ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

دليتيني ع الخمارة… تركتيني وما فتّي…
لما سكّرتيني يا جارة… خفتي ومني هربتي…
غدروني عيونك غدارة… وبتقولي ما غدرتي… 
يمكن زمانك خسارة…
خسارة ع الـ حبوكي…

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

عايش على حبك إتسكع… وليالي سكّرونا… 
وبشوفك كل ما بتطلع… بنسوان الماخورة… 
زرت الما عادت اللي بتنفع… تشفلك شي صورة…
ما خلوا ولا صورة إلا… منها سرقوكي…

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

ثورة بعينيكي - زياد الرحباني

رفيقي صبحي الجيز.. فيروز

كل الصفات فيك - أغنية نادرة - زياد الرحباني

إبنك حمار يا ثريا - زياد الرحباني

امريكا مين؟ | زياد، حازم شاهين

شو مخبرينكن؟

شو مخبرينكن؟
و شو خبروكن تا جيتوا و فتّوا؟!
بأي حقد عبوكن تا بلشتوا الحرب؟

ولا إنتوا "جيش" ما بتسألوا؟!
يا عسكر سوريا .. شو قالولكن قبل ما فتّوا؟

قالولكن شي ولا قالولكن مشّوا؟
وقت حملتوا هالسلاح كلو... وقت دوّرتوا الدبابات و زقيتوا الصواريخ بشو فكرتوا؟

ما في منكن حدا فكر عالقليلة؟!

مش "سأل"، لأنو يمكن ما فيكن تسألوا!
بس ما في حدا منكن فكر "شو"؟!
"وين رايح أنا"؟
ما في حدا منكن رايح عالجولان قبل بمرة و شايف الجولان؟
ما حدا منكن فكر "مين رايحين نقاتل"؟!
أو هيك إنتوا جايين تقاتلوا؟
ما حدا منكن تطلع مقابيلو مين في بالميلة التانية حامل سلاح؟
ما بين عليكن شي فلسطيني .. شي لبناني؟!
شو خبروكن.. شو فهموكن؟

ولا لا خبروكن و لا فهموكن؟!
قالولكن جايين تحمونا؟ جايين تدافعوا عن فلسطين و عن القضية؟
قالولكن "في متآمرين عالقضية موجودين بلبنان .. موجودين بالجبل" .. هيك معقول؟

معقول هلأد في "متآمرين" بلبنان؟
منين فاتوا عا لبنان؟ منين فاتوا كلهن؟ كيف صاروا كلهن بالجبل؟
منين جمّعوا بعضهن تا صاروا كل هلأد "متآمرين|؟
أو قالولكن "عم ينفذوا مؤامرة إسرائيلية إمبريالية"؟
طيب ما شفتوا شي آرمة إنتوا و فايتين؟ ما شفتوا شي آرمة زرقا مكتوب عليها "ترشيش" .. شي آرمة مكتوب عليها "بوارج" .. شي آرمة مكتوب عليها "قاع الريم"؟؟
طيب! .. هيدي الآرمات ما في منا بالجولان!.. هيدي الآرمات بلبنان!
أو إنو هيك بس بدكن تقاتلوا و تربحوا مين ما كان يكون؟!
عم بيقولوا بإذاعة سوريا –و أكيد اهلكن عم يسمعوا إذاعة سوريا- عم بيقولوا غير شي بالمرة : عم بيقولوا "مطرح ما إنتو موجودين في أمن و الحالة هادية و الناس رجعت عا أشغالا"

