الشيطان يرقد هنا

نصوص عشوائية #1

نصوص عشوائية #2

نصوص عشوائية #3

أنا لم أعد شجاعًا يا عزيزتى - خالد عبد العزيز

نصوص عشوائية #4

نصوص عشوائية #5

كَلام بطَال - أسامة منير

رسائل إلى أمي (نصوص باللغة الفصحى)

نصوص عشوائية #6

إيه؟ عايزني أمشي؟ 
طب و النَاس اللي في القَلب دي.. مين يبقا لهم بَعدي؟ 
كُلهم هيبقوا كويسين.. بس أمي مش هتبقا. 
تلاتة صحابي هيقدموا على إنهاء حياتهم بَعدي و إتنين تانيين هيعيشوا عشان يفتكروني. 
مَريت من بين مَهازل حياتكم خمورجي و مشيت أنسى.. تكعبلت في أحضان الحَريم عربيد.. 
خرجت من الباب بطوح و سكران كأني مايل على حيط مايل ..بس طلع قلبي اللي مايل لعدم النسيان. 
لسة الأمر مؤلم و لسة بقول مش هكتب لها بس بحطها كومبارس..
وكأني مخرج العرض و كأن كل شيء كان بإيدي و كأن و كأن و كأن.. ألا يا ليت القلوب تحن. 
أقفل مشاعرك لو هتعيش ..
أفتحها تاني كل ما توحشك نفسك.. 
أقفلها لو هتموت و أفتحها قبل الإرتطام بالأرض. 
بدأ يفوق بعد چوب الحشيش و أدرك إن الفودكا أنتهت
- أنا كويس.

نصوص عشوائية #7

"هنام في مرة للأبد ولا الحبل في كف المروحة؟"



---- لو يهمكم الأمر يا حبايب فـ أنا معتش فاضلي هنا على أكونت الساوند ده غير 15 دقيقة تقربيا ، معرفش هنزل نص تاني امتا و معرفش لو هعوز أي شئ بس أعرف إني آسف لو دفعت أي شخص للشعور بالحزن أقسم إن كل اللي عوزته إن أي شخص يسمع لي يدرك إنه مش لوحده..أنا مكسبتش أي شيئ يستحق الذكر من ورا نصوصي غير الناس اللي هنا اللي بحسهم أقرب الناس ليا لأن كل ما يجمعنا صوتي فقط..
بعتذر على بروديوسنج النص المتواضع ده لكن فعلت ما بوسعي لو سمعت النص أو قرأت كلامي ده خد راحتك فـ ترك كومنت هنا بما يدور في بالك .. أشوف وشكم على خير .. خليك فاكر إنك مش لوحدك و إن دائما و أبدا ... الشيطان يرقد هنا.

