كلمات واداء: إبراهيم محمد
https://www.facebook.com/kalam.Re5is
https://www.facebook.com/Ibrahim.Mohameed

هو أنتى ليه
كُل أما أقرب تبعدى
كُل أما أنهى تبتدى
وتعشمينى بـ ضحكه
وأنا اصلاً دموع
هو أنتى ليه زى الملايكه
بـ تزودى فــ قلبى الخشوع
وبـ تسحبى منى الصراط
... قبل الوصول
وتطبطبى ساعة العياط
على كِتف محتاج للزكاه
يا اللى الحياه،
ماتت وعينها مفتحه
آد أما كرهِت ودها
روح حِبها،
وإزعل عشان كان ردها
شويه نُكت،
إكتب نُقط .....
وإرسم قلوب وسط الورق
وإن جات وحدفت كلمتين
إبعد يومين
وإسأل عليها من جديد
يمكن تكون
لبسِت خلاص دبله وحلق

هو أنتى ليه؟ - إبراهيم محمد

غناء: حسين عطيه
كلمات: إبراهيم محمد

رعشه ايديها ف السلام 
هي هي 
حتي عنيها في الكلام 
برضه هي 
كام غابية متدارية
جانب كلمة كبرياء 
كام دقيقه في الهزار
وسط زحمة حر نار
كام معاد سبق اللي قبله
كام رصيف ما حفظت شكله
داس عليه ناس كتير 
من العشاق 

Ibrahiem Mohamed