sa’n sa’n sa’n na yung sabaw
na sa lalamunan lulusaw?
sabaw na pumupukaw
sa kaluluwang nauuhaw
sa malasang hagod 
lunas sa kamalasang pagod
buhos ng kalakasan para makayanan
arawang kalam at kayod

*
nilaga, papaitan, basta malinamnam
lagok kay bulalord reppin sinigang gang
batchoy, mami, lomi, hwag lang maligamgam
mas nakakalapnos mas ayos sa pakiramdam

**
sumabay sa bounce-bounce, sabaw bounce
sumabay sa bounce, sabaw bounce
sumabay sa bounce-bounce, sabaw bounce
sumabay sa bounce, sabaw bounce

anak ng bahaw! 
ano ‘to pinagmumugan?
sinabawang kagutuman?
gusto mo ‘kong mabulunan?
kada ‘sang kurot ng ulam (kulang)
‘sang tabong sabaw (uhaw)
matabang pa sa kumusta 
ng ex mong nangayaw (wow)

***
sardinas, noodles, pagpag
‘sang timbang tubig dagdag
walang manguya, walang lasa
walang sustansyang ambag


***

* 

**
**
**

~~
BLKD (2021)

Sabaw Bounce [prod. by Calix]

noong mga panahong nakakahon tayo
mga kalolo-lolo-lolo-lolohan nyo
naging paborito ng mga dayong mananakop
pabor ro'n, pabor rito ang nahahakot
sa madaling sabi sila'y kumampi
sa mga kaaway imbis na gumanti
kapalit ay kapangyarihan at posisyon
maliit na nasasakupan at komisyon
nang lumaon, sa paglaya raw ng Pinas
mga ninuno nyong pinuno kuno nagmatigas
natikmang lakas, 'di na matakwil
kaya ugat ng pamumuno nyo ay pagtataksil

balat-kayong demokrasya
paghahari ng iilan
masa'y 'di mapagkasya
gahamang karnabal

**
kayo, kayo, kayo-kayo na lang
kayo, kayo, kayo-kayo na lang
kayo, kayo, kayo-kayo na lang
iilang angkan, kayo-kayo na lang

ngayon, tuloy pa rin paghahari-harian
bilang pa rin ang apelyidong makapangyarihan
paano, ang turing sa tungkuling natamasa
ay para bang ari-ariang naipapamana
sa asawa, kapatid, anak, apo
hanggang sa kone-koneksyon ng kamag-anakan nyo
mula taas hanggang babang pwesto tinauhan
alagang-alaga, tanggapa'y binakuran
at kung may kumalaban man
pamilya't personalidad ring sadyang
yama't impluwensya labis na
panginoong may lupa, negosyante, artista


**
**

bilang na ang araw ng kalakarang
kapangyarihan ay hawak ng iilang angkan
tuluy-tuloy lang sa pagsusulong ng pagbabago
ang mga tunay na kinatawan ng karaniwang tao

Kayo Kayo [prod. by Calix]

tayo
tayo ay ‘di dayo sa tanghalan ng tagumpay
walang bago sa panalo at lagapakan ng mga kamay
tayo ay mga mandirigma
matatapang, matatalino
mga alamat
na halos makulong sa anino
 
 
kayo
kayo ang nagsilbing suhay at patnubay
dagdag-kulay at buhay sa paghahasa ng husay
 
kaya saludo! sa iilang nag-alay ng makakaya
saludo! sa iilang nag-aalay nang samasama
saludo! sa iilang dumami at dumarami pa
 
handog namin ay lakas, tapang, at talino
tuluy-tuloy nating tulung-tulong tanglawan ang anino
ang mga bisig na ibinubuka sa dakilang pag-aalay
ay gawin nating mga bisig na kapit-kapit sa paghanay
tungo sa tagumpay!
 
tayo!




(2017)

BLKD

Popular tracks