https://www.facebook.com/hemaa.3d

Title ": Wi-Fi | واي فاي
Mix & Mastering ": Da Kingdom Studioo
Vocals ": Stam

lyrics:
صدقنى انت شارب أكبر مقلب
شايفنى طيب؟.. بتضحك على نفسك
كله ع الفيسبوك لابس وش فوق الوش 
انا حتى نفسي ع الحقيقه متعاشرش
كش مات الملك بانت حقيقة الكلام
الأعمى فتح و شاف و المستخبى بان 
متتغشش فيا بالرسايل و البوستات 
ف دنيا الفيسبوك كله ماشي خلف خلاف
باختلاف 180 درجه الناس دى يا اسطى
كان دولاب هدوم قرر انه يبقى مخده 
مش عاجبها حالها بتكدب و تصدق 
ماشيه بمبدأ و عالكيبورد عكس المبدأ
كله على كيفه كل أكونت شخصيه
كفا بالفيسبوك بقى دنيا جوا الدنيا 
اللى داخل عاقل هنا...خارج مجنون
كله مستغفل كله كله ضحك عالدقون 
-----------------------------
شيزوفرينيا... شخصيتين عكس بعض
بتكون ع الحقيقه... غير على الكيبورد
مهووس بالنت لايك و شير و كومنت
عشان تبان اللى انت عاوزه...كدبت
×2
-----------------------------
الهدى و الإيمان..  بان عليك فاتحولت شيخ
بتفتى فالدين و تجود..عشان اللايك و الشير
و انت مقضيها يا زميل..بره ع الحقيقه 
الصبح حشيش و كيف بالليل بنات و بيره
و ألا التانيه.. البريئه العاقله المؤدبه
مودها دايما سايلنت زى نسمه الهوا
على النت..تبقى أوبن مايندد فيمينست
بتسب و تلعن.. مهو الواد زيه زى البنت
ابيض ف اسود.. قهوه و فيروز و سجاره
خدروك بالوريد.. قالوا عليك عميق يا ابا 
ملكش آخر.. انت ف عمق بلاعة شارع
تفاهه ف فيلم بليه ايوا انت زيه تافه
اسف مقصدش ادايقك.. هاى ممكن نتعرف
 كلامك جذبنى ليكى خلينا لبعض نقرب
ف ازيك عامله ايه انتى تشبهي لى بحبك 
بعدين اعذريني..هديكى بلوك زهقت منك
----------------------------- 
شيزوفرينيا... شخصيتين عكس بعض
بتكون ع الحقيقه... غير على الكيبورد
مهووس بالنت لايك و شير و كومنت
عشان تبان اللى انت عاوزه...كدبت
×2

Stam

Popular tracks