و إنتو موجودين و بتعرفوا.. بتعرفوا الحقيقة!
بتعرفوا إنكن عم بتقاتلوا و عمن بيقاتلوكن .. و مطرح ما إنتو في حرب
عم تسمعوا إذاعة سوريا؟ ولا ما فيكن تسمعوها؟
طيب، عم تسمعونا إلنا؟ ولا كمان ما فيكن تسمعونا؟
مش عم تسمعوا شي يعني!
مسكرين عليكن الدني و عم بتحاربوا؟!.. هيك عم بتحاربوا؟!!
طيب و اللي عم بيموتوا منكن شو هاو؟ و ليش عم بيموتوا؟
عم بيموتوا لأنن مسكرين عليهن كل شي.. و لا إلهن حق يسألوا و لا إلهن حق يعرفوا.. بس إلهن حق يموتوا؟!
وين العروبة و القومية؟ و الحرية و الوحدة و الإشتراكية؟ و العدو الغابر؟ و العدو الغاشم؟ و الأرض المغتصبة و التحرير و العدو المشترك؟ كلن هاو راحوا بقذيفة عا "بحمدون"؟!

إنو فكركن عم تنتصروا ولا رح تنتصروا؟

ما سمعتوا شي إذاعة.. شي موجة مشوشة واصلة بالغلط .. شي واحد عم بيصرّخ عن الغزو السوري؟
إنو ما سألتوا ليش هلأد هالزلمة عم بيصرّخ؟ أو قالولكن عنو "هيدا أخوت"؟
طيب اللي قاوموكن بصيدا هلأد .. و ما خلوكن تفوتوا عا صيدا.. هودي كلن شو؟ مين؟ ما سألتوا حالكن مينن هودي اللي هلأد كتار و مسلحين ومعهن آليات و دبابات و مدفعية؟ أو قالولكن هودي عصابات؟ معقولة يكونوا عصابات؟ بس عصابات؟!

طيب ما سألتوا ليش اللي هربوا من بيناتكن و التحقوا باللي عم بتقاتلوهن : ليش هربوا؟ ليش تمردوا؟


مش حاسين في بلبلة حواليكن؟
هلأ نحنا عم نحكيكن و إنتو يمكن مش عم تسمعوا!
بس نحنا عم نحكي بركي شي واحد منكن أو اتنين بيسمعوا
يا عمي ما فكرتوا ليش صرلن كل هلأد ما عطيوكن مأذونية؟

ولا قالولكن: "حالة حرب"؟
طيب إذا بكرا شي نهار عطيوكن مأذونية من هالمؤامرة و رجعتوا عا سوريا و سألوكن الولاد بالضيع : "شو كنتوا عم تعملوا؟" شو بدكن تقولولهن؟ "كنا عم نقاتل"؟ "عم نقوّص"؟ هيك : "كنا عم نقوّص"؟!

إنتو عارفين أديش مكذبين عليكن حكامكن؟ يا ريت فيكن تعرفوا!

معقول كل هالكذب الرسمي العلني؟

معقول الكذبة كل هلأد بتطوّل و كل هلأد بتدوم؟
معقول كل هالإيام مرقت و بعدها ما انفضحت الكذبة؟
طيب ما حدا منكن سأل: ليش وصلوكن عا "عيون السيمان" و وقفوكن و قالولكن "من هون اتركوا الطريق مفتوحة و خلوا العالم تمرق"؟
معقولة منطقة كلها أوادم .. و منطقة كلها متآمرين؟
بالجبل اليوم عم بيقاتلوكن... عم بيقاتلوكن يعني: ما بدن ياكن تفوتوا !
و كونوا أكيدين إذا جربتوا تفوتوا بعد "عيون السيمان" كمان..كمان رح يقاتلوكن!
طيب ليش؟ اسألوا ليش! ولك اسألوا شي مرة!!! 

عالوجع - زياد رحباني



راح ما قالي شو بقدر أعمل لملايين المساكين


Ziad Rahbani - صبحي الجيز

"..خليني بحياتي اكون يا عاشقة شخص موزون.. يا رايقة لحالي"

Monodose :ألبوم
موسيقى: زياد الرحباني


.

