نزلت من البيت فى المطر 
ومهممهاش برد الشتا
بقالوا كام يوم مختفى 
مش فاهمة لية بيعمل كدة
نزلت وراحت على مكان 
كانوا فية تملى بيسهرو

أول مشافها فى سلامة بان
ان مشاعرة اتغيروا
وقال كلام مكانتش عارفة تجمعة
متفجاجأة بية
مذهولة 
قاعدة بتسمعة
اصل الكلام دة بيبقى اخره بعد 
فعلا اوام ظنونها جت فى محلها 
ورفع عنية وبقسوة بردو وقالها 
معلش اسف احنا لازم ننسى بعض

سرحت وشافت ذكريات 
اجمل ليالى عمرها
معقولة يعنى قالبة مات 
وحياتها ناوى يهدها
بصتلة تانى باهتمام وقالتة
متفقين كدة ... انا جاية اقول نفس الكلام
مبقتش عايزة الحب ده

هتقوله اية مهى مستحيل تستعطفة 
معقولة يعنى هتبكى علشان تكسفة
يعنى هيبقى جرح وكمان هيبقى ذل 
مشيت اوام و كانت ضعيفه متشتته
مشيت اوام و ساعتها حست بالشتا
بس المطر قدام دموعها كان اقل :(

Donia Samir - Qesset Sheta | دنيا سمير - قصة شتا

كل مرة بدق باب, يفتحلى واحد قلبه داب
اصعب عليه فنصير صحاب, اصعب عليه فنصير صحاب
اسأله فين طيّب نروح, يقولّى دوّر ع الطموح
طموحه يملانى بجروح, تطلعلى روح من جوّا روح
مالقيتش حد يعزّنى, و لا عمر حد حسّنى
مع﻿ إني بركان م الحنان, بيهزّهم و يهزّني
حتّى اللّي بين حب ظاهر, اقتنعت إنه طاهر
فجأة بان له الف ناب, ما أنا كل مرة بدق باب

kol mara - Black Theama | كل مره - بلاك تيما

Cairokee - Ehna Elshaab | كايروكي - احنا الشعب

فضل قراءة سورة الكهف فى يوم الجمعة

    بسم الله الرحمن الرحيم
    سورة الكهف
    هدف السورة : العصمة من الفتن
    سورة الكهف هي من السورة المكية
    وهي إحدى خمس سورة بدأت بـ (الحمد لله ) ؟
    (الفاتحة، الأنعام، الكهف، سبأ، فاطر)
    وهذه السورة ذكرت أربع قصص قرآنية هي
    ( أهل الكهف ، صاحب الجنتين ، .
    موسى عليه السلام والخضر وذو القرنين )
    ولهذه السورة فضل كما قال النبي صلى الله عليه و سلم
    عن أبي الدرداء أن النبي صلى الله عليه وسلم قال :
    ( من حفظ عشر آيات من أول سورة الكهف عُصم من الدجال وفي رواية ـ من آخر سورة الكهف ـ ) [ رواه مسلم]
    و قال صلى الله عليه و سلم
    ( من قرأ سورة ( الكهف ) في يوم الجمعة أضاء له من النور ما بين الجمعتين )
    [ صححه الألباني في صحيح الترغيب والترهيب / 736 ]
    وقال رسول الله صلى الله عليه وسلم :
    ( من حفظ عشر آيات من أول سورة الكهف عُصم من " فتنة " الدَّجال )
    [ صححه الألباني في سلسلة الأحاديث الصحيحة582]
    وقال صلى الله عليه وسلم :
    ( من قرأ سورة الكهف كانت له نورا يوم القيامة ، من مقامه إلى مكة ، و من قرأ عشر آيات من آخرها ثم خرج الدجال لم يضره ، و من توضأ فقال : سبحانك اللهم و بحمدك أشهد أن لا إله إلاأنت ، أستغفرك و أتوب إليك ، كتب في رق ، ثم جعل في طابع ، فلم يكسر إلى يوم القيامة )
    الراوي: أبو سعيد الخدري المصدر : الترغيب والترهيب
    [ صححه الألباني في سلسلة الأحاديث الصحيحة / 2651 ]
    (( اللهم إنى أعوذ بك من فتنة المحيا و فتنة الممات و شر فتنة المسيح الدجال ))
    وقصص سورة الكهف الأربعة يربطها محور واحد وهو أنها تجمع الفتن الأربعة في الحياة:
    فتنة الدين ( قصة أهل الكهف )
    فتنة المال ( صاحب الجنتين)
    فتنة العلم (موسى عليه السلام والخضر)
    وفتنة السلطة ( ذو القرنين)
    وهذه الفتن شديدة على الناس والمحرك الرئيسي لها هو الشيطان الذي يزيّن هذه الفتن و العياذ بالله ولذا جاءت الآية
    (وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاء مِن دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلًا ) آية 50
    ولهذا قال الرسول صلى الله عليه و سلم أنه من قرأها عصمه الله تعالى من فتنة المسيح الدجّال لأنه سيأتي بهذه الفتن الأربعة ليفتن الناس بها.
    وقصص سورة الكهف كل تتحدث عن إحدى هذه الفتن ثم يأتي بعده تعقيب بالعصمة من الفتن :
    ختام السورة: العصمة من الفتن:
    آخر آية من سورة الكهف تركّز على العصمة الكاملة من الفتن بتذكر اليوم الآخرة
    ( قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا ) آية 110


