الله يا مصر

الحب ... فى بلدى اتولد 
مع كل مصرى بيتولد
ساعة ميلاده يضمها وهى تسقيه شهدها
يجرى فى دمه حبها
يجرى فى دمه حبها
والحب موصول للأبد
الله عليكى ...الله عليكى
الله عليكى ...الله عليكى 
الله عليكى يا بلد
الله يا مصر 
انا كلى صوره منها
انا بنت مصر
فى غنايا تسمع لحنها
موال لمصر 
وفى قلبى ساكن حبها وبنيتله قصر
وفى قلبى ساكن حبها وبنيتله قصر 
والنصر فى حروف اسمها 
النصر فى حروف اسمها 
النصر مصر
الله عليكى ...الله عليكى
الله عليكى ...الله عليكى 
الله عليكى يا بلد
الله يا مصر 
بنحبها و بتحبنا
والحب مصر
والفرحه لما يضمنا صدرك يا مصر 
ولما بيتوه حلمنا نلاقيه فى مصر
ولما بيتوه حلمنا نلاقيه فى مصر
اية اللي جامع شملنا 
اية اللي جامع شملنا 
غير حضن مصر
الله عليكى ...الله عليكى
الله عليكى ...الله عليكى 
الله عليكى يا بلد
الله يا مصر

الله يا مصر - ريهام عبد الحكيم

عاشق سارح في الملكوت
مايهموش العمر يفوت 
يدفع في الحرية حياته
لو اكتف للحظة يموت
قلبه بيبرق زي الماس
 ولا يملك غير الاحساس
غرقان فى جروحه والامه
وبيداوى فى جروح الناس
بايع قلبه للي يحبه
ومعندوش في الحب شروط
عاشق سارح في الملكوت
ولو اتكتف للحظة يموت
طير في السما ومالوش عنوان
وفي ايده خاتم سليمان
كان عايز من الضحكة يغير ويدوب كل الاحزان
عاش الحلم كانه حقيقية 
وافتكر ان الدنيا بريئة
من طيبته سلم لحبيبته وحبيبته بتيع في دقيقيةفوق واتحرر من اوهامك 
العمر بيخلص قدامك
الطير مش هيطير في جهنم
ومفيش سمكة بتعشق حوت
عاشق سارح في الملكوت
مايهموش العمر يفوت
يدفع في الحرية حياته
ولو اتكتف للحظة يموت

عاشق سارح في الملكوت - ريهام عبد الحكيم

النجمة مالت ع القمر فوق في العلالي 
قالت له شايفة ياقمر افراح قبالي 
قال القمر بينا نسهر على المينا 
ده النور على شط القنال سهران يلالي 

شاف القمر ع الضفتين زفة وزينة 
قال ده السلام فارد جناحه ع المدينة 
والليلة تحلا بالمحبة والغنا 
اوعو تخلوا في ارضكم دمعة حزينة 
قال القمر بينا نسهر على المينا 
ده النور على شط القنال سهران يلالي 

قولوا لدموع الفرح تروي كل وردة 
خلوا الامل يبقى تمللي شمعة قايده 
حيوا اللي قال نفتح لاحبابنا القنال 
وخلوا بكرة يبقى احلى من النهاردة 
قال القمر بينا نسهر على المينا 
ده النور على شط القنال سهران يلالي 

