The Upload

عبير شاذلي حبيبي..ياشمس يامنوره غيبي

مازلتُ في حالة من الذهول والإستهجان ورفض تام أنني ودعتك إلى مثواك الأخير دائماً في الليل اقف مكتوف الإيدي تتلاعب بي الأفكار فتمر ذكراك بداخلي بين الأسى والحزن والسرور صديقي كنت هناك دائماً محل ترحاب بين الناس تمر مرور الكرام ومن حولك الإبتهاج والسرور.

صديقي كنتُ دائماً أتطلع لإبتسامتك الطويلة المبهجة وسط الأحاديث و رواية أحدهم، كنت طيب القلب محب و مُود للآخرين دائماً، مازلتُ أتذكر أحاديثنا طوال الليل في مختلف المواضيع فتدهشني دائماً برجاحة عقلك وإلتماسك لشكواي رغما إرهاقي لك في الجدال والحديث ... كنت بمثابة لي رجل لم يكف طوال حياته عن السعي وجبر خواطر الناس وقضاء حوائجهم، كنت إنسان نبيل بحق.

صديقي أنت لم تمت ابداً ‏لازلت حياً في الفؤاد والذاكره ، كنت جميلاً مع الكل، وعزيزاً على الكل، وستبقى في القلب والعين وسيبق حبنا لك ممتد بين السطور و بين أهداب أصواتنا في الأرض كلنا بنحبك يا مصطفى وفي السماء الجنه ليك ياحبيبي وسط النور وأحلامك واستراحتك الأبدية لحين نلقاك هتوحشني اوي ياصحبي.
 
شهيد الأذية.. . ضحية العنف والبلطجة... في غياب دور الأسرة والمجتمع في إنتاج أفراد اسوياء ذهب مصطفى إلى مثواه الأخير فاللهم ارحم من فجعنا بفراقه و وجها بشوشا فقدناه وصدراً رحب ضاقت الدنيا بعده


سُكرة _ soukra .Nostalgia

النور مكانة فى القلوب بصوت محمد عبيد

دفنت  احساسي 
غناء : احمد ابووالى 
كلمات: مريم مختاار 
الحان: عمر بربري 
ميكس وماستر ومازيكا : محمد ماجد 
اليكتريك جيتار : شريف الكيال 
 
التسجيل في : Emax studio

طبطبت على كوم الوجع زادُه
إتكاترت الاحزان وباعوني ف مزادُه
شبيت يجوز آطلع من الوحلَه
حبيت وجودي ف وسطهم وكآنها رحله
ولاغيت كلام الناس واخترت آنفاسي
مرضتش اعيش ميت ف دفنت احساسي
وداويت الام الخلق ونستني
وبعدت عنها يدوب..اول ما حستني
وداريت عيوبي  وداويت عيوب غيري
وكفَرت بيهم وآمنت بضميري
وبعدت لجل الفرقه تنجدني..تنسيني
ملقتش غير وقت الوجع احزان تواسيني
ملقتش غير آوجاع متحصنه ف عيني
والدمع متخزن وكآنها زخاير
روحى بتتجلى وآنفاسي ف سجاير
برجَع ومرجعشي
بسكَر ومسكرشي
وجعي مقصرشي
شَيبني وآنا شايب
شبيت كمان مره
وصفوني بالخايب
مرضتش أكون باكي
طليت ف شباكي
على نجمه ترقيني
انا كنت صوفي بطوف
دايما تلاقيني
راضي بمرار الشوف
وبشوف دموع عيني
وبتكسر..وبتحسر
وبرجع تاني ل مكاني
يجوز الناس بتتناسى
يجوز الناس بتنساني
بلاش تفكير..بيتعبني
بلاش تكفير..يعذبني
بلاش وقت الوجع غيبه
بلاش وقت الدموع معلش
ف عُرف بلدنا دي العيبه
تآمن ليه لهذا الوش!

