هشام عفيفى

أغنية الدنيا ريشة في هوا
من الفيلم القصير: يوم الحداد الوطني في المكسيك
سلسلة عن الحب.. والحياة

نشيد يوم الحداد الوطني في المكسيك

مشهد من فيلم المصير

قصيدة تفرانيل 100 لــ مصطفى إبراهيم

mix:zabadymusic
Zabady ♫ | SoundCloud : https://soundcloud.com/ahmed-hamdy-2-1


تفرانيل 100

اصابك عشق - هشام عفيفي / Asabak 3eshq - Hisham Afifi

Inni Mnih - El 7agat Version Hesham Afifi / هشام عفيفي - إني منيح - الحاجات

قارئة الفنجان - هشام عفيفي

Hamdolelah Hesham Afifi / هشام عفيفي الحمدلله

يا الميدان هشام عفيفي / Ya elmidan Hesham Afifi

لو بس كنت ساعتها عارف....
إن دي المره الاخيره....
.....ميه ميه
كات حتفرق ف الوداع..
كنت هحضن سندس اللي ف تانيه تالت ع المشاع...
واحنا طالعين م اللجان...
بعد اخر امتحان...
و اسألها لو بتشوف فلان 
طب فاهمه مادة ميس ايمان؟
طب ينفع ابقي اجيلكوا عادي ؟
قصدي يعني البيت يساع؟ 
لو بس كنت ساعتها عارف....
إن دي المره الاخيره....
.....ميه ميه
كات حتفرق ف الوداع....
كنت يومها أكيد حبيّت...
عند جدي ف شقته...
نلعب ورق....
نسهر سوا....
ومش حسيبه عشان ينام ليلتها من بعد الدوا...
أو يرد الشيش عشان ضهره بيتعب م الهوا....
واقوله يعني بذمتك....
اخر نفس ساقع اخدته ف صحتك....
بقي مايساويش حبة وجع ؟
بطل دلع …
جدي اللي مات دفيان ليلتها بـاللحاف …
لو كان عرف....
إن الليلادي وداع لانفاس الهوا....
مكنش رد الشيش ف اخر ليله له....
ومكنش خاف …
كل الشوارع والمباني...
اللي مش حدخلها تاني …
والاغاني...
اللي لما سمعتها...دندنتها...
من مره واحده بالسماع …
ميه ميه...
كات حتفرق ف الوداع....
يا كل حاجه كسبتها ...
أو سبتها....
و ملحقتش اشبع منّها …
اكمنّها...
قالت “حنروح من بعض فين؟ "
يا ناس يا عبط يا عشمانين...
ف فرصه تانيه للقا...
بطلوا اوهام بقي....
وكفايه أحلام واسمعوا....
عيشوا بذمه و ودعوا...
كل حاجة بتعملوها...
وكل حد بتشوفوه...
وكل كلمه بتقولوها...
وكل لحن بتسمعوه...
عيشوا المشاهد... كل مشهد....
زي مايكون الأخير...
واشبعوا ساعة الوداع ….
واحضنوا الحاجه بـضمير....
دا اللي فاضل مش كتير ….
اللي فاضل....
مش كتير

قصيدة كانت هاتفرق في الوداع - مصطفى إبراهيم

Edelo fel7alla

"اللي حصل إن البخت ماطلعش قليّل، والفرج جالي ما رحتلهوش، جه من وسع."
"والرزق الضيّق بيريّح صاحبه ياخويا."
"بس الفرحة اللي بحس بيها لما يطلّ عليّا بتشرح قلبي، بتصبّرني لحد ما يطلّ من جديد."
حنان مطاوع & أحمد داوود

اللي حصل إن البخت ماطلعش قليل_مسلسل هذا المساء

أصل الحياه للعلم
مفهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون
لازم يكون بيلف
لازم يكون بيدور
يتقل عليك ويخف
ويعشّمك بالنور
ف نهاية المشوار
ونا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار
ومّا الزمن تعبه
قصقص شريط الفيلم
وخَد كادر كان عاجبه
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لكن في شيء ناقص
فاضي بشكل غريب

‫قصيدة مافهاش حاجات ببلاش - مصطفى إبراهيم‬‎

فلان الفلاني - مصطفي إبراهيم

من أروع ما كتب عبدالرحمن الأبنودي - قصيدة الجزر و المد

الصفحة الرسمية للشاعر مصطفي إبراهيم
https://www.facebook.com/Mostfa.Ibrahim
صوت قفلتك 
لأخر سوسته ف الشنطه
صوت طبطبة ايدك
بالراحه ع الباك باك

فرافيت تذاكر سفر
قطّعّتها اونطه
سندة عينيك وايديك
ف الباص على الشباك

فيه حاجات كتير عايزاك
تفضل كده مسافر
ف طريق ملوش اخر 
إكمنها حتموت
ف الرحله من غيرك

فيه حاجات كتير عايشاك
خايفاك تبطلها 
وحاجات كتير عايزاك
لاكن معطلها
إن إنتا مش عايز

جايز ...
حاجات منها
حتعيش وتستناك 

جايز حاجات تانيه
ف الزحمه راح تنساك
زي اللي راحوا زمان

حتبطل الدخان ؟
ولاعتك السخان 
وسجايرك البوسطن
حيموتوا من غيرك 

حتبطل الاحزان ؟
كشكولك المليان
بـقصايدك الجايه
حيعيش لمين غيرك ؟

جسمك حجزله مكان
بالعافيه جوه الكادر
ميت ايد على كتافك
ميت بصه على وشك

كل الحاجات حواليك
ف الكادر سانده عليك
لو جيت وشلْت اديك
الصورة تتفركش ...

ضلك على الحيطه 
كان خافي عنها النور 
وطلّعها بتنغمش

كفك على السفره.
من غيره كان إزاي...
مفرشها يتكرمش ؟

بصمة صباع إيدك...
لسّاها ع الشبابيك
ميت ألف تفصيله.
ملهاش وجود غير بيك
وإنتا عليك تختار...

حتبدّي مين على مين ؟
وتبدّي إيه على إيه ؟
الجاي والجايين ؟
ولا اللي خدت عليه ؟

أصل الحياه للعلم
مفيهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون

لازم يكون ...بيلف
لازم يكون.... بيدور
يتقل عليك ويخف
ويعشّمك بالنور

ف نهاية المشوار
وأنا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار

ومّا الزمن تعبه
قصقص شريط الفيلم
وخَد كادر كان عاجب
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لاكن في شيء ناقص

فاضي بشكل غريب
إيه اللي سبته هناك؟
ف تلاقي ف الكراكيب.
صورة القمر وياك 
متشاله ف الكشكول.
باصه ف عينيك علطول
وكأنها بتقول ....
بالذمه مش واحشاك ؟!!

مفيهاش حاجات ببلاش

Applied Arts ...Designer..Textile printing,Dyeing and Finishing

يا الميدان هشام عفيفي / Ya elmidan Hesham Afifi

Hesham Afifi

Recent comments

مِني خليل

Moataz Gamel

Mohamed Amrallah

Ahmed Mohy Eldien

Related tracks