في وسط الظروف الصعبة و المشاكل و المسؤوليات اللي علينا.. بنلاقي حد مهتم بينا و بيطمن وبيسأل علينا من غير ما نكون موجودين أو متاحين .. بس آمن إنه هيلاقينا وقت ما يحتاجلنا ..
حد كده بتفاصيل صغيرة خطف قلبك و عينك اتثبتت عليه زي كاميرا المراقبة لما تخليها تدور على حد بملامح معينة و تفضل رايحة جاية لحد ما تلاقيه .. فتبدأ تحاول كذا مرة انك تقرب وكل مرة بيكون رفض .. فتصمم لحد ما تاخد الفرصة الأولى .. النظرة الأولى .. دقة القلب الأولى .. أول كل حاجة بتبقى ليك أنت بس .. بتبقى الإختيار الأول طول الوقت .. بعد فقدك للآمان  يجي اللي يحسسك بالأمان ويكون العوض الجميل .. بتبقى ممتن لكل وقت و لكل لحظة بتكون معاه .. بتنسى نفسك وياه .. مش نفسك اللي بتنساها .. ده انت بتنسى اللي حواليك و تفضل فاكره هو بس .. يومك المليان بتحسه فاضي بدونه .. يومك الفاضي بيكون مليان بيه .. بتهمل تفاصيل كتير كنت مهتم بيها وعمرك ما بتعرف تعدي تفصيلة من تفاصيله .. بتذاكره وبتحفظه .. مشاكلك معاه بتنتهي بكلمة .. علاقة تزيد بكلمة .. تفرح وتحزن .. تطمن و تقلق بكلمة .. كلمة واحدة كفيلة أنها تخليك اسعد أو أتعس انسان .. بالرغم من كده إلا إنه بيبقى أصح اختيار انت اخترته .. لما تتسأل انت بتحب عينك بتجاوب قبل ما لسانك يتحرك و تكون حاسس انك مش محتاج  تتكلم لأن رد واضح وضوح الشمس .. فتتمسك أكتر بيه و يفضل على بالك حتى لو الدنيا بتولع قدامك .. بتجريله بلهفة .. تسمع صوته .. بقيت بخير .. 
في النهاية حافظ على اللي يكون معاك في الشدة قبل اللين .. الوحش. قبل الحلو .. بهدلتك قبل هندامتك .. وأحمد ربنا على وجوده دايماً


#العوض_الجميل
#حسين_شريف

العوض الجميل _حسين شريف

في مواقف معينة في حياتنا بنضطر فيها اننا نبرر لغيرنا احنا ليه اتصرفنا التصرف 
ده او قولنا الكلام ده ليه .. في حين ان التبرير مجهد جدا و متعب .. السؤال هنا ليه بنضطر لده ؟ .. ليه دايماً بنحاول نثبت حاجات اصلا مش محتاجة اثبات ؟ الإجابات مختلفة عارف ده كويس .. بس اكيد احنا متفقين في كوننا مضطرين لده ..
----------------------------------------
تعالى انا و انت نتفرج من بعيد .. كإننا بنخرج فيلم أو أي عمل فني .. هنلاقي ان في كلام بيتقال مالوش لازمة انه يتقال اصلا فلو اتشال هيبقى المشهد عظيم جدا .. و هنا في واحد عمل حركة تلقائية مش المفروض انها تتعمل .. وفي خناق على اسباب تافهة .. ضحك هستيري من لا شئ .. فيه عشوائية في الحوار .. استني هنا النظرة دي لو كانت في وقتها هيبقى المعنى اقوى من كده ... " دي الدنيا يا جماعة .. عبارة عن مشاهد كتير بتحصل .. و علشان المشهد يبقى حلو جدا لازم نتصدق و علشان نوصل لنقطة دي لازم نصدق نفسنا و يكون كل التعابير حقيقة و نكون صادقين في الكلام " .. دايماً بيقولو انك بطل حياتك .. ف ها يا بطل هل انت مضطر تبرر لكل حاجة بتعملها و لا الأحسن المشهد يكون غامض علشان الناس تفكر مرة و اتنين لحد ما يوصلو لحل اللغز ده .. في النهاية احنا مش مضطرين نبرر اي حاجة غير الناس اللي قريبين مننا اوي لانهم سبب من الاسباب في نجاح العمل ده .. اه الفكرة معقدة بس احنا اللي في ايدينا نبسط الدنيا علشان نقدر نكمل و نحقق ذاتنا


#الحياة_مشاهد
#حسين_شريف

حسين شريف - الحياة مشاهد

سأكتب عني و عَنكْ لأخلق من الكتابة حياة لمن يريد أن يحيا

Hussein Sheref

Popular tracks