‎⁨غيابك طال عمرو حسن

"عمرو حسن | وحشتيني ٣"🥀

كان لازم احبك عمرو حسن .mp3

لا بعمل حيلة عشان ترضي ترجعي من ثاني تقابليني
ولا عاوز أقول لك سامحيني
الموضوع أكبر من كده بكثير
الموضوع واصل لبعيد وأبعد من ظنك بشوية
متغيرة أيامي في بعدك
باردة إيديّ
زي ما أكون من كون ثاني

حقك عليا - عمرو حسن

عمرو حسن ، قصيده | خلينا اصحاب - amr hassan

عمرو حسن وحشتينى 2

عمرو حسن / ماحبتش غيرها قصيدة جديده في نهاية 2019

انا عندي ايمان ان كلامهم صح ومظبوط 
واني وانا بعيد عنِك ميّت 
واني ف قربك مش مبسوط 
بيني وبينك مسافات أبعد من أي اتنين 
كل اختياراتي اللي بدونك أفضل بكتير 
لكن من امتى الحب بيبقى علاج 
من امتى بياخد م الفايض يدي المحتاج 
من بين اربعه مليار واحدة اخترتك 
حبّيتك وكمان قدّرتك 
والكلمه اللي بتخرج منك 
اجمل من أي كلام مسموع 
اشبع لو شفتك يوم صدفه 
وان غبتي ليالي بموت م الجوع 
قصر الموضوع انك لعنه 
وان انا ملعون 
وان وجودك على قد ما طيّب مش مضمون
وان مكاسبي معاكي مجرد تمهيد لبعادك وخسارتي 
لحظة ما الناس آمنت بيا انتي كفّرتي 
وبدال ماتكوني الودن اللي بتسمعني 
بقيتي دراعي اللي بيوجعني 
وبقيتي العين اللي بتخدعني وتبُص طشاش 
انا بتعاقب ليه على حبك
ديه الحاجه الواحد ماخترهاش 
ملعون أبو قلبي اللي ندالك 
واختار من دنيته وادالك
ملعون تركيزي ف تفاصيلك 
والكدبه اللي بتيجي ف بالك 
ملعونة شوارع بتفّكر 
ملعونة صوابع بتسكّر 
ملعون الروح اللي تبكّروتقوم م النوم تحلم بيكي 
اقتلك ازاي ؟
افصلك ازاي عن خطواتي وظني وشكلي 
حبيتك ليه وانتي مشاكلي وضربتي ف الضهر 
اديتك كل اللي مسبب فرحك 
سيبتيلي اللي يحسس بالقهر 
حبيتك ليه ؟ 
وبشوفك مصدر احلامي وفرحتي على ايه ؟
ومصدق ليه انك دنيا 
وبفكر ليه ف دخولي عليكي ف يوم البيت 
انا اكبر احلامي وجودك شوفتي غباءي ؟
اكبر احلامي افتح عيني على حضورك 
وأبوه ده الحب اللي يخلي حضورك كل امالي 
انا زينة الناس 
عم الرجالة ف عين الكل 
اجمل ستات ف الدنيا اتمنوا سلام بالإيد 
زيك خمسين مره احتاروا يخشولي منين 
على ايه بلاقيكي انتي جميعهم ؟
باشتري فيكي يوماتي وابيعهم 
وافردلك قلبي تمُري عليه 
حبيتك ليه 
ليكي حق تزيدي عليا دلال 
وتحسي بروحك فايقه جمال 
وتزيدي ف غلطك ميت مره 
مش مضطره صحيح تراضيني مش مضطره 
ولا مضطره تقدمي كرامات للي ف قلبك 
الغلطه على التايه جوايا عشان حبك 
ويا افوق يا اهلَك