Dfant E7sasy - دفنت احساسي  - Ahmed Abowaly

جوابي ده الاخير ليكي - لعمرو حسن.mp3

وأنا برضوا مكنتش انساكي واشوفك ماضي.Amr_diab/mb3

- محمد محسن - يا عزيز عيني ..وانا بدي اروح بلدي

لساني بستغرب ..
كل إما الاقي اتنين متسندين على بعض 
بيخطوا كل طريق بيلاشي بينهم حزن.. 
بيضحوا بالموجود علشان يجود بالجاي ..
بيحطوا عبرة لحي ..
قرر يغيب قلبه 
او يقفله علشان بيخاف لـ يتكَّسَر ..
وأنا كوني أصله إزاز 
أول ما يتأثر ..
بيغيب عشان مايقعش 

ووقعت يا كوني .. 
فيه طفل مش لوني بيحب فيا ونفسه ماتركهوش !
وافتحله بيت أبيض 
بيطل على قلبي وزرعته الخضرا ..
بيطل على صفحي مع إنه فيه القدرة ..
"الخُضرا يا خَضرا 
ان انتِ تعفيني 
وقسوتك حاضرة !
أو تفتحيلي طريق ماتحطلوش آخر 
وتقولي سَنِّدني 
ما تقولي يتاخِر ..
وتقولي قويني واوعاك ترَّسيني على بر كله رصاص !
أنا كوني فيه إخلاص لو بس تبقيله ..
أو بس تديله 
من بين جنانك وَرد.. 
أو وِرد من حبك .. أو ضحكك اللولي 
وتزيدي وتقولي 
"إن اللي جاي لينا"
أنا يعني مش كامل 
أنا طفل جي آمل 
في قبلتين عالخد .. أو وردة لو تتمد .. من إيدك الدافية 
والله مش عافية 
إن انتِ تبقيلي
أو تبقي ع الأعذار 
أو تبقى حد إن ثار ع الدنيا فـ عشاني
أو تبقي أم وبيت 
أو حتى حضن وحيط .. أشكيله يسمعني 
إن كنت مش مَعني بالذكر من كونك 
طب مين بقا لونك ..؟
أو يستحق الذِكر 
كان اختلاف الفِكر من بعض أسبابك 
بتسدِّي بيه بابك .. 
وتشدي بيه طَرفِك ..
ماعرفش إيه ظرفك .. أو يعني – بتجاهله -  علشان تحبيني ..
فتقولِي: "على عيني يا حبيبي حُب هواك!
أنا شفت كل ما كان ودا شيء مالُهش مكان في الحب غير طعنَة"
طب حد يسمعنا 
ويقولك اتغيَّر 
فتردي:"" إن الحب مش سكة تتخير !
مش سكة يدخلها كل اللي ماتطمنش
ولا سكة يرجعها كل اللي خد طعنة !
الحب دا لعنة .. لو سابنا نتجرَّح
أو حتى بنصرح مشاعرنا ع المكشوف 
وإن حد حس الخوف فـ القصة منهية !
وهتبقى مش ليا ""
لو يعني مش ليكي 
وانا بيكي بتطمن .. مين بس هيأمن دعواتي في الدنيا ؟
مين بس هيساعني إن شالله كام ثانية ؟!
مين بس هيكفي كلمات في تكوينها ملهاش سوى روحك !
ملهاش سوى سيرتك ..
معرفش ليه حيرتك خلت ما بينا فروق ؟!
ما الكل بيقولِّي يا حبيبي سيبها تروق 
ولكّنِي مش قادر ..
 علشان بخاف مثلاً .. يسبقني حد معاه مفتاح بيبان قلبك
واللهِ هتغير
وهخبي ما قالبك .. 
وهخبي كل السوء ..
فتبصي برضو لفوق .. وتعاندي وتقولي ..:
" يارب من عندك ما تخلي قلبي يقول على نعمتَك .. زولي "
للدرجة كارهاني .. وبتبعدي عني !
وبتقفلي السكة لو حتى بمحاولة .. 
وتقولى "م الأولى ننهي اللي كان جاري" 
لو يعني كان داري بيعز دار دارك .. ويصونه دون أخطاء 
ويهَبلُه كل عطاء ..
ويكَّفي وزيادة .. 
هتملي كالعادة ؟! .. 
ولا هكون داري بكمالي في عنيكي ..
دي الدنيا في إيديكي بتحب تتشكل 
وتحب تتجمل ..
وتحب تبقالك ..
زي اللي كان واعي بطبته في حبك .. 
ولكنه بالصدفة ..
معملش في حسابه مدى غيبته عن بالك :))

