إهداء -- مصطفى ابراهيم

Yemkin V.2

Sorour Project - Live - أنا سبحة في رقبة درويش By SOROUR سرور

Ghalia Benali- Ne Me Quitte Pas - غالية بن علي - لا تذهبي

ع الي حكم ارضه ف ضل و فجِر

هوس باند - حكاية الامير  |  Hkayt al Ameer - Hawas band

وحدي انا يماي :")

"هذا هو اسمك"
لم أقُل
ولا حد قال
كان ٤٠٠ أخضر ف دفتر بنك آخر كل شهر
٥٠ ريال بيانات لشركة الاتصال
كام ألف مِ العملة الرخيصة لدولة نامية فِ شرق آسيا
بيشاركوا ف الخدعة الكبيرة اللى اسمها دورة رؤوس المال
.
حامل هوية أجنبي بالنسبة للدولة الغريبة
مترين *متر ونص ف الاوضه الكئيبة
بالنسبة للشخص اللى قسّم شقة العمال
بالنسبة للمستشفى لما اتصاب سرير
للشخص في زى الممرض حقنتين تخدير
ولشركة التأمين.. مجموعة م الفواتير
.
بالنسبة ليا..
٨ ساعات انتاج.. 
ليهم رجول
(يمشون فى الأسواق)
و يزودوا التقارير
.
-"صدام حسين"
ضِحِك الفلبيني الممرض قبل ما يشوفه الطبيب ف يلم نفسه
وسألنى تانى
"-إيش إسِم؟
-صدام حسين قولتلك"
سجِّل وسامعُه ف عقل باله بيصنع الإفيه
"هِندي وإسمه ازاى كدا؟
كان ابوه وهوا بيكتب اسمه ف الحكومة شارب ايه؟"
ماعرفش إيه..
ممكن يخلى شخص متغرب.. 
فقير ..
ومصاب ..
وماسك ف الحياة بطراطيف صوابع كف واحدة..
والناس بتتريق عليه!!
.
رد اللى جاني في منام الربع ساعه برا ع الكرسي:
"نفس اللى خلاك لمّا علّٙى صوته جوا مكتبك تخصم عليه"
.
-"محتاج جراحة سريعة و ماخبيش عليك
القٙطع غاير و الفرص صعبة"
قالهالي دكتور الجراحة ف ودني بعد عشر ساعات..
م اللف في المستشفيات
"حاول تجيبهاله بطريقة كويسة"
كان نفسي يتشق البلاط ويشدّني ..
ويشده.. 
و الدكتور.. 
وشازلونج الطوارئ..
والخمس مستشفيات اللى اتحدفنا من صباحة ربنا بينهم عشان مفهومش جراح أوردة .. 
والطب..    
 وتقوم القيامة
ميّلت على وِدن التعيس الحظ
-"بيقولك الدكتور هتبقا تمام وهتقوم بالسلامة"
.
لو كان شعور الخوف بني آدم..         مكانش
لو بان ف عينى الصدق وانا بكدب..   مبانش
لو كان ممدش إيده تحت السير
لو كان حصل عُطل الماكينة ف حتة غير
لو كنا لسه قبلها
لو كنا لسه
اتنين وخمسة بقالها ساعة اتنين وخمسة
ماشية العقارب بس مش ماشي الزمن
ماشية العقارب إنما بتزُق أرقام الساعات..
تتكرمش الأرقام ف زاوية
خاوية الدقايق ولا دى ارقام مخاوية؟
ماعرفش كان الذنب ولا الانسانية
خلانى اشوف ف مراية الحمام دموع
ماتليقش على إمضة مدير مشروع
.
اربع شهور دلوقتى من يوم الوداع
مع إنه يوم لما استلم باسبوره جالي
سلِّم عليا بالشمال وشكرني جدا ع المساعدة و ع السهر والبهدلة
ف دماغى حبة أسئلة عاملين صداع
أولها يمكن والأهم
هل كان لابد عشان تشوفه آدمي..
يقطع دراع؟!!

هذا هو اسمك

Mawlay - Naqshabandy   مولاى - النقشبندى

شيروفوبيا - توزيع حفلة البيت - مارس ٢٠٢٠ - مسار إجباري

الليل بيسبق رجفة البردان
والدنيا تشتي فوق جبينه ورود
و ناس تلاقي بعضها بأحضان
و ناس تودّع حضنها بشرود
ريحة اللي كان على طرف موّالي
ريحة اللي كان , ريحة اللي كان غالي
يا ليل يا عين يا شمس مالها شروق
يا عين يا ليل يا حتة علي بالي


دينا الوديدى - الليل


أنا بفضل دايما للأخر


ف جيمات الكونكان والشايب


و ف كشف الحاضر والغايب


وف حجز شقق مصيف بلطيم


أنا اخر تايب في اصحابي


واخرهم ف الصلا ف التسليم


وف دور المدرسه في التطعيم


وفي وقت السين


أنا اخر جيم


أنا جرح قديم...كان متغطي


إكمني مشتي ولابس كم


سبتني الدنيا بستين أم


وسبتلها ميت مله ودين


ولحد ماتميت ست سنين


أنا كنت بحب البني ادمين


وكرهت الناس من بعديها


علشان نسّوني أنا اصلا مين


مش فاكر امتى حقيقي بدأت


انما فيه فتره فاكرها طشاش


كان فنجان قهوتي مابيفضاش


وبكلم ربنا طول الوقت


عمري ماصدقت بنات غير ريم


ويمكن دلوقتي ما اصدقهاش


أخر مره


شفتها فيها



كانت تقريبا بتعزل


و كان فيه سواق تاكسي منزل


ف شنط ناس حتحل مكانها


ووشوش بني ادمين معرفهاش


أنا ريم يمكن كانت قدي


أيامها... لكن دلوقتي أصغر


عارفه إن أنا يوميا بكبر ؟


وبعجز اكمني مابنساش


أنا فاكر أيام بالميللي


أنا فاكر أيام بالتفصيل


أنا فاكر يوم دفنة أختي


حتصدقي..؟ أكتر مافاكرها


وساعات بنسي ف ليله كبيرها


أنا فاكر شقة قصرالنيل


ومش فاكر حد من السكان


من صغري وعمري مابنسي مكان


أنا أصلا فاكر بيت شادي


مع إني مازورتوش غير مره


بأمارة فيه برواز بره


كان جواه صورته ف اعدادي


كان لسه ساعتها طالعله شنب


ونا حاسس إني طلعلي أتب


من تقل الشيله و م التفكير


معلش أنا آسف برغي كتير


وبسف وقتك وفي وقتي


أنا حاسس بدماغي بتتقل


أنا نفسي أنام


أنا عاوز اروّح دلوقتي


متشكر جدا ع الجلسه


حنكمل امتى علاج طيب ؟


لازم حنشوف بعض قريب


أنا ماشي...


سلام

وحدي انا يماي :")

H.A

Related tracks