كلاسيك سوداني

شرحبيل أحمد - مين في الأحبة

نظرة يا السمحة أم عجن 

لو كان قليل تبرى الشجن                                                                                            أعرف صفا الأيام وأفيق

أنظر جمال تلك الوجن 


دولات صدودك مارعن 

الامى وبى اتدرعن 

ابكى واصيح متضرعاً 

يا ناس دموع عينى ترعن 


راحمونى مارضنى الظعن 

أمالى جور لى قاطعن 

أحشاي هديل أتقطعن 

وبالفرقة نشابك طعن 

يا منبع النور والفطن 

يا الفقتى يعرب والرطن 

فى جوفى من حبك قطن 

يا جاهلة مليون ألف طن 


كيف أسلى عينيك والوجن 

يالبسمتك نور الدجن 

جسمك حرير ناسجة العجن 

ناضر وباللون انعجن 


الضاوية زى خديك من 

فى الدنيا يا نور الزمن 

أرواح نسائمك لى رمن 

نرجس مزج مسك اليمن 


ما احلاك يا الجيدك شدن 

يالعمرى فيك ضائع سدىً

انا عندى شوفتك يا اللدن 

أحسن من الروح فى البدن 


يا منبع الذوق آه يا من 

حبك غرز فى الجوف كمن 

يا غالية قط ما ليك تمن 

إن هب او جار الزمن 


ليك السلام ما ولعن 

خديك بالنور يلمعن 

وعدد النجوم ما يطلعن 

يرضيك وبيك لى يجمعن

نظره ياالسمحه ام عجن -بادي محمد الطيب

أحمد الجابري : سيد الاسم

روح معاك عُمر الهنا "عود" - البلابل

وغداً نعود حتماً نعود

ابقي اسأل عن قلوبنا
تلقي فيها كنوز محبة
تلقي فيها بحور حنان
تلقي فيها الشوق يغني
تلقي فيها الريدة فاردة
جناحا تشتاق للربيع 

زيدان ابراهيم كنوز محبة

رسائل أو كما تعرف بـ حبيبي أكتب لي 
الحان التاج مصطفى
أداء ابراهيم الكاشف

ابراهيم الكاشف "رسائل" حبيبي اكتب لي - عود

أحمد الجابري - حكمة والله  وحكاية

ثنائي العاصمة ماقالو عليك حنين

بتقول مشتاق - شرحبيل

يا عازة الفراق بي طال - احمد الصادق[128K M4A | Music].m4a

مصطفى سيد أحمد   مرت الأيام

قبال ميعادنا بساعتين - كمال ترباس

سيد خليفه المنديل

قلت ارحل
اسوق خطواتي من زولا نسي الالفة

اهون ليل اسافر ليل
أتوه من منفى لي منفى
أبدل ريد بعد ريدك
عشان يمكن يكون اوفى
رحلت وجيت في بعد لقيت
كل الأرض منفى

عيونك زي سحابة صيف
تجافي بلاد وتسقي بلاد
وزي فرحا بشيل
مني الشقا ويزداد
وزي كلمات بتتأوه
تتوه لمن يجي الميعاد
وزي عيدا غشاني وفات
وعاد عم البلد اعياد
وزي فرح البعيد العاد
وزي وطناً وكت اشتاقله
برحل ليه من غير زاد
بدون عينيك بصبح زول
بدون ذكري وبدون ميلاد

زمان الفرقة والتجريح
بسيبه عشان تشيله الريح
بسيبه عشان صحيح الذكرى
بتوه عمرنا صحيح
وإنتي معاي لا بندم
ولا بقضي العمر تبريح
اصلو العمر شوقا كان وحزنا كان
وصبراً كان فسيح وفسيح
أصلو العمر كان دربا مشيته كسيح
وكان غرسا سقيته بكاء
وقبضت الريح

محمد وردي - قلت أرحل - كلمات التجاني سعيد

أحرمونى و لا تحرمونى
   ود الرضي

احرموني ولا تحرموني
سنة الاسلام السلام

عطفكم يا من ألموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لما تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا ألوم ان لم تنصفوني
انعكاس الاحوال كفوني
ايضا الايام عرفوني
يوم سموما و يوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
ربَّ وقت يتذكروني
او يقول القايل دروني
او يحدث عني المنام

قلْبي رَاحلْ أنا كَيفْ سكُونِى 
صَبرى مَاحلْ يَا كَايْنَه كُونِى 
كُفُّوا صَبْراً يَا مَنْ بكُونِى 
مَهْمَاَ كُنْتُمْ لَنْ تَدركونى
مَانِى ضَاجِرْ لاَ أشْكُو كَوْنِى 
سُنَّة العُشَّاقْ أتْرَُكُونِى
كُلَّ عَاشِق هَدَفْ السَّهَامْ 

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف و هوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري و حالي
قال لى قربك عين المحال
قلبي غير ذكراك ما صحى لي
يكفي ان السهد اكتحالي
يكفي شاهد لي انتحالي
المدامع ألسُن لحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قتلو جملة وعقد الاظافر
قاللي طبع الريم اصلو نافر
قتلو عل كريم النوافر
وعل راء الريم يبقى لام

في التفكر اصبح وامسي
ايضا التذكار نجوى همسي
اشكو يومي و استرحم امسي
وحياتي اشبه برمسي
ما عهدتك يا ليل تمسي
طلت و امتى اشراق شمسي
وانت وين يا بدر التمام

النِّفُوسْ إمْتَحَلَتْ لريفَكْ 
تَصْبُو مَعَنَى تَزَاورْ وَريفَكْ 
والزِّهُورْ تَتْنَافَسْ لِكَيَفَكْ 
وقَلْبِى يخْفُقْ مَا هَبْ طَرِيفَكْ
قَلْبى صَاحِى وأنَا كيَفْ أنَامْ

قتلو ليت أيامى يندن
تبقى لانت وسحابا دندن
بلماك النيران يخمدن
ليك روحي و اجزيك حمدا
قال و كيف تستوجب لي حمدا
من تعاطى المكروه عمدا
غير شك يتعاطى الحرام 

قُلْتُ أهْلاً وإزْدِتَّ حُباً 
وَجْهى هَلَّلْ وعِيُونِى عَبَّنْ 
كَسَحَايْباً فى مَاحْلَه صَبَّنْ 
حُبِّىَ زَرَّعْ وطَوَارْفُه هَبَّنْ
وحَوَاسِّى لَنِدَاكِ لَبَّنْ و
العِصُورْ بمِثَالِكْ تَنَبَّنْ
مِثْلَ ذَلِكْ لَيْتَ الأنَامْ 
    *********

كلاسيك سوداني

Ibrahim Alsir Alsafi