النجمة مالت ع القمر فوق في العلالي 
قالت له شايفة ياقمر افراح قبالي 

قال القمر بينا نسهر على المينا 
ده النور على شط القنال سهران يلالي

النجمة مالت على القمر

حبيبتى من ضفايرها طل القمر
و بين شفافيها ندى الورد بات 

ضحكتها بتهز الشجر و الحجر
و حنانها بيصحى الحياة فى النبات

حبيبتى بتعلمنى احب الحياة 
من حبى فيها حياتى شمس و ربيع

و الحب فى الدنيا دى طوق النجاة 
لولاه يضيع قلبي المحب الوديع 

يا حلوة يا بلدنا يا نيل سلسبيل 
بحبك انت رفعنا راسنا لفوق 

لو الزمن ليِّل ما يرهبنا ليل 
شوقنا فى عروقنا يصحى شمس الشروق

للحلوة قلب كبير يضم الولاد 
وزاد وزوادة وضلة وسبيل

الموت و الاستشهاد عشانها ميلاد 
و كلنا عشاق ترابها النبيل 


حبيبتى من تنهدها حن الوتر
غنت سحر صوتها الشجر والنخيل 

و اتعلم النجم البعيد السهر 
و ساب سماه و سرح فى موجك يا نيل

حبيبتى غنوتها غيطان الحنان 
شموسة صافية نورها ما ينطفيش

فى حضنها بنرتاح و نلقى الأمان
نعيشه حتى ان متنا ليها نعيش

يا حلوة يا بلدنا يا نيل سلسبيل 
بحبك انت رفعنا راسنا لفوق

لو الزمن ليِّل ما يرهبنا ليل 
شوقنا فى عروقنا يصحى شمس الشروق

للحلوة قلب كبير يضم الولاد
و زاد و زوادة و ضلة وسبيل 

الموت و الاستشهاد عشانها ميلاد 

و كلنا عشاق
و كلنا عشاق ترابها النبيل

حبيبتي من ضفايرها طل القمر - هدى عمار

بلادى بلادى بلادى .. هو ليه بقى موتنا عادى ؟
مصر يا ضهرى اللى محنى .. لا ارتويت ولا نيل لمحنى 
واللى آمنته دبحنى لما أعلنت اعتراضى
مصر يا وجعى اللى زاد قتلوا قدامى الولاد 
لبسونى توب سواد وانتى حبسوكى انفرادى
مصر سيبك من كلامهم .. كدبهم خافى سهامهم
شوفنا ايه غير انهزامهم .. والخداع وضع اعتيادى
هيقولولك ايد خفية .. وقلة صايعة وبلطجية
لسه فاكرينك هفيه .. تنسى حقك بالتراضى
فوقنا من تامر في غمرة .. جات مذيعة عاوزة عمرة 
تفزع الناس م المؤمرة يحيى أعلامنا الحيادي
 مهما هيداروا الحقيقة .. يوهموكي ب 100 طريقة
برضوا ايدهم مش بريئة م اللي عملوة في النوبادي
قولي للباشا اللي واهم .. أني حافظة وهو فاهم
مهما يضرب أو يداهم .. هرفض الآمر السيادي
فاكرية لو هو ناسي .. بكرة مش دايما الكراسي 
وأن ردي هيبقى قاسي .. لو فضل ظالم وسادي
مصر يا غاية أندفاعي .. لسة جوه البيت أفاعي
محتاجين مليون رفاعي .. يجمعوا عزم الايادي

