بيان هام - هنا شقلبان محطة اذاعة حلاوة زمان - من القاهرة ومن كردفان وسائر بلاد العرب واليابان ومن فنزويلا وايضا ايران ومن اي دار او بلد مستباحة بفعل السياحة مع الأمريكان - اقدم اليكم بكل اللغات مراسح وسيما وجميع الفنون صحافة ومنابر وتلفزيونات وخطبة في جوامع وجبنة وزتون - ودايما ملعلع في كل الحالات ولا حد سامع ولا يحزنون وتسمع ما تسمع ده ما يهمناش لأن احنا اصلا بنخدم بلاش فخليك في نفسك ومتخليناش نسلط عليك القلم واللسان - هنا شقلبان محطة اذاعة حلاوة زمان.  يسرّ المحطة ومايسركوش بهذه المناسبة وما بندعيكوش نقدم اليكم ولا نقدموش ’شحاتة المعسل بدون رتوش‘  شبندر سماسرة بلاد العمار وفاتح مطارح للعب القمار و(...) مزارع وتاجر خضار وعقبال املتك امير الجيوش. ما تقدرش تنكر تقول ماعرفوش وما تقدرش ايضا تقول ماسمعوش، شحاتة المعسل حبيب القلوب شحاتة المعسل (...) (...) ودلق على القلب يبرشم حبوب ويفضل يبغبغ ولا تفهموش، وتفهم ما تفهم ده ما يهمناش لأن انت فاهم وعامل طناش  حتنكر وتحلف حاقول لك بلاش حتتعب دماغنا وحتتعب كمان.  هنا شقلبان محطة اذاعة حلاوة زمان.  لأن المخبي ظهر واستبان وكل المسائل بدت للعيان وطلعت حكاوي ونزلت كمان عن التغريبية وكيت وكان وع المحسوبية وعن العبان ظهر في المدينة كأنه الطوفان وغرق مراكب وسوح غيطان وبعض المراكب حتغرق كمان وعالم بياكل في عالم جعان وازمة مساكن وازمة آمان وريحة مؤمرة في جو المكان ومشروع خيانة مع الأمريكان لضرب العشيرة ودبح الجيران وهذا وذلك وتلكم كمان وفيه ناس بترغي ولازم بيان كما ابلغونا جميع الودان نقدم اليكم عروسة وحصان شحاتة المعسل وهذا البيان. هنا شقلبان محطة اذاعة حلاوة زمان.  " باسم الله... سلام عليكم وسلمن وموز واما المسائل فمنجا ولوز، فيا اخوتي ويا اخوات اليكم بياني كما هو آت... جميع المسائل تمام التمام -  وكل الكلام ده مجرد كلام - فخبر جميل وماتقلقوش وشغل الجرايد انا ماقبلوش - مافيش اي حاجة - عليّ الطلاق والعتاق بالتلاتة ما فيه اي حاجة - وقدر كمان ان فيه اي حاجة : مافيش اي حاجة. مالوش اي لازمة الكلام واللجاجة وعيب ان عيل يسوق في السماجة ويعمل لي باللو ويعمل ديباجة. انا بطبعي ضد السماسرة الكبار بحكم المنافسة.. بحكم الجوار، لكن مش في طبعي ان اعمل فضيحة لواحد زميلي هبش كام صفيحة، ما كل الزمايل بتهبش صفايح وكل اللي جاي ماشي زي اللي رايح، فيا ايها الشعب صهين تفلعص مساء التنفس مساء الروايح. اخونا الأمير بزرميط الإيراني بعت لي السنة دي عزمني (...) انا قبلت طبعا ورحنا العزومة وكانت عزومة ما تحصلش تاني - ده ايه المحمر وايه المعمر وايه المكمر وايه صواني. انا دماغي لفت وتعبت صراحة  من الفخفخة والهنا الأصفهاني. هناك يعني مثلا اذا شربت وسكي تمز بكوارع وبسطرمة ضاني. ومهما يكون الـ (...) والدسامة هناك خلق ياكلوا الجبال في ثواني. ماشفتش هناك ناس بتحقد عليهم ولا ناس بتشتم فلان الفلاني لأنه اشترى علبتين من شطارته وحكمة ادارته وطلع مباني. وبعد الوليمة جابوا لنا الهدايا مفضض ومدهب وقز وايشاني. وطبعا اخويا الأمير قالي حاجة حاقولها لكم طبعا اذا الوقت ناسب ’حيطلع لي عيل بدون اي حاجة ويعمل لي فلحس ويقعد يحاسب؟ ده حقد اشتراكي انا ماقبلوش ولو هو ابني انا ماعتقوش‘ كلام عن سماسرة وكلام عن دعارة وحاجات مش صحيحة وجمل مستعارة، فلان الفلان خطف جوز فلانة وفلانة الفلاني مع مرات فلان وعايزين يخلوا البلد اردغانة وعايزيني اسيب البلد من زمان. فيا ايها الشعب كمل جميلك وصبرا والزم حتيجي المصاري وتاكل وتشرب تبع ما يآتيلك وتغرق في بحر العبيد والجواري وتقلع وتلبس في شقة زميلك وترقص صباحا و(...) العصاري وترسم حياتك حسب ما يراضيلك وتملى الحواري فسائي وقصاري تزهزه تزهر تفرع زهورها بفضل الزبالة وطفح المجاري. ختاما سلاما واخر كلاما ضرورا يسود الهدوء والوئاما فماذا والا حلبسكو حلة واهرب مبالغ واسافر قواما ولسلام عليكم ورحمة الله... هنا شقلبان محطة اذاعة حلاوة زمان اظن انتو طبعا فهمتو البيان هنا شقلبان حلاوة محطة اذاعة زمان (....)

