كل اللي فيا ويعتبره وجعي الخاص كان ليه نصيب اتقاسمه بالاشخاص

IBrahim Farag

ودّعيني _ ابراهيم فرج (192 kbps).mp3

التراك دا مفيش سبب لرجوعهُ تانى غير إن الناس حابه تسمعواا <'3
فـ إسمعواا و إكتئبواا فى هدوء ..
----
الكلمات - lyrics :

وِحدة تكسر قلبك جنب منك خَيالـات ضِلك
عايش وسطـ الغابة جوه الحيطـ بتدااارى أهلك
قعدت فترة وسطـ الناس عِرفت معنى الدنيا
إن مهما تأمن صاحبك يغدر بيك فى ثانية

سبت , و إتسابت , و صحاب جديدة قابِلت
الكُل ليك غداار .. مهما ليه أًمنت
النهاية إبتدت تقرب , وحاسس إنى جايك
عشت أسير أحزاانى , كان نفسي أبقى زَيك :)

وَصلت لحل الـعُـزلـة بعد منك فـ إتعلمت
مش هنفع أبقى صورة طِبق الـأصل ,  فـ إستسلمت
لـلـمـرض و الـخـوف و الـهـمـ و الـظُـلـمـ 
و القسوة تقسِي قلبك , بس جوه قلبك حُزن

بتدااارى كُل ضَعف .. جواك وتِظهر شَرك
تِنسى قلبك , أهلك , و تعيش مِتأنس بـ ضِلك
بَصُب مَراار فى كاس و أشرب , و أتمزِج منه
ما لو بيشلواا عَنك مَكُنتِش لَجأت لـ شُـربه
ــــــــــــ
عايش فـ الدُنيا دى شفاف , و كُل صحابى نسيونى 
ولـا بتعامِل ولـا بتشاف , و وقت الحاجة " عرفوني
بَقيت صورة بدون ملـامح , و لسان عـ القلب جَارح
دِماغى كارت ميمورى , بتسجل بس إمبارح

مَحدش شايف قلبى , بس كلهُ شايف ضِحكة
خنَقة وقت الليل , وقت النهار على وشى الفرحة 
رااحت الكراامة سعِتها بتظهر عِزة نفس
يأس , و رجوع الـأمل , جوااايا لخبطة ونقص

فحص " على شخص قُريب ليك , بتدور متلـاقيش
بتدور مش هتلـاقى مهما صاحبت " مبيوفيش
عايش , بتقاسى فى الدُنيا , و مَحدش حاسس بيك
تِتمنى الموت دلوقتى قبل , ما يقطعو فيك :)

محدش وااخِد بالهُ مِن وجودك إمشى وسيبهُمـ :")
إزااى يتخلو عني ?!' ما أنا كنت فـ يومـ حبيبهُمـ  
ما إللى قابلي مات وسابنى لوحدى فى دُنيا المتاعب
ملعون أبوك يابحر لية سايبني فى أخِر قارِب :'))

عيشت معاهٌمـ دور ملـاك , و همُا ميستاهلوش
خدو حبايبى منى , ورااحواا و مَرجعوش
هيجيلى يومـ و أنفِجر , بس مش هكون غلطان
عيشت معاكواا ملـاك وجه عليكواا دور " الشيطان
ـــــــــــــ 
إتمنيت وجوُدك ليا سند , عزوة , أخ و ضهر
بَعدك إتبهدلت , ياما نَزِلت دموع القهر
حَسيت بـِ روحك طايفه , حـواليا بتدفينى 
غَمضت شوفتك قاعد جنبى , و بتوااسينى

إفتكرت إنك مش جنبى , بَكلِمـ نَفسى و أفضفض
بدرااى دموعى بقسوة  ,مش عايز حد يطبطب
ُمش عايز حد يحِن , محدش ياخدني فى حضنه
مش عايز حد يحسسني , علي إني إبنهُ , و هو الـاب :")
مش عايز حاجة لحد جسمى يروح فى القبر
 
عايز أعيش معاكواا لحد ما روحى تروح تِتاخد 
للي خالقها أولى بيها .. كُنت أأقسي وااحِد
علي نفسى ,  و قلبى إللى رااح ومات مشنوق
إزااى بتنجدونى ?!' و أنا بموت مخنوق بالطوق  ..

