Name: Last Seen ! _ احمد ابراهبم by احمد ابن ابراهيم in انشاد
Duration: 3 min 4 s
Description: قصيدة last seen للشاعر احمد ابراهيم

الكلام حلو اوى بس كان محتاج بنوته معاك

الاقرب لقلبي ✋⁦♥️⁩⁦♥️⁩

انشاد

تابعوني هنا ❤
https://www.facebook.com/profile.php?id=100009635739104

كلمات:
_ازيك
اخبارك ايه؟ 
بتيجي في بالي من فتره 
و شوقي مبقتش قادر اخبيه
مليت من كُتر الكلام 
و انتي ثابته 
مع انك عارفه ان انتي المقصوده فيه 
كان نفسي ابعتلك ورد 
و نوع مزيكا من اللي انتي بتحبيه
كان نفسي اكتبلك شعر
و اقولك قد ايه بحبك فيه
كان نفسي اقول كلام و تسمعيه
مش وقت فراغك تقرأيه

كان نفسي ابعتلك ورد 
و اسيبلك فوقه جواب
احكيلك فيه عن ايامي
و اقولك ع اخر احلامي
و اني دايما عيني بتدمع
اما انطق اسمك في كلامي 
مكدبش عليكي وحشاني ×2

وحشاني عينك...وحشاني لمسه ايدك
و طريقه تفكيرك لو تقعي في مشكله 
الدنيا كلها مشيت قدام 
و انا رجلي اتمسمرت هنا 
عيشتي عادي بعدي تمام؟ 
طب ليه معرفتش اعيش انا؟ 

لسه بشوف صورتك 
في الاماكن اللي عرفتيني عليها 
لسه بستناكي في نفس الكراسي
بس انتي خلاص قاطعتيها

عارفه هدومي؟ 
لسه ريحتك فيها 
عارفه همومي؟ 
غرقت بعد ما مليت العوم فيها

عارفه لو كنتي تضحكي علي نكته بايخه قولتها؟ 
قلبي كان يتنطط وقتها 
و اضحك كما الطفل 
و ابتسم ساعه الوداع

دلوقت خلاص 
رجلي اللي حفظت الاماكن 
مبقتش اروحها
 شمسك غابت من فتره
 مليت من الانتظار لرجوعها

كنت بحبك و لسه بحبك و لسه هحبك
و عمري ما هقف ضدك
و اقول انك بعتيني
 كان نفسي بس ابعتلك ورد 
و عليه رساله "وحشتيني"

كان نفسي _Kan Nefsy

قصيدة " عُمر اللى جاى " ـ
تأليف والقاء : محمد انسان 
هندسة صوتية : أميرة توفيق
--------
اطلبلى مـ البُعد الحساب ..
وضيف ع الشيك بدل حرمان
10% غياب . حساب تقيل
مقسوم على اتنين من زمان 
تربيزة دايرة وناس كتير 
لف عينيه نص لفه 
عقله كان قرب يطير 
لما فجاءة لقاها داخلة 
جرسون بيقطع لحظة مرت الف عام
صوته كان زى الكابوس مصحوب بـ صوت دوشة وزحام 
- الشيك يا فندم . وانا تحت أمرك 
زودلى كاس مـ الحُب صافى . وهاتلى عينيها اتملى فيها 
ابيع هدومى وامشى حافى – لو إيديى تانى تلمس ايديها
- مشهد بعيد تربيزة تانية . هيا قاعدة بـ روح ماجتش
على كتفها كتـ ايديه ساندة . مشهد اميرة فـ قلب نعش
قلبى اللى داق الحُب منها . اتكتف فـ لحظة . الكون ماسعش
مزيكا تعلى بصوت اغانى . ضحك البنات ممزوج بوابل مـ الامانى
كل اللى كان فـ القعدة سارح . حسيته كان جايلى وعشانى 
مزيكا تعلى وتعلى اعلى . من كل صوت سمعاه ودانى 
قامت بترقص على غنوة مرة . صحيت لاقيتها بعتهالى .
قلبى اللى طار مـ الفرحة يومها . مات لما جيتى وسمعها تانى
- تصقيفة عالية لـ جرسون بعيد . بعديها صدمة بسؤال غريب -
مين لسه فاضل فـ الموجودين . حاسس بـ إنه راح يوم يسيب
كل اللى قالوا مكملين . كانوا فـ الغرام متعشمين . فاقوا من حلم لـ كابوس . وقعدوا زيى مستسلمين . لـ تربيزة دايرة وناس كتير . وضحك عالى وقلوب تطير . بس إنت خالى والقعدة غير . السهرة تخلص . تنده سكير . اطلبلى مـ البعُد ديًة وضيف ع الشيك بدل حرمان . وبلاش تواسى بطبطبة ولاتهدًى فيًا . عُمر اللى جاى ماهيكون بنفس جمال زمان . !!


