اسماء

اسكت بقي اصالة

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

على فاروق-مات الكلام

حلمي عبد الباقي - اصعب طريق

قصيدة انطردى الآن من الجدول للشاعر هشام الجخ

هشام الجخ_انطردى الآن من الجدول


عادية خالص مش ملاك
ولا حتي جاية من القمر
زيك زي اي وحدة
يمكن اقل من البشر
ايه يعني حبيتك ونسيتى
ايه يعني من حبى استكفيتى
انا اللي غلطان من الاول اني افتكرتك حبيتى
كان لازم قبل ما افتكر انسى
كان لازم مادكيش الفرصة 
انا اديتك عمري كله
وانتي عمرك ما كنتي حاسة
فكرتى نفسك انك حاجة 
وانى بعدك نقصلي حاجة 
انتي يالي كنتي حبيبتي
انتي عندي بقيتي ولا حاجة
خلاص هفوق منك يا حلم 
يدوب هعتبرك مشهد في فيلم
قلبي كان في نظري كبير
لكن يا خساره قالب لظلم

عـــــــــاديه خالص

ياريتنى على فاروق

انا عندي احساس بالونس
واصل لدرجة الاكتفاء
و لأني بعشق وحدتي
مابخافش اصلا م الفراق
-----
و ساعات كتير بشتاق قوي
و ماتسألوش بشتاق لمين
أناقلبي لسة بدقته
متشال لحد يكون أمين
----
الوحدة لو من غيروجع
انا مستعد اعيشها راضي
لو قلبي محتاج طبطبة
انا ممكن احضن نفسي  عادي
من بكرة فرحي يهمني
ولا يوم هابص لجرح ماضي
و هلاقي قلب يحبني
و مكانه لسة في قلبي فاضي
------
انا كل حد مسكت فيه
سابني على خوانة و خذلني
انا وجعي بايديا مداويه
انا مستحيل اتخلى عني
..
أصل القلوب الطيبة
بيحبوا من غير اتفاق
ماتعشموش حد ب لقا
و مفيش في ايدكم غير فراق

الوحدة لو من غيروجع
انا مستعد اعيشها راضي
لو قلبي محتاج طبطبة
انا ممكن احضن نفسي  عادي
من بكرة فرحي يهمني
ولا يوم هابص لجرح ماضي
و هلاقي قلب يحبني
و مكانه لسة في قلبي فاضي
-------
الناس ماتفهمش العياط
غير انه ضعف وخوف تملي
بسيبوا من باب الاجتياط 
و الحب تمهيد للتخلي

الدنيا لو بردت شوية
انا قلبي عمره ما يبقى بارد
هاحتاج له هايطبطب عليا
و كل شيئ في الحب وارد

الوحدة لو من غيروجع
انا مستعد اعيشها راضي
لو قلبي محتاج طبطبة
انا ممكن احضن نفسي  عادي
من بكرة فرحي يهمني
ولا يوم هابص لجرح ماضي
و هلاقي قلب يحبني
و مكانه لسة في قلبي فاضي

علي الالفي - #إحساس_بالونس... كلمات سلمى رشيد  الحان : خالد حماد

اخر قصيده اكتبهالك /هشام الجخ


على فاروق ايه اللى جابك

ArabSeed.CoM - MaZiKha

هدى | روح

Assala - Eskot B2a ( اصالة - اسكت بقى ( احساس رهيب

Bahaa Sultan - Youmin W Aaddo | بهاء سلطان - يومين وعدوا
من ألبوم "ياللي ماشي" | 1999

Listen thru all platforms | اسمعها عبر جميع المنصات
https://freemusic-nasrmahrous.lnk.to/Yally_Mashy

Subscribe to Free Music | إشترك في قناة فري ميوزك لمشاهدة أحدث الأغاني حصرياً 
https://goo.gl/k2DJW7

Subscribe to Free Music Shorts | إشترك في قناة فري ميوزك شورتس لمشاهدة أحدث الأغاني حصرياً 
https://bit.ly/Free-Music-Shorts 

Listen To The Full Album | استمع للالبوم كاملاً
https://bit.ly/YallyMashy-Album

كلمات: بهاء الدين محمد
ألحان: حسين محمود
توزيع موسيقي: طارق عاكف
مهندس الصوت: أمير محروس
تم التسجيل والمكساج بأستوديو : إم ساوند 2
إنتاج شركة: فري ميوزيك - نصر محروس 

Lyrics | كلمات 
يومين وعدوا يومين وراحوا .. وفاتوا قلبي ما بين جراحه
خسران كتير خسران عواطفه ما حد أبدًا داري بيه
ندمان على اللي إداله عطفه وباعه أرخص ما كان شاريه
وهان عليه وهان عليه وهان عليه يكسر جناحه
يومين وعدوا يومين وراحوا .. وفاتوا قلبي ما بين جراحه

يومين وفاتوا كانوا في حياته أجمل ساعات
ماحلمش بيهم ومقالش فيهم همسه آهات
ما دابش دوبنا يا ريتنا توبنا مارضيش بتوبنا يضلل عليه
كان كل شيء فالدنيا ملكه وبين ايديه
وماكانش فيه إحساس في يوم يندم عليه
لكن خلاص لكن خلاص عدى نسيم الحب واتولدت رياحه
خسران كتير خسران عواطفه ما حد أبدًا داري بيه
ندمان ع اللي إداله عطفه وباعه أرخص ما كان شاريه
وهان عليه وهان عليه وهان عليه يكسر جناحه
يومين وعدوا يومين وراحوا   ...  وفاتوا قلبي ما بين جراحه

ماكانوش يومين دول كانوا ياما دول عمر فات     
عدوا بملامة يلا السلامة بقوا ذكريات
الشوق تعبنا نرتاح تعبنا  ويا ريت صعبنا ده باعنا ببلاش
بانت حقيقته لوحدها وماخبهاش ليه كل حاجة نحبها ماتحبناش
لكن خلاص لكن خلاص عدى نسيم الحب واتولدت رياحه
خسران كتير خسران عواطفه ما حد أبدًا داري بيه
ندمان على اللي إداله عطفه وباعه أرخص ما كان شاريه
وهان عليه وهان عليه وهان عليه يكسر جناحه
يومين وعدوا يومين وراحوا .. وفاتوا قلبي ما بين جراح

Connect with ➖ Free Music
➖ https://facebook.com/FreeMusicEgypt 
➖ https://twitter.com/FreeMusicEg
➖ https://instagram.com/freemusicegypt 
➖ https://youtube.com/FreeMusicEgypt
➖ https://dailymotion.com/FreeMusicEgypt
➖ https://tiktok.com/@freemusiceg

Copyright © All Rights Reserved - Free Music

Yally Mashy

Youmin W Aaddo

Subscribe on YouTube

Bahaa Sultan - Youmin W Aaddo | بهاء سلطان - يومين وعدوا

‫هشام الجخ كنت بحبك بموسيقى حزينه اووى بالكلمات تحفه‬ - YouTube.MP4

فراقك كسرني عبدالله البوب

هشام الجخ اخر قصيده اكتبهالك

ذكرى بتاريخ النهاردة - عمرو حسن

اعتبره قلب وراح

فينيسا دوسي لن اتصل كسرت قلبي

Mohamed Elshrbeny - Allh Ysam7k | محمد الشربينى - الله يسامحك

اسماء

Ibrahim Yousif 5