لسة جوه البيت أفاعي

أصل الحكاية - التراس وايت نايتس

طعم البعاد صبار
والغربه ليل بهتان
ياقلبى يا موجوع
اياك تكون قلقان


لو طالت المسافات
انا والامل اخوات
وتالتنا كان الليل
ده انا ليا فيها النيل


وليها فيا الروح
ماخترتش انى اروح
مانا جوعى كان كفران
ملعون ابوك يا طموح


اخرك تشوفلى كفيل
لكنى مش قلقان
تذكرتى رايح جى
انا مش فى بلدى عويل


لكنى مش بتشاف
زهره سنينى عجاف
مع انى ليا عزيز
افتونى فى رؤياي


لموا الامانى ازاى
حطوها على الباسبور
احلامى صبحت بور
ممنوع عليها الضئ


لكنى مش قلقان
تذكرتى رايح جى
البعد عنك خوف
وانا على الرجوع ملهوف


لكنى هعود ازاى
ومكانى كله ضيوف
ياقلبى ياموجوع
يا اهه حاضنه دموع


حب البلد بيعيش
لما يموت الجوع
ياحضن بيساعنى
واحتجت له وباعنى


ساعه مامد ايديه
شاور وودعنى
لكنى مش قلقان
تذكرتى رايح جى

حمزه نمره - التغريبه

بلاش دموع يا أمي 
فيه أهم كتير حاجات
اتحقق بعد حلمي
ولا مع موتي مات ؟؟

احكيلي أنتي الأول
أنا لو حكيت هطول
ما عشان بحب بلدي
كان لازم تضحيات

أيوه مت لمصر بلدي
أحلي موته .. ده أنا الشهيد
بس وحياتك قوليلي 
إن فيها حصل جديد

لما مت ده كان تحدي
إني اجيب الخير لمصر
مش عشان مصلحتي وحدي
ولا نفسي اعيش في قصر

هو أنا سايبك لواحدك
ده أنتي أم لأي حد
أي مصري هتندهيله
هتلاقيني فيه بجد

اطمني يا أمي
فيه لسه فيها ناس
غالي عليهم دمي
شيلي دموعك خلاص

يمكن مش هتشوفيني تاني
في البيت مش هتلاقيني
ابتسمين بقي يا أمي
دي مصر هي الأساس

أم لأي حد - أحمد سعد

حكموكي ما حكموكي - مسلسل علي الزيبق

مقتتفات رائعة من قصيدة على أسم مصر للعبقري صلاح جاهين

علي أسم مصر - حسن عبد المجيد

عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!

يا أحلامي الكبيرة .. ما بين أمل وحيرة
سرق الزمان صوتي .. قبل الغنوة الأخيرة !!
يا عصفوري الحزين .. سافر وانسى الحنين
خد مني ذكرياتي .. رجّع تاني السنين !

عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!

يادمعة من بكايا .. بتدور ع النهاية !!
بنعيش نفس الحكاية .. أنا وانتا م البداية
يا عصفوري الجريح .. ليه تعشق التجريح؟
صوتك ده ولا صوتي .. اللى انكسر في الريح ؟!

عصفور في ليلة مطر - حنان ماضي

البحار مندي - حنان ماضي

يوماتي بفطر أمل وأتعشى بالاحباط .. خبتي بتركب جمل ودمي رحتة شياط

يوماتي بفطر أمل وأتعشى بالاحباط - محمد المهدي

أفتح بنموت - اولتراس وايت نايتس

محمد محسن - بندعلكم

سالت نفسي كتير - أحمد سعد

اهل كايرو - حسين الجسمي

صرخة العشرين - وايت نايتس

أنا لوحدي - أحمد سعد

بانو بانو - سعاد حسني

ملعون م الساس للراس 
ملعون مين يظلم الناس 
ومين جبل انه ينساس للظلم 
مطعون ومنداس 
ولابد من يوم معلوم 
تترد فيه المظالم 
ابيض علي كل مظلوم 
واسود علي كل ظالم

ولابد من يوم معلوم - علي الحجار

مركب ورق في البحر - ريهام عبد الحكيم

كلمات : أشرف جميل فايز
توزيع : أحمد كمال
الحان : ياسر المناوهلي

زنزانة - ياسر المناوهلي

أنت تقدر - محمود العسيلي

يا ليتة يعلم - فايا يونان

ملعون أبوك يا سكوت أنا حلمي مش هيموت
لو سلسلوا خطوتي أنا لسه فيا الصوت
لو كل يوم سحلوني وبظلمهم عروني
لو بالرصاص قتلوني مش هرضي ع المسكوت
30 سنة واكتر صابر ومستنظر
وبحايل الايام علشان في يوم أقدر
أقدر أقول الحق وأصرخ واقولها لأ
مسمار في نعشه أندق والشعب خط أحمر
قالوا لنا ياما زمان يا بخت اللي بات مظلوم
وقالوا اللي يعيش جبان هيموت كريم مستور
ملعون أبوك يا ذُل لو كنت يوم الحل
ملعون أبو الظالم واللي يبات مظلوم
ملعون أبوك يا خوف أنا لسة قادر أشوف
جايلك في ايدي الضي جايلك معايا ألوف
لو عيني صفوها وأحلامي حصروها
لو روحنا سرقوها واقفين لموتنا صفوف
أهين يا بلد العجب من ظلم حكامك
هو عليكي انكتب تشدي في حزامك
في أي شرع ودين دمي يسيل ع الارض
حبسوني في الزنازين هتكوا الحقوق والعرض
دوس علي الزناد نشن اضرب كمان واقتل
صدري اهو مفتوح لك ولسه أنا مكمل