اه ياقلب ياكلب يا شاري سراب 
ومضيّع ف قلوب تستاهلك

#بيعلق_غلطاته_على_الحُب

قصيدة بيعلق غلطاته علي الحب عمرو حسن

قصيدة الطلاق | عمرو حسن

عمرو حسن في القاهرة اليوم : أنا مش كداب


أنا مش كداب
وقت اما رميت الدنيا ف ضهري
وجيت عندك وقفلتي الباب
كان قصدي ساعتها نلِّم دموعنا ونتّبسًِّم
مش قصدي عتاب
انا جيتلك وانا كل ما فيا
بيشوف انك كل ما ليا
ومشيت بمافيش
وحياة الحلو اللي مابيننا
لو كان فيه شيء حلو مابيننا
ماتكدّبينيش
ده انا قلبي بكل ما فيه شايفك
تايه في الرعشة اللي شفايفك بتخبيها
متفائل بيكي وحاسس انك قولتيها
بستني إشارة تكون أي بداية لبكره
وبشوفها بشارة
الضحكة اللي انتي ضحكتيها
انا مش كداب
ولا جيّ اقدّم للسايب
وجع المتساب
انا جاي عشان بس اقولك بزيادة غياب
وان كان فاضل ليا محبه
لو فاضل حب ولو حبّه
اسمعي مني كلامي وحسّيه
انا مش طالب إلا وجودك
حنًِّني والنبي قلب جنودك
عينك ومشاعرك وردودك
وافتحي بابك اللي قفلتيه
انا عمري ماخدت فرص من حد
ودفعت الاتمان الكاملة
انا عمري ماقولت ياريت لو كان
نرجع لزمان
ولا فكرت ف ايه هيكون
من بعد ماكان
بس الموضوع المره دي
يستاهل اجرب من تاني
انا مش عاوز اقدم أسباب
انا جي أقول
انا مش كداب
ف غيابك مهما مشيت ورضيت
وعملت صحاب واغاني وبيت
هفضل مكسور مهما اتلميت
هفضل شارد مهما اتونِّست
ريحتك روحي
بمشي ف أوقات والليل واسع
والناس نايمين والخوف لاسع
بتخيل ايدك مسكاني
وبشوف قفلة عينك ف الضحك
زي ماكنت بشوفها الأول
أتمنى الحاصل ده يطوّل
تتحرك مزيكا بسيطه
شبه الفستان اللي عليكي
اقفل على ايدي بلا ايديكي
يوجعني حنيني ويخنقني
دي اول مرة وعهد الله
اطلب من حد يصدقني
لو كنت اذيتك
انا اسف
اسف على قد مايرضيكي
وان عشت حياتي بقدم أسفي ومايكّفيش
هافضل اقدمه
على قد ما ربنا يديني ف الدنيا واعيش
وان كنتي اذيتي انا مسامح
انا جايب بكره اتفاوض بيه
على حصة وجعك في امبارح
باتخطى سنين ضاعت منّا
من غير ما ادخل حسبة تفاحتك والجنه
وبشوف الصح اللي انا ممكن أعمله دلوقت
اني أوقّف ماراثون الوقت
واجي لحدك واطلب فرصه
فرصه ياست الستات تاني
ليا وليكي
ربنا له حكمه يجمّعنا
وعشان كده كل ما نبعد بلاقيكي
كل مانتخاصم نتصالح
لما توافقي
هيبيع جواهرجي ف يوم خاتم
هيجيب مأذون عشا لولاده
هيزيد مشروب وهيبقى اتنين
ونضيف للدنيا اتنين عشاق
وان موافقتيش
فيه رزق هيبقى انتهى مقطوع
وانتي مترضيش تقطعي ارزاق
بزيادة العند اللي ف طبعك
بزيادة الخوف اللي متابعك
انا مش عاوزك في رهان بايخ
ولا جي ابيع سهم ف بورصه
انا جاي أقولك استاهل
اخد فرصه
صعبه عليكي ؟
فين كرمك
فين فرط ايديكي
ده انتي كريمه وقلبِك سابقك
وانا لسه حبيبك ومصمم
ياهتقبلي حالاً بيّا
ياهعيش باقي حياتي بخانقك
وهخانق كل اللي يفكّر بس يشاغلك
انا قررت ان انتي توافقي
ولغيت كل احتمالات الرفض
انتي الست اللي انا بتمنى
تغلبني التجاعيد ف وجودها
وابقى معاها
واحمي مقامها
انتي الست اللي انا مش مكسوف
انحني
او اعيّط قدامها
وانتي الانسانه اللي انا موجود
علشان تتحقق احلامها
وعشان ألحق حبل غرامها
لو تاه
أو داب
انا جي اطلب ايدك منك
يا ذنوبي اللي القلب بيستغفر
عنّها لو تاب
والله بحبك
وهحبك
وانا مش كداب.

Amr Hassan - Ana Msh Kadab 2020 l عمرو حسن - أنا مش كداب

عمرو حسن | قصيدة وحشتيني كاملة من حفل ساقية الصاوي - اكتوبر 2020

• أسرع إنسان ينقلب مزاجه من ولا شئ .

عمرو حسن | قصيدة وحشتيني كاملة من حفل ساقية الصاوي - اكتوبر 2020

Hussein Salah

Recent comments

Àbø Hègàźy

Karim El-Shazly

nona💖🍫

3ŒMÆR

Related tracks