 و قدر كمان ان فيه أى حاجة مفيش أى حاجة

الله يرحمك يعم نجم الف رحمه لروحك

كانه مش بس بيوصف السادات لا والله السيسي كمان

الله يرحمك يا ابو النجوم

ماعدش كلام كلام يتقال بعد الكلام ده.

My Favourite Songs

زمان لما افترقنا ليل الطريق سرقنا وتهنا في المسالك

انا المجروح وانتي حزينه زي ماانتي عنيده في امتثالك

تعبنا ياحبيبتي تعبنا م العناد طريق واعر فرقنا وتهنا في البلاد

مع انك ياحبيبتي حياتك في الوداد وانا عارف نهايتي في البعاد

عذابك وحشني وعشقك هبشني وقلبك فرشني جناين وقمره

راجع لك ياسمرا

زمان لما افترقنا - أحمد فؤاد نجم

كلمات : أحمد فؤاد نجم 
غناء : الشيخ إمام 

بحبك بحبك بحبك بحبك
بحبك بحبك بحبك يا مصر

مسايا وصباحي بسبّح بحُبك
وحبك شفايا وجراحي يا مصر
وأسافر بحبك واميل زي ميلك
وتحلا الخطاوي في حبك يا مصر
واحب اغترابي في صبحك وليلك
واحب الونَس بالرفاقة يا مصر

تنام الدموع في العيون الهواجع
وتسهر دموعي في حُبّك يا مصر
تهون السّجون والشجون والمواجع
ويغلا مع القهْر حُبك يا مصر

ولو يحبسوني .. ولو يشنقوني 
ولو فكّروا بالعذاب يبعدوني 
هقرّب وأقرّب ومش ممكن أهرب 
وتنزل دموعي على خدودي تشرب 
تلاقي الرموش والخدود والمباسم 
مراسم وصورتك عليهم يا مصر

بحبك يا مصر - الشيخ إمام Bahebik Ya Masr -Sheikh Imam

Adagio (Lara Fabian cover)

أحمد فؤاد نجم - زيارة لضريح عبد الناصر

كلمات : احمد فؤاد نجم
    الحان : الشيخ امام



مصر ياما يا بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

الشيخ امام - مصر ياما يابهيه (جوده عاليه | Sheikh Emam - Masr Yama Ya Bahya (HD)

