Name: هشام الجخ | متزعليش by عرَبيْ
Duration: 5 min 20 s
Description: قصيدة ما تزعليش لهشام الجخ

انا لما سبتك كل حاجه اتغيرت ريحة الشوارع والدكاكين القديمه والبيوت كانى ببدء من جديد رحلة حياتى او بموت حسيت كانى نهيت حياتى خنقتها انا كنت متخانق معاكى وقتها مكنتش اقصد اقولك امشي مترجعيش بس انتى كنتى صغيره مفهمتنيش (انا بقا اترجيتك وانتى بتدبحينى) 

كلمات قصيدة متزعليش: تزعليش لو جم قالولك انه مش باين عليه اثر الفراق وانه مش بيجيب ف سيرتك وانه عادي لا بان عليه اثر الفراق ولا في الم ولا في اشياق حجاش قصيده كتبها فيها هي دي الي طلعتي بيها اما هو خلاص نسيكي عادتو ولا هيشتريها ؟ واحنا قلنالك زمان مبتسمعيش فمتزعليش ثم هو مكنش نجوا (مكنش نقاوه يعني) كان بيتأخر عليكي بالسعات و كان مفلس وشكلك يعني مكنش هو كل اصحابك عبوه اهو غار ف داهيه وبكره يركع تحت رجعلك سيد ابوه بس يمكن كان حنين حبتين حبتين حببتين كان بيسخف عليكي كنتي فين ورايحه فين وجايه فين بس كان بيبان عليه لما اسمك يجي ف الكلام تلمع عنيه بس برضو كان ثقيل مكنش بيقدرر ظروفك كام مره قلتي مستحيل ويصرر برضو انه يشوفك متزعليش من قساوه الدنيا وعنادهاالعجيب انا كنت فاكر نفسي اقوي من النصيب وكنت بتمصمص عل الي مكملوش مين كان يقول ان النهايه تكون فشوش؟ انا لسه فاكر واقفتك وسط البنات فاكر هدومك وابتسامتك والكلام حتي السكات اذا كان فررقانا صحي فيكي كام وجع انا كل ليله بدبح من الذكرريات انا عندي ركن بحط فيه كل الحجات كل القصايد والالم كل البنات جيت اركنك جواه رفض ومكفكيش ف متزعليش وان جم قالولك انه مش باين عليه اثر الفراق متصدقيش انا بس طبعي جعود وبكتم جوا مني مش فاكره نانا وجرحها؟؟؟ طب بان عليا بعدها مش كنت بطنطت واغني والناس تشوفني تقول حجر ولا اتوجع ولا اتكسر زي الجبل مبينحنيش متصدقيش انا لما سبتك كل حاجه اتغيرت ريحه الشوارع والدكانين القديمه والبيوت كأني ببدء من جديد رحله حياتي او بموت حسيت كأني نهيت حياتي خنقتها انا كنت متخانق معاكي وقتها مكنتش اقصد اقولك امشي مترجعيش بس انتي كنتي صغيره مفهمتنيش معرفتش اترررررجاكي وانتي بتدبحيني الطبع غلاب وانتي عارفه وكان لازم تعزريني رربوني عالهيبه والحب بجيبامه وان البت لما يوم تتقل عليك بالسلامه صدقيهم لو يوم قالولك اني عصبي او فلاتي واني بعرف اي واحده قلبي بيغير يوماتي صدقيهم لو قالولك اي كدبه عن حياتي بس اوعي تصدقيهم لو قالولك انه كان كداب معاكي ومحبكيش وان جم قالولك انه مش باين عليه اثر الفراق متصدقيش



لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

حـظَــك كـــــــده

 

 

 

 

مكتوب عليكى تحبى واحد قلبه صدى

لا الفرحه تقدر تنعشه ولا حزن يقدر يرعشه

ولا نكته حتى تفرفشه ولا حتى خضّه

مع ان قلبك من دهب

مكتوب عليكى تحبى واحد قلبه فضه

حظك كده

 

كل البنات اللى فى حياتى قبلك

أستنونى نمت وغدروا بيا

عِدِّى جوابات الغرام اللى فى دولابى

شوفى كام مره اتغابيت وفتحت بابى

مره بيضه ومره سمره

دى طويله ودى تخينه

وأردنيه ومغربيه وفى الروسيه

وفى العجوزة ..وفى الصبيه

وفى النهايه الكل بردك غدروا بيا

أحتمال العجز فيا

 

المهم انى خلاص ما بقتش قادر أحب تانى

جسمى نحس من السهر والانتظار ومن الاغانى

 

انتى أجمل واحده حبتنى فى حياتى

رقه الكلمه فى شفايفك

الخيال اللى محاوطنى

ومحاصرنى وانتى غايبه كأنى شايفك

العيون المعجزات اللى بخاف أرفع عينيه

يغضب المولى عليه

والله ما أنا عارفلى خوف

أنا ببقى خايف ربّى ولا ببقى خايفك

 

إنتى بِكْر كل

حاجه فيكى بِكْر

الشوارع والمدرج والأمانى

جوه منك لسه بِكْر

أما أنا جيش مالحريم استهلكونى

يا ما رقدوا و يا ما لعبوا ويا ما سكنوا

فيه إيجار وفيه اللى ملك وفيه خدتنى وضع يد

صبحت حكر

وانتى بكر

طب هاينفع؟

 

عارف أنها مش خطيئتك

إنى عيشتى معقده

بس اعمل ايه

حظك كده

 

هشام الجخ - حظك كده

قصيدة المكالمة للشاعر هشام الجخ

جديد : هشام الجخ - المكالمة

هشام ألجخ متصدقيش.mp3

متزعليش - قصيدة هشام الجخ

https://www.youtube.com/watch?v=ueUWiQspKig

هشام الجخ | متزعليش

عرَبيْ

Recent comments

Cabtn Mahmoud

Mohamed Mosa

Ahmed Ashraf(bale)

Enjood Alhajjaj

Related tracks