كلمات وإلقاء: الشاعرة هاجر عبدالمنعم
هندسة صوتية: محمد تيكو 
أغنية كل دا كان ليه : بصوت ولاء الجندي
أغنية أهو دا اللي صار بصوت شيرين عبده

#شعر
<3

لو بس تبقيلي! .. كلمات وإلقاء: هاجر عبدالمنعم ،هندسة صوتية: محمد تيكو

Music & Edit: Shihap Tarek
https://www.youtube.com/channel/UColkTjt067T3mvu62OFXKTg
Photo by: Youssef El_Deek 
https://instagram.com/youssefeldeek?igshid=1vwkl0weayn2h
The writer & Voice Over: Rawan Slama
https://instagram.com/rawan_slama2?igshid=1y1ttyvhjrh7x

 Lyrics : 
بدون عنوان و بدون تفاصيل 
جوايا كلام لو اقوله اساع الكون حواديت 
وانا اللي من أول ما وعيت ع الدنيا قالولي ده الصبر جميل 
فصدقت و صبرت .. 
و انا مهما طال صبري لقيت الصبر محتاجله مية صبر وصبر فوقيه 
عدت الايام و خلص الصبر و خلصت معاه 
لا لقيت الدوا عند اصحاب و لا اغراب
و سمعت البكا مع انفاسي بينده على امل مبرود 
وأنا مهما عليت انفاسي ملهاش صوت و انا مهما ندهت ملقاش حد 
و يطول الصبح و يطول الليل و انا في حجر على قلبي مش قادر أحس بالاتنين 
الصباح زي المسا فى شيل الهم و التفكير 
منفوخ فيا الروح لكنها باهتة وكل العيون كانت شاهدة ان فى وجودي كأني مش موجود 
المشاعر كلها متشتتة و كأن القلب اكتفى من البهدلة و الجري و الصدمات 
خايف اكون ببعد وقت ما يكون لازم اقرب و خايف اقرب ليكون جه وقت البعاد 
وقت ما قالوا الصبر جميل نسيوا يقولوا أن العشم جارح و اني في يوم هتعلق بناس مش دايمة 
و ان القلب اللي جرحنى مسيري في يوم اكون جارح زيه منغير قصد 
خصيت فى مرسالي سطور لكل قلب وحيد 
كان كل أمله يلاقي صديق يشده من وحده و ضعف ماليينه
كان لازم يعرف أنه مهما استنى محدش جاي 
كان رد صادق منى يوم ما سألتني مالك و قولت مفيش .. الوحدة و الخوف و الألم كان عادي يتحطوا تحت اسم مفيش 
فإن كنت صحيح باقى او مهتم 
فمفيش أمل م السرد و الحكايات 
مفيش رجا من قلب خاف حد البرود
مفيش فايدة من حزن متكرر ومن كتر اسبابه أصبح ملوش اسباب 
مفيش مفر من دنيا مش شبهي و من نفس معرفهاش 
فأنا اللي جوايا والله ما اعرفله بداية و ان بدأ مينتهيش 
كشبك متفشكل لصياد اعتزل الصيد بقاله سنين

