ايهاب 1

و اللى بنى مصر كان فى الأصل حلوانى
و عشان كده مصر يا ولاد حلوة الحلوات
وادى و بوادى و بحور و كفور و موانى
توحيد و فكر و صلاة
تراتيل , غنا و ابتهالات
و كل ده فى مصر يا ولاد حلوة الحلوات
اللى بنى مصر كان حلوانى يا ولداه حلوانى
اسمه على بوابتها لا زال و لا زايل
ساعة الهوايل يقوم قايل
يابلداه
و ييجى شايل
هيلا هوب شايل .. حمولها و يعدل المايل
و عشان كده مصر يا ولاد حلوة الحلوات
بحلم يا صاحبى
و أنا لسه بأحبى
بدنيا تانية و مصر جنة يا صاحبى
و آجى أحقق الحلم
ألقى الموج عالى عالى طاح بى
و نعود سوا نطوى الأنين بالحنين
و عشان كده مصر يا ولاد حلوة الحلوات

( على الحجار - بوابه الحلوانى (اللى بنى مصر

لحن العبقري عمار الشريعي ...

تتر حدائق الشيطان

كلمات : الخال الأبنودي 
ألحان : عمار الشريعي 
غناء : علي الحـجـار ..

تتر مسلسل الرحايا _ علي الحجار

وخاصمني يا زماني
وارجع صالحني تاني
نسيني اللي جرالي
في العمر الاولاني

وخاصمني يا زماني
وارجع صالحني تاني

يا زمان حنون وغادر
انا مين ماتشوفني تاني
الواد أبو ضحكة تطلع
م القلب الأخضراني

واللي زارع في صوته
فدان ورد واغاني
مالي دبلت ورودي
وكاس همك سقاني
وانت مزمزم قيودي
وكرباجك كواني

وخاصمني يا زماني
وارجع صالحني تاني
نسيني اللي جرالي
في العمر الاولاني
وخاصمني يا زماني
وارجع صالحني تاني

يا زمان ساعة ما بضحك
دمعي يملي حفاني
والدنيا تضيق عليا
ويكرهني مكاني

مين يا زمان يطير بي
بعيد عن المباني
ومن الجبل ياخدني
يفلتني في المواني
اروح بلاد بعيدة
ولا من شاف او رآني

وخاصمني يا زماني
وارجع صالحني تاني
نسيني اللي جرالي
في العمر الاولاني

علي الحجار - تتر ذئاب الجبل - وخاصمني يا زماني

كلمات : عبدالرحمن الأبنودي - لحن : د. جمال سلامه

علي الحجار - و خاصمني يا زماني - من اغاني مسلسل ذئاب الجبل

علي الحجار - اسافر في الصباح - من اغاني مسلسل ذئاب الجبل

علي الحجار - ولابد عن يوم محتوم - نهاية مسلسل ذئاب الجبل

تتر بداية مسلسل "مين اللى ميحبش فاطمة".. كلمات: سيد حجاب - ألحان: ميشيل المصرى
بين ريح وأمواج متلاطمة... واسود غطيس واصفر رنان
مين اللى ميحبش فاطمة... لو فاطمة طاقة نور وحنان
بين غربتك فى ديار أهلك... وغربتك فى بلاد الله
لو ضى قنديل زهزهلك... مش ترمى كله وتجرى وراه
مين اللى ما يحبش فاطمة... مين اللى ما يحبش فاطمة
يا هل ترى يا نور يا بعيد... انت بصحيح ولا انت سراب
وهاعيش معاك فى الضى سعيد... ولا غريب ما بين أغراب

مين اللي ميحبش فاطمه

إهداء ♥»¦͡»¦همےس المےشاعر ♥

ويرفرف العمر الجميل الحنـــــــــــــــــــــــــــون

..ماتغربيناش وتقولى قدر...
..ماتوهيناش فى موانى سفر..
..ماتضيعيناش فى دموع وفراق..
..حا تجيبى منين زينا أحباب..
..فى قلوبنا حصاد..فى عينينا مطر..
...ماتغربيناش.......
..ماتغربيناش فى الأرض البور..واحنا الزراع..
..وادينا سواقى فرح بتدور..رغم الأوجاع..
دا أحنا المشتريين فدادين النور..لو خاين باع..
...ماتغربيناش.....
..ماتغربيناش فى بلاد الريح..واحنا الأحباب
..احنا اللى رفضنا تكونى ضريح..فى طريق كداب
..ظللى بالحب على المجريح..وكفايا غياب..
...متغربيناش...
..متغربيناش فى بلاد بتموت..واحنا الجايين
..يا أول دمعة واول قوت ..وياأول بيين
..العمر بدونك ليل بيفوت..مهزوم وحزين..
.....متغربيناش..وتقولى قدر..متوهيناش فى موا نى سفر...



كلمات الشاعر : جمال بخيت 
ألحان : فاروق الشرنوبى


متغربيناش - علي الحجار

انكسر جوانا شئ_علي الحجار

و خاصمنى يا زمانى  على الحجار

زمن وحافر في القلْب اسمُه
والعزم.. ناره ما بتنطفيش
والحُزن.. راجِعْ.. عارف مواسمه
عُمره ما يرجع علي ما فيش
ياخد بتارُه
ويطفي نارُه
ولما يشبع.. ما بيرتويش
وانت واقفْ له علي الروابي
ساعات تزعق.. وساعات تحابي
هيه البطولة تعيِّش اسمك
والا البطولة إنك تعيش؟
ياعمّ.. شوف لك دوا مِخالِف
دوا الزمان ده.. مابيداويش


ذئاب الجبل_ علي الحجار

Hossam MohameD

Recent comments

جوده

HmZA

Mohamed Mokhtar

لولي أنا 🍒

Related tracks