





بكعبل الكلام عشان أدحرج التماسي
رابكوا ليه تقيل غسيلكوا نقط على كتافي
غطاس بعوم في الراب بغني بستايل جديد
حتى صوتي شبة فوزي مش محمد لأ مفيد

قديم في السين و سهل اني أبقى حديث المدينة
بس ممنوع تلمس رابي، شوفوه من ورا الفاترينة
معلومات في الراب بالزوفة، في المجال بقالي سنين
تيجي تسأل Siri تقولك ثانية أما أسأل ابراهيم

طب فانزك ليه بتديسك، و إنت حلو زي تسيباس
عشان ضلمة طول السنة، كأنك شجرة الكريسماس
سهل الفيفكوا في دواير، زي مفتاح البراغي
فوق تحت يمين شمال، بلعب بدراع الأتاري

ابراهيم بيسأل نفسه، ده جاي يحك ولا ينافسه
ليه أكثرهم جايب ورا، سحبات مايكل جاكسون
الحكاكين ببطحة، و الادوار دي متحددة
اللي يزود ييجي في شوال، أحمد نفسه يرجع هبة


El 7akakeen | الحكاكين

Lesa Mawgodeen | لسه موجودين


إنتوا فيك ليس إلا، رابي يحط على الجودزيلا
الإم سيز جايين يسبتوا خرة و فاكرينه نوتلا
خش عليا أقسم وشك أربع تربع عيش بلدي
و ابراهيم كلامه يحاصرك، زحمة السجل المدني

أيوة في ناس بتتقدم بسرعة نمو شنبي
في الباتل جاموسة بتباتل جاموسة يونس شلبي
ما أنا كاشفكوا في أي حتة حاسة شم كلب بوليسي
و الرابرز دي بفتح دماغها زي زرار قميصي

أصلي صاحي في المجال مش زي كتير خم نوم
ابراهيم تظبط عليه البيت أحسن من المترنوم
جي من أسفلت يابني، عنصر مش سهل تلاقيه
من أنشف رابرز المجال، و الباقيين لا فاش كيري

عايز تنتحر انزلي و هات كفنك في سكتك
تاني يوم أهلك تجيب مقرئ و ورد لتربتك
أصله سهل أجيب ماضيك و أعمل منك بهلوان
بس أنا عارف إن الرفق أحسن معاملة للحيوان


El Ref2 Bel 7ayawan | الرفق بالحيوان



باتل؟ كلام كتير و إترمى في الزبالة
و اتهرى اتكنس و إتفرم و رجع تاني التلاجة
مانت سهل، وانا بالنسبالك ماكجيفير
دماغي تقوم بيك لو جاي في ايديك جريندايزر

"هفشخك" هفرمك" "أنا أحسن"..طز
لازق كلام في بعضه، لبن رايب على رز
ماهو مجال هاتش باك، كله سلفي و هاش تاج
انتوا جداد، وانا كنت باكل راب في السيريلاك

مش حاسسكوا، اصلي بالعب باللي اكبر منكوا
مانا فارسكوا, راكب عليكوا و انتوا حصان في ديسكو
طاطي،عشان فوز ابراهيم مش إفتراضي
فهمت؟ اصلا مفيش قاموس لمفرداتي

و إحتياطي..ذاكر كلامي الجديد و القديم
عشر سنين وتبقى النسخة الفيك من ابراهيم
بس قولي..فين انجازات وريهوملي؟
انت بتزحف، وانا بزق الراب بالترولي

El Nos5a El Fake Men Ibrahim | النسخة الفيك من ابراهيم


ارمي كلامك في الزبالة، و اشتري من ابراهيم
كلامي زي الجوهرة ، ناشف ذي البورسلين
عايز تنزل قدامي يبقى تكتب الوصية
هشغلك في الفاعل زي مسلسل الوسية

هاسيب فيك علامة ف اعمل تاتو بإسمي
ابراهيم بيقول كلام أسخن من فطير تبستي
هقرمشك زي الشيبسي و أدوس على الكيس برجلي
إنت زي المنديل لو مفيش مية امسح بيك...

تتحداني يعني تعيا، روح دور على الدكاتردة
وانا جاهز أخيطك بس من غير إبرة و فتلة
ما إنت و صحابك سكة بلونة عايزة شكة
لو شفتك ف جراج الراب لازم أسيبلك فكة

إنت و اصحابك...مكانكوا الكلوتات
بتخافوا من بيت الرعب اللي ف السندباد
لو حاولت كتير تحاول تكتب زي إستحالة
هاديك نصيحة، روح الكشك اشتري لبانة

ارمي المايك لم تشوف ابراهيم
اعمل ميت لم تشوف ابراهيم
رابي بينزل يمسح كل المدعين
و انتو رابكو جبنة نستو يا معفنين

Ermy El Mic Lama Teshoof Ibrahim | ارمي المايك لما تشوف ابراهيم


كلامكوا مش فارقلي، طبق في الزبالة و ارمي
هفضل أباتل لحد ما كل الام سيز دي تشوفني تجري
سطور كتير جوايا زي كراريس الشمرلي
أسد واقف وسط الغابة و النسانيس دي بتشاورلي

ابراهيم ما بيتركبش، أنا مش موقف أحمد حلمي
ناس كتير في المجال أدفنهم بضل صباع رجلي
تعرق قدامي وأنا براب كأنك في الساونا
مبين ربعي بس عكس البدر إسأل سوسن

فرسات في الحصالة تجيب السين ده من قفاه
إسأل المقاولين العرب، شوف الراب ده مين بناه
عشان في سنس في الكتابة انما الردح طريقته سهلة
ابراهيم للمأكولات يحط عليكوا يا شوية جهلة

شواكيش على دماغك مع اقلام على صداغك
تتكسف من نفسك تتمنى لو تتدفن مكانك
كلامي سن سيف ينزل عليك اثبت لاشقك
معلش عايز اتف ثانية وحدة إفتح بقك


Efta7 Bo2ak | افتح بقك

El Haters | الهيترز

ست فيديوهات ف الباتل و إنت مستواك ف النازل
راكب البيت و السين بيعافر، "شيلوا ابراهيم من فوقي مش قادر"
 واحد سهل يقوم بيهم و يكفيهم و هاينجز Verse
كلامي سم بس قلبي أبيض...توينكيز

بتقولوا عكس ما تقصدوا ، أكيد رابكو مدبلج
بضغط عليكوا بطرف صباعي..زناد مسدس
الرابرز عاملين ناشفين، لابسين وش خشب و جبس
كله عاوج بقه شاشة سامسونج S6 Edge

طب بتقارنوا إيه ب إيه و انتوا كلامك تلتا ثانوي 
و أنا تاخد كلامي و تكفي..مضاد حيوي
ليه الام سيز بتافور ف الأداء بالظبط زي نادية
عارفين إن ريحتكوا فايحة، و أوحش من أسانس شادية

إسلوب الحط في المجال يدرس في كتابتي
تشوف فيرساتي تقوم مغني "تسلم الايادي"
عشان الفرق ما بين رامي صبري و عمرو دياب
نفس الفرق ما بين الناس الفيك و ابراهيم في الراب


Ibrahim Farouk

Popular tracks