محمد انسان | عُمر الـ جاي

رامي محمد هنا القاهرة

بدون موسيقى ..رامى محمد || سوف نبقى هُنا

أي خدمه فاتح الداونلود اهه ^^ :D 

رامي محمد - هل ترانا نلتقي   :) !

و الداونلود مفتوح .... :) 

رامي محمد - يا عالمي #جديد

الله يرحمه 

كلمات و القاء : شيماء عبدالله
mix : karim taiko
recorded At Proxi Events


الله يرحمه||شيماء عبدالله

قصيدة last seen للشاعر احمد ابراهيم 

Last Seen ! _ احمد ابراهبم

شعر : محمود عصام
توزيع :- ميدو راشد
Music : Jorge Méndez


انا ليه دايماً متأخر 
اوقات ما الموت كان جيَّ
لـــ أصحاب وجيران وقرايب
انا اخر واحد  حيَّ
اول تأخيره لــ  أيمن
مستشفى قصر النيل 
وقت العمليه : العصر
كان ماتش نهائي لـــ  مصر 
مَـوصلتش غير بالليل
كان مات من ساعه ونص 
معروفة نهاية  ( النَص ) .
تأخيرتي التانيه لـــ  بنت 
مفروض مَـحكيش تفاصيل
علشان الموت مش دايما 
بــ ( المعني اللفظي ) كفيل
واهِي راحت زي ما راح غيرها
واكيد مَـبقتش فيـ تفكيرها
تالت تأخيره  لــ أمي 
انا جيت بس اتأخرت
ولعبني الحظ خسرت
مَـلقِتش معايا رصيد
بس أختي اتصلت بيا 
ميَّه وتسعين على ميَّه ( 190/100 ) 
الضغط  ازاي بيزيد !؟
والسكر طبعاً عالي 
مَـجبتش دواها الغالي 
واكيد ما خدتش الجرعه 
:- مَـعرفش ..
 تعالي بسرعه 
:- هاتي الدكتور .. وانا جيّ
خليكي معاها يا  ( ميّ ) 
والله انا ما اتأخرت
من بعد يوميها يا امي
انا لسه الوقت الفارق
على اني ألْحق نتفارق 
بيجيلي فى كل ميعاد
انا نفسي اليوم يتعاد
انا خايف امي تكون لسه
مجروحه عشان متودعناش
انا خايف ( ايمن ) يحسبلي
تأخيرتي بــ صاحب ندل مجاش
انا خايف يوم لما اقابلهم
ميكونش مكان للإعتذرات
تفتكري انا باجي فيـ تفكرهم ؟
زي انا ما بجيلِك اوقات
مجنون ..
مجنون  .. لكن مَـكفرتش 
انا عارف  شئ مكتوب 
مش قادر اقول مَـخسرتش
انا شكلي ماليني ذنوب



FB Page : www.facebook.com/MahmoudEsampoet
My Account : www.facebook.com/mahmoud.esam.35




انا اخر واحد حي - من ديوان 36 نسان مَحصلش

محمد عدلي
هندسة صوت ورؤية فنية : إسلام عادل

شايفك معايا 
في كل الشوارع اللي كنا بنمشي فيها 
الوان هدومك في الشتا وعنيكي وانتي بتختاريها
كل حاجة فيكي سايبة فيا حاجة 
ريحة الشتا وصوت أنغام 
أول بحبك ليا وانتي بتقوليها 

