احمد فؤاد نجم والشيخ امام

في العام ,1968 كتب أحمد فؤاد نجم «جيفارا مات» تحيّة للثائر الأممي وقد غنّاها الشيخ إمام . اليوم ، في ذكرى رحيل «المناضل المثال»، يعيد ملحق «شباب» نشر القصيدة تحيّة لـ«نجم» وهو يصارع الموت. وهو أيضاً ثائر ومناضل.. على طريقته


جيفارا مات.. جيفارا مات
آخر خبر في الراديوهات
وفي الكنايس والجوامع
وفي الحواري والشوارع
وع القهاوي وع البارات
جيفارا مات.. جيفارا مات
واتمدّ حبل الدردشة والتعليقات
مات المناضل المثال
يا ميت خسارة ع الرجال
مات الجدع فوق مدفعه جوّا الغابات
جسّد نضاله بمصرعه ومن سكات
لا طبالين يفرقعوا ولا إعلانات
ما رأيكم دام عزكم يا أنتيكات
يا غرقانين
في المأكولات والملبوسات
يا دفيانين ومولّعين الدفايات
يا محفلطين يا ملمعين
يا جيمسينات
يا بتوع نضال آخر زمن في العوامات
ما رأيكم دام عزكم.. جيفارا مات
لا طنطنة ولا شنشنة
وإعلانات واستعلامات
عيني عليه ساعة القضا
من غير رفاق تودعه
يطلع أنينه يزعق ولا مين يسمعه
يمكن صرخ من الألم
من لسعة النار في الحشا
يمكن ضحك أو ابتسم
أو ارتعش أو انتشى
يمكن لفظ آخر نفس
كلمة وداع لأجل الجياع
يمكن وصية للي حاضنين
القضية في الصراع
صور كثير ملّو الخيال
وألف مليون احتمال
لكن أكيد ولا جدال
جيفارا مات موتة رجال
يا شغالين ومحرومين
يا مسلسلين رجلين وراس
خلاص خلاص مالكوش خلاص
غير بالبنادق والرصاص
ده منطق العصر السعيد
عصر الزنوج والأمريكان
الكلمة للنار والحديد
والعدل أخرس أو جبان
صرخة جيفارا يا عبيد
في أي موطن أو مكان
ما فيش بديل ما فيش مناص
يا تجهزوا جيش الخلاص
يا تقولوا ع العالم خلاص.

الشيخ امام - جيفارا مات - كاملة بجودة عالية | Sheikh Emam - Guevara Matt 1968 HD

** Unused Material **
** ماده لم تستخدم في الفيلم**
----
Rehearsals of the Egyptian film Rags & Tatters. 2013 By Naser El Seiedy.
نوح الحمام
أداء الشيخ ناصر الصعيدي
مؤلف مجهول


* هذه من ضمن التجارب التي سجلت لتستخدم في الفيلم ولكن تم الاستعاضة عنها بمقاطع أخرى أثناء المونتاج و المكساج.

تسجيل واعداد:
أحمد مصطفى صالح


نوح الحمام - الشيخ ناصر (بروفات فرش وغطا)ـ  -  Nouh El Hamam - Sheikh Nasser

بلبل على الشجر - سعيد صالح

ثرثرة فوق النيل

انا اتلهيت و خدل زندي ( من مسرحية كعبلون )
كلمات بيرم التونسي
لحن و اداء سعيد صالح 

أنا أتلهيت و خدل زندى
و انا ولا عنتر ولا غاندى
ان كانت الغلطات من دى
يكون ف عون اللى عملها

ان كان علي الملح اكلنا
و انا كان علي السجن دخلنا
و الجوع نحلنا و نحلنا
خلي الي فاضل لرجلها

قالوا اللى يشرب من بيرك
لابد يرجع و يجيلك
و انا اللى عطشان ف سبيلك
الدنيا ايه اللى جرالها

يا بلدي هجرك يكفاني 
يا عملة قمع و نسياني 
و يوم ما هرجعلك تاني 
هتبئا رجعة برأسمالها 

يا م الكرانك و الدلتا
هاتعملى طرشة لإمتى
ما اتغيرت كلمة زفتى
و الدنيا راقت أحوالها


انا اتلهيت و خدل زندي من مسرحية كعبلون للفنان سعيد صالح

حِبَّتَنا إِنَّ الغَرامَ أَصابَني *	وَغَيَّبَني حَتّى تَحَيَّرتُ فيكُمُ
فَإِن رُمتُ نَوماً فارَقَ النَومُ مُقلَتي *	وإن رُمتُ بَسطاً خَفَّ سَلوايَ عَنكُمُ
وإن كُنتُ من أَهلي قَريباً أَخاف أَن *	تَروا مِن مُحِبٍّ حالةَ البُعدِ مِنكمُ
وَإِن كُنتُ ناءٍ عَنكُمُ خِلتُ أَنَّني *	أَقصرُ عَن نَهجِ العَبيدِ لَدَيكُمُ
عَلى كُلِّ حالٍ لَيسَ في الحُبِّ راحَةٌ *	أَموتُ شَهيداً وَالسَلامُ عَلَيكُمُ