ولسة أنا مكمل


ملعون ابوك يا سكوت

أنا مِصْرِيٌّ بناني من بنى...... هرمَ الدَّهرِ الذي أَعْيا الفنا
وَقْفَةُ الأهرامِ فيما بَيْنَنَا....... لِصُروفِ الدَّهرِ وَقْفَتي أنا
في دِفَاعِي وجِهَادِي للبلاد.....لا أَمِيلُ لا أَمَّلُّ لا أَلِيْن
        لكِ يا مصرُ السَّلامة ......وسَلامًا يا بلادي
          إنْ رَمَى الدهرُ سِهَامَه..  أتَّقِيها بفؤادي
                   واسْلَمِي في كُلِّ حين

اسلمي يا مصر

ريهام عبد الحكيم تسأل ولا مجيب

بالورقة والقلم - ريهام عبد الحكيم

يا مصر هانت وبانت كلها كم يوم .. نهارنا نادي ونهار الندل مش باين
 كتبها تميم البرغوتي اواخر يناير ولحنها وغناها في التحرير الشاب مصطفى سعيد

يا مصر هانت و بانت كلها كام يوم
نهارنا نادى و نهار الندل مش باين
الدولة مفضلش منها إلا حبة شوم
لو مش مصدّق تعالَ ع الميدان عاين
يا ناس مفيش حاكم إلا من خيال محكوم
و اللى حيقعد فـ بيته بعدها خاين
اللى حيقعد كأنه سلم التانيين للأمن بايديه و قالـّه همَ ساكنين فين
وصلت لضرب الرصاص ع الخلق فى الميادين
حتى الجثث حجزوها اكمنهم خايفين
يا مصر أصبحنا أحيا و ميتين مساجين
فاللى حيقعد فـ بيته يبقى مش مفهوم
و اللى حينزل إلهى حارسِه و صاين
يا مصر هانت و بانت كلها كام يوم
نهارنا نادى و نهار الندل مش باين
 
 
نهارنا نادى و بايدينا على فكرة
و الصبح كله فضول راح نعمل ايه بكرة
إيده على الباب و خايف يلمس الأكرة
ادخل يا أستاذ براحتك و البلد حرة
إحنا زهقنا نشوف الصبح من برة
ادخل و خرّج بقايا العتمة بالمرة
الناس دى حرة و جنود الأمن مضطرة
يا صُبح طلعّت روحنا لاجل تيجى ياخىّطالعين نجيبها اهه
فى كل حارة و حىّحتى و لو ضربونا بالرصاص الحىّ
شوف المداين كدا مفروشة خلق و ضىّ
دايما مفجأة و دايما وقتها معلوم
الحكم لينا و ليكى الحق يا مداينيا مصر هانت و بانت كلها كام يوم
 
 
يا صف عسكر بدال الدرع شيلو اتنين
25يناير يا شباب فاكرين ؟
كان فى انجليز و وزير الداخلية تخين
كان عنده برضو عساكر زيكم جامدين
سابهم يموتو علاوله لمْ سأل فيهمكانو شبهكم
أساميكم أساميهم
يا عسكرى البهوات اللى بتحميهم
ممكن يردو عليك لما تناديهم ؟!
يا عسكرى أنا أصلى بس باستغرب
لو لاقى تاكل و تشرب .. قوم يا عم اضرب
إضرب عشان الوزير من ضربتك يطرب
لكن حتشتغل ايه لما الوزير يهرب ؟!
 
