عفيفي

لا مؤاخذة مالها غزة   فرقة عمدان النور Gazaga

شيد قصورك | الشيخ إمام - أحمد فؤاد نجم

مصطفى إبراهيم ، تفرانيل 50&100 . 

تفرانيل 100

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 50

أنا بفضل دايما للآخر
 
 
ف جيمات الكونكان والشايب
 
 
و ف كشف الحاضر والغايب
 
 
وف حجز شقق مصيف بلطيم
 
 
أنا آخر تايب في اصحابي
 
 
وآخرهم ف الصلا ف التسليم
 
 
وف دور المدرسه في التطعيم
 
 
وفي وقت السين
 
 
أنا آخر جيم
 
 
أنا جرح قديم...كان متغطي
 
 
إكمني مشتي ولابس كم
 
 
سبتني الدنيا بستين أم
 
 
وسبتلها ميت مِلّه ودين
 
 
ولحد ماتميت ست سنين
 
 
أنا كنت بحب البني آدمين
 
 
وكرهت الناس من بعديها
 
 
علشان نسّوني أنا أصلاً مين
 
 
مش فاكر إمتى حقيقي بدأت
 
 
إنما فيه فتره فاكرها طشاش
 
 
كان فنجان قهوتي مابيفضاش
 
 
وبكلم ربنا طول الوقت
 
 
عمري ماصدقت بنات غير ريم
 
 
ويمكن دلوقتي ما اصدقهاش
 
 
آخر مره
 
 
شفتها فيها
 
 
 
كانت تقريبا بتعزل
 
 
و كان فيه سواق تاكسي منزل
 
 
ف شنط ناس حتحل مكانها
 
 
ووشوش بني آدمين معرفهاش
 
 
أنا ريم يمكن كانت قدي
 
 
أيامها... لكن دلوقتي أصغر
 
 
عارفه إن أنا يوميا بكبر ؟
 
 
وبعجز إكمني مابنساش
 
 
أنا فاكر أيام بالميللي
 
 
أنا فاكر أيام بالتفصيل
 
 
أنا فاكر يوم دفنة أختي
 
 
حتصدقي..؟ أكتر مافاكرها
 
 
وساعات بنسي ف ليله كبيرها
 
 
أنا فاكر شقة قصرالنيل
 
 
ومش فاكر حد من السكان
 
 
من صغري وعمري مابنسي مكان
 
 
أنا أصلاً فاكر بيت شادي
 
 
مع إني مازورتوش غير مره
 
 
بأمارة فيه برواز بره
 
 
كان جواه صورته ف إعدادي
 
 
كان لسه ساعتها طالعله شنب
 
 
ونا حاسس إني طلعلي أتب
 
 
من تقل الشيله و م التفكير
 
 
معلش أنا آسف برغي كتير
 
 
وبسف ف وقتك وف وقتي
 
 
أنا حاسس بدماغي بتتقل
 
 
أنا نفسي أنام
 
 
أنا عاوز أروّح دلوقتي
 
 
متشكر جداً ع الجلسه
 
 
حنكمل إمتى علاج طيب ؟
 
 
لازم حنشوف بعض قريب
 
 
أنا ماشي...
 
 
سلام

مصطفى إبراهيم ، تفرانيل 100 ، تفرانيل 50 .

مصطفى ابراهيم المولويه

اصابك عشقا - هشام عفيفي | Asabak 3eshk - hisham afifi

تجميعة من أفضل أبيات شعر سلطان العاشقين "ابن الفارض" مع مقطتف من قصيدة للسهرودى ... على أنغام وصوت يستحقان السماع
أول مقطع من قصيدة" زدني بفرطِ الحبِّ فيكَ تحيُّراً " لابن الفارض

و لقدْ خلوتُ معَ الحبيبِ و بيننا ... 	سِرٌّ أرَقّ مِنَ النّسيمِ، إذا سرَى"
و أباحَ طرفي نظرة ً أمَّلتهـــا ... 	فغدوتُ معروفاً و كنتُ منكَّراً
فدهشتُ بينَ جمالهِ و جـلالهِ	 ... وغدا لسانُ الحالِ عني مخبراً
فأدِرْ لِحاظَكَ في مَحاسِن وَجْهِهِ، ... 	تَلْقَى جَميعَ الحُسْنِ، فيهِ، مُصَوَّرا
لوْ أنّ كُلّ الحُسْنِ يكمُلُ صُورَة ً، ... 	و رآهُ كانَ مهـلَّـلاً ومكبَّـراً

