دينا الوديدى - يعنى ايه كلمة وطن "The Nile Project"

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

....يا عاشقا فى الهجر جرح مقلتيه
لو كان قلبي زاهداُ عالماُ بكل شئ
.....ما كنت اصبو مناديا بالوصل دوما

يا عاشقا

وائل الفشني - يا عاشقاً | Wael El Fashni - Ya Asheqann

ماشي وشايل فوق كتافي حِمل وبقول يارب يا معين !
دانا جرحي واعر وحزني ساكن واهو كله مكتوب ع الجبين!
راحوا الأحبه يارب! صبرني ع الفراق يا رحيم !
مولاي أشكو إليك ضعفي !.. دانا بقضاك يارب من الراضيين!ماشي فى خطاك طايع وأنت لحالي سميع وعليم يارب !

ماشي وشايل فوق كتافي حِمل - وائل الفشني - مسلسل طايع رمضان 2018- الحان طارق الناصر

احنا ولاد الكلب الشعب - عبد الرحمن الأبنودى

أغنية فاح المسك - فيلم يوم وليلة - غناء وائل الفشني | Fah Elmesk - Wael ElFeshny


قل لمن ...

قل لمن يفهم ما اقول . فَسّر القولَ فسر القول فذا شرحُ يَطول 

انت لا تعرفُ اياكَ ولا تدري من انتَ ولا كيفَ الوصول

كيفَ تدري من علىَ العرشِ استوى لا تقل كيف استوى كيف النضول

كيفَ تجلَ الله ام كيفَ يُري ؟ فلَعَمّري ليسَ ذا إلّا فَضول
 
هو لا اينَ ولا كيفَ لهُ وهوَ في كلِ النواحي لا يزول
 
جلّ ذاتاً وصفاتٍ وسما وتعالى قدرهُ عما نقول 

***************************
 
سُبحانَه 
سبحانةُ كُلُ ما في الكونِ صنعُتهُ فإن ارادَ فلا تسأل عن السببِ 

بَل سلمِ الامر .. بَل سلمِ الامرَ تِظفر بالُمراد وما فوقَ المُرادِ فبابُ الخيرِ في الادبِ

إلىَ الملكْ .. إلىَ الملكِ القَويّ شًكوتُ ضًعفي 

إلى المُحصي لما اُبدي واُخفي .. إلى التواّبِ قد يمّمتُ وجهي وفي ندمٍ رفعتُ لهُ اكُفّي 

إلهي قوي بالايمانِ قلبي .. إلهي وامّحوا بالغفرانِ ذَنبي 

إلهي قد دعوتُكَ يا كريما لتًهديَني صراطاَ مستقيماَ 

وتنزلني فسيح جِنانِ عدنِ وتجَعلًني وتجَعلًني بروضَتِها مُقيماُ

قل لمن يفهم عني  - علي الهلباوي

قال لي الحبيب
قال
الحلم و الخلق العظيم صفاته
و له الكرامة و العلا و المحسب
و قرأت بسم الله فيهن
و قرأت بسم الله فيهن داعيا  
و اصطفك المولي بهن تتعهد  
يا حبيبي 
رأي
رأي وسال فئات لهم زرع بلا نضر
فكل ما قطفوه ضعف قدره

موشح " الحلم و الخلق العظيم صفاته " وائل الفشني - من فيلم صاحب المقام

عيني لغير جمالكم لا تنظر 
و سواكم في خاطري لا يخطر 
و سواكم في خاطري لا يخطر 
يا سادة قلبي بهم متعلق 
يا سادة قلبي بهم متعلق
ابدا و عندي ساعة لاااااااا
عيني لغير جمالكم لا تنظر 
و جميع فكري 
و جميع فكري دون الوري 
و علي محبتكم اموووووت 
اموت و احضر 
عيني لغير جمالكم لا تنظر 
و سواكم في خاطري لا يخطر 
يا حبيبي يا رسول الله 
يا حبيبي يا رسول الله 
الحمد لله اللذي انار الوجود بطلعة شمس بهية 
سيدنا محمد عليه الصلاة و السلام

موشح " عيني لغير جمالكم لا تنظر " - وائل الفشني- من فيلم صاحب المقام

الليل اقبل و الوجود سكون
في الليل راحت
تستريح جفون
ياااااااااااااااااااااااا
يا عالما بالسر و الاعلام
يا من حفظت الحبيب محمد
و حبيبه في الغار 
ياااااااااااااااااااااااا
يا ذا الجود و الاحسان

موشح " الوجود سكون " - وائل الفشني - من فيلم صاحب المقام

Hossam kamel

Recent comments

Norhan Osama

Norhan Osama

Amal Hemeda

Related tracks