 
أمّا الشديد القوى القادر أبو القادر
برميل تلامة نشع على مصر م الآخر
لو شافته مِعَدِدَة تكتب أدب ساخر
ثابت يقول للهرم يا كابتن اتاخر
و لم يزل معتقد إن الهرم حيقوم
آدى الحجر و البشر قايلين يا سيد القوم
و الدين حيترد ياللى عشت مِدّاين
يا مصر هانت و بانت كلها كام يوم
نهارنا نادى و نهار الندل مش باين
 
 
ده حكم أسرة و لا خوفو و لا خفرع
و لا وجع بطن يتعالج بزيت خروع
عمل مسوجر بعيد عنك و لا يطلع
.جربنا فيه كل شىء مَ لقينا شىء ينفع
مطلعش بالأدوية جربنا ألف طبيب
و لا بعطارة شيوخ ليهم بلح و زبيب
و لا بجحفل مغولى و ضرب بالقباقيب
عمل مسوجر و سُفلى شغل تل أبيب
و شغل أمريكا متغلّف و ختمه عليه
ضيف زارنا ياعم من غير دعوة لابس بيه
قعد تلاتين سنة مبيقولش قاعد ليه
و النية يديها لابنه النابغة بعديه
و يقول قضا و قدر بين البشر محتوم
قلناله طيب و مين قال القدر معلوم ؟
و ايش عرّفك يا فخامتك بالذى كاين ؟
!يا مصر هانت و بانت كلها كام يوم
نهارنا نادى و نهار الندل مش باين

‫يا مصر هانت وبانت - تميم البرغوثي

أغنية ضحكة المساجين من البوم ضحكة وطن
كلمات الخال عبد الرحمن الأبنودي وغناء علي الحجار

تغازل العصافير.. قُضبانها
زنزانة لاجلَك كارهة سجّانها
دُوق زيّنا حلاوة الزنازين.
***
على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين.
***
والشمس شُعْلِةْ عِنْد.. رافضة تغيب
وفكْرها يودى معاك.. ويجيب
الشمس تحزن زى أى سجين.
***


علي الحجار - ضحكة المساجين 1

ضحكة المساجين 2
كلمات الخال عبد الرحمن الأبنودي وغناء علي الحجار

الصرخه هادية بس .. هزة الكون
قال الغشيم للوردة خبي اللون
إيش يفهم التور في هوا البساتين؟
 مابيتوبوش ولا اللي فات علمهم
ما بيسمعوش في الدنيا إلا كلامهم
مالهمش في حوار النبات و الطين
 الشر في طرف الميدان يسكر
و الفجر يطلع تحجبه العسكر
وانت بتكتب سكه للجايين
 تطمس معالم ثورتك يا شباب
أهو زي صفحة بتتقطع في كتاب
 و الدنيا تهدى و يرجعوا الغايبين

و مصر عارفة و شايفة و بتصبر
و لكنها في خطفة زمن تعبر
و تسترد الإسم و العناوين
ولا كانش في ثورة ولا ثوّار
ولا شعب مصر الغاضب الجبار
ولا 11 أبصر ايه .. ولا عشرين
ا وليدي ميل قول لإخوانك
تاني رجع من خان و أهو خانك
و السجن مش شبعان شباب صالحين
يحلموا يعودوا إلى ما كان
و قضاه تحررهم فلان و فلان
و كأن لا ثورة ولا حسنين
لسه اللي حكمونا أهم حاكمين
بينوب عنهم بس ناس تانيين
و إنتي أسرى علبة السردين
و مصر عارفة و شايفة و بتصبر
و لكنها في خطفة زمن تعبر
و تسترد الإسم و العناوين
 و إنت قمر سهران مع الصحبة
حالمين ببكرة و جنته الغايبة
و متبتين في الحلم مش صاحيين
يا ام الشهيد رجعي الدمعه
الدنيا شايفه وكلها سامعه
و اللي سرق هيخبي شيلته فين
ولدك ضياء الفجر بمقاسه
وطننا عارف عزوته و ناسه!
أجيال بترحل و الجداد جايين
و كل ما الصوت البليد بلد
لا تبتأس من الظلم و تجلد
مين ده اللي يطفي شعلة الصادقين

علي الحجار - ضحكة المساجين 2

أحنا الصوت ساعة ماتحبوا الدنيا سكوت
#أفتح_بنموت

Popular tracks by Muhammed Magdy