مالك ؟ ... مفيش _ روان سلامة

.نص جديد ...
.................... 
اخشوشن ياض . 
منتاش اول ولا اخر واحد يخرج من تحت ايدين امه 
ويمد الخطوه مكان  البلد اللي بتدي الأربع جنيهات بريال 
ومكان ما البنك يبدل ب ٣ ونص ريال ب الورقه الخضره  
ومكان ما يقولوا عليكوا عماله 
ومكان مايقولوا ل صاحب الشغل كفيل 
منتاش اول ولا اخر واحد يخرج من عب الضلمه يخش الساقيه ف نص الليل 
وما دمت عرفت تفرق بين الحسبه هناك ومابين الحسبه بالف ونص ف اخر الشهر
والدمع ما بين دمع الميتم ومابين الدمع عشان الدبله وتمن المهر 
وعرفت تفرق بين الفرسه وبين المُهر 
 وعرفت الفدان يقطع من جته ابوك قد ايه قراريط 
وعرفت الفرق مابين اللنض الجاز وكلوب النور 
وعرفت ازاي الساقيه تدور وانت مغمي اللي ملفهها 
ووزنت بقلبك ف المكاييل من غير ما الرعشه تطففها 
فخلاص يا احمد... 
مش كل يومين هقطع من كف ايديك باسبور
  واسيبه امانه ليوم ما يجيله الوقت 
واهوه جه وقته 
مش كل يومين هاخدك للباب اللي منفد ع الدار  واقولك عن قيمه  الطله 
مش كل يومين نلعن ف الفاس اللي وهبنا العله 
ولا كل يومين هديك جلابيه عشان متبصش للبس اللي مجايبه هناك بالذله  
يمكن بديك اللي انا قادر اجيبه 
وفي فرق ما بين اني اديك اللي انا قادر اجيبه
وما بين اديك حاجه عايزها 
لكن من حقي اقولك وانا خايف اغمض عيني ل    الدمعه تفط / مقدرش اطِّول حواجزها 
الراجل بيعيط يا ابني ... مش لجل اني بعيط يعني 
لكن لحظه ما بتلقي اللي اتربي يمد ايديه للقمه اللي ف حنكك تشبع 
وتقاسمه ف كوز الميه الساقع لحظه قياله
وتمد ايدك تاخده ف باطك ناحيه اقرب شجره صفصاف 
بيعبي هدومه عشان يلحق يهرب م التربه لغربه 
لازمن تبكي 
لازمن تتذكر يوم شبكت ايديك علشان يقطف اجمل توته 
اول مره بيفلت من موته 
واخر مره يمد أيديه يكسر مناخير واحد شتمه ب امه 
اول مره اخدته بترمح خايف يوم سمع  النداهه وصرخ ليك  
الدنيا دنيه بتعرف فين الحته اللي بتلوي ضلوعك وبتلويك 
         هتبكيك ع اللي باليك  غصبِ عنك / 
   ف فاول فرصه تجيلك تداري وتبكي ... ابكي 
من غير متبص لشكلك ف مرايه  الهيبه / ولا حتي تفكر ف العيبه 
الشيبه أن خطت ف دماغ العيل متسيبهوش غير لو طالت فيه
والصبر سفيه لو صبرك كان قله حيله 
لو كان ضهرك مش حمل الشيله ف شي متشيلش
الحمل ان كان ويانا خفيف  فالشيله ف قلب الغربه بتقسم / متميلش 
وهناك لا هتلقي اللي هتندهله يغيت  
ولا حد يردك لما الناس هيقولوا قسيت 
وهتعرف فرق السكن الاجره وفرق البيت 
  فاخشوشن يا ابن ال ... 
عشان مبقتش بلادنا بتوهب حد بطيبه القلب   
ولا عاد ف مكان غير الاغراب وبياكلوا  اللقمه مناب  القرب   / وانت ونايبك ف الدنيا وسعيك 
قدرك تخرج من بين بلدك  لبلاد نعيك 
قدرك تسعي 
من بين الضيق ف زقاق البيت لبلاد واسعه  
وتفوت البنت ال انت اديتها الكلمه بأنك تيجي ف يوم 
 من غير متسيبها ساعتها تقوم / تبقي يمامه ف وشوش البوم وتودعها 
  وكأن بلادنا اتمليوا غرِّبه واخدوا العيل من بيته علشان يتتاوي ف بيت بره
ولا عمر غرِّبه بتاخد حاجه من الانفار وترجعها 
في ااه هتقولها ف مره هناك خاف منها علي اللي هيسمعها 
فيه صاحب هيخون سرك قاسمه رغيفك ممكن يترد 
فيه واحد راح يسعي يذلك خليك وياه الند ب ند /
الراس ب الراس 
لم الريالات مهما بيعمل اخرتها بيبقي هدوم  ومداس 
وان زارك يوم الموت يا احمد من دون الناس
افرح بشويش
ده لأنك ولأول مره هتسبق غيرك بس ف دور
وساعتها وبس هتتأكد من إنه خلاص 
مش كل يومين هتسيب ناسك 
ولا كل يومين  هقطع من كف ايديك باسبور
...... 
#احمد عبد الرحمن