أشعار .. أحمد فؤاد نجم
أداء .. الظابط : الشيخ امام
المتهم : أحمد فؤاد نجم

إنت شيوعي

أنا مصراوي

إنتو مصايب إنتو بلاوي

ممكن أعرف مين الأول بيكلمني

إحنا نيابة أمن الدولة

طب فهمني دولة مين؟

دولة مصر

مصر العشه ولا القصر

أيوه حنبدي ندور ونلف حاجه تنرفز خالص إف

مالك ... شايل طاجن خالك

لم لسانك ما تخرّفش

أنا ما اقصدش اهانتك طبعا

أيوه استعبط

لا ما اعرفش

إيه رأيك فـ سفارة كوريا

إيه رأيك في قضية مصر

مصر فـ وحده هى وسوريا وليبيا ولازم ييجي النصر

ييجي منين وازاى و لمين

آدى كلام الشيوعيين

أنا من حقي

حق فـ عينك

أنا بتكلم بيني وبينك

يعني كلام برّا التحقيق

إذا كانش يسببلك ضيق

طيب قول

مين مسئول ؟

مين مسئول عن إيه يا أخينا

ع إللي جرى لنا فـ غزه وسينا

أنت شيوعي أكيد و طاوعني فضّي دماغك من دي قضيه

شعبنا جاهل مهما تقول له مش حيآمن بالشيوعية

؟ما الشيوعية فـ فيتنام .. إيه رأيك فيهم يا همّام

مش بطال مش بطال

لكن إحنا .. ورانا عيال

طب ما نحارب لجل عيالنا يطلعوا أسعد من أجيالنا

إنت الظاهر مخك فاضي و هتدوشني معاك ع الفاضي وأنا بحبحت معاك بكفايه إبقي اتفلسف عند القاضي

هى قضيه ؟

لأ ملوخية

أمال فاهم إيه آمال هيّ الدولة دي لعب عيال

ممكن أعرف أنا هنا ليه

 ؟أيوا هتعرف ، أمال إيه . يوم خمسه وعشرين الماضي إيه مشاك عند التحرير

تحرير إيه يا جناب القاضي

أنا مش قاضي

بكرا تصير

بطل غلبه وجاوب دوغري

أنا غلباوي كدا من صغري

كل الشيوعيين أمثالك آخر غلبه وقله ذوق يحصل إيه لو تمشي فـ حالك فاكر نفسك  مين ، ما تفوق

لو راح افوق مش من مصلحتك

أنا معجب جدا بصراحتك

إيه رأيك فـ حكاية الطلبه

حاجه عظيمه بشرة خير

إنت دماغك ينفع جزمه

وانت لسانك ينفع سير

إخرس قطع لسانك سافل

كتر خيرك

مخك قافل ، مين وداك بقي عند الطلبه رايح ضمن المندسين

رحت أناقشهم واسمع منهم

تسمع منهم إيه يا سي طين دول عايزين الدنيا تولع علشان أصلا مش فاهمين

هيّ الحرب يا عالم لعبه دى بتتكلف بالملايين

وأنت هتدفع إيه من جيبك

امال هـ ادفع من جيب مين إنت حمار وخدوك فـ مشمّك رحت هناك زى الباقيين ، عاملين لجنه وقال وطنيه مش ممكن دول وطنيين ، وجماعة أنصار الثورة و فلسطين وهباب الطين . ما نخلينا يا سيدي في حالنا مالنا ومال الفدائين
هو إحنا اللي نهبنا بلدهم دول عالم صيع فاقدين ، قتلوا الراجل عند الشيراتون وإحنا إللي طلعنا القاتلين

وصفي التل دا كلب وخاين

اهو كل العالم خاينين ، واحد صاحبي مراته مرافقه وهو مرافق ييجي عشرين . أمريكا بتزعل وبتحرن .. هو إحنا يا عالم ناقصين ، مش نستعبر مـ إللي جرالنا ونعيش بقي زي   !العايشين
دي عيال عُملا للشيوعيه وإحنا عدو الشيوعيين

روّق دمك بس شوية . مين مساعدكو بقالكو سنين

بيساعدونا صحيح يا سي بعجر علشان دول عالم مجانين إحنا حيلتنا منين نديهم ونسددهم بالملايين