إزااى تِتمَلِك مِنى , لية تبعدهُمـ عنى 
لية تسبني وتمشي ?!' و أنا ىـ مكانى وااقِف مستى 
نَظرة شفقة , مِش هَسكُت لما تيجي عـ إللة مِنى 
ما إللى مِنى كان حاميني بس مات و سابنى " لوحدي
باخُد كُل قلمـ , وملـاقيش حد فى ضهرى  :'))
-
هِدوء عنيا حابس كُل دمعة نِفسها تُخُرج
عايش فى الدُنيا ' سارح ' .. مِش لـاقيلى أى مخرج
ــــــــــــــ 
Rec & Mix&Master : Karim Moka ♥
Prod By : Free Beat ^^
===

Follow Me Through :-

 Instagram "   instagram.com/omar_kivock/ "
 Facebook " https://www.facebook.com/omar.kivock "
--
Like & Share If You Like It ^^
Much Love & Respect ♥

Omar Kivock " عزله - isolation "

عمرو حسن جديد

شعر بالعامية المصرية .. إبراهيم فرج

المعزوفة الأخيرة لبيتهوفن - إبراهيم فرج - شعر

قصيدة -سوبر يا لبّ- إبراهيم فرج

هشوفك صدفة معرفكيش - ابراهيم فرج

عمرو حسن _ باندا 🐼

أخر مرة أقابلك || إبراهيم فرج

هنسيب ولا هنتساب || ابراهيم فرج

مُفتتح 
------
فيه واحدة مرت من هنا ضيّعتني 
مع ان طيفها لسه فيّا ما ضاعش 
ماشفعش شوقي لما للأيام سابتني 
وسابتني فاكر كل شيء ماشفعش 
كان نسر شايل يمامه وقتها ففهمت 
ان " الطيور على أشكالِها " مابتقعش

* قصيدة
------

اسكندرية 
جالها المُسافر من بلاد شاردة
اداها وردة 
وحضُن من رئتيه

أخرجها يوسف شاهين 
وساب سؤاله الوجودي 
اسكندرية 
ليه ؟

داقها الخواجه اليوناني ع الفطار ف ديليس 
دندنها عازف كمنجه لنفسه ف الأتوبيس 
كتبتها بنت ف وشم على إيدها 
وقالها شاعر من خمستاشر سنه 
واظنه أنا ، أو حد يشبهني 
غنّاها عم أحمد فؤاد 
بيّنها درويش لما لحّن " أنتِ غايتي والمُراد "
صبحت بلاد تندهك ف الحُزن والفرحه 
من جرح ف صدور الرجال مكتوم 
لبحر مش مكتوم طالل من الطرحه 
وقد ما تكون الحاجات غايبه 
قد ماتكون السنين جارحه 
تفضل عشيقتي وصاحبتي وأول مكان ليّا 
حدوتة الحُب القديم لما عصف بيّا 
والحب حظ الغلابه 
شمس أيامهم 
والشمس حظ الكتابه 
جهر أو نيّه 
اسكندرية صبيه وربنا يعلم 
كل الطرق ف القلب شايفه اسكندرية

أضواء على الممشى ف طريق البحر
أيادي ع الأبواب 
دخان قديم متساب 
وضحايا أكل العيش بيغنوا ع الكورنيش 
ويعرفّوا الأغراب ياكلوا السمك من فين 
لولا اختلاف الذوق 
ماكنا نبقى اتنين 
لولا اتفاقنا ما كنا مختلفين 
لولا اننا راهنين دهب الغياب ف البحر 
ماكنا جينا هنا ندفع بداله سنين 
قال المسافر لصاحبه
روح البلد دي تجّن 
شبه انسياب الفن ف شخّص لما يفنّ 
ترجعلها وتحِّن 
وان طالت المُدة 
تحسها مش مدينة 
تحسها غُدّه
حاجه كده ف جسمك 
بتطُل من اسمك وبتجري مجرى الدم 
مش فيه بلاد تتزار 
اهي دي بلاد تتشم 
واتفاجئوا بالبحر خارج من نهاية الدرب
له صوت كإنه الحرب 
نسيوا الكلام كله 
بقى كله مع ضله 
وخلوا راجح داوود 
ينهي الحكاية بلُطف

اما البلد دي غريبة يا صديقي بشكل 
مش بس طعم الأكل 
ولا ريحة الأيام الناشعه ع العمارات
لكن كمان الصدف ليها نصيب أكبر 
جاري اللي يمكن بشوفه مره ف الكام شهر 
ونتفق ع اللقا بدل التاريخ مليون  
بلاقيه ف وشي هنا 
واتأكد انه زبون 
قدّم زمان عربون وجاي معاه دُفعه 
الجار هنا بالذات مش أولى بالشُفعه 
الأولى منه المُحب 
الأولى منه اللب ف كف مبترميش 
أهو لينا حظ نعيش ونيجي مره كمان 
انا وانت م السكان لو حتى بلا أملاك
هنا البيوت مش مساكن ولّا يبقى معاك 
هنا البيوت أحضان 
ومافيش هنا ياصديق أغنى من الصعاليك 
حافي ف وشه ابتسامه يُعتبر معاليك 
ومليونير بلا قلب لازم تجوزله زكاة 
اغني الناس اللي حب ولسه حبُه معاه 
وكل من فارق 
مهزوم ياحول الله 
واسكندرية نجاه وانا وانت م الدراويش
تعيش اسكندرية وكل حب يعيش
بيرم وسيد وكل المخلوقين بالريش 
بلد الخيال مُدمن والفؤاد مؤمن 
خلطة كأنك شيخ وبتتمسك بحشيش 
زي الجمال اللي طالع من بيوت الرمل 
بوسه ف كل ترام 
صدقة ف كل طريق 
هنا كل شيء له صديق 
الليل مع الدخان 
البحر والأحزان 
الناصية والجدعان
الزردة والابريق 
والفن قبله وقُبله ع الخدود لها حس 
ف اسكندرية وبس 
واسكندرية وبس بوابة التفاصيل 
حيث الجماد له قلب 
ولاحظها ف التماثيل 
والصخر عند الموج 
هنا فيه فنادق بتبكي لما يمشي الفوج 
وفيه بشر بتخاف ع البحر م العالم 
اربط ف قلبك حاجه من فيروز وارمي الحنين ف البحر 
- شط اسكندرية ياشط الهوا -
وتعالى نوصل سوا 
من أول الشارع لآخر الحواديت 
وف اخر الحواديت نوصل لأولها 
فيه ألف حاجه هنا محتاجه نعملها 
فيه حاجات كتير مفتوحه لابد نقفلها 
ونسيب حاجات ناقصه 
نوقّف الرقصة
علشان ف وقت ماجاش 
نيجي نكملها 