أحبّتَنا إن الغرامَ أصابني

بتغني لمين ياحمام - شيرين عبده

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

الشيخ امام عيسى - اقبلى يانشوة المشتاق مرة

هما مين واحنا مين 

هما الأمرا والسلاطين 

هما المال والحكم معاهم 

واحنا الفقرا المحكومين 

حزر فزر شغل مخك 

شوف مين فينا بيحكم مين 

احنا مين وهما مين 

احنا الفعلا البنايين 

احنا السنة واحنا الفرض 

احنا الناس 

بالطول والعرض 

من عافيتنا تقوم الارض 

وعرقتنا يخضر بساتين 

حزر فزر شغل مخك 

شوف مين فينا 

بيخدم مين 

هما مين واحنا مين 

هما الامرا والسلاطين 

هما الفيلا والعربيه 

والنساوين المتنقيه 

حيوانات استهلاكيه 

شغلتهم حشو المصارين 

حزر فزر شغل مخك 

شوف مينا فين بياكل مين 

احنا مين وهما مين 

احنا قرنفل على ياسمين 

احنا الحرب حطبها ونارها 

واحنا الجيش اللي يحررها 

واحنا الشهدا ف كل مدراها 

منتصرين او منكسرين 

حزر فزر شغل مخك 

شوف مين فينا بيقتل مين 

هما مين واحنا مين 

هما الامرا والسلاطين 

هما مناظر بالمزيكه 

والزفة وشغل البولوتيكا 

ودماغهم طبعا استيكه 

بس البركه في النياشين 

حزر فزر شغل مخك 

شوف مين فينا 

بيخدع مين 

هما مين واحنا مين 

هما الامرا والسلاطين 

هما بيلبسوا اخر موضه 

واحنا بنسكن سبعة ف اوضه 

هما بياكلوا حمام وفراخ 

واحنا الفول 

دوخنا وداخ 

هما بيمشوا بطيارات 

واحنا نموت 

بالاوتوبيسات 

هما حياتهم بمبي جميله 

هما فصيله واحنا فصيله 

حادي يا بادي يا عبد الهادي 

ياللي عليك قصد الغنوا دي 

لما الشعب يقوم وينادي 

يا احنا ياهما في الدنيا دي 

حزر فزر شغل مخك 

شوف مين فينا 

حيغلب مين





كلمات: احمد فؤاد نجم 
الحان: الشيخ امام 
مقام: 1984

احنا مين - الشيخ امام -

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

رافعين جباه حرة شريفة
باسطين أيادى تأدي الفرض

ناقصين مؤذن وخليفة
ونور ما بين السما والأرض

يا مصر عودى زى زمان 
ندهة من الجامعة وحلوان 

يا مصر عودى زى زمان تعصى العدوين وتعاندى
آمان آمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



الدم يجرى فى ماء النيل
والنيل بيفتح على سجنى

والسجن يطرح غلة وتيل
نجوع ونتعرى ونبنى

يا مصر لسه عددنا كتير لا تجزعى من بأس الغير
يا مصر ملو قلوبنا الخير وحلمنا ورد مندى
أمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



يسعد صباحك يا جنينة
يسعد صباح اللى رواكى

يا خضرا من زرع إدينا
شربت من بحر هواكي

شربت من كاس محبوبى وعشقت نيل أسمر نوبى
وغسلت فيه بدنى وتوبى وكتبت إسمه على زندي
آمان آمان بيرم أفندى

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

يامصر قومى .. الشيخ أمام

الممنوعات الشيخ امام.....كلمات احمد فؤاد نجم

رجعوا التلامذة _ الشيخ امام عيسى

رجعوا التلامذة   الشيخ امام

اذا الشمس غرقت في بحر الغمام
ومدت على الدنيا موجة ظلام
وغاب البصر في العيون والبصاير
وتاه الطريق في الخطوط والدواير
يا ثاير﻿ يا داير
يا ابو المفهومية
مافيش لك دليل
غير عيون الكلام

اذا الشمس غرقت - الشيخ امام


Imam Mohammad Ahmad Eissa or Sheikh Imam (Arabic: إمام محمد أحمد عيسى‎) (July 2, 1918 – June 7, 1995) was a famous Egyptian composer and singer. For most of his life, he formed a duo with the famous Egyptian colloquial poet Ahmed Fouad Negm. Together, they were known for their political songs in favor of the poor and the working classes.

Sheikh Emam Complete Works
A Part Of GramaFoon Project
www.gramafoon.com
Visit Our Other Accounts
@www.soundcloud.com/OumKolthoum

Stay Tuned For More


الممنوعات الشيخ امام.....كلمات احمد فؤاد نجم

Ibrahim Ahmed

Recent comments

Mohamed ABDO

Ahmed Hedihed

حمحم

Abrhiem Abdo Sayd

Related tracks