Mashary El-Afasy - Soorat Al-Kahf | مشاري بن راشد العفاسي - سورة الكهف

Omar Khairat - The Case Of Am Ahmed | عمر خيرت - قضية عم احمد

كلمات: زين العابدين فؤاد
ألحان: الشيخ امام
تاريخ: 1984

شيد قصورك ع المزارع ... من كدنا وعمل إدينا
والخمارات جنب المصانع ... والسجن مطرح الجنينه

واطلق كلابك في الشوارع ... واقفل زنازينك علينا

و يقل نومنا في المضاجع ... ادي احنا نمنا ما اشتهينا

واتقل علينا بالمواجع ... احنا اتوجعنا واكتفينا

وعرفنا مين سبب جراحنا ... وعرفنا روحنا والتقينا

عمال وفلاحين وطلبه ... دقت ساعتنا وابتداينا

نسلك طريق ما لهش راجع ... والنصر قرب من عنينا

شيد قصورك - شيخ إمام | Sheikh Emam - Shayd Kosorak

في العام ,1968 كتب أحمد فؤاد نجم «جيفارا مات» تحيّة للثائر الأممي وقد غنّاها الشيخ إمام . اليوم ، في ذكرى رحيل «المناضل المثال»، يعيد ملحق «شباب» نشر القصيدة تحيّة لـ«نجم» وهو يصارع الموت. وهو أيضاً ثائر ومناضل.. على طريقته


جيفارا مات.. جيفارا مات
آخر خبر في الراديوهات
وفي الكنايس والجوامع
وفي الحواري والشوارع
وع القهاوي وع البارات
جيفارا مات.. جيفارا مات
واتمدّ حبل الدردشة والتعليقات
مات المناضل المثال
يا ميت خسارة ع الرجال
مات الجدع فوق مدفعه جوّا الغابات
جسّد نضاله بمصرعه ومن سكات
لا طبالين يفرقعوا ولا إعلانات
ما رأيكم دام عزكم يا أنتيكات
يا غرقانين
في المأكولات والملبوسات
يا دفيانين ومولّعين الدفايات
يا محفلطين يا ملمعين
يا جيمسينات
يا بتوع نضال آخر زمن في العوامات
ما رأيكم دام عزكم.. جيفارا مات
لا طنطنة ولا شنشنة
وإعلانات واستعلامات
عيني عليه ساعة القضا
من غير رفاق تودعه
يطلع أنينه يزعق ولا مين يسمعه
يمكن صرخ من الألم
من لسعة النار في الحشا
يمكن ضحك أو ابتسم
أو ارتعش أو انتشى
يمكن لفظ آخر نفس
كلمة وداع لأجل الجياع
يمكن وصية للي حاضنين
القضية في الصراع
صور كثير ملّو الخيال
وألف مليون احتمال
لكن أكيد ولا جدال
جيفارا مات موتة رجال
يا شغالين ومحرومين
يا مسلسلين رجلين وراس
خلاص خلاص مالكوش خلاص
غير بالبنادق والرصاص
ده منطق العصر السعيد
عصر الزنوج والأمريكان
الكلمة للنار والحديد
والعدل أخرس أو جبان
صرخة جيفارا يا عبيد
في أي موطن أو مكان
ما فيش بديل ما فيش مناص
يا تجهزوا جيش الخلاص
يا تقولوا ع العالم خلاص.