المقطع الثانى من قصيدا "أبدا تحن إليكم الارواح" للسهرودى

أَبداً تَحنُّ إِلَيكُمُ الأَرواحُ	 ... وَ وِصالُكُم رَيحانُها وَالراحُ
وَقُلوبُ أَهلِ وِدادكم تَشتاقُكُم ... 	وَ إِلى لَذيذ لقائكم تَرتاحُ
وَا رَحمةً للعاشِقينَ تَكلّفوا ... 	ستر المَحبّةِ وَالهَوى فَضّاحُ
بِالسرِّ إِن باحوا تُباحُ دِماؤُهم ...	وَ كَذا دِماءُ العاشِقينَ تُباحُ

المقطع الثالث للسلطان مرة أخرى

أنتمْ فروضي ونفلي ... 	أنتمْ حديثي وشغلي
يا قِبْلَتي في صَلاتي، ... 	إذا وَقَفْتُ أُصَلّي
جَمالُكُمْ نَصْبُ عَيني	 ... إليهِ وجَّهتُ كلِّي
وسِرّكُمْ في ضَميري،	 ... والقَلْبُ طُورُ التّجَلّي
فالمَوتُ فيهِ حياتي، ... 	وفي حَياتي قَتلي
أنا الفقيرُ المُعَنّى ... 	رِقُوا لِحَالي وذُلّي
دَنَوْتُ مِنْها فكانَتْ ... 	نارُ المُكَلَّمِ قَبلي
نُودِيتُ مِنها جِهاراً: ... 	رَدّوا لَياليَ وَصلي

ثم الرابع والاخير مع واحدة من أروع ما أبدع سلطان العاشقين ومعشوقى الشخصى 

زدني بفرطِ الحبِّ فيكَ تحيُّراً ... 	وارحمْ حشى ً بلظي هواكَ تسعَّراً
وإذا سألتكَ أنْ أراكَ حقيقة ً ... 	فاسمَحْ، ولا تجعلْ جوابي:لن تَرَى
يا قلبُ!أنتَ وعدتَني في حُبّهمْ ... 	صبراً فحاذرْ أنْ تضيقَ وتضجرا
إنّ الغَرامَ هوَ الحَياة ، فَمُتْ بِهِ ... 	صَبّاً، فحقّكَ أن تَموتَ، وتُعذَرَا

تحياتى وتمنياتى بأفضل حالة من السياحة الروحية 
مؤمن توحيد الزهيرى


"رباعيات مع سلطان العاشقين "ابن الفارض"والسهرودى ... لازم يتسمع ... بصوت "زجزاج

Kefak Enta Hesham Afifi / كيفك انت - هشام عفيفي

Kolna Mganen A 7beby Hesham Afifi / كلنا مجانين هشام عفيفي

Medhat Saleh Hesham Afifi / مدحت صالح - هشام عفيفي

قارئة الفنجان - هشام عفيفي

Arrangement, Mixing and Mastering by K-ProAudio.com

طلعت قفه - كلمات و تلحين وغناء ياسر المناوهلي

يا كل حاجه كسبتها
أو سبتها
و ملحقتش اشبع منّها
اكمنّها
قالت “حنروح من بعض فين؟ "
يا ناس يا عبط يا عشمانين
ف فرصه تانيه للقا
بطلوا اوهام بقي
وكفايه أحلام واسمعوا
عيشوا بذمه و ودعوا
كل حاجة بتعملوها
وكل حد بتشوفوه
وكل كلمه بتقولوها
وكل لحن بتسمعوه
عيشوا المشاهد ,, كل مشهد
زي مايكون الأخير
واشبعوا ساعة الوداع
واحضنوا الحاجه بـضمير
دا اللي فاضل مش كتير
اللي فاضل مش كتير



‫كانت هتفرق فى الوداع ,, مصطفى ابراهيم‬‎

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

الكوتشى اللى باش - كلمات مصطفى إبراهيم - غناء محمد محسن 
http://www.youtube.com/watch?v=sikRkD4nrJQ

الكوتشى اللى باش -  محمد محسن

راجعين بقلب حديد
راجعين أمل بيزيد
خطر يروح لأمان
شجر يقول أناشيد
راجعين من الماضي
رايحين على المستقبل
بعزمنا الماضي
الدنيا تصبح أجمل
يا حياة يا حريّة
يا روح يا مصريّة
يا عيش وملح وماء
الناس سواسية
كلمة وقلناها
الدنيا تسمعنا
بلدنا معناها
قلوب تجمّعنا
اتجمعوا يا ناس
املوا الهوا بحماس
املوا الحياة إحساس
النور هييجي أكيد
راجعين راجعين راجعين يا حياة
راجعين راجعين راجعين للحياة

قارئة الفنجان - هشام عفيفي

Hesham Afifi

Recent comments

khloud

Ola Abdulmajeed

Samiira ileey.

Yousef Mohamed

Related tracks