جميل فشششخ يا جابر ❤️❤️❤️

الله ينور ياصديقى على الكلام والاحساس♥️❤️

المألمة
ديوان بالعامية المصرية يصدر عن دار المؤسسة للنشر والتوزيع بمعرض القاهرة الدولي للكتاب
أحمد سعيد بُكير

برومو ديوان (المألمة) - أحمد سعيد بكير

ماتسيبش قلبي تفرمه الشوقة..

كان فاضل اسيب قلبي ف صدرك..
علشان لو مره الشوق خانّي..
 قلبي اللي معاكي يدق ف قلبك تشتاقي.. !!
وان يوم يلضُمنا طريق..صدفه..
نتلاقي زي المتواعدين...
نتعاتب..ونفُض السيره ونتصالح..
كان فاضل أفضل زي ماكنت..
مبقيتش الإنسان الصالح !!



ريحة بشر غايبين..وسكوت مفسرتوش!!
فيه حضن ضخ الدم..
وفيه حضن ساب خربوش..
في صيادين ع الشط..بيصيدوا بالنيه..
وفي صيادين ارواح..بيصيدوا بالخرطوش!
لولا الرسايل والصّدف...كُنا اتقتلنا غياب..
لولا الحنين ف القلب...كُنّا اتقلبنا وحوش!!!
صوره ف حيط بيبوش..
وهدوم ريحتها غياب..
مشيوا وسابولنا الشوق..
مشبوك ف اوكر الباب !!!

ماتسيبش قلبي تفرمه الشوقة 

ماليش مطرح..
وعينك كلها مطارح..
وحُضنِك قوت يتيم..نبِّت!!!
عيدان الصبر مقطوفه...وماسك فيكي ومتبّت..
حداشر مج شاي ف اليوم..
وقُرحه ف معدتي بتسِب!!!
و كدمه ف عضمة الصابع..عشان شوطت الحنين..قاوح!!
ف عَصرة شوق..باشِفِّك واقفه قدامي !!
اضمِّك..فَ اتكفي ع الوش..!!!
تسيب الوقعه ف ملامحي..غياب واضح !
ف احبك والغنا خلصان..واحبك والغنا طارح.!!


-هامشي..
*خليكي..
-إمشي..
*مقدرش..هاتهمّش!
في ف قلبي جرح ولسّل ماتلمّش!

مالقيتش قلبي ف الغياب..بعدِك
مافضلش بعدك ف الغياب..غيرك
كنتي أولى بيا من ليالي السرمحه وحدي!!
أولى بعياطي وضحكتي وشوقي..

ماتدمعيش..
بالله بلاش. 
الموت كان اهون من عياطك وقتها والموت مجاش!

هو انتي فين؟!
سامعاني ولا اللعنة حايشه الصوت..؟
فيه فرق بين الكوشة والجنازات؟!
ولا الفرح..له نفس ريحة موت؟!
دي رطوبة الجدران أحن..
م النظرة لما تفوت..مبلولة من كَسر العيون ..
أمشير له برد أحن..
من إني اسيب صورتِك..خلفية التليفون!!!
"الا لعنة الله "
ع الشّوقة والخوف والسّجون!!

الانتصار دلوقتي مش مُجدي..
والاحتفال دلوقتي مش مُجدي!


مفطوم ع الخضّه كإنّي هاموت ناقص ضحكة..
أو ناقص حُضن وضلعي من التوديع مٙحني..
أو ناقص نظرة ونن عيونِك ما لمحني!!
أو ناقص خطوة في درب الله..
ولكِنّ شيطاني مسوّٙحني!!