الشيخ امام - جيفارا مات - كاملة بجودة عالية | Sheikh Emam - Guevara Matt 1968 HD

كلمات : احمد فؤاد نجم

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام

الشيخ امام - اذا الشمس غرقت - جودة عالية | Sheikh Emam - Eza Al-Shams ghere'et

كلمات : احمد فؤاد نجم

عن موضوع الفول واللحمة
صرح مصدر قال مسئول
إن الطب اتقدم جدا
والدكتور محسن بيقول
إن الشعب المصري خصوصا
من مصلحته يقرقش فول
حيث الفول المصري عموما
يجعل من بني آدم غول
و البروتين الكامن طيه
نادر زيه ف أيها فول
تاكل فخذه في ربع زكيبه
والدكتور محسن مسئول
يديك طاقه وقوة عجيبه
تسمن جدا تبقى مهول
لحمه نباتي ولا في الحاتي
تاكل قدره تعيش مسطول
***
ثم أضاف الدكتور محسن
إن اللحمه دي سم أكيد
بتزود أوجاع المعده
و تعود على طولة الإيد
و تنيم بنى آدم أكتر
و تفرقع منه المواعيد
و اللي بياكلوا اللحمه عموما
حيخشم جهنم تأبيد
***
يا دكتور محسن يا مزقلط
يا مصدر يا غير مسئول
حيث إن انتوا عقل العالم
و العالم محتاج لعقول
ما رأي جنابك وجنابهم
فيه واحد مجنون بيقول
إحنا سيبونا نموت باللحمه
وانتو تعيشوا وتاكلوا الفول
ما رأيك يا كابتن محسن
مش بالذمة كلام معقول

الشيخ امام - الفول واللحمة -جوده عاليه | Sheikh Emam - El-Fol w El-Lahma HD

كلمات : احمد فؤاد نجم

اتجمعوا العشاق في سجن القلعة … اتجمعوا العشاق في باب الخلق
و الشمس غنوة من الزنازن طالعة .. ومصر غنوة مفرعة في الحلق
تجمعوا العشاق بالزنزانة …. مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
اتجمعوا والعشق نار في الدم ….. نار تحرق الجوع والدموع و الهم
نار تشتعل لما القدم ينضم …. لما الايادي تفور في لم اللحم
قدم العدو غارسة في لحم ترابي … و الكدب عشش مخبرين على بابي
و المخبرين خارجين كلاب سعرانة … بيجمعوا العشاق في الزنزانة
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر

الشيخ امام - اتجمعوا العشاق ف سجن القلعه (جوده عاليه | Sheikh Emam - Etgama'ao El Oshak

كلمات : احمد فؤاد نجم

ناح النواح و النواحة
على بقرة حاحا النطاحة
و البقرة حلوب
حاحا
تحلب قنطار
حاحا
لكن مسلوب
حاحا
من أهل الدار
حاحا
و الدار بصحاب
حاحا
و احداشر باب
حاحا
غير السراديب
حاحا
و جحور الديب
حاحا
و بيبان الدار
حاحا
واقفين زنهار
حاحا
و يوم معلوم
حاحا
عملوها الروم
حاحا
زقوا الترباس
حاحا
هربوا الحراس
حاحا
دخلوا الخوجات
حاحا
شفطوا اللبنات
حاحا
و البقرة تنادي
حاحا
و تقول يا ولادي
حاحا
و ولاد الشوم
حاحا
رايحين ف النوم
حاحا
البقرة انقهرت
حاحا
ف القهر انصهرت
حاحا
وقعت ف البير
حاحا
سألوا النواطير
حاحا
طب وقعت ليه
حاحا
وقعت م الخوف
حاحا
و الخوف ييجي ليه
حاحا
من عدم الشوف
حاحا
وقعت م الجوع
و من الراحة
البقرة السمرة النطاحة
ناحت مواويل النواحة
على حاحا
و على بقرة حاحا

