E aha ho’i tā te Ora
I ha’api’i mai iā ‘oe e te ta’ata ?
 
E here i te here aveave
Te here a metua, a tama
Te here a tu’āne, a tuahine
E papa ho’i te reira nō te Ora
Te here ‘utuafare
 
Inaha ho’i,
E he’e ā te tau i tōna he’era’a
E he’e ā te u’i i tōna he’era’a
E pā’eta’eta te fenu o te ‘ā’au
I te rave a te Ora !
 
E aha ho’i tā te Ora
I ha’api’i mai iā ‘oe e te ta’ata ?
 
E aroha i te aroha mau
Te aroha auhoara’a, auherera’a
Te aroha a reo, a hīro’a,
E papa ho’i te reira nō te Ora
Te here a nūna’a
 
‘Ia tae rā i tōna tau,
E pohe ai tei herehia
E tāhuti te tino
E vai mai ra te here
Te aroha faito ‘ore
I tei reva ‘ē atu
I te fenua roa !

Te Ora

Auteure: Goenda Reea
Compositeur: Steve Angia
Interprétation : Steve Angia et les musiciens du conservatoire artistique de la Polynésie

Hitihiti HIRO

Popular tracks