صدري بيوجعني
و ف راسي صداع جايب داغي
وكإن الوحي بينزل م الله طوّالي على دماغي!
مش شايف أمشي بقلبي عشان اجي
لكن بدعيلك وانا في النُّص
مش لامح جوا خطوط الكف وصول!
مالقيتش دعاوي تفسّر طلبي وأحزاني
محتاجك تبعت أي رسول.
لو (عيسى) يمشّي إيديه على قلبي يخف
لو (يونس) يدعي في جوفي فَ ريق الحزن يجف
لو (موسى) يلملم توهتي، ارجع للسيرة الأولى!
أو أرجع قبل تخلق معنى الأحزان والتوهه
واترجّى واقولك بَدِّل دول
بدِّلهم بدليل ووصول
بدّلهم ب دعاوي بإسمي عشان ماحتارش ان عوزت أقول.
أنا واقف وبقولك تايهه..
محتاجك تبعت أي رسول!

ماتسيبش قلبي تفرمه الشوقة(مَزج ٢/ شِعر)

According to Wikipedia, "Only The Good Die Young" is a 1977 song that was recorded and by Billy Joel.  The song peaked at #24 on the US Billboard Hot 100 and #25 on the US Cash Box Top 100 Singles Charts.  I did this KaraFun karaoke track rendition at Champions' Sports Bar in Richmond KY on 8/27/2025.  Thank you for listening.

Only The Good Die Young (Champions 8272025)

هندسة صوتية : مصطفى الملواني
كلمات : محمد عصاام
لينك الأكونت : https://www.facebook.com/M7mdess16
الكلمات :

يارب انا ماكُنتِش كدة
رجلي الشمال تِقلِت - أوي -
وبقيت بَزُك من التَعَوُد .. مش عَرَج
وبقيت بكشَّر من مفيش وقت الهَرَج
معرفش انا اللي بقيت رِخِم
ولا التعب هو المُسَيطر ع المَزاج
على كل حال
" الصبر مفتاح .. " - لأ بلاش
الجُملَة دي مبحبهاش
بتزيدني صبر!
وفـ قلبي نَغزَة باحِسَّها تأنيب ضمير
او دعوَة على شخصي الضعيف
من شخص ما
وفي راسي زلزال لما بيقوم بَرتِجِف
وبخاف انام
أصحى على القبر وحساب
وذنوبي كسبانة ومفيش حل وهروب 
لأ معتقِدش ..
فيه أكيد إتاحِة فُرصَة أتعادِل واتوب!.
وبقيت كئيب ..
بسكُت من اليوم مُعظَمُه
واضحَك اذا صادِف وملِّيت م السكوت
طول عمري فقري
زيي زي لمبَة في فرع زينِة عيد
.. جديد
مبتشتغلش
وتاريخ لـ شخص عظيم مُؤَثِّر
متنقلش
كلمِة " بحبِّك " من طرف واحِد
مقالش
أول مُرتَّب .. شَهر شُغل ومرمطة
فيه احتمال انُّه اتنَشَل
بزعل عليه
يارب انا ماكُنتِش كدة
من بعد ما اتعوِّدت ع الوضع الجديد
مابَقِتش فاكر كنت إيه!

