'Ambell waith mae'r camau yn fy nghwasgu...'

Trac electronig/spoken word gan John Gedru *Llwybr Llaethog* a Iolo Selyf *Y Ffug*.

Lyrics:

Camau Pellach - Cymhelliant.

Ambell waith mae’r camau yn fy ngwasgu
Fel gorfod cerdded can milltir i dy weld di
Ar y trên o ni’n cysgu, a phobl yn fy nghodi
O ni yn eu sedd.
Gwario arian er mwyn dy gyffwrdd
Fel dy fod yn hwren i Network Rail
Roedd hi’n afiach, yn credu bod ti werth hi
Ond nawr rwy’n colli, rwy’n colli, colli.
Rwy’n euog o wastraffu amser yn syllu ar dy ddelwedd
Y mwy rwy’n edrych ar dy eiriau
Y mwy rwy’n drysu wrth geisio eu dadansoddi

A’r mwy dwi’n cofio amdanat
A’r ffordd ti’n arogli
Y mwy rwy’n teimlo fel carreg
Rwy’n colli, colli.
Anadlu, gwastraffu, gwaedu a llwgu
Anadlu, gwastraffu, gwaedu a llwgu

Ac wrth i mi edrych tuag at y dyfodol
Rwy’n myfyrio beth rwyf wedi dysgu yn yr ysgol
Chwech blwyddyn o deimlo’n sâl
Chwech blwyddyn o sgiliau amherthnasol
Yn credu bod fi’n dod o blanned arall

Pobl yn gofidio ei chanlyniadau a’r pwysau parhaol
Fel gorfod llusgo corff lan y grisiau
I dalu’r dyledion, y cyffuriau a’r llyfrau
Cadw dy hun i dy hun, heb addo dim i neb
Nid wyf am dy garu, neu i weld dy wyneb yn y bore
Mae’n ddigon anodd gadael  heb dy gwmni
Paid trafferthu, paid trafferthu
Paid trafferthu, achos dwi’n colli, colli
Anadlu, gwastraffu, gwaedu a llwgu
Anadlu, gwastraffu, gwaedu a llwgu

Chwech blwyddyn o gerdded yn yr adeilad anghyfarwydd
Yn dysgu dim byd, yn chwysu a marw’n araf
Y mwyafrif yn syrthio nôl i gylchdro parhaol ein cymdeithas
A’r gorau yn ddisgyblion i hunan laddiad

Y rhai sy’n goroesi fel fi yn byw ar golledion prin y llywodraeth
Yn crafu ein bywoliaeth, yn creu celf neu enw gwael i’n hunain
Cyrraedd uchafbwynt ac wedyn disgyn
I raglen deledu neu i awr o radio a neb yn gwrando
Ar fore heulog ym mryniau’r Preseli
Dyma beth gafodd ei drefnu
Mapiau meddwl, ridlau ac addurno cacennau
Tra mod i’n eistedd yn chwydu brawddegau
A chasineb anfaddeuol i’r sylabus a’r cynllunie gwersi
Gwastraffu ein hamser a llenwi eu pocedi
Anadlu, gwastraffu, gwaedu a llwgu
Anadlu, gwastraffu, gwaedu a llwgu
Rwy’n clywed cerddoriaeth wrth i dy wefusau symud
Gwell glywed Miles Davies na dy gelwydd
Paid ceisio dod yn agosach
Mae popeth yn hyll dan ficrosgop perthynas

O ni arfer cysgu pan oedd golau dydd yn fy mogi
Nid oes llawer yn wahanol yn fy mreuddwydion
Dim ond y tawelwch
Nid wy’n cael digon ohono
Nid oes gennai brofiad
Ac nid wyf am weithio
Rwyf heb gymhelliant
Yn gywir, Iolo.



Iawn Kunst?