GHENOS CAEDO

Ghenos Caedo

Estinguiti razza parassita do' Criatu.
T'agghiuttissi un niuru pittusu
chi da' li stiddi ti sterminerà.

Genocidiu a tutti l'infami ro Criatu
chi la terra, marturiaru cu' 'nu sputu
e uricaru, sutta 'na petra ri tabutu
li figghi e li suli, chi avianu illuminarini li viti.
Ma lu vilenu, iddi chiantaru nna li cori
senza amuri, nni jittaru 'no fossu da disperazioni
eterna e scura.


3 - Ghenos Caedo

HAGGAR

Haggar nmaliritta voli 'u diu re
chi cunnuci 'nta la schina
ingubbuta e allavancata.
Haggar schina totta
chi dispiaciri avi pi' ttia
t'incantina ala malasorti
e ti suca 'u chiantu toi.

Haggar strica totta
Haggar strica ritta
Haggar lingua totta
lingua morti.

Curta niscimi canceca
ascara murta inveci ri curmu
...e sia la morti chi sirvìu.

Ora chi 'nfoca lu mari e lu tronu
astutami l'incantu chi rusica lu scuru
apimi un cielu chi stiddi avrà pi' mmia
e surtilegia frarici agghiuttiti pi' ttia.

Haggar! Haggar! Haggar!


La Caruta di li Dei - Haggar

VENUSIA

Ora chi lu cielu s'agghiuttiu lu misteru
potta a Ursus la nuvena e a Keleu 'na catina nova.
Haggar trama ad Arus e nun ci sarà mai cchiù Aurora
e Asciati Nesba prea picchì 'un ti cali 'ncoddu pena.
Venusia, Venusia, Venusia.

''Ho posato sui tuoi occhi un petalo di luce
ma invece di illuminarti ho accecato il tuo destino''


La Caruta di li Dei - Venusia

Prei

Peddi la cuscienza finisci la spiranza
si placanu 'i tammura di focu di lu to cori
arresta senza.
S'astutau la niura fiamma
e la caruta di li dei nun ci sarà!

Trona e timpesta nun sirveru a liberarimi
lu to' cori incatenasti a lu diu chi fa suffriri.

Arretra martiriu 'nmaculatu
lu to regnu è senza tronu
scinnisti p'agghiunnari
e lustru 'un viremu cchiù!

Prei pi' la caruta di li dei
ma li dei 'un carirannu mai.

There is no place where you can go
You won't find yourself, follow his hands.
You pray for their fall
always feel your heart
soul sacrifice
in the hands of the gods.

La Caruta di li Dei - Prei (bonus track 2008)

IN UTERO

Dimmi mia cara
quale tormento affligge il tuo cuore?
Seppur vero che l'animo trabocca di passione
il tuo malinconico sciupa lacrime in un mare.
Dimmi cara, la mia sposa incompiuta
quali sospiri affollano il tuo ventre?
So che è duro accettare e dimenticare
ciò che il tuo cuore conosce senza sapere
e mai ardore vivrai, anemica anima mia
...e così per sempre sarà.

Ave Matri picchì di lu Criatu immaculata siini tu?
Ave pura ceccu tra li to' vesti 'unni s'ammuccia la lussuria.
Ave Matri lu to' ventri 'mmaculatu a lu scuru runa luci.

Luna nun c'è cchiù chi ammuccia 'u suli a li to' occhi
chi orvi tastìanu pi' la via addulurata
un ventu trasi tra li cosci senza smonini la vita
e un lustru adduma la to' anima chi a lu scuru arresterà.

Li suspira baddìanu comu un focu ri cannila
e agnuniatu lo to' scantu scava un niru senza amuri
e nun c'è ciuri senza terra chi a lu lustru 'oli ambiri
e sunca comu pò l'amuri senza sapuri germogliari?
E mai ardore vivrai
anemica anima mia
e mai passione ci fu
che colse dal tuo ventre amore e nulla più
...e così per sempre sarà.