الشيخ امام - بقرة حاحا (جوده عاليه) | Sheikh Emam - Bakaret Haha HD

كلمات : احمد فؤاد نجم


فاليري جيسكار ديستان

والست بتاعه كمان

حيجيب الديب من ديله

ويشبع كل جعان

يا سلاملم يا جدعان

ع الناس الجنتلمان

داحنا حنتمنجه واصل

وحتبقى العيشه جنان

التليفزيون حيلون

والجمعيات تتكون

والعربيات حتمون

بدل البنزين

بارفان

وحتحصل نهضه عظيمه

وحتبقى علينا القيمه

في المرسح او في السينما

او ف جنينة الحيوان

وحتبقى الاشيا زلابيه

ولاحوجه لسوريا وليبيا

وحنعمل وحده أرابيا

مع لندن والفاتيكان

والفقرا حياكلوا بطاطا

وحيمشوا بكل ألاطه

وبدال مايسموا شلاطه

حيسموا عيالهم

جان

ودا بفضل صديكي

ديستان الرومانتيكي

ولا حدش فيكو شريكي

في المسكن

والسكان

الشيخ امام - فاليري جيسكار ديستان (جوده عاليه | Sheikh Emam - Vallery Geskar Destan (HD)

كلمات : احمد فؤاد نجم

انا الشعب ماشي الشيخ إمام
أنا الشعب ماشي وعارف طريقي
كفاحي سلاحي وعزمي صديقـي
أخوض الليالي وبعيون أمالي
أحدد مكان الصباح الحقيقي

أنا الشعب ماشي وعارف طريقي

---

أنا الشعب كفي تقيد الحياة
تخضر صحاري تبيد الطغاة
تعلي الحقايق رايات في البنادق
ويصبح تاريخي منارتي ورفيقي

أنا الشعب ماشي وعارف طريقي

---

أنا الشعب مهما يقيموا السجون
ومهما كلابهم تحاول تخون
حيطلع ناري وأدمر بناري
بحور الكلاب والسجون من طريقي

أنا الشعب ماشي وعارف طريقي

---

أنا الشعب والشمس وردة في كمي
ونار النهار خيل بترمح في ددمي
وتقضي ولادي على كل عادي
ومين اللي يقدر يوقف في طريقي

أنا الشعب ماشي وعارف طريقي

أنا الشعب - الشيخ إمام (جوده عاليه | Sheikh Emam - Ana El Sha'ab (HD)

كلمات : احمد فؤاد نجم
    الحان : الشيخ امام



مصر ياما يا بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

الشيخ امام - مصر ياما يابهيه (جوده عاليه | Sheikh Emam - Masr Yama Ya Bahya (HD)

 تلخص جزءا من معاناة ما يزيد عن 22 ألف معتقل سجون ....... لم يستدل علي وصف حتي الان لهذه القوات .
باب الزنزانة .. ورفيق الحبس

وسرير مش ميري .. من غير بطاطين
والضلمة زيادة عن أول أمس
وطابور الذنب .. مش جنائيين


عهد الثورة -  "باب الزنزانة"  | غناء أحمد حمدي & أحمد مؤمن

كلمات : أحمد فؤاد نجم
غناء و الحان : الشيخ امام عيسي
انتاج: 1984
ممنوع من السفر 
ممنوع من الغنا 
ممنوع من الكلام 
ممنوع من الاشتياق 
ممنوع من الاستياء 
ممنوع من الابتسام 
وكل يوم فى حبك 
تزيد الممنوعات 
وكل يوم باحبك 
اكتر من اللى فات 
حبيبتي يا سفينه 
متشوقه وسجينه 
مخبر فى كل عقده 

عسكر فى كل مينا 
يمنعني لو اغير 
عليكي او اطير 
اليكي واستجير 
بحضنك 
او انام 
فى حجرك الوسيع 
وقلبك الربيع 
اعود كما الرضيع 
بحرقه الفطام 
حبيبتي يا مدينه 
متزوقه وحزينه 
فى كل حاره حسره 
وف كل قصر زينه 
ممنوع من اني اصبح 
بعشقك .. او ابات 
ممنوع من المناقشه 
ممنوع من السكات 
وكل يوم فى حبك 
تزيد الممنوعات 
وكل يوم باحبك 
اكتر من اللى فات


Hossam Sukar

Popular tracks