"osama monir" facebook account :
https://www.facebook.com/osama.monir.10

ــــــــــــــــــــــــــــــــــــــــــــــــــــــــــــــــــــــــــ

لا لا تمام.. كله تمام.. تمام.. 
ازيكم؟ تمام زيي.. كويس.. كويس. 
نَص تاني معرفش هبدأه ازاي، نص تاني بلا هدف أو غاية، نص تاني معنديش حاجة أقدمه فيه.. حتى اليأس. 
لو مستني تغيير أقفل، لو مستني نص سعيد أقفل، لو مستني نبرة مختلفة أقفل، لو مستني مني أي حاجة أقفل.. 
هكتب النهردة علشان مموتش و هسكر بكرة علشان مكتبش.. 
عقلي بيحاربني.. هو معايا ولا عليا
حاسس بالجمل بتسبح و حاسس بالوزن و القافية بتتكرر
فيه كذا حد فوق.. فيه كذا حد، أنا مش لوحدي في دماغي، فيه ناس قاعدة.. فيه ناس ساكتة.. فيه اتنين ماتوا.. فيه ناس معرفهمش. 
أرسطو بيقول "أنت تفكر إذاً أنت موجود" غلط.. 
أنت تفكر إذن أنت هتموت. 
ماشي بطوح بين قلوب الناس كأني أعرفهم.. 
ده خدل عام من الحزن ولا سكر خام للجُبن؟ 
وقف العرض.. 
ماشي بطوح و بميل على حيط مايل.. 
وقف العرض.. وقف العرض
ماشي بطوح بحكي هزايم و مهازل ..
وقف العرض.. كفاية دراما.. 
ماشي بطوح و رافع النخب لقلة الحيلة لكل الامنيات المستحيلة 
وقف العرض.. وقف العرض.. متقتلش البطل دلوقت. 
من أول مرة كتبت للآن مأمنتش بيك.. 
سبعة الاف فولور هناك.. سبعمائة هنا و مئة معرفش فين.. ارقام.. مجرد ارقام مش مهتمة بيك.. 
فلان كتب عن البنت اللي موجوعة.. هايل ده عظيم!فلان لضم القافية في القافية.. جميل ده شاعر!
و أنت هلاس..ترمي نص هنا و تسكت شهور
شبح مُكلف بحراسة الليل
عِربيد يقُول بَحِبك و يمشي سنين. 
صاحبي بكى لي على حالي ، بكى لي من لؤم العالم و قلة حيلته قصاد حُزني.. صاحبي بكى و حسيت بعجزي.. تاني
قالي "فيه ناس بتعيش و تكتب و فيه أنت اللي بيكتب علشان يعيش، الرب يشهد إني على حالك حَزين و إني قليل الحيلة و إني موجود.. هتوصل يا حبيبي حتى لو خسرت نفسك الرهان، وصفت نفسك هلاس و رفضت العبقرية أعلنت عن كونك الشيطان و نزعت وش الملايكة الطاهر.. بس أنت صاحبي لو كنت سكران ولا صاحب البار ، لو كنت عبقري ولا هلاس، لو كنت البطل أو الشرير، و لو فضلت تردد إنك لاشيء هتفضل شيء.. لانك صاحبي".
*بنبرة عادية للخروج من حزن النص* "غريب أوي موضوع إن محدش عايز يموت بس محدش عايز يعيش.. غريب أوي الموضوع فاهم؟ بس.. "
إمبارح تخيلت موتي خيال سكران بيبدع في خلق الحزن.. 
المشهد من عندي هنا درامي.. المشهد من عندك عادي.. المشهد من عندهم هناك غريب.. 
هنام في مرة للأبد؟ ولا الحبل في كف المروحة؟ 
غلطة سواق بيخبط سكران؟ ولا هطير من على حرف السور؟ 
طب لو مت الأصوات ف دماغي هتسكت؟ أقصد.. هنروح سوا للجحيم ولا هتهرب وسط الدم.. تروح لغيري. 
مين هيفضل يدعي لي.. مين هيفضل جنبي و مين هيفضل شايلني في قلبه سنين؟ 
هتفتكروني بالطيبة إزاي و انا مخلقتش الا السوء، هتفتكروني بالفرح ازاي و انا موصفتش الا الحزن، هتلوموا عليا لوحدي ولا هتلوموا نفسكم. 
الجزء الآتي تم إضافته ليكي رغم إني حلفت نفسي إني مش هكتب لك و رغم إني بحاول أنساكِ و رغم فَشل فشلي في نسيانك.. 
بإعتراف مبدأي كل النصوص بعدك كانت لاجل انك تقرأي مش لاجل إني أكتب.. 
كنت عايزك تعودي بس مش عايز.. كنت عايز انسى بس مش عارف.. كنت عايز طيفك يبطل يطاردني بس.. في كل مكان ف شكل حروفي ف شكل حُزني يبطل يندس في وقتي و تبطلي تيجي في الأحلام.. 
لو حضنتها كام سنة.. لو حضنت كام سما هتحس بيك؟ 
رد يا أنا.. رد
أنا مُصاب بأعراض الانسحاب بس من غير انسحاب
أنا بنتكس تاني و برجع للضرب، حُقن مسميها رصاصة الرحمة في حق القلب، ازايز للسكر مسميها حُزني.. درج مكتوب عليه ممنوع الاقتراب و ده أنتِ..
خلاص كدة كفاية.. انا تمام.. تمام
هم كام شوت و هنسى و كام فركة و هسهى كام حضن و هقسى ..
و فاضلي كام مرة أموت و هعيش. 
الحُزن ألوان و درجات "أسود، أغمق، أحلك" 
من مقياس واحد على عشرة عايز تموت النهردة بدرجة كام؟. 

خمورجي - أسامة منير

نصوص عشوائية #8

Follo me on :

- facebook | https://www.facebook.com/profile.php?id=100042416406403

- Youtube | https://www.youtube.com/channel/UCD78_iDskds28Nglj-IA0qw

- Insta | muhammedkhaled_official

نحن الفرص الضائعة | We are lost opportunities

سأغادر نحو الربيع | I will leave about spring

أنت شخص وحيد | You are alone person

الشيطان يرقد هنا

Ähmëd Ëlëmäwÿ