بلبس هدوم اخر شتا علشان بذوقك 
والساعة اللي انتي اختارتيها 
في ايديا فين ما بروح 
تفاصيل حياتي هي هي ناقص وجودك 
بشبه لرسمة على الورق ناقصة بس الروح 

صورك ورسايلك قدامي وحافظهم اكتر من اسمي 
فيه صورة انا وماسك ايديك وباصصلك وانتي بتبتسمي 
ورسالة قولتيلي بحبك وكفاية البعد اللي ما بينا 
مع انك دايما ويايا 
في كلامي وشعري وفي رسمي 

بلبس هدوم اخر شتا علشان بذوقك 
والساعة اللي انتي اختارتيها 
في ايديا فين ما بروح
تفاصيل حياتي هي هي ناقص وجودك 
بشبه لرسمة على الورق ناقصها بس الروح

شكرا :عمرو شريف - إسلام موسى - إسلام عبد الحكيم - محمود نبيل - عماد مجدي - عمر جاويش - جمال أنيس




رسمة على الورق .. محمد عدلي

عمرو حسن - المسرحية / Amr Hassan - El Masra7eya

Mkantsh Mogarrad Omnia | مكانتش مجرد أمنيه

انا كنت بحِن فـ راح سايب و فـ مرة بعدت و قربلي !!

ياسمين محمود | قصيدة برة الدنيا

بدون موسيقي-ماهر زين- يا نبي- انت نور الله

Video  Link .... http://www.youtube.com/watch?v=YABAvDoFPoc                   

Mohamed Ibrahim Page ..... https://www.facebook.com/VADIDODIDO?fref=ts                            


لو لسه ناوى انى أعيش _محمد ابراهيم

" محبتكيش " 
- للمره الأولي من الديوان - 

محبتكيش
 ومش عايزِك
 وباعلن توبتي من جِيرتك 
وبازعل منّي لو صدفه في وِسط كلامي جت سيرتك
وبادعي تلفي و تدوري و كل الناس تشوف حيرتك 
قصاص عادل و دَين مردود ، ديون لازم تُرديها 
محبتكيش وكان لازم ، اصُدّك لما قولتيها 
و بالعن يوم قابلتك فيه وساعه ارتحت لِك فيها 
كتبتك سطر وانا مغشوش 
وقمت قفلت كشكولي 
وشايفك وانتي دلوقتي ..
بتقعي في عرضي وفي طولي 
وبينا مصانع الحداد ..
وكارهك قد ما تقولي 
ومش طايق اشوف اسمك
ولا صُورتِك في اي مكان 
ومش عايزك ( علاج ) حتي 
لو الدكتور وصفهولي .

مشيت متغمّي ورا منك .. وشايفك وانتي ساحباني
خِسرت الناس بقيت وحدي .. عشان عاوزاني واحداني
ضِحكْتي عليّا وانا حنيت.. وسبتي العمر يضربنا
مفكرتيش نروح علي فين.. ونعمل ايه اذا اتصابنا
محبتكيش ومش عايزك .. خلاص جَبرت وشطبنا 
وبكره الدنيا من بعدي ..هتديلِك علي سداغك 
وبافتكرِك صحيح لكن ..مش الفكر اللي في دماغك 
لا انا حنيت ولا اتهزيت ..ولا اتلجلجت في كلامي 
وباكره نفسي لو حصلت ..في يوم عديتي قدامي
فـ لمّي كرامتك الباقيه ..
ومتحاوليش ولا تدوسي 
اخدت الدرس وانا حالف ..
ما افوت حاجه في دروسي
ولو ( ربك ) هيديني .. 
 فلوس علي قد ما كرهتِك ..
يومين وهتيجي تلقيني
ملَكْت الدنيا بفلوسي .