#السيرة_الذاتية_لاسكندرية

قصيدة السيرة الذاتية لأسكندرية "عمرو حسن"

باعتبار اني بكره هموت - ابراهيم فرج

El Sakia TV Concerts

إبراهيم فرج - قصيدة "آخر مرة أقابلك"

ابراهيم فرج

إبراهيم فرج - قصيدة "بكرة مش زي النهاردة"

عمرو حسن ماحبتش غيرها 2020

#ابراهيم_فرج #ابيض_و_اسود
—————
Lyrics and video: Ibrahim Farag 
Sound engineering: Mohamed Samir 
—————

Lyrics - الكلمات 


قاعد بلعب عشرة طاوله 
علي ترابيزه ف قهوة عيد 
ابيض واسود طبع حياتي 
من وانا طفل لحد شبابي 
كان الابيض عندي قليل 
والاسود دايما بيفوز .. 
هما قالولي بكره كويس 
وانا صدقت وقولت يجوز 
وانا دلوقتي مشوفتش حاجه 
م اللي قالولي عليها زمان 
كل الواضح ابيض واسود 
طلعت كدبه مفيش الوان 
فين احلام وحكاوي طفولتي 
اللي كبرت صدمني غيابها 
بنت ف كي چي قالتلي بحبك .. 
لما ف يوم كسرت العابها .. 
صاحب قالي انا هبقي معاك 
نبقي لبعض حيطان ودواير .. 
قاللي يا عم ما تيجي نجرب 
فجأه لقيتني شربت سجاير 
خطوة مشيتها برجلي لبكره 
وانا متغمي مشيت للخلف 
بفرح مرة .. وبزعل ياما 
فرصه بتيجي وبخسر ألف 
ديربي بيحصل جوه حياتي 
من ايام وسنين وشهور .. 
دايما يكسب فيه الاسود 
ماتش كئيب من غير جمهور 
كنت ف ثانوي بروح يوميا 
بس الميس بتاخدني غياب
كنت اتمني اكون دكتور 
والتنسيق وداني اداب 
قولت وماله هكمل فيها 
واما اتخرج هبقي معيد 
واتخرجت وخدت شهاده 
قاعد بيها ف قهوة عيد 
هاتلي يا عيد الشاي والطاوله 
عندي مقابلة شغل بسرعه 
كل مقابله انا روحت اعملها 
لازم اكون مش شخص مناسب 
اسف بس يا عيد صدعتك 
لما هجيلك بكره هحاسب 
عيد ميدايني بالف جنيه 
وانا بسنين من عمري مداينه 
لو مش شخص مهم ف حاجه
عيد بيشوفني اهم زباينه 
عمره ما قفل القهوه ف وشي 
زي ما شوفت صحاب قفلوها
دي ما قولت لواحده بحبك 
قالت ليا انا زي اخوها
بكره يعدي الوقت عليا 
وانا مكبرتش غير ف السن 
وانا اتمني الحظ يحالف 
او يديني حقوقي الكامله 
اخد بس شوية سكر 
هبقي اقل كمان م النمله 
لكن اسوء حاجه بتحصل 
ان الاسود بكره هيكسب 
بكره تشوفي كلامي بيحصل 
لما هكركب وابقي عجوز 
واما تبصو لشعري ساعتها 
يبقي الابيض هنا بيفوز .. 
وانا ف مكاني بنفسي الحاله 
زي ما جيت للدنيا وحيد 
بغلب نفسي ف عشرة طاوله 
علي ترابيزه ف قهوة عيد

ابراهيم فرج | ابيض و اسود - Ibrahim Farag | abiad w eswed

الحساب الرسمي للشاعر ابراهيم فرج

قصيدة -سوبر يا لبّ- إبراهيم فرج

ابراهيم فرج

Recent comments

Ali Alshabh

fotoon

꧁ⓡⓐⓓⓎ꧂

أسماء

Related tracks