tarab

البلبل غنى على ورق الفلة - محمود عبد العزيز -الكيت كات

واه يا عبد الودود - احمد فؤاد نجم

 كلمات: مصطفى السبيلي
 ألحان: شاكر الموجي
غناء: جورج وسوف 
 تاريخ: 1983



جرحونا برمش عين يا عين كلامهم مسِّنا
سألونا نبقى مين مين قدِّمنا نفسنا
قلنا احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا

سيدي انت الحب نعمه جايالنا من السما
معاها احلى نسمه للناس المغرمه
دوّر عالحب تلقى في وجودو الدنيا حلوه
وان دق القلب يبقى حنشكي الحب شكوى
قلنا احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا

يابا ليه النظره ديّا بتقول مُش قدّها
إن كان غيرنا رضي نقدر على ردّها
علشان نقدر بنعفي ونسامح لمّا نقدر
والعقل لوحدو يكفي عشان نبقى احنا أكبر
بس احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا
جرحونا برمش عين يا عين كلامهم مسِّنا
سألونا نبقى مين مين قدِّمنا نفسنا
قلنا احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا

أغنية رائعة بكل ما تحمله المعني من جمال وفن كأنها لوحة أبدع فيها الفنان جورج وسوف  

جورج وسوف | جرحونا برمش عين

والله وشبت يا عبد الرُّحمان ..
عجّزت يا واد ؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف !!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان!!
أمال انا على كده مت بقى لي ميت حول!!
والله خايفة يا وليدي القعدة لتطول
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين لسة حاحيا كمان وكمان
عشت كتير
عشت لحد ماشفتك عجّزت يا عبد الرحمان
وقالولي قال خَلَّفت
وانت عجوز خلَّفت يا اخوي؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض
ماشي يا عبد الرحمان
أهو عشنا وطلنا منك بصة وشمة
دلوك بس ما فكرت ف يامنة وقلت: يا عمة؟
حبيبي انت يا عبد الرحمان
والله حبيبي .. وتتحب
على قد ماسارقاك الغربة
لكن ليك قلب
مش زي ولاد الكلب
اللي نسيونا زمان
حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور !!
ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان
آ..با..ي ما مجلّع قوي يا عبد الرحمان..
طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب..
خليهم..
ينفعوا
أعملهم أكفان..!!
كرمش وشي
فاكر يامنة وفاكر الوش؟
إوعى تصدقها الدنيا..
غش ف غش..!!
إذا جاك الموت يا وليدي
موت على طول..
اللي اتخطفوا فضلوا أحباب
صاحيين في القلب
كإن ماحدش غاب..
واللي ماتوا حتة و حتة
ونشفوا وهم لسة حيين..
حتى سلامو عليكم مش بتعدي
من بره الأعتاب
أول مايجيك الموت .. افتح..
أو ماينادي عليك .. إجلح..
إنت الكسبان..
إوعى تحسبها حساب..!!
بلا واد .. بلا بت..
ده زمن يوم مايصدق .. كداب..!!
سيبها لهم بالحال والمال وانفد
إوعى تبص وراك..
الورث تراب
وحيطان الأيام طين
وعيالك بيك مش بيك عايشين..!!
يوه يا عبد الرُحمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.
مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!
بناتي رضية ونجية ماتوا وراحوا
وأنا اللي قعدت..
طيِّب يا زمان..!!
إوعى تعيش يوم واحد بعد عيالك
إوعى يا عبد الرحمان..
في الدنيا وجع وهموم أشكال والوان..
الناس مابتعرفهاش..
أوعرهم لو حتعيش
بعد عيالك ماتموت..
ساعتها بس ..
حاتعرف إيه هوّه الموت..!!
أول مايجي لك .. نط
لسه بتحكي لهم بحرى حكاية
فاطنة وحراجي القط..؟
آباي ماكنت شقي وعفريت
من دون كل الولدات..
كنت مخالف..
برّاوي..
وكنت مخبي في عينيك السحراوي
تمللي حاجات..
زي الحداية ..
تخوي ع الحاجة .. وتطير ..
من صغرك بضوافر واعرة .. ومناقير..
بس ماكنتش كداب..
وآديني استنيت في الدنيا
لما شعرك شاب..!!
قِدِم البيت..
اتهدت قبله بيوت وبيوت..
وأصيل هوه..
مستنيني لما أموت..!!
حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي ..؟
حاجي ياعمة وجيت..
لالقيت يامنة ولا البيت

قصيدة العمة يامنة ـ  عبد الرحمن الابنودي

ألبــوم الفاجومي . غناء أحمد سعد و كلمات أحمد فؤاد نجم و ألحان الشيخ أمام

واه يا عبد الودود - ألبــوم الفاجومي

علي الهلباوي | تتر النهاية مسلسل طاقة نور

اغنية فوق كتافي حمل من الحلقة الاخيرة لمسلسل طايع
غناء: وائل الفشني
كلمات: ياسر حسين
الحان:طارق الناصر
توزيع: محمود حسين كامل

وائل الفشني - فوق كتافي حمل، نهاية مسلسل طايع

وائل الفشني - خسارة الحر | تتر البدايه مسلسل طايع

الاكونت الرسمي للمغنى خانة :
https://soundcloud.com/maghnakhan

أكونت محمود الخطيب  :
https://soundcloud.com/mahmoud_khateeb

علي الهلباوي - إبعتلي جواب

hos4m

Recent comments

Hussain!

soltan

moh.gazzar

sun shine 🔆

Related tracks