Binirichi tutti li stiddi chi hannu tantu lustru ri sfaddari
e jautu l'occhi toi sannu aspittari.
Suspiri e disìi lassali iri
chi nuddu li senti e 'un si ponnu castiari
ma ammucciati cchiù 'n funnu e la to' ummira lassa pallari ri ttia.

Sula cunnuci lu to' peri senza viòlu
chi l'abissu ricanusci e chi la sorti 'nmaliritta 'oli abbarari.
Sula cunsoli li to' carni flagellati
senza un suli chi l'abbrucia... e chi mai li amerà.

Dintra di tia scurri un ciumi r'amuri
chi straripa 'unn' egghiè
nutricannu li cori
ma è lu toi chi va murennu senza ventu chi lu smovi
e pi' la Cruci eni prontu
lu to' ciumi di sangu e chiantu.



INCHIUVATU - In Utero

AMMUCCIA

C'è un mari di rina chi lu viòlu ammuccia e urica
chi tu a navigari pi' l'addeu morti 'unn'aviri, ora...
...quannu unni è ura.

C'è un tirannu bonu e giusto
chi la Cruci voli additta
e lu to' ventri siminatu a cui tu abbari sula
e un re lu tronu temi
e lu sangu sempri abbivira.

C'è un ciumi ri sangu di criaturi innucenti
chi ti lassi narrè affucati in un mari di chiantu...
...ma chissu nun lu viri.

C'è incisu nni la carni chi la sorti toi è pinari
ma c'è cu ti cunnanna e puniri voli lu so' donu
e la Cruci lesta veni
...e lu sangu sempri abbivira.
Pi' morti germogliari.

Ammuccia l'addeu tra li vesti di la notti scura
strascina la to' sorti niura oltri la rina di lu Nilu.
Stiddi in cielu 'un ciccari chi l'addisìi 'un ponnu arramiri
comu li faiddi foru astutati
comu lu to' focu chi mai s'adduma.

C'è un mari di rina chi lu viòlu ammuccia e urica
chi tu a navigari pi' l'addeu morti 'unn'aviri, ora...
...quannu unni è ura. E lu sangu sempri abbivira.


INCHIUVATU - Ammuccia

MATRI ADDULURATA

Tri jorna spiddutu tra li petri ri Jerusalemmi
chi fici 'un si sapi ma tra 'i dutturi l'attruvaru
la so lingua mirlittiata cu' iddi arraccamava
e cun coppu ri tussi rissi pure trentatrì.

Matri addulurata
da lu misteru ormai crisciutu.
Matri nmaliriciuta
chi da la Cruci sarà trafitta.

La so' sapienza ai duttura rivilava
chi iddu è figghiu di lu Patri
e a lu tri 'u so' postu aviva
ma a lu ciancu di matri si misi giuriziusu
accettannu l'obbedienza e lu camminu di lu fatu.

Uscati la luci chi stu misteru ti fa orvi l'occhi
la to' grazia ormai spirìu e lu scurusu fatu accetti e cunotti.

Pasciti a suspiri chi prestu iddi si trasformerannu in chiantu
fussi statu bonu un viteddu
lu to' amuri unn'avissi murutu invanu.

INCHIUVATU - Matri Addulurata

TRAFITTA

Eccolo il giglio, sporcato d'infamia
lordato dalle vostre oscene parole.
Non sia mai che il sacrificio
venga inteso come il gesto remissivo o vano
di un essere inerme privo della possibilità
di scegliere... il proprio destino?

Ed eccolo il Figlio
caricato della gloria
una pena svilita dalle vostre meschine passioni.
E sia che il quel viale scorra il sangue
di chi crede che la sofferenza fortifichi
l'animo e purifichi la nostra essenza.
Sia fatta... Si compia la sua volontà.


Trafitta matri mea 
chi lu so' cori misi in un focu
pi' currìu chiantu 'nn'aviri e japiti l'occhi l'abissu 'un finìu.
Trafitta la to' carni chi lu piaciri la sorti niàu
zoccu veni nni pigghiamu fussiru rosi o addiculi ruci.