رميت طوبتك .. 
لا فارقه معايا مين اخدِك ومين سابك 
ولا مشغول بيوم فرحِك ولا خطوبتك 
ومش شاغلاني اخبارك وسهراتك 
ومش مهتم عايشه لمين وعايشه ازاي
ولا عندي الفضول اعرف وصلتي لفين
ولا مين اللي يبني معاكي بكره الجاي 
وتبقي ( معاه )  في بيت وحياه 
وبينكم عشره متصونيهاش 
ولا فارق معايا ايديكي وقت ما تعمليله الشاي
بيوصلني الكلام عنك ساعات م الناس 
فاسبح ربنا وادعيه و ابات باكي 
يا اول حاجه باكتبها لشخص غريب
واول وِرث ياخده غريب في املاكي 
بتوجعني الحياه لحظة ما بفتكرك .. 
وندمان اللي ضاع من عمري وياكي
لا انا عايزِك تحاولي تصلّحي المكسور 
ولا عايزك تكوني في بالي من اصله 
وحبل الوِد لو مربوط علي رقبتي ..
يكون قطعه اخف شويه من وَصله
ومتقوليليش خلاص تاني عشان خاطري 
عشان مبقاش ما بينّا لا ود ولا خاطر
يا ست الحسن بس في قصه مختلفه 
وست الحسن فيها بتقتل الشاطر 
مشيت وعنيا متغميه ورا منك ..
وكنت لطيف لاخر نقطه من دمي 
باسلّم روحي للصدق اللي جوايا 
وسامعك وانتي جايّه عليا بتسمّي
بامد ايديا نحوك مبتسم وسعيد .. 
ومسكين اللي شاف الحيه مسكينه 
بافتّح عيني في الاخر لقيتني وحيد 
في ايدك طوق وجايبه معاكي سكينه 
لقيت دمي بينزف قولتي ميكروكروم 
جروحي دي شاهده
ع اللي عملتي في جروحي
فهمت ساعتها انك كنتي قاصداها ..
وراسمه من البدايه لـ حُزني و لـ نُوحِي
قرينا الفاتحه مره انا وانتي نقصد خير
وكنت عبيط عشان مفهمتش الإشارات 
قريت وانا نيتي الايام متبعدناش .. 
وكنتي بتقري بس الفاتحه علي روحي .

وادي الاتنين اللي الايام لعبت بيهم 
ماسكه قَدرهم بخيوط رابطاهم في حبالها
سبحان الله بعد ما كان الاتنين واحد ..
بالوقت مفيش ولا حاجه بتفضل علي حالها
ادي التفاصيل بتموت علي عتبة إهمالنا 
وادي الاسرار اللي اتفضحت والناس سامعه
وادي العين اللي زمان كانت دايما تلمع 
من كتر عياط الناس بالليل مفيهاش لمعه 
وادي الضلمه اللي سابتهالك قبل ما تمشي 
وكإنك اول ولاعه بتطفي الشمعه 
وادي يناير اكتر شهر بيدفن علاقات ..
وادي الحكايات اللي بتخلص من غير دمعه

وبحق الله ..
وبحق الوعد اللي مكنتيش ابداً قَدُه
ايام وتزول وشوية وقت وهيعدوا 
اما انا وحياة احلامي وعشمي اللي اتهدوا 
لو كنتي انتي الترياق وهاموت فانا مستغني
يا عيون سحبتني من الايام من غير ما اشعر 
و ايدين دبحتني وعامله ايدين بتزغزغني 
مبقتش الشخص اللي وعدتيه تفضلي وياه 
و صبحت الكوره اللي بترميها برجليكي
سبتي الايام تتمرن علي كسري وزعلي ..
وبقيت مكسور والفضل يعود كله اليكي 
والايد اللي في يوم م الايام كانت سندك 
باعلن برائتها من الدم اللي علي ايديكي 
وان كان ع الغربه مسيرها تروح بعد شويه 
وارجع من تاني أقوم واقف علي رجليا 
دلوقتي خلاص ولسوء حظك هونتي عليا
علشان وقت ما جتلك فرصه هونت عليكي

Last Seen ! _ احمد ابراهبم

احمد ابن ابراهيم

Recent comments

Samar Hakeem

Marwa Ebrahim 1

Emma Mohmed

user718523757

Related tracks