يارب انا ماكنتش كدة - محمد عصام

زي البيوت في الصِيف
ما عادش لقلبي حُرمة ..
وبقيت مَشاع ..
أتشاف بنور العين
ونور الصحبة
وخطوة العابر !
تفضحني نسمة شوق
تطير منها الستاير ..
وان غابت النسمة اللي بتبرد غيابهم
أغرق في عرق الغيبة .. تخاصمني السَّراير !
يشويني ليلي ع الملاية من القلق
والشوق ينغص عيشتي لو جفني اتقفَل
ما بقتش بسأل نفسي ( كيف بدأ الخلق ؟!)
دلوقتي بسأل نفسي امتى هينتهي ؟!
عقلي لما بيترمي في حجر المخدة بيتحرق
ما بقاش بيسأل ع الوجود .. أو ع العدم
بقى يبكي زي عيال حارتنا يوم شِتا
والأرض عكّاها المطر .. وما فيش نزول
وكأني ضايع وسط كوم إجابات !
قشّة في كومة إِبَر !
وما فيش سؤال لايق لأي إجابة ..
أنا كل حاجة عارفها حصلت امتى وازاي وبذنب مين !
لكن ما فيش صيغة سؤال ..
تقدر تقولك قلبي بيفكّر في إيه ؟
في نحس أكتر من كدا ؟!
أكتب قصيدة عشان ابوح ما القاش حروف ترضي اللي نفسي استنطقه !
جوايا ناس كلبشتهم لما اتقابلنا
عشمني فيهم ضيّهم وحلفت اصونهم
واكمني طيب عمري ما اديتهم خوانة
اديتهم المفاتيح ..
دلوقتي هم مكلبشين جوايا مش متكلبشين !
ورجعت بسأل نفسي ..
مين اللي محبوس جوا مين ؟!
طول عمري
باهراني اللمض .. الضوء خطفني
وكل نور بيشدني !
ما اعرفش أكتم قلبي بين اربع حيطان..
بالوقت
أدركت ان انا
رايح لموتي بقوة الدبان
وفضولي ألمس لمبة الصاعق !
..
على كل حال
القلب مفروط ع البلاط
والضهر مفرود للسما
وان كان دا قلبي ..
بس عمري ما اوطي اجيبه
زي كل اللي اتفرط على سكتي
دلوقتي
مش عارف انام !
والقلب بايت زي نص رغيف قديم ..
ما استطعموش غير اللي مالقاش اللي صَابح
وبقيت كبير
وشي مكرمش
قلبي ضافر بنت بيخربش في صدري !
كل اللي بينبهني على فرصة فاتتني
ما بقتش باعرف اقوله : "لسه بدري "
قلبي نغزني ..
قُلت ايه ؟!
عجّزت
جسمي اترعش
على وحدتي اتعكزت !
شَعري وِقع
وبقيت ببان أكبر ما انا
بتجيني فكرة موتي تعمل هرجلة
جوايا خوف محبوس ومتعلم شراسه
لو يوم طلقته
مش هيهجم غير عَليَّا !
مش عارف أبكِي
مش عندي وقت أضيعه
علشان أنزل مايه زايدة فـ نن عيني
سيبهم ووقت ما يقفوا على باب المهابة
هيكسروه
وهتبكي قدام البشر
زي العِيال !

-عبدالرحمن الدمياطي -

زى العيال - عبدالرحمن الدمياطي

Follow Me | تابعونى *-*
----
Facebook Account : www.facebook.com/3abdellrahman
Instagram : www.instagram.com/abdullrahmanbasher
YOUTUBE LINK : youtube.com/channel/UCvK_mPrFyL0NpDMg3m7vhuQ