ما منيحة الرسالة
ما منيحة الرسالة، ولا الحب الخيالي
خليني بحياتي كون... يا عاشقة شخص موزون، يا رايقة لحالي
مفهومة الرسالة، وبتفوق احتمالي
مش ليلى أنا تا تكون... مجنون مش ناقصني جنون، خليني بحالي
!هيك بس

كلماتها رتيبة، بعيدة ومش قريبة
صفحة وحدة فيها...12 مرة حبيبي
حاكي ع النهاية، عن عيشة بلايي
شو متصور فيي ساوي بهيك حالة
مش زابطة الرسالة، هي غيرة سآلة
قال أنتي حياتي قال، قال ضاع بالهوى ع الشال، تا ضاع بالليالي
لو تنسى الرسالة، وصاحبة الرسالة
مش كان أحسن الموضوع، ما تعود مغروم وموجوع... وتلاقي بدالي
هيك بس...
!روح
ليه دايماً إيديي، شعري أو عينيي؟ ليه ما بتحكي عن غير اشيا موجودة فيي؟
حبك مش حقيقي، انسى يا صديقي
إذا هيدا إحساسي، شو تركت للأهالي؟
ما منيحة الرسالة...

-------------------------------------------------------------------------
(الأغنية الأصلية باسم “سهرانة لحالي” بكلمات أخرى، غنتها قبل سلمى هدى حداد (أخت فيروز
كلمات و وتوزيع  زياد الرحباني
ألحان:  أنطونيو كارلوس خوبيم

ما منيحة الرسالة - سلمى مُصفي

حدا من اللي بيعزونا | حازم شاهين & زياد رحباني

وصلت دورية عصفورين غطت على نفس البلكون
مشغول فكرا على عصفو طار و غط و طول هون
و رجعوا موكب تلات عصافير رجعوا على نفس الكراكون
نيالهن والله نيالهن برمو الدنية فتلوا الكون
و أنا علقان بنفس الغرفة مفكر حالي أفلاطون
و باقي شجرة بوجّه البيت فتحت الشباك و طليت 
غاطط شي ميت عصفور أكتر من ميت عصفور
و فجأة طارو كلن منها ورجعت شجرة مش كاركون
و صار يدق التليفون واحد طالب أفلاطون


أفلاطون - زياد رحباني

سلام من المنطقة الغربية لإلِـك انتي خاص
سلام لالك انتي الي مش ممكن تضحكي ضحكة كاملة لآخرها
انتي إلي عم يحفر فيكي الضجر الطويل

--

أنتي اليوم عندك شخص بتحبيه ويمكن خطبتي واتجوزتي وما عدت عارف عنِك شئ 
 بس اللي بعرفه عنك مظبوط 
إنه كان يضل عندك مسحة حزن بوجهك
وكنتي تضلي ضايعة وتايهة
وكنتي أد ما تفرحي 
يضل فيكي شئ مش راضي
وصحيح أنا اليوم مش شايفك 
بس أنا أكيد أن ها الشغلة بعدها فيكي
بعدها فيكي لأنها مش ممكن تروح منِك
عندك ضجر
ضجر طويل عم يحفر فيكي
وعم بيعلّ فيكي
وأنت منشان هيك
معوّدة
تاخدي حبوب للأعصاب
وهالحبوب ما عادت تنفعك
لأنها فاتت بدمك 
مثل الضجر الطويل
هلأ اليوم نحنا تركنا بعضنا
وصار في بحياتك شخص جديد
شخص بيفكر مثلك
وعايش مثلك
وأهلك راضيين عنه
وواعدك بحياة كلها رفاهية
وواقف من اليوم عم يدلك ع الأراضي اللي لإلو
وعم تتفقوا ع بيت المستقبل كيف بدكن تفرشوه
بس أنا أكيد بأعدك مثل ما أنتي
وراح تضلي مثل ما أنتي
وراح يضل يعلّ فيكي 
هالزهق اللجوج
هالضجر الطويل
ومثل ما كنت أقلك وقت كنا مع بعضنا
راح تفشلي بحياتك
اليوم كمان بأقلك
راح تفشلي بحياتك
شايفة أنتي
أنتي ما في شئ معقول يسعدك
..


 بعدنا طيبين .. قولوا الله




امريكا مين؟ | زياد، حازم شاهين

العنود

Recent comments

user531946915

Related tracks