الدنيا

زجزاج - كل ابن ادم تراب

قولتلي إنك هتكون هناك، أنا مش لاقيك|سيمبا

قل للمليحة - حازم إيهاب

حــلـم مـعـايا ... ببكره جاى
و لو ماجـاش ... احنا نجيبه بنفسنا
نبدأ نحاول فى الطريق
كتر الخطاوى تدلنا على حلمنا
مهما نقع نقدر نقوم
نشق نتحدى الغيوم
نلاقى ليلنا ألف يوم
بس احنا نحلم
احلم معايا يا صديق
تطوى الخطى أرض الطريق
يهمنى حلمى البرئ
مهما يكون

يفضل بروحه جمبنا
مها يطول بينا الطريق
لو حتى توهنا يا صديق
يرجع لقانا يضمنا
على حلمنا
بس احنا نحلم
#EPSF_HUE
sound by: muhammed gammal
External recrrutment

قل للمليحة - حازم إيهاب

hisham ahmed

Related tracks