الإلياذة الأولى: وَهمْ 


Written & Performed By: Iliady | الإلياذيّ
Mix & Master By: RAKA Studio

LYRICS:

1st verse
ما بعرف إذا لسا رح ترجع تشرق شمس ع ذائقتي
و لإيمت بدي ضل عم قول أنو هذا وقتي
عندي مخزون ما اختمر أكتر ما انفتح عزا بأرضي
كاره أنو الوحي ما بيجي إلا بعد أذى نفسي
لو بعبر عن كل وجع بتكون كل مصيبة سطر
بكون ديوان بألف قصيدة شعر
بستغرب من مشاعري؛ كيف رضيانة بجحيم! 
و شايفة الغاية قريبة رغم أنو البعد سحيق.. 
رغم كل شي ما عم بيأس؛ من عيونها بلمح نور
للأسف وجودها بحياتي صورة بالمحمول.. 
بلقى ملاذ بالموسيقا، مشاهد من عاطفتي بشيّدا 
بتأنى بخطواتي؛ بحب رويداً رويدا! 
بلقي بصوت رتيب عادي، متل مجيب آلي
اخترت هالطريق حتى لو مش طريق مثالي
ضوء بآخر النفق، بريق عيون مع الشفق
رغم قلة شيوع الأمل قلبي ب هالمسار اتسق

chorus
كيف حَواسي نفسي؟
و أنا تعبت كل حَواسي 
تاهت أفكاري
بين إرضائي أو إيذائي 
كيف حَواري تعبي؟ 
السطور تعبت من حِواري
زهقت كلماتي 
جلست عاجزة إزائي

2nd verse
بلغة تقليدية؛ قلبي بيطير إذا حكينا
فاتح جنب كتابي راديو بسأل الإذاعة : "وينا" ؟
صعب توصلك الحالة؛ مانك عايش يلي داخلي
مشاهد مع خيالك، دايماً ليلي داخلي 
حزينة.. وساوندتراك صدى كمنجة
بس لما روحك تتلاشى بتلاقي الصداقة منجى
زمان كنت أكتب الفيرس خلص شق ورقته وأنسى
و أول رفيق ب هالطريق سرقته فرنسا.. 
المؤسف بحالتنا أنه نسيانك مش مؤثر ع كينونتِك!
الي بعيوني مش مؤشر ع سعادة؛ لأ هي صورتِك! 
بعرف أني مش حالة مناسبة لأناكِ
سواء عبود أو الإلياذيّ، صعب يكون هيك.. 
يمكن بالنسبة إلك رقم، بس الفرق، إلك محسوب
لأنو أنتِ فعلاً وهم، بس أنا فيكي مش موهوم
أنتِ حالة صراع فكري مع عاطفتي
لأنك خيالات بتحوم؛ مشاعري معا طفتِ

Facebook: https://www.facebook.com/iliady.sa.3

Iliady | الإلياذيّ

Popular tracks