B A H R | ههرب

حالي حالِك.. 
زي زير مخروم فـ صحرا 
كل مَن زاروه خَذَلهُم
أو كشجرة توت دَكَر..
واقفة يوم شم النسيم 
زي شاب وكان وسيم.. بس ضامّاه السجون
أو كـ جون جِهْ فـ وقت ضايع.. اتلغىٰ
قال لك انّ دراع زميله فـ التَّسلُّل
زي منظومة بتسَلْسُل وانت آخر جزء فيها
لو هتسقَط.. مش هيفرق لك وُجود
زي عود «بانجو» استِنَبِّت وسط أرض صاحبها سُنّي 
قام بدون حتى التأنّي مالخُه منها،
زي واحدة بتِهوى واحد جالها واحد قالوا حالِك..
حالي حالِك 
زي واحد كان نباتي.. بس طبّاخ للحوم
لم فـ يوم داق طبخ إيدُهْ اللي يغواه العُموم
زي لو بعرف أعوم..
بس مْتلَقَّح فـ جيشي آخري بترَقَّد واقوم
أو كيوم منحوس بقُولهُم 
رغم هُمّا النحس فيهم زي لو يوم التلات 
انفلات مُزمن فـ حالة والدِّبيح بس العلاج 
زي لو كان احتجاج..
وانتَ ماشي عشان ترَوَّح بعد يوم مُتعِب تنام
قفشوا فيك إنك زعيمهم رَحَّلُوك «قِسم السلام»،
زي لمّا تكون بتشحت أوضة فاضية وانتَ مالِك..
حالي حالِك 
شِبه واحد كان فـ مولد عضُّه كلب
شِبه واحد خلَّى مرَّة... عنده قلب
-لَدَعُه كُرباج الزمن-
شِبه واحد حَبّ واحدة لسه بيكُعّ التَّمن
شِبه أعناب اليمن
بعد قُرص من «المشَبِّك» ماسخة ولا تساوش «شِلِن»
أو «بِلِن» شُطتُه فـ نهائي تقوم تلاقي الجون صادِدها 
شِبه لو تسرق سجارة من أبوك.. ويكون عادِدها،
زي لو كل البشر ماشيين شوارع 
وانتَ وحدك ماشي سالِك..
حالي حالِك 
زي فار نافِد بجِلدُه وِسْط أنياب القطط 
راح بيتنَطَّط نجىٰ فاحتواتُه المصيدة
زي قرد فـ أرض موز.. لو إيديه مِتقَيِّدة 
زي قِرش فـ وقت عوُز.. والاُجور مِتحدِّدة 
زي سَبَلة فـ أرض «تين»
زي دبلة فـ وِسْط طين
زي ما تفوت السنين 
ع السَّجين مُترَدِّدة،
زي شيخ قرَّب يِشيخ 
لسه بيحُوم ع المهالِك..
حالي حالِك 
زي طفل بيتولِد.. على أرض مصر
زي طفل بيتولد.. من جوّه قصر
بس كان «ابن الجنايني»
شُفت لو فـ الغربة وحدك
وانتَ نِفسك تِلقى أهلك! 
حالي أحلَك
شُفت لو سَلِّمت نَفْسك 
اعتقالك كان كمَهْلَك!
حالي أحلَك 
شُفت لو فـ طابور مزَوَّغ
والشاويش كان مِنتِبِه لَك!
حالي أحلَك 
شُفت لو طالبين لـ «سينا»
وانتَ بس اللي اتنَدَه لَك!
حالي أحلَك
حالي أحلَك م البيوت فـ حواري سوريا
حالي أحلَك م اللي بادِر..
فـ الغَلالي «كيماوي يُورْيا»
حالي أحلَك م اليهودي فـ أرض «غَزَّة»
لو لوحدُه بدون سلاح
كاللي جُندي لحرب نَكْسة عياله تطلب..
يروي بطولات النجاح
كالملَخفِن فـ المسالِك
كالزنوج جوّه الممالِك
كاللي شجَّع فـ «الزمالِك»
حالي حالِك.
#حسام_الطنوبي/من ديوان هيديا
ملحوظة.. «أنا زملكاوي»

ڤوكاليز وعزف/آدم جمال


حالي حالِك/ ديوان هِيدْيا

نَوبات إكتئاب | ٧ ديسمبِر | زهرة نوح & محمد كمال.

قصيدة زينه الغجرية.. ساقية الصاوي .m4a

كلمات : Toni Samy 
أخرج يلا برا منك علشان لما يجي حد تعرف تشده بنظرة منك

Voice note|| حد يصاحب الوجع؟

جولة في حب الله و رسوله

Follow me 🤍
➡️Private account⬅️

Facebook ⬇️
https://www.facebook.com/profile.php?id=100008131755760
Insta ⬇️
https://instagram.com/yasseent.darwish?igshid=1av2uzebd1tj2

➡️3aber account⬅️

Facebook ⬇️
https://www.facebook.com/3aberrr/
Insta ⬇️
https://instagram.com/_3aber._?igshid=1abojib90ad2w

مَََزيچ

مزيج || هو اللَّه

انساني جدا والصفاء ذاته.. سوء المعاملة ظهر له سوءاته. 

قصيدة زينه الغجرية.. ساقية الصاوي .m4a

الشاعر احمد جابر

Recent comments

Abo Adam Tamer

Rafek Bokharest

Lolly

ندیٰ حمدي"🦋

Related tracks