Eccolo il cuore trafitto dall'amare
e da uno oscuro volere.
Trafitto dalla pena di chi sa 
spegnere il tuo cielo.
E sangue farà piovere su noi
e il pianto che mai più cesserà.

Addimùra lu suli 'n cielu e pi' l'addevi jocu 'un sarà
di neuli si inchi lu cori mentri la terra s'agghiutti lu sìu.
Trascina la to' Cruci di pena e pi' lu viòlu chiantu 'un vuliri
a chi servi aviri un cori quannu li spini su' cchiù beddi ri un ciuri?




INCHIUVATU - Trafitta

ETERNA GLORIA

Matri eccu to' figghiu e lu so' Calvariu
mentri niuri neuli astutanu 'u cielu.
Patri vulisti lu cori cu' disìu firiri
pi' cuntarini a tutti lu to' 'mbrugghiatu misteru
...e mancu eni veru.

Teni inchiuvatu a la Cruci un nutricu 
nuccenti chi 'unn havi piccatu
crisciutu pi' l'armali sfamari
e 'u jaddinu divintari paschera.

Cielu eccu 'u to' suli chi jornu nun fa
li tenebri arregnanu e lu viòlu nun c'è
...e mai ci sarà.

Matri quantu figghi comu stiddi
tu a taliari naufragari nni stu mari senza funnu.
Matri quantu sangu abbivira la so Cruci
e nenti mai viremu poi germogliari.

E tu sacrificannu lu to' amuri
criscisti 'nfernu 'n to' to' cori
quali manna arricugghisti?
E iddu chi dda lu cielu sta a taliari
quali miseru piaciri si godi a virini suffriri?
...in eterna gloria!

L'eterna gloria di la Cruci nni siminau
un cuddaru chi schiavi nni teni
e un miseru cielu chi sangu nni chiovi.
Crita senza vita e maravigghi
taliatini 'n Cruci appizzati chi semu beddi
ora brillamu comu li stiddi.



INCHIUVATU - Eterna Gloria

SCRUCIFISSU

Scrucifissu, scrucifissu, scrucifissu...

Scrucifissu ra Cruci vuluta do' Patri.
Inchiuvatu pi' un munnu ri 'nfami salvari.
E si lu 'nfernu regna ro to' cori
lassa iri 'n cielu un chiantu
lu to' sangu Cruci pasci
chi pi' 'u viòlu 'n coddu 'a puttari.

Ogni Cruci havi un malu tirrenu
'unni fu chiantata e abbivirata cu' duluri
lu so' Calvariu ti germoglia nni lu cori
piddutu lu to' viòlu prima do' tempu mori.

Lu Patri, lu Figghiu e lu Spiritu Santu
vosiru pi' mmia 'sta vita ri turmenti
ma a mmia m'avissa abbastatu un vitidduzzu
d'adurari mentri campu
e godiri di la vita comu un pazzu
...e 'nveci chianciu, e lu sangu jettu.

Ora e pi' sempri nmaliriciu li to' uci
nun c'è Diu nun c'è Cruci Santa
chi lu me sangu brama.
Tutti li luni cancellavi do me cielu anniurutu
e li stiddi astutavi a una a una
e mai cchiù un addisìu...
verrà a scotimi lu cori
e mai cchiù lu to' Diu
sarà turmentu pi' l'amuri.
Jo sugnu SCRUCIFISSU!




INCHIUVATU - Scrucifissu

SANTA BALATA

Uricatilu nto nmalirittu sepolcru
e astutatici lu cori
cu' 'na SANTA BALATA.

Santa balàta chi sigilla
lu sepolcru nmalirittu.
Santa balàta chi sigilla
lu sepolcru di lu mortu.

Aisavi 'n capu 'a balàta
un vistiolu r'oru vistutu.
Ma dopu tri jorna
chiddu ri la Cruci... alliviscìu
e un jaddinu ri rosi
un disertu addivintàu.

(Annata Santa...)

Venga la Santa Balàta!
Venga la SANTA BALATA!









INCH Productions

Popular tracks