همّا شافوها قضية مبدأ

مبدأ مين وزكايب مين ، هي دى عالم تعرف مبدأ . دولا بقول لك ناس مجانين . عملو السد العالي علشان نبقي اشتراكيين ، إشتراكيه هناك فـ بلدهم وإحنا ف بيتنا نعيش حُرّين 
عايزين الفلاح الجاهل يتساوى بالمحترمين ! وكمان قال تحديد ملكيه أبو ألفين يدّوه  خمسين شغل ملاحده وعالم كفره ومخالفين أحكام الدين والعُمّال رخرين اسم الله فاكرين روحهم بني آدمين .. ناس عايزين الحرق بولعه دا كله من الشيوعيين نشروا لنا الأفكار السوده أولاد الكلب الملاعين ، مين وداك بقي عند الطلبه
انطق قول
اتكلم مين

هما إيه مطالبهم ؟

انت حتستجوبني يا شاطر

لأ مش قصدى بس أنا باسأل كانوا طالبين كراريس ومساطر ولا مطالب ميه الميه كل الشعب مآمن بيها

دول طالبين حرب وشعبيه . مين مجنون بقي حيمشيها . عايزين يدوا الرتش سلاح عشان تحصل فيها مجازر أنا لو أشوف حلوف فلاح شايل شومه لازم اهاجر

لازم بينه وبينك دم

دم فـ عينك هُس اتلم .. ثم نحارب ليه و بـ إيه ؟ بسلاح ما يموتش بعوضه

روّق دمك بس يا بيه الحرب ضروره و مفروضه
و اهو نفس سلاحنا المظلوم فـ فيتنام دابح أمريكا

دي طبيعه أرض يا بني آدم

بطلوا بقي كدب وبولوتيكا ، طب ما الهند بنفس سلاحنا فـ باكستان بعزقت الغرب

!رأيك يعني ضروري ان إحنا و حتمـًا يعني نخش الحرب
طيب حاضر
فين المخبر
هتغير رأيك
بالضرب
هتغير رأيك بالضرب

ورقة من ملف القضية - الشيخ امام و احمد فؤاد نجم

كلمات احمد فؤاد نجم 
ـــــــــــــــــــــــــــــــــــ
أنا الأديب الأدباتي
غايظني حال بلدياتي
و غلبت أوحوح وأهاتي
لكن بلدنا سمعها تقيل
الله الله يا بدوي
هات الشخاليل
***
شرم برم والناس غفله
والكدب لعلع في الحفله
وأغلب السامر مساطيل
الله الله يا بدوي
دق الشخاليل
***
حالتنا ما تسرش إنسان
وحالنا يصعب ع الغلبان
لكن يا خلق علينا لسان
لو جرينا ع الصلب يسيل
الله الله يا بلدي
يام الشماليل
***
السوس نخب سقف العشه
وعضمة الغنمات هشه
عايزين صابونه ومقشه
وهات يا كنس وهات يا غسيل
الله الله
يا بلدي
مشورانا طويل
***
 أدي العبارة يا متولي
وادي الصراحة اللي
تمللي
توجع وتتعب
وتخلي
عرق الغضب
زلومة فيل
الله الله
يا بدوي
لم الشخاليل

الشيخ امام عيسى - أنا الأديب الأدباتي

بقرة حاحا - الشيخ إمام / أحمد فؤاد نجم

الشيخ امام عيسى - يعوض الله على الأخلاق
من تسجيلات الاذاعة 
برنامج مع تسجيلات الشيخ امام 
1968
www.misrfone.org

الشيخ امام عيسى - يعوض الله على الأخلاق

الناس وقعتها خفيفه -  طارق بشير ft. سيد درويش

الشيخ امام _ بستنظرك

جلسة شعرية - أحمد فؤاد نجم - مظفر النواب - دمشق 1985

على قد الليل ما يطول - غناء أحمد فؤاد نجم

" فيا أيها الشعب كمل جميلك "
بيان هام أو هنا شقلبان
 قصيدة نادرة للشاعر أحمد فؤاد نجم . تهدف للسخرية من الرئيس الراحل أنور السادات ونقد سياساته  .

"بيان هام- أحمد فؤاد نجم

The new single, "Brave," from Josh's forthcoming album, <i>All That Echoes</i>.

"بيان هام- أحمد فؤاد نجم

M.Emam

Recent comments

Bahaa Mahmoud

النسر الجارح

nabilaly70

Ahmed Saed 33

Related tracks