Jun 25, 7.14 PM اخشوشن

converto.io

Hanan Mady l Emta Elkalam Yebtedy

اهداء..
للمناديل..عشان بتشاركني ف بكايا
وللهاندفري..علشان بتسمع معايا
وللنوته..عشان بتسيبني اكتب الشعر بسماجه
لعم نجم ومصطفى ابراهيم
والطحان ويحيى نديم...
مش عشان اي حاجه
للشعر اللي مش مبتذل
والحب اللي مش مختزل
وكل مره انعزل
وارجع تاني بسذاجه
لقلبي..لما يبقا وحيد
وقلبِك..لما يبقا سعيد
ولكل حاجه كانت بعيد..
وطمعت فيها بفجاجه
للي قالي هستنى..ومشي
واللي قالي همشي..واستنى
لاي حد جرحني ونسيتله
واي حد جرحته واستنسى
وكل مره كنت مش غلطان وبتهاجم
وكل مره بعدنا..
وكنت مش فاهم
ولامي..عشان لازم
للشك..لما يبقا ف محله
واللي شاكك..لو حط نفسه ف محلى
للحظات التجلي
والتخلي
والتمنى
ولحجات بنساها دايما
بس على بالك تملي
***
لسه فيا من المعارك
جرح واحد..ده لانه متكرر
لسه ليا من اللي فارق
شخص واحد..وده لسه بيقرر
لسه قاتل صاحبي جوايا
علشان حكيت..قام قالي بتهزر
ينفع كده؟
الشوق بيجري ورايا ف الاحلام
وانا مش خبير ف الانهزام والمسكنه
مش كنتى قلتيلى..كله هيبقا تمام
كله تمام.. الا انا
وضلوعى بتضيق بيا وبعانى
ينفع كده؟.
اديكى واحشانى
الحب..اقسي عليا م الاشعار
وانا قلبي بير وبيحفظ الاسرار
ودموعي وقت الخطر.. بلالين اختبار
ياللي انتي بالمسافات محاصراني
امتى هيتفك الحصار
الوان كتير متداخله ف الصوره
لو كنت مش انسان..كنت ابقى عصفوره
اسماء كتير علي قلبي محفوره
بس القدر..
هو القدر
موازينه مكسوره
الناس بتدفن كل شىء صادق
الناس بتدفن كل شىء صالح
الناس بتخدع بعض وتنافق
علشان تمشي الدنيا بمصالح
بقولك ايه...
ما تيجي نتصالح
شاعر بضيقه من كلام الناس
شاعر وعاجز اوصل الاحساس 
وبستعيض عن كل ده بمجاز
جايز يوضح كل افكارى
متاخدش صوره لضحكى..ف هزارى 
قبل اما تحكم..اقرا اشعارى
واسمع كلامي يجوز هتستغربه
كل اللي قال ان الوجع ساهل..
الدنيا بكره هتجبره يجربه
الصبح ايه؟
غير صوت طيور بتفكرك..انك تنام
والشمس تبقا رسول سلام..
تقتل جميع افكارك المؤلمه
وتدوب المزيكا ف القهوه
وتلم شمل مشاعر اتفرقت
وتلم اشلاء قلب متكسر ف شكل حطام
قلبي..بيتعلق ف قلبك زي
قشايه معتلقه..ف غريق بستسلم
قلبك بينشع ضي
وانا قلبي بيضلم..
كان نفسي احوشلك حب علي قدك
وان كان عليا الحزن بقا صاحبي
انا كل م ابعد ليه تهاجميني
وكل ما ارجع تاني تنسحبي
وتسيبي صورتك عايشه جوايا
وتسيبي شعري يموت حنين فيها
فاضيه الشوارع جوا مني..
فاضيه نمشيها؟


ما تيجي نتصالح

العبقري محمد فوزي 
.. طير بينا يا قلبي ..
.. موسيقى ..
Mohamed Fawzy

موسيقي ...  طير بينا يا قلبي .    ♫ محمد فوزي ♫

هذه المقطوعات تجسيدًا لجزء صغير من الياسمين .. لجزء صغير من "وكان نصيبي أشوف الحلو بعينيا" .. لجزء كبير جدًا من 2014

Jun 25, 7.14 PM اخشوشن

Ibrahim Osama

Recent comments

Lolo Talaat

Karim Magdy

حسن

هناء الغنيمي

Related tracks