مبقتش قادر أني أحدد، دي الخسارة الكام..
بطلت أعد..
وبقيت بطيء في كُل شيء،
بطلت أمد..
بطلت أبني في أي شيء..
وبقيت بهد..
وبقيت بعيش وسط الرُكام..

مبقتش قادر أني أحدد، دي الخسارة الكام

بطلت أشوف..
بطلت آآمن للبشر، وبقيت بغمض كُل يوم،
وفي قلبي خوف..
وبقيت بعاني في كُل شيء..
وبقيت بتهته في الكلام..
وبقيت بقصقص في الحروف..
وبقيت وحيد..
مع أن عقلي فيه زحام..

مبقتش قادر أني احدد، دي الخسارة الكام..

بطلت أعيش..
وبقيت بشوف الناس خيال..
وبقيت بشوف الكون مفيش..
وبقيت لوحدي..
بقيت لوحدي..
لسه الاغاني بتشتغل..
وبقيت بنادي الحلوة متغنيش..
ودا شيء يزود مـ الآلام.

من بعد ما قالت سلام..
مبقتش قادر أني احدد، دي الخسارة الكام..

من بعد ما قالت سلام

وعن الجروح اللي مبقاش، في حوزتي قماش
علشان أداريها